هوندا شركة عبد الله هاشم المحدودة

الفرع كان من سيّء الى مقبول (كان فيه مهندس بنقالي ومهندس باكستاني ما اقصد عنصرية بس كانوا سيئين جدا بالتعامل وفي أدائهم للامانة لانهم كانوا يحاولون قدر الامكان انهم مايفحصون السيارة! اذا فيه مشكلة في السيارة تحتاج حب خشوم عشان يقبلون يشوفونها مع انها واضحة جدا وظاهرة لهم!) وهذا الكلام تقريبا قبل ٨ اشهر وهذا خلاني اسوي بعض الصيانات في شمال الرياض وهي بعيدة جدا عن سكني، ولكن زرته قبل يومين واستقبلني المهندس ناصر (الاخ المصري) اعتقد هو مدير الفرع حاليا، الرجل محترم جدا واحترافي في عمله اللي تحتاجه يعمله لك بدون ماتطلبه ويخاف الله فيك، دعائي له ولفريقه بكل خير، شكرًا لكم جميعًا، الوضع تحسن كثير مقارنة في السابق.

المهندس ناصر عبدالوهاب اضافة قوية للمركز… الله يبارك فيه ويسعده.

لي 3 سنوات أروح لهذا الفرع واشتري قطع غيار واسوي صيانة

كل فترة مستواهم بخدمة العملاء ينزل لمستوى أسوأ
توني طالع وماني مستوعب سوء المعاملة وعدم توفر قطع
ياجماعة زين ماكينة وفلتر يقول غير موجود!
هذا غير عشوائية الاخ المصري سابقاً في استقبال الصيانة
هوندا اسم كبير يستحق وكيل أفضل.

المركز خدماته جدا ممتازة واخص حسن تعامل الموظفين فيه و جودة العمل واخص بالذكر المهندس ناصر مدير الفرع و الاخ فهد و الاخ راشد

صراحة استقبال جيد جداً واخص الاخ المهندس ناصر مهتم جداً بالعملاء

الله يجزاه خير ويعينه على تحمل المسؤولية

الفرع مرتب بس الموظفين يحتاجون دورة في الاخلاق الصراحة اخلاقهم في خشومهم ويعاملك كأنك تشحذ منهم الي بيسوي صيانه يشوف له فرع ثاني افضل من هذا واخصهم بالاخ عثما**

مدري ليه العاملين في الاستقبال معصبين واخلاقهم سيئة جدا
كنك المفروض تنزل رواتبهم ولا نزلتها

من اول ماشريت السياره وتعاملت مع موظفين الاستقبال مالقيت مثل الاستاذ طارق الرشيدي قمه في الاحترام والاخلاق الله يوفقه

الي معه هوندا ما اقول الا الله يعين على الاسعار والله اضاهر اسعارنا ‏اغلا من ‏الالماني معقولة يقول فحص ب ٦١٠ يرجال سيارتي من شريتها فحص كامل ب ٢٠٠

سيء جدا قطع الغيار كل ما جيتهم النظام عطلان ما نقدر نجيب لك القطعة بعد ما اشتغل بعد ايام اخذت القطعة وابي ارجعها قالوا ما في كاش انتظر لبكرة نتصل ما اتصلوا علي وسياسة الاسترجاع خلال ٧ ايام وغير كذا تروح فرع خريص تاخذ الكاش احرصوا على هذه الشركة المحتالة

الخدمة بطيئة، الموظف اللي يخدم العملاء ما اعجبني اسلوبه أبدا، وقت الصيانة بحسب تجربتي بطيئة، عدد الموظفين للي يخدمون العملاء قليل

شركة هوندا سياراتهم ممتازه عمليه واقتصادية.
ولكن للأسف أسعار وكيل هوندا بالسعودية أغلى بكثير من غيره.
يوجد فروع للصيانة بمدينة الرياض.
ولكن يعيبها عدم توفر بعض قطع غيار بايلوت و أوديسي واتش ار في وغيرها من الأنواع، إلا أكورد فمتوفر دائماً.

تعليقي على قطع غيار فرع الخالديه
تعاملهم ممتاز جدا وخاصه ابو عبدالله
والشباب السعودين يوقفون معك وينصحونك بي الافضل بارك الله فيهم

الحذر ثم الحذر وقتك راح يضيع عندهم وجيبك راح يضيع أنتظر ساعتين علشان يستقبلني موظف الإستقبال المحترم أسعار قطع تعادل أسعار لكزس وبي إم وما فيه تقدير للعميل جت بنت على طول إستقبلوها وأنا أنتظر ساعتين وماله حق المدير يجبرني أسوي صيانه علشان يصلح سيارتي على الضمان رفعت شكوى لوزارة التجاره وصلحو السياره على الضمان بدون صيانه بما إن السياره باقي في فترة الضمان ##

فية سابق ماكان يوجد أي خدمة للسيارة القديمة
ومنتهي الضمان نهايأ.
حاليا تحسن الوضع كثير جدا جدا.
فرع الخالدية. مهندس مشاري ماقصر الله يسعدة

