طابع خاص خياطه الرجاليه الراقيه

بدون تطبيل
وبدون نفاق
خياط جبّار من جميع النواحي
ناهيك عن تعامل بندر وبدر
والعبقري جداً " داؤود "
اللي ياخذ المقاسات
طابع خاص فعلاً له طابع خاص
والله يا ثوبي كل مالبسته يسألوني وين مفصل فيه
والاسعار وان كانت مرتفعه الا ان
" الغالي سعره فيه "
.

للأسف لم يتم التفصيل عنده ولاكن أسعاره مبالغ فيها ومواعيده طويله لإنجاز الثوب يعقل شهر علشان يخلص الثوب

خيارات كثيرة للاقمشة ومكان خاص لاخذ المقاسات شكراً على التعامل الراقي وبانتظار استلام ثيابي ان شاء الله

قد فصلت عنده مرتين وكان تفصليه للمره الاولى كان مضبوط نوعاً ما بس ثاني مره للأسف ندمت اني فصلت عنده والله ما جيت اقطع رزق احد بس هذا رائي الشخصي.

رفع الأسعار اكثر من اللازم بالرغم إنه يستعمل حشوات تقليد و لا يفرق في جودة التفصيل و الخياطة عن خياطين البطحاء

تضرب مشوار و أنت عميل لهم من سنين. ويقول لك التفصيل فقط للعملاء و يدخل الجهاز ولا يحصل معلومات بعذر ان فرع البديعة قفل.

السلام عليكم
خياط ممتاز يستحق التجربة للجديد
مع اني زعلان عليهم مقفلين التفصيل ٢٠/٨
كان ودي افصل لاكن الجايات افضل بأذن الله

خياطه ممتازه واستقبال محترم وتقدير للعملاء حتى في وقت الزحمه مثل الاعياد لا يمكن يرد طلبات العملاء ولو كان متاخر

تعامل سيء جداً جيت بفصل عندهم بس بسبب التعامل طلعت من المحل لازم تفهم اني جاي افصل بفلوسي + اسعاار مبالغ فيها تفصيل فقط ب ١٦٠ غير القماش وش خليت للمحلات المعروفة الراقية

خياط نظيف دقيق مرتب. يطلع المخرج النهائي بشكل مرضي جدا. لكن احرص ياخذ المقاس الخياط الهندي الي عندهم.

كالعاده طماع واغلى محل يخيط الثياب واسلوب الموظف سيئ وخصوصا اليماني الي ينافخ ويرفع صوته على الزباين ترا جااين بفلوسنا وانتظرت نص ساعه بعد الصلاه ولا فتح
ماانصح فيه والمحلات كثير يمين ويسار

عدم احترام العميل. تحركت من بيتي في شرق الرياض الى طابع خاص في السويدي بمشوار مدته ٥٠ دقيقه مع الزحمه وصلت ولم يفتح بعد الصلاه مع ان المحلات بجانبه فتحو قبله بكثير.

لما طقيت الباب بشوف في احد او لا طلع المدير بنبره استعلاء على الزبون يقول لي الخياط برا وش تبي انا اقيس لك مقاساتك وسكر الباب بوجهي

يوجد في الرياض الوف الخياطين ماوقفت عليك ياطابع خاص. جيت طابع خاص على توصيه ولكن رجعت اخيط عن خياط اعرفه من زمان و لا يذلك احد.

Not recommended at all very bad customer service

القياسات دقيقة
الاستقبال جميل
الجودة للامانه بالنسبة للسعر أفضل جودة وجدتها بتفصيل الثياب بالرياض
شكرا طابع خاص

وربي خياطه سيئه لابعد حد وتفصيل فاشل 160ريال دافعها وربي لو رايح خياط ثاني كان مخيط 3ثياب طبعاً القماش علي والقماش سميرا ميس الاصلي لكن والله فاشلين كثير عليهم تفصيل ب50ريال

يعطيه العافيه الاخ بدر على حسن تجاوبه وتعامله فصلت عنده ثياب ماطلعت بذيك الجودة لكن بسبب حرصه واهتمامه للعميل قال ابشر وتم معالجة الموضوع في اسرع وقت وشكرا طابع خاص على حين تعاونكم

فصلت عندهم هذه السنة ثلاث مرات مع العلم إني عميل عندهم من كم سنة وهذه نتيجة التفصيل:
المرة الأولى: فصلت ثلاثة ثياب وكانت جميلة ورائعة جداً من ناحية المقاسات.
المرة الثانية: بعدها ممكن بشهرين أو أقل جيت وفصلت ثوبين ثم لمّا طلعت حسيت إنه ماخذ مقاسات واحد ثاني، الثياب ضيقة وقصيرة! ، وبكل برود يقول ايه تختلف المقاسات، ولا تعويض ولا من شاف ولا من درى.
المرة الثالثة: جيت وقلت ممكن صار خطأ والواحد ما يجلس يتصيد، وأجيب لهم أقمشة غالية وكلفتني، على أساس أبي ثياب مضبوطة ومحبوكة، لكن طلع الثوب فيه ضيق رغم إني منبهة ومخليه ياخذ المقاسات، وطلع لي ثلاث ثياب ما يفصلها واحد توه متعلم خياطة، وطبعاً ما فيه أي تعويض ولا تقدير للزبون الي من سنين ومخربين أقمشتهم، فأنصحك ثم أنصحك بالابتعاد عنهم.

