قبل شوي اشتريت أغراض كثير ومنهم دمية وطلبت يركب لها بطارية . لما وصلت البيت مالقيت الدمية .شكلي طلعت قبل ما استلمها من العامل. الطريق مايساعد على الرجعة. اتمنى من موظفة الكاشير الاحتفاظ بالاغراض إلى بكرة والفاتورة معي
السلام عليكم حابة اشكر موظفين والموظفات ع تعاملهم الحلو والكاشيره تعاملها جدا جميل من ابتسامه ورد جميل الله يسعدها وبرضوا اشكر طيبة وانور وفضل والالعاب ف قمة الروعة يستحقون عشر نجمات
تعامل احد الموظفين من الجنسيه اليمنيه باسلوب غير احترافي واستفزازي السكوتر الكهربائي جودته سيئة جدا وسعره مرتفع خرب من اول استعمال المسامير غير ثابته والشاحن مايششتغل ورجعت للمحل بنفس اليوم وجرب اكثر من شاحن عشان يلقى المناسب ولا عليه ضمان (سعر غالي على جودة رديئة وماعليها ضمان)
اسواء فرع. لاسباب عدة ١- الموظفين تسالهم عن اللعبة المطلوبة يقولك مافيه وتلاقيها موجودة بكميات لكن ماهم عارفين وش الاسم اللي تقصدة. ٢- مافيه اي مساعدة للزبون نهائياً من ناحية الاسئله ٣- تلاقي اللعبه نفسها بنفس الصفة باكثر من سعر (التاق وليس الحساب) ٤- لا يوجد تعليف ٥- معاي تغليفي الخاص و اخذو مني ١٠ ريال على التغليف و بالنهايه العامل ما يعرف يغلف انا اللي غلفتها. ٦- الالعاب كلها مغبرة، و يناظرونك بشكل غريب اذا قلت مغبر امسحوه قبل تغلفونه. محل حرام متوفر فيه كل شي لكن مشاكل الموظفين غلبت عليه تسال ولا من مجيب. اتمنى من اصحابه يلتفتون له لاني دخلت ابي مجسمات فورت نايت فقط و سال ميه مره و اوصف و قالو مافيه لكن بديت ادور على بديل حصلتهم و كثار.
*تحديث: ردكم دليل على تعاملكم مع الزباين، ارجعوا لكاميرات المراقبة وشوفوا متى سكرتم ومتى فتحتم، بدل ماتحطون كل شي على رأس العميل الي ماراح يرجع لكم اصلا زي الزفت
والمحل يسكر للصلاة ويقولون للناس برا بس ١٥-٢٠ دقيقة وبالنهاية مافتحوا الا بعد ٤٠ دقيقة للاسف كل فروعهم نفس النمط بالتعامل، لا احترام للزبون ولا لوقته هذا غير أنك تقعد ساعة تطارد تدور أحد يعطيك وجه ويرد على استفسارك
من افضل محلات الألعاب و غني عن التعريف للامانة اخذنا منه سكوترات كهربائية وسيارات و تم اخبارنا وقت الشراء انه بعضها ما عليها ضمان و اعطونا ارقام محلات تصليح و لها سنة و لا احتجنا نصلحها للان ماشي وضعها ولله الحمد
الي جالس يرد عالتقييمات يحتاج يكون شخص ذا اسلوب مهني professional. حتى لو يرى ان المحل معه حق يبدأ بشكر العميل على اختيارهم لالعاب الحسين اولا ثم يبرر باسلوب لطيف انطلاقا من المبدأ الذكي costumer is right لأن الشخص اذا حضي بخدمة عملاء ممتازة يكون اكثر عرضة لاعادة تجربة الشراء. كنت ناوية امر المحل بس بصراحة الي استوقفني مش تعليقات الناس قد الرد الصادم من خدمة العملاء على ٩٠٪ من الي حطو التقييم السلبي. تحياتي
ممتاز جدا مركز كيير جدا بة جميع الالعاب للاطفال الصغار و الكبار العاب وسياكل ومسابح نفخ والاسعار متفاوتة والموظفين متعاونين جدا بخدمة الزبون والمواقف متوفرة والمركز غير مزحوم بسبب كبر المساحة
سيء وألعابه غالية ولا تعمل مضروبة لا انصح بالشراء منهم تضييع فلوس على الفاضي ولا شيء من اللي اشتريته للأولاد يعمل لا سيارة الريموت تعمل ولا لعبة آخرى تحتاج تركيب ممكن تركيبها
والله خدمة مابعد البيع سيئة نصيحة ابعدوا عنهم اشتريت سكوتر كهربائي للولد من عندهم وخلال سنه صار يشتغل بس دقيقة اتصلت عليهم قال لي نبدل لك البطارية ب ٢٠٥ ريال!
تقيمي على خدمة الموظفين مقبوله لكن المحل يفتقد الترتيب والتغليف دائما غير موجود او خيارات اقل من المقبول وزياده رسوم عليها كذلك نظافة المكان عليها ملاحظه
محل مختص ببيع العاب الأطفال و مستلزمات المواليد يوفر جميع انواع الألعاب و الدرجات الهوائية و الناريه للأطفال و الكبار و المراجيح و الألعاب المائية و الألعاب الخفيفة بأسعار مناسبه جدا للجميع.
