مجمع الجزيرة الطبي

لماذا في رقم ولاتردون عليه اتصلت اكثر من مره من الصباح الى الان بسال عن مواعيد الدكاتره ولا فيه اي تجاوب

في بالنسيم مجمعات أقدم ولكن تقدم خدمات بجودة أفضل وأرخص، التسويق عندكم فيه مشكلة كبيرة جداً، أنا لما أجي أدفع زيادة عن المجمعات الطبية اللي نفس مستواكم المفروض تقدمون قيمة مضافة عليهم مو أتصل على الكول سنتر اسأله عن شي معين يقول ما أعرف الخبط فيه بحولك عالإستقبال والإستقبال مايردون!
تأخذ فلوس زيادة عن غيرك قدم خدمة أفضل
ما تستحقون حتى النجمة لكن حطيتها عشان أكتب التعليق
مو شكراً لكم.

مع الاسف ان صاحب المستوصف بخيل جدا، اجهزة الاطباء متعطلة ، ولا تستفيد شي من الزيارة، سيقول لك تعال مرة اخرى لم يضبط الجهاز ،

لكثرة مراجعتي للمستوصف لاحظت الأطباء أحيانا يطلبون من المريض النزول للاستقبال لدفع فاتورة العلاج ثم يعود للطبيب لبدء العلاج المقرر ، و هذا مرهق جداً للمريض خصوصاً إذا جاي لحاله و تعبان و يضطر ينزل و يطلع لدفع فواتير ، لذلك ارجو من الإدارة توفير مكتب استقبال بالدور الأول لدفع الفواتير رفقاً بالمراجعين و تسهيل لهم

للأمانه كنت أدق ما احد يرد علي لكن اتصلت اليوم اسلوب الموظف محترم قدم اعتذره للجميع
طلبت منه يحول المكالمه للتأمين هو خدمني يعني موظف تامين مستلم الكول سنتر لكن ماشاءالله عليه

دكتور الاسنان محمد سلام من افضل الدكاترة اللي مرو علي بالمملكة من ناحية اتقانه للعمل واخلاقه العالية ، الله يكرمه ويرفع قدره

دكتور سامي اخصائي الانف والاذن يهول الموضوع ويطلب طلبات كثير انا طلعت منه ورحت لغيره وطمني الافضل شف غيره ماعنده سالفه

دكتوره ايناس تبع النساء والولاده حسبي الله عليها اختي سقطت بسبب انها ماديه ومو راضيه تصرف لها ادويه ع التامين الروح اللي توفت بذمتك بيوم الدين وبعد م مات الطفل قالت لها روحي للاستشاري انا م اعرف لحالتك الله لا يبيحك ولا يوفقكك

ممتاز المستوصف من أروع المستوصفات أضف أن دكتور الأسنان الهندي ماشاء الله تبارك الله دكتور رائع في عمله وقدير بالاحترام

The dentist, the Indian man, is distinguished and wonderful. I recommend him and I wish the dispensary management to maintain him

راااااائعين جداً خاصه قسم العلاج الطبيعي اخص فيه الدكتورة اللطيفه جداً خفيفة الظل والروح د/ ارام العتيبي من افضل الدكاتره

راجعت المستوصف عند دكتور الاسنان محمد سلام وكان عندي ضرس محتاج سحب عصب ولان ضروفي الماديه لاتسمح لي بالعلاج ودفع تكلفة سحب العصب قلت للدكتور بقلع السن الا انه اصر علي وقال لا بسحب لك العصب وخلي السن عشان تركبي عليه تلبيسه وافقت بعد مااقنعني الا انه استغل التأمين لم يغطي الا ٥٠٠ ريال ودفعت المتبقي ٣٠٠ ريال يعني تكلفة سحب العصب كامل ب ٨٠٠ ريال وليته ترك لي بقايا من السن اركب عليه لا كحت لي السن كااامل مابقي منه شي وسكره بحشوه دائمه قال ايش اركب تلبيس عليها كيف اركب وهو كحت لي السن كامل لحد اللثه مااقول الا حسبي الله هو نعم الوكيل اخذ فلوس واستغلال واخر شي خرب لي السن ولا استفدت منه غير نفسيته الخايسه مع المريض وعصبيته علي لما طالبت يخفض لي من السعر استغلال عيني عينك الله يعطيهم على قد نيتهم مستوصف دكاترته ربحيين كل همهم اثبات انفسهم على حساب المريض واستغلال ظروفه

