الربيع مول النهضة للكماليات

بصراحة شي جميل للعامل الموجود بقسم الأدوات الكهربائية اشتريت من عندهم قدر ضغط كهربائي عليه عرض ٩٣ريال باليوم الوطني وكانت آخر حبة بالعرض الكاشير رفض وطلب منهم اعطائي واحدة من المستودع وفعلا تم هل الشي اشكرهم جدا

المكان مميزجداً ،مكون من دورين الأرضي للأواني ،والألعاب والادوات المدرسية والتحف وأدوات التنظيف ومستخضرات التجميل …. تعجبني فخامة الاواني ،وجمال الشموع والبلاستيكات وتميزها.
أما الدور الثاني للطاولات والمفارش. تعاملهم راقي ، وعروضهم رائعة أتسوق منه بشكل دائم

يوجد اعلان عرض العيدالوطني لهم لطاولة ب٩٣ وحينما ذهبت ووجدتها نفسها نفسها كانت ب ١٥٠ وحينما شاهد البائع العرض ع هاتفي ذهب واستفسر وقال ب١٥٠. هذا لا يليق بسوق الربيع ولا يجوز ، واجمالآ اسعارهم اغلى من غيرهم

الاسعار تناسب السلع المعروضه، المكان مزدحم بالبضائع واجهت مشكله مع معرفة الاسعار بقسم الأجهزة الكهربائية لعدم وجود بعض الاسعار

مافيه ابدا مصداقيه ولا امانه في التعامل مع الموظف الي ماسك رقم المحل طلبت طلبيه وانا خارج المنطقه ودفعت رسوم الشحن ووصلت بس مو نفس طلبي المقاسات مختلفه تماما ولما تواصلت معاه عملي حظر في الواتس والمكالمات

الصراحه تفاجات بهدايا العيد اخذت منهم كميات
مرتبه مره وحلوه والبلونات الهليوم اشكال كثيره تجنن اخذت منهم ، الدور الثاني كله اثاث طاولات طعام وتقديم واشياء منوعه كثيره
تحت ادوات المطبخ منوعه وكثيره انصحكم بزيارته

جميع ما يحتو علية المعرض مميزة
وخدمتهم ما بعد البيع جدا ممتازة
نشرك الادارة ع حسن تعاملهم وسرعت الرد

I noticed that Saudis visit this place to shop. As a foreign worker I think it's a good place to shop for "momentos". To bring home as keepsakes.

في بداياته كان جيد الان أصبحت أسعاره نار. ولا تعرف وشهو الاصلي وشهو التقليد. الموظفين يالله تلاقي واحد يرد عليك.

ايش الفايده توصلون طقم فيه قطع مشطوبه وترمس مخدش ولا عاد تردون ولا بدلتوها لي. يعني تمشون اللي مايمشي
تستغلون ظروف الحضر لتمشية بضاعتكم اللي ماعاد تمشي

لا بأس به بس لاتخفيضات على البضائع وممكن تحصل بعض منها بأماكن أخرى وبسعر أخفض منه ممكن زيارته والاطلاع

مكان رۈۋ‏عـِھّ مول متكامل متنوع البضائع ومتجدد. مكون من دورين الاول للاواني المنزليه والتحف وكذا الالعاب والقرطاسيات والاشجار الصناعيه وكذا الورود والمنظفاااات المنزليه والكريمات والشامبوهات. الدور الثاني للطاولات والكراسي بمختلف الاحجام والاستعمالات وبراويز الحائط المكتوبه والمرسومه وحتى المجسماااات الحقيقه اني ساعجز عن تدوين كل ما يحوي المول. فهو كبير ومتكاااااامل. العمال متعاونين مع الزبون. الاسعار اجدها مرتفعه نوعا ما. وجدت متعتي ف التسوق وانصح الجميع بزيارته
يستاهل 100نجمه-

اشتريت مصحنة ستانلس ستيل لكن بعد الاستعمال بداء يظهر عليها الصداء منتجاتهم شكلها حلو لكن الجودة رديئة للأسف

قمه الجمال. تغذيه بصريه. انا احب الأواني والقى عنهم اللي أحب. وأسعار في متناول الجميع. شكرا الربيع أضفيت على منازلنا جمالا

بضاعة جميلة جدا ومنوعة. الأسعار بالتنافس مع الهزاز مرات اغلى ومرات ارخص لكن ماينافسون صالة التسوق الذكي محطم الأسعار وبالتوفيق للجميع

كل شيء فيه واسعارهم متوسطه الى مرتفه لكن جميل كل شيء موجود من والى طاولات مداخل زوالي صغار مواعين بلاستك او ملمين او قزاز التحف الهدايا كل شيء بس اسعارهم شوي الله يهديهم.

شهادتي فيه مجروحه لكل مناسبه وطنيه او اعياد القى عندهم كل شي رهييييييييب ويكفي حسن الترتيب والحرص على توفير البضاعه

روووعه وعرضهم حق اليوم الوطني كان أكثر من ممتاز تخفيض ١٥ في الميه على كافة الأصناف في المحل. عرض مميز ما هو زي دنيا الأسعار والعروبه ومحلات الكماليات الاخرى عروضهم كانت على أصناف محدده وقليله جدا.
المهم اهني الربيع مول على مستواهم في الجودة والسعر والاحساس بالمسؤولية

الربيع مول جميل ورخيص،حلو للي يبي يهدي لان سعره معقول حتى لاغراض البيت جميل وسعر معقول انصح بزيارته

كل شيء في الربيع مول حديث ومتنوع ومتوفر واسعاره جيدة. لا يعلى علية في الكماليات. والبساطة ام ماجد عند الباب مقاطعها زينة

محل معروف وممتاز وأسعاره مناسبة الخوف لا يرفعون الأسعار زيادة المكان كان هزاز وتم تغييره الى الربيع مول

المكان كبير ومليئ بالبضائع المختلفة و من كل الاشكال والاصناف والالوان والخامات ولكن ليس بالضرورة ان تجد كل ما تحتاجه.
تجدون الاثاث.
و الاكسسوارات.
و التحف.
و جميع انواع الكماليات.
و ادوات التنظيف.
و المعطرات.
و ادوات التجميل.
و الاواني المنزلية.
و العاب الاطفال.
و الحقائب. و ادوات تجهيز الهدايا.
و الادوات المدرسية و القرطاسية.
و العبايات النسائية.
وبعض الملابس البسيطة.
و المفروشات المنزلية.
و اثاث الحدائق.
و الورود. الصناعية.
و الاشجار البلاستيكية.
العبوب:
بعض القطع المعروضة تالفة.
اسعارة غالية نسبياً.
يحتاج بعض الاهتمام بالنظافة نوعاً ما.
الدور الثاني لا يمكن الوصول له الا عن طرق الدرج العادي حيث لا يناسب كبار السن وذوي الاحتياجات الخاصة.
لا يناسب اصطحاب الاطفال.
مواقف السيارات غير كافية.
لا يوجد مواقف لذوي الاحتياجات الخاصة.