اقسم من افشل محل الألعاب ونذر علي لاقاطعهم وامشي واسبهم بكل مكان بين الاقارب والأصدقاء معقوله تاخذ لعبه ريموت واذا وصلت البيت ماتشتغل واذا رحت لاقربت فرع قالك رح الفرع اللي شريت منه طيب قيمه البنزين والزحمه ووقتي اغلى من ضرب المشوار تعامل سيئ والعاب ستوكات
سيئين للغاية بس همهم البيع ومافي اي خدمة بعد البيع! اخذت منهم سيارة دريفت كريزي ب٧٠٠﷼ ولعب فيها ولدي اقل من اسبوع وخربت! رجعت لهم قالوا تعديتي ٢٤ساعه مانسوي شي ولا عندنا صيانه قلت بس افحصوها ممكن فيها عيب مصنعي وانا شاريه ثانيه نوع ثاني وتمام فالاغلب فيها مشكله رفضوا واعطوني رقم واحد متعاملين معاه للصيانه ومو تبعهم! ايش سلسلة الالعاب الفاشله اللي ماعندها صيانه! وللعلم وديتها محل صلح الماطور وخرب وقالي ارجعي للمحل الاغلب فيها عيب مصنعي،، وللمعلوميه الموظفه وقت مااشتريتها قالت لي عندنا صيانه في بعض الفروع،، وراسلت الشكاوى ومافي فايدة كل اللي اقوله الله لايربحكم يا ألعاب الحسين وجعلكم من خسارة لخسارة وتسكرون فروعكم كلها وتاكلكم الديون ولا اسامحكم ولا احللكم وحسبي الله عليكم
تجربه فاشله شريت منهم درفت وبعشر دقايق خلصت البطاريه لمارجعته من بكرا عيا العامل يرجعه ولايبدله مع اني قلت ابازيد فلوس وابدله عيا وغير لي البطاريه (باي منطق لعبه جديده بطاريتها خربانه) ومع كذا البطاريه الي ركبها حددها من عشرين الى ثلاثين دقيقه بس لاوحاطين رقم للشكاوي وارسل لهم ولايتجاويون معي ابدد مااقول الاحسبي الله ونعم الوكيل وانا خصيمتهم يوم القيامه يوم تجتمع الخصوم
من الأماكن الجيدة لشراء انواع متعددة من الألعاب وأهم ما يميز العاب الحسين عن المحلات الأخرى هوا السعر الجيد مقابل القيمة الفعلية للالعاب من أفضل الأماكن لشراء الألعاب على الإطلاق
من أفضل محلات العاب الأطفال في الرياض وهذا الفرع مرتب ونظيف والاضاءة ممتازة الالعاب عندهم كثيرة ومتنوعة وأسعارها مناسبة مقارنة بغيرهم خدمتهم حلوه من ناحية تركيب بعض الألعاب مثل البيوت الخشبية بس ماعندهم كل الماركات دايم ابحث عن باربي الأصلية وماتتوفر عندهم ياليت يجيبونها بسعر مناسب
تدخل المحل و كأنك في التسعينات ميلادية و قليل الألعاب اللي تحاكي وقتنا الحالي او مواكبه هالجيل و غير هذا الموظفين قليلين و خدمتهم بطيئة و الأجهزة الكهربائية ماعليها ضمان مثل **ماطور الهواء و غيرها من الألعاب الأكترونية. يعني مثل سمعة العاب الحسين المفروض يتطور و يغير من سياسته و من ترتيب محله.
فرع جيد جدا المكان واسع ومتوفر فيه كل شئ والعاملين به معاملتهم وخدمتهم ممتازة والاسعار والخامات جيدة لاحظت ان بعض المنتجات لا يوجد عليها سعر وبعضها في كراتين ليس لها قطع معروضه الافضل انك تسال العاملين عن اللي هتشتريه وسعره عندهم تشكيلة دراجات هوائيه جيده ومتنوعه الاحجام والاشكال وجودتها عاليه
موظفين قليلي الأدب مع الزبون حتى في يوم العيد. وإدارة لا تستطيع إدارة محل العاب. السعر ما تعرفه الا عند الكاشير لأن الألعاب عليها اكثر من سعر وهذا مخالف لأنظمة وزارة التجارة. وتم التبليغ.
سيئين جداً شريت من عندهم دباب مشحون كهرباء ويوم خلص الشحن بعد ثلاث ايام رفض ينشحن معي وطلع خربان ورفضو يبدلونه او يرجعونه المحل غالي والبضاعه سيئه شارع السويلم افضل
والله انا في غاية الاستياء اشتريت عروسه غايه والعامل هو اللي حطها في الكيس رجعت البيت لقيتها بدون حذاء ورجعت بعد ثلاث ايام لا في ترجيع ولا استبدال وكمان مافي توفير الشي الناقص
الالعاب في الرياض وليس في الحسين فقط تقليد وصناعة سئيه وماتدوم مع الطفل اكثر من يومين والمشكلة المخاطر الصحية على الطفل منها ، عموماً المحل جيد في التنوع وياليت المالك يشوف مشكلة بعض العاملين يمكن عندهم تاخير في الراتب لان نفسيتهم تعبانه شوي