تعبان جدا والخدمه سيئه من قبل الفلبينييين انتظر اكتر من نصف ساعه عشان جلسة بخار لا ويكلمك بنفسيه ومايرد عليك الفلبيني ارجو من الاداره الاهتمام وانا اول مره ادخل هذا المجمع

استغرب من المجمع والمستشفى
كراسي حديد
اتقو الله اللي يراجعونكم أناس مرضى وكراسيكم شي مؤسف كراسي البوفيات والحلاقين افضل منكم.
الواحد يجلس ١٠ دقايق ويتصلب جسمه

المستشفى ممتاز بشكل عام
عدد المراجعين كبير وينجزونهم بوقت قياسي
أشعر أن لديهم ذمة وليس استنزاف مال فقط كما يحدث في الخاص.
الأسعار غالية بس مع التأمين تصير زينة

مجمع الجزيره الطبي مميز جدا ومن افضل المستوصفات شرق الرياض تشخيص ومعامله واسعار فلهم جزيل الشكروالتقدير بارك الله لهم ونفع بهم المسلمين

مستوصف من سنوات وهو الافضل بالمنطقه من الادارة جداً ممتازه ومتعاونين والدكاتره نخبه لاكن قسم الموافقات التامين تعقيد على المراجعين اللي اعرفه اذا طلب الدكتور موافقه تكون 14 يوم بالنظام يقولون اذا ماراجعت نفس اليوم ينحذف الطلب وتراجع الدكتور يرسل موافقه جديده!

حطيت خمسه لدكتوره الباطنيه الاسمر نسيت اسمه اشرف الظاهر مره ممتاز وتعامله راقي جربت بعد دكتور حسين جلديه للاسف كان فيني حبوب شباب قليله عطاني كريمات زادت الوضع سوء مع كريم حساسيه رحت راجعت مستوصف ثاني انتهت مشكلتي بأسبوع لا انصح فيه بالجلديه لكن تعامله جدا راقي

لي تجارب كثيره مع مستوصف الجزيره بالمجمل يستاهل خمس نجوم الخدمه مقابل السعر
الادارة ممتازه ومتعاونين
تحياتي للدكتور المميز محمد السيوفي

ممتاز المجمع جربت دكتور الجلديه والتناسليه حسين شاطر ويسمع من المريض ويعطيه وقته النساء جربت عفاف ممتازه بس معاد لقيتها الاسنان ممتازين كوادر جباره بوركت جهودكم

الله يوفق ويسعد دكتور الاسنان الهندي اتوقع اسمه راجش تحس بالامان وانت عنده وشغله مره ممتاز وخفيف

اشكرك الإدارة المجمع وشكر إلى كل الكادر وأخص بشكر للدكتور محمد السيوفي كثير الشكر والتقدير والاحترام على حسن الاستقبال والتفهم لحالتي اتمنى لكم التوفيق النجاح

مجمع به كل التخصصات طوارئ الباطنيه والاطفال ٢٤ساعه الأطباء ممتازين خاصه دكتور حسين ياسر الجلديه ودكتوره مروه العيون ودكتور عصام الأطفال. الاستقبال منظم وسريع.

المجمع بصفة عامه مميز جدا وبصفه خاصه الدكتور اشرف استشاري باطنية 100٪ رجل عنده ذمه وامانه واحترام لمراجعينه وانا اراجع بوالدي ووالدتي وجميع عائلتي لديه. ماشاءالله وهنياً للمجمع بمثل هذا الدكتور

لو فيه اقل من نجمه حطيت ، دكتور الباطنيه محمد السيوفي يتمشى ويتمخطر بالاسياب ولا على باله المرضى والانتظار ومعي الوالد يتالم فوق الساعه محد دخله اجل ليش دافع فلوس انا؟؟ كان رحت الحكومي والله انه يكرم عن هالمهزله

افضل دكتورة اسنان عندهم د. روان المطيري اسلوب واخلاق وتعاملها مره راقي الله يوفقها حقيقي من اليوم ورايح الاسنان ما اتعامل الا معها

الكونتر الفلبين وقحين ويكلمونك من طرف خشمك كنك انت اللي تشتغل لهم مو هم اللي يشتغلون عشانك وماغير ع الجوالات وقلت ادب

دكتوره الاسنان روان المطيري. ماشاءالله عليها. اسلوبها وتعاملها لطيف جدا. وشغلها تماام حلوو. ماندمت ان روحتلها?