العيب الي عندهم صيانه سريعه مافيه و كل شهر احصل تقليص عدد موظفين في الفرع اتمنى تطوير الخدمة بشكل افضل

" هوندا عبدالله هاشم? "
تاريخ اليوم 13/02/2022 الموافق 12/07/1443

الموقع? الرياض الدائري الغربي - مخرج 28 - خلف الهرم

تم حجز موعد عن طريق الرقم الموحد 800441113

عشان ما يضيع وقتك لاتجي من الساعة (8 الى الساعة 8: 30 صباحًا) يفضل بعدها عشان بيكون في موظفين (2)

قبل تدخل للمركز صور طبلون سيارتك لانهم بيسالون كم ممشى السيارة.

تجربتي.
نوع السيارة هوندا اكورد 2012 _ أربعة سلندر

تم تغيير زيت القير عندهم بقيمة 255: 30 ريال شامل الضريبة.

يوجد جلسات انتظار ‍‍‍.

وقت الزيارة. الساعة الثامنة صباحا.

مدة الإنتظار ساعة ونصف.

الموظفين. تعاملهم ممتاز.

تقيّيمي.

شكراً لتعامل مدير الفرع الأستاذ/ هشام صلاح برقي والوقوف على موظفي الصيانة ومتابعة الإصلاحات ومتابعة السيارة حتى تغسل شكراً من القلب

تعجبني الخدمة عندهم في فرع الدايري الغربي. خدمتهم ممتازه وتعاملهم ممتاز. لكن إحرص على الأوقات التي لا تكون فيها زحمه أو إعمل لك حجز عن طريق خدمة العملاء وتروح لهم وانت مرتاح

وكاله مستحوذة من المصارية مريتهم توقعت مع اعلاناتهم بتكون أسعار القطع رخيصة الصناعية بجنبهم فرق كبير بالسعر وعندهم مديرهم الدب المصري مسبب إزعاج وماعنده إحترام للعميل تقول إنه بيدفع شي من جيبه فيه سوداني قبل هذاك محترم

موظف الاستقبال ليس لديه معلومات كافية عن السيارات والنظام في الحاسب الآلي يعلق ويوقف
إذا كانت الادارة الاقليمية حريصة على رضى المستهلك فلتقم بزيارة فروعها لتتعرف على السلبيات وتعالجها
غير كذا ضياع ومبرر كافي لعدم جذب الاستثمار او رؤوس الاموال

لايلتزمون بالوقت
يقول لك ١١ ولا تستلم سيارتك الا بعد ٢
وايضا عندهم بطأ في استلام السيارات
قد تنتظر ساعه من اجل ان تعطيهم المفتاح

خدمة جدا ممتازة ولا في الاحلام. ساعتين انتظار عشان يخلص موظف الاستقبال ثلاثة عملاء فقط و بعدين قفلنا لانتهاء الدوام تعال بكرة ولا بعد البريك

للاسف من أسوا الوكالات. دخلت سيارتي عندهم اليوم تشييك و تغيير زيوت و لو اني وديتها للعضيب راح يكون ارخص و افضل بحكم الرخص. لكن هم ياخذون مبلغ و قدره و في النهاية لا تشييك ولا حتى غسيل سيارة. كان ودي تكون خدمتهم افضل من كذا لكن مثل ماقال صاحبي هوندا متأخرة في خدماتها عن العالم

طبعاً عن تجربة اخس مكان ممكن تروح عنده
حتى في قطع الغيار الصغيره ماتحصل طلبك انا ابي ربلات رديتر جلست 5 ايام ولا حصلتها كل يوم تعال بعد شوي او اذا جيتهم الصباح قال الموظف المصري تعال العصر العصر جيتهم حصلت سعودي قال بكره وهكذا طبعاً السعر مختلف عند المصري الحبه ب 39 السعودي يقول سعرها 26 لكن ماحصلتها لا ب 39 ولا 26 كلها وعود

صراحه خدمه سيئه وبعدين مفروض ماتجيهم الا اذا ماعندك شغل لان نص يومك بيروح عندهم اذا جلست تنتظر سيارتك

اسعار قطع الغيار خرافيه
احذر من شراء هوندا
اسعار القطع تعادل اسعار قطع BMW والسيارات الفارهة

خدمة راقية لكن السعر مبالغ فيه جداً جداً. نفس قطع الغيار الأصلية تلقاها أرخص برا بكثير. رح سعر وشف الفرق بنفسك. بالتوفيق

الموظفين كل واحد يطالع فيك كأنك مسوي له شي غلط مافي تساعد اقصد الي يستقبلونك ويسجلون معلوماتك انصحكم بفرع خريص.

I advise you to go khuris branch. Better and faster services.

اشكر مدير الفرع الاخ محمد على حسن تعامله والا المكان مايرقى يكون صيانة هوندا على بالي ورشه عاديه