Al Awad Auto Spare Parts

المحل كويس و اسعارهم جيده جداً و انا شخصياً اتعامل مع صالح الصيعري موضف اسلوبه راقي جداً و يعرف يتعامل مع الزبون لكن الموضفين الباقين عليهم ملاحضات خفيفه الله يوفقه صالح الصيعري

شركه فاشله غير مهتمه للعملاء والدليل اني من الساعه9 اتصل عليهم الى الان ما يردون متخيلين ثلاث ساعات اتصل ما يردون! طيب وش ذنب العميل اللي يبعد عنكم ساعتين ويبغى يتاكد اذا القطعه موجوده ولا لا تبغوني اطق مشوار ويمكن ما تصير عندكم ؟

انصحكم بهذا المحل ، كل مايخص قطع غيار فورد من اصغر سياره ل اكبر سياره ، ف الدويره وفاتحين حتى الظهر

ميزته تلقى فيه اغلب القطع
حطيت نجمتين بسبب العامل سليم قليل ادب ورافع خشمه يحسب نفسه وزير

يبيع قطع غيار فورد الأصلية وبأسعار أنسب من الوكالة.

اقترح عليهم توفير إمكانية الحجز المسبق للقطع مع دفع المبلغ تفاديا لبيعها لشخص آخر.

وكذلك إيجاد موقع إلكتروني أو تطبيق يمكن من خلاله شراء القطع

تتوفر جميع القطع تجربتي معهم لفورد فيجو ٢٠١٦ قطعها غير متوفرة في السوق لكن عندهم ماشاء الله كل شئ متوفر

اخذت منهم قطعه وبغيت ارجعها قالوا ماعندنا كاش عطنا رقم حسابك ونحولها لك ولي اسبوع ولا حولوها

للأسف غير محترمين وتعامل سيء انصح بعدم الشراء من عندهم موظف يرفع صوته والعامل غبي تاركني ساعه انتظر والقطعه موجوده قدامه مايستحق نص نجمه

اسعار ممتازه ولكن للاسف مافي موقف للسياره نهائيا الحقيقه تتعب من هذا الموضوع وبعدين عندهم زحمه البياعين الحقيقه قمه في الادب والاحترام أخص بهذا محمد الهندي وسليم الهندي أيضا لكن عمال تسليم البضاعه لك عليهم الحقيقه الواحد فيهم نفسيه موب مثل البياع بشوش ونفسه زينه

بوفسيه الي يجيب على المكالمات غير محترم وزبال اذا خلصت من استفسار عن القطعة قفل في وجهك وماخلاك تناقش لاجيت المحل وحطيت بسطاري في فمه عرف كيف يقفل

تقريبا يوجد عنده اغلب قطع الغيار لسيارات فورد القديمه الي ماتحصلها. تقريبا. الاتصال افضل للتأكد ان طلبك موجود. وردهم سريع بالهاتف

بعيدا عن الاسعار او الزحمه. انا اول مرة اشوف عامل يقفل الخط بوجه الزبون. يقول لك السعر وبمجرد تحاول تطلب خصم او تحاول تستفسر عن شي الا قفل بوجهك. والكلام هذا اكثر من مرة. العامل اسيوي. قليل ادب. ترى الزبون يشتري ويدفع. مايطلب صدقة عشان ينهان يا صاحب المحل. ادبوا العامل وخلوه يحترم الناس عشان الناس تحترمكم

محل جيد و ما شاء الله يشتغل فيه عدد ٣ شباب سعوديين الله يوفقهم.
لكن ضايقني شيء انه الموظف مب فاهم للسستم حقهم و قعدت ما يقارب ال15 دقيقه انتظر حتى يشيك القطعه عنده ولا لا

الاسعار مقارنة بتسعيرة بعض الورش هم الافضل
لم ابحث مقارنتهم مع منافسين انما بحسب تقييم المرشدين تم التعامل معهم

من أفضل محلات قطع الغيار الأمريكية الأصلية الوكالة
أنصح بالتعامل معه وللمعلومية الأسعار اقل من التوكيلات والتقوى من تجربة
إذا أعجبك التعليق ضع مفيد لكي يستفيد الجميع