مريت بالصدفه عند د روان المطيري وسوت لي عدة خدمات من ضمنها تنظيف اسنان يدها خفيفه جداااا صراحة تسلم يدها

افضل مجمع طبي بنسبه لي كل مراجعاتي عنده وعندهم دكتوره عفاف نساء يدينها تتلف بحرير مشاء الله شاطره مره وعليها زحمه اللي تبيها تجي قبلها تحجز موعد

افضل دكتورة اسنان عندهم د. روان المطيري اسلوب واخلاق وتعاملها مره راقي الله يوفقها حقيقي من اليوم ورايح الاسنان ما اتعامل الا معها?

اول شي حابه اتكلم عن المغذي ادفع ٤٠﷼اخر شي تكبه وتخليه لين النص وتركبه ثاني شي فيه ممرضه مدري وش جنسيتها ما تتكلم دايم تناظر فيني نظرات غريبة كأنها بتأكلني خير ؟ همهم الوحيد الفلوس وبس

لو فيه تقيم اسوأ من كذا كان كتبته

الدكتوره اسماء طه تقول حطي مويه بارده بعد الليز!
واحترق وجهي ولا حطت كريم ولا اي بنج وقت الليز والاهتمام صفرررر و
وتنافخ علي ومستعجله وعلى اساس مشغوله

ما اقول الا الله يحرقك بنار جنهم اذا كنتِ كذابه وهمك فلوس الله يعطيك على قد نيتك يا د. اسماء طه
المستوصف همه الفلوس الا القلليل منهم
ولا غرفة الليزر مافيه اي ترتيب ولا اهتمام كل شيء فوق بعضه

لما سألتها عن سعر الجلسة قالت ١٥٠ نزلنا عند الاستقبال قال ٣٠٠
ما عرفت طريقة نصبهم على العالم هذي بحسنات! ؟
يععع يععع تعامل خرا مع احترامي للمحترمين واللي يشتغلون بذمة
الباقيين اللله رقيبكم قبل الناااس

الدكتور السيوفي محترم وتعامله ممتاز وشاطر ربي يوفقه بعمله وجزاه الله كل خير اخذت الوالدة له وكانت تعبانه والحمد لله افضل

الدكتور تعامله سيئ جداً مكان الباطنية دخلت عليه يقولي وش اسويلك رح المستشفى بدون ما يكشف علي ب السرير والممرضه تضحك وهي تشوفني اتالم من معدتي اقسم بالله كرهت الساعه الي جبت فيها المستوصف على عكس الشباب ب الاستقبال زي العسل الطاقم الطبي

مستوصف خاص وراجعت كذا مره مع زوجتي لعياده النساء واكون موجود خلال الكشف عند الدكتور نيللي الله يحفظها واراجع قبل اسبوعين عند دكتوره ثانيه لتمتع نيللي باجازه وبصوت عالي ونبره حاده تطردني احتجاجاً بالكورنا وطبعاً حسب تعميم الدوله العدد ٥ وحنا ٤ طبعاً راح اقدم شكوى رسميه للوزاره واميل للتأكيد وابلغ عن الشي السئ مابعد الزوج شي للزوجه هو عرضها اما مايخص اداره المستوصف ماهي داريه عن شي

مدري على وش هالزحمه اسوأ مستوصف خصوصًا دكتور محمد سلام حق الاسنان اضطريت له وليتني ماجيته،يعالج اسنانك بدون اشاعه او معرفه، شكله يشخص الحالات بعيونه،مستوصف كل همه يسحب فلوسكم على كل شغله تدفع اتوقع شوي ويحطون دفع فلوس عالاستراحه

جالسين يلعبون علينا. اجل تركيب شريحةً منع حمل ب ٢٠٠ يوم نجي نطلعها تقول لي ب ٥٠٠ خيييرررررر وش ذا تلعب عيني عينك.
ما انصح في ابددااا
الكشاف ب ٧٠ جدًا غالي.

محمد سلامه جججججججزار ماانصح احد يسوي عنده دمر لي اسناني فتح فيها فراغات
وكذلك منال حقت الاسنان سيئه ركبت لصديقتي ابتسامه طلعت كأنها عليان
بشكل عام المستوصف ولا بريال وفوقها يصكونك بالاسسسسعار اسعارهم نار

العجوز عفاف الله لايوفقها بعد ماشفطت فلوسي حوالي 4 الاف رفضت تقابلني وكلمتني من التلفون وهي بغرفتها وهزئتني وقالت كلام ماتوقعت يصدر من دكتوره عمرها سبعين سنه الله لايبيحها

سلام عليكم
ابي استفسار عن دكتور الأطفال الي اسمه هشام
متميز ولا وسط
ارجوا رد بسرعة من اخواني الكرام

عندهم أطباء ممتازين راجعت دكتوره مروه طبيبه العيون اخلاق وذوق ودقيقه مره بالفحص راجعت أكبر أطباء عيون بالرياض ما ظبط معى النظاره إلا فحصها و زوجتى جاها كيس كبير بالجفن شالته لها تجميلى بلا أثر الله يجزاها كل خير.
وفى دكتور حسين ياسر جلديه خبره طويله ويسمع المريض وما يكتب إلا العلاج المهم والمبنى الجديد لهم ممتااااز.

من أسوء التعاملات التي ممكن يواجهها إنسان
بعد أن حجزنا موعد التطعيم للصغيرة لأنها زيارة باسمي
بتطبيق موعد وبعد انتظار ساعة يقولون لزوجتي الموعد ليس باسم البنت! مع ان الطبيعي أن يكون باسمي لأن ابشر باسمي
وما مشوها ولا اعتذروا ولا أعطونا حل بديل
حبذا لو نصل لمدير المجمع أو طريقة للشكوى ضد معاملات الموظفات السيئة!

للاسف حضرت للمستوصف ودفعت كشفية عيون مع الدكتوره مروه وجلست انتظر ساعه ولا فيه اي مريض دخل او طلع من غرفة الطبيبه وكل ماسألت الممرضة تقول عشر دقايق وتجي وانا كملت ساعه اخر شي رجعت للممرضه وقلت لها الدكتوره جايه متى؟؟ عطيني وقت الانتظار هذا كله ماله اي داعي وعندي دوام. قالت تعالي الساعه اربعه العصر فقلت مااقدر ارجع فيه دوام عندي قالت شوي وجايه. الدكتوره رايحه للمدرسه مع العلم بأننا في اجازه صيفيه مافيه مدارس ولما قلت للمرضه راح انزل اسحب الكشفية قالت لحظه راحت لغرفة الدكتوه وانا امشي وراها بعدها صارت تلف تنادي المرضى ومافيه احد. لحد مانادت علينا بعدها اكتشفت ان الدكتوره في الغرفه أساسا ماطلعت. فلما كلمت الدكتوره أنكرت وقالت مافيه مدارس أساسا بس يمكن الممرضة ماتعرف شي وجلست تحلف انها طلعت ورجعت عشر دقايق تجيب ورقه ورجعت. كيف طلعت او رجعت وانا جالسه قدام الغرفه مافيه اي احد تحرك ؟؟؟
الى هالدرجه المريض ماله اي أهميه عادي ينتظر لين تفكر تشوفه ،،،وين المسؤلين عن المستوصف أتمنى ينتبهون
ولو كل طبيب او موظف مسك مكانه ماصار فيه انتظار.

المستوصف بعد التجديد ممتاز من ناحية النظافة والاستقبال لاكن دكتورة البشره جديده صرفت علاجات غير متوفره في الصيدليات فقط في صيدليتهم وكان حسابي فوق الخمس ميه والصيدلي مصري سيئ الاخلاق والاسلوب ولا اخذت الكريمات بسببه وبسبب غلاء سعرها

التقييم كله عشان الدكتور فايد عبدالعزيز ، أشي اخلاق أشيء نفسيه حلوه ، اقول قفلوا المستشفى بس خياس محد يشفع الا فايد لكم

لك ان تتخيل وصلنا لعام 2019 والى الان مجمع طبي مثل الجزيرة بالعاصمه الرياض لا يتعامل مع التلفونات! المستوصفات والمستشفيات الان تقدر تحجز موعد عن طريق الاون لاين فما بالك بمجمع طبي لا يستخدم الاتصال التلفوني ؟؟ ياجماعة الخير شوفوا لكم حل ابغى احجز موعد ابغى الغي موعد ابغى استفسر عن طبيب ما اقدر نهائيا ، لازم اجي بنفسي للمستوصف ؟ والي يرفع ضغطك زياده حاطين رقمهم للاتصال! طيب انتم ماتردون اساسا واذا رديتوا بعد شقّ الانفس ما تتجاوبون مع المراجعين وتقولون لهم تعالوا لنا ، طيب الرقم حاطينه ليه ؟؟

الدكتوره حقت الأسنان مقابل عياده منال جدا سيئة جدا أسلوب مو كويس والدكتوره منال عندي مشكله بسني انا دكتورتي في مخرج ٢٥ بس جاني الألم ورحت عند الدكتوره منال حدث ولا حرج قالت مشكله عصب حطت لي مسكن وحشوه موقته وتقولي كملي عند دكتورتك على أساس بتسويلي ببلاش الحمدلله بس الأخ سعدون يشكر على مجهوده لكن دكاتره تعبانين

مستوصف همه الاول والاخير الفلوس! حتى مواقف مافي!
ممرضات شوفة نفس ماادري على ايش ،خصوصا الدور الاول! سيئات والاسوء ممرضة الدكتور حسين بالجلدية،الذفل على السرير يالله بسرعة في مريضع بعده! ماهو بكيفك حقي 15 دقيقة جاي بفلوسي ماهو دقيقتين! من حقي اخذ وقتي كامل ولا احد له فضل! كان الواحد جاي يشحذ ،ترا بفلوسنا جايين! مااحد له فضل على احد!
ثانيا كمية ازعاج من شباب دون اي احترام للموجودين! تشغيل شيلات وااغاني عند جهة عيادة الاسنان! ولاكأن في امن يتدخل يحط حد ل ذا الاشكال!
ادارة المجمع عليها ان تلتفت للسلبيات! ليس كل شي جمع اموال!
الدكتور حسين ياسر الجلدية هو سبب قدومي لكم! والا جميع مراجعتنا في مستشفى الحبيب،على الاقل احترام وتنظيم من جميع طاقم العمل في جميع فروعه!
المطلوب منكم احترام المراجع فقط لان بفلوسه جاي! ولا يبي منكم شي غير الاحترام!
الشكر للاخ الفاضل في الاستقبال على لطافته كرم اخلاقه!
والشكر للدكتور حسين ياسر اخصائي الجلدية وفقهم الله.

مستشفى الجزيرة جدًا سيء خاصه في عياده النساء. بس يسحبون فلوس والله اني صرفت اكثر من ١٠الاف. ولا استفدت وعملت لي تلقيح صناعي وانا متزوجة بس لي ٣ اشهر وقالت لي الدكتوره دعاء ان هذا شيء مو طبيعي وبعد م فشل الصناعي وهذا لحاله ب٢٠٠٠ ريال من غير الابر والاشاعات وغيرها قالت باعمل لك ثانيه.
المستشفى جدا مادي.
وكل شوي تحاليل هرمونات والواحد ب٢٥٠ والمتابعه ٦٠٠ ريال والابر بمبلغ وقدره تقريبا ابره ب١٢٥ وانت تحتاجين اكثر من ٨ ابر بكل خطوة تدفعين فلوس.
تركتها ورحت للطب الشعبي والحمدلله الان حامل

دكتوره نيللي شاطره و عندها ذمه و من زمان نتعامل معها و كذلك دعاء أما عفاف أسمع أنها شاطره بس عيبها ما تعطيك وقت بشرح الحاله و أطباء الأطفال كلهم كويسين إلا الاستشاري حسن لي معه تجربتين سيئه كانت بتضيع أطفالي و الحمد لله ربي لطف فيهم الجلديه حسين ممتاز الباطنيه و الصدريه كذلك كويسين هذي الأقسام اللي جربتها عموماً المجمع ممتاز و لكن بعض العيوب لابد منها بأي مكان في العالم لذلك نحن هنا ليصل للإدارة ملاحظات الزوار

د السيوفي مريته قبل فتره هالنوعيات من الأطباء غير محببه للنفس هذا لو كان بروف وش بيسوي ؟ علموه أن الرياض مليان أطباء اعلى وابرع منه ويتعاملون مع الناس بتواضع يخجل المراجع وان الكبر والفوقيه وعدم منح المريض الوقت الكافي لاتليق بمهنة أخلاقية كالطب ، وبالاخير فحوصات يمكن توصل ١٥٠٠ ريال مع أن أغلبها مسويها من فترة بسيطة ويمكن لو طولت شوي وصلها 5 الاف ، مشيت وخليته وعالبركه عليهم قيمة الكشف.

الدكتور او البيطري او هناك وصف يناسبه اكثر الجزار محمد سلام ميكانيكا اسنان انصح بعدم الذهاب اليه حتى وان كنت على وش الهلاك لاتذهب اليه كاد ان يقتلني والان انا مراجع في عياده جراحه الوجه والفكين بسببه حسبي الله ونعم الوكيل عليه

الدكتور فايز عبدالعزيز اخصائي باطنية ممتاز. تعامله راقي وهادي ويستمع للمريض ولايطلبك الا الشئ المهم
جزاه الله خير

مستوصف الجزيرة عريق ومتميز
نتمنى ان يشتغل به كل انواع التأمين الطبي
استشاري الاطفال الموجود بالمستوصف د حسن من افضل اطباء الاطفال خبرة ماشاء الله