خياط عظيم وشكراً
شكرا للاستاذ بدر
وللخياط داؤود
طابع خاص!
فعلاً لهم طابع خاص في خياطة الثياب.

أول مرة أروح له ،، إن شاء الله التجربة تكون مرضية ،، استقبال اكثر من رائع وتجاوب من الاستاذ بدر والمعلم داوود
-
انطباعي بعد التجربة جيد جداً كتفصيل وخياطة ، لا بد من بعض الأخطاء البسيطة جداً وأعتقد إن شاء الله أنهم يستطيعون تلافيها في الجايات.

ولا نجمه يستاهلها فصلت عنده ومن ثاني غسله للثوب الا الحشوه معدومه حق القلاب والجيب ياحسافه القماش انا جايبه لهم والمشكله قلت ليه سعر التفصيل مرتفع يقول والله رفعنا السعر لان والله جبنا حشوات وغيرنا كل شي للافضل واتمنى يتواصل معي راعي المحل عشان ارسله الصور على الواتس

سيء جدا جبت لهم قماش وياليت اني استخرت قبل افصل عندهم حشوات سيئة وتفصيل اسوأ وقسم بالله بدون مبالغه من ثاني غسله خربت الحشوات والتطريز وصار هالشي معاي تقريبا 4 او 5 مرات ارجع الثوب اعدله ونفس الاشكاليه تتكرر بعد غسلتين او ثلاث!

سيييييييء جداً انا ما علقت الا بعد ما استخدمته اكثر من مره وللامانه اقمشتهم تشمر وتقصر واسعارهم غااااااااليه ومادري على وش

تجربة سيئة جدًا جدًا جدًا في فرعهم بحي الملقا، من ناحية التفصيل وجودة الخياطة سيئة وعدم الالتزام بوقت التسليم المحدد في الفاتورة.
تجربة لن تتكرر.

للاسف ولاكن ردهم بالتعليق غير حضاري وكانهم يوزعون الثياب ببلاش التجاره تحتاج شطاره واسلوب ورقي

لو فيه اقل من نجمه عطيتهم اذا انت مشهور تعال شف الشغل كيف يكون جربتهم بعد اعلان الوثلان اوك عجبني الثوب ورجعت كررت عندهم ثوبين ولعبو في ثيابي معطيني اقمشة غير اللي اخترت ومقاس غير المقاسات الاوله كان عندهم واحد فلبيني هو اللي ياخذ المقاسات ونقلوه لفرعهم في الملقا ودج فرع السويدي على وجهه

من افضل الخياطين الي تعاملت معاهم الثوب مشاء الله تبارك الله تاخذه من عندهم ولا خلطه حتى بعد الغسيل عدة مرات تحس انه لازال جديد. شكراً لكم

جداً راقي ودقة بالخياطه وجودة ممتازه في الاقمشه ، وتم التفصيل عدة مرات.
نتمى لهم التوفيق.

سلامات ي الاسعار الثوب ب ١٤٠ والقماش من عندي سوا للصغار او للكبار. وكل صفه المحلات الي جنبه متواصين ع نفس السعر نصب عيني عينك فوق شوفة النفس والاسلوب الشين اسعار زباله

شهادتي فيهم مجروحة

وهنا تجربتي على مدار ١٠ سنوات متتالية ومستمرة باذن الله

ابداء تفصيلي بالاستقبال والتعامل

حقيقة الاخ بدر والاخ بندر من خيرت الشباب المحترم

ضيافة واخلاق عالية ولا نزكي على الله احد.

دائماً ما نقول هل عبارة " كانهم مفصلينه لك او جاي على مقاسك بالملي "

هذي العبارة ما شفتها الى عندهم يشهد الله ، تفصيل مرتب وأنيق وفخم

شي يشرف يشهد الله فصلت الصيفي الكلاسيك وتشكيلة واسعة من درجات الألوان وحرصهم على توفير افضل الخامات

وفصلت المودرن ومرتب ، الشتوي وما أدراك ما الشتوي امن وأرقد على قولتهم ، تشكيلة واسعة من الألوان والخامات اليابانية وغيرها من الزين

ومع هل كلام كله نجي للمهم وهو السعر ،،،

على الجودة يفوز بافضل سعر

اخيرا الله يبارك لهم ومازلت احد عملائهم باذن الله وانصح بالتعامل معهم وفالكم التوفيق

مواصفاتي و انطباعاتي عن الثوب

القماش: على اصول اسم دولفين

الزرار: شي فاخر

الاقمشه والوانها: فيه جميع الالوان والون الي اخذته زيتي
وبس شكرآ طابع خاص خياطه الرجاليه الراقيه
على حسن الاخلاق الرفيعه فصلت ثوب خلص في 3ايام

لا والله وانا اخوك لاتوقف الناس عشان ثوبي بس حط اسعار معقوله ماعندي مشكلة انتظر شهر لاكن بأسعار معقوله

مشكلة المحلات اذا اعلنو لهم احد المشاهير لانه بالاخير انت اللي بتدفع ومشكتهم تاخير بالتسليم ليش يعني هذي حركة تسويقيه انه عليك زحمه غيرك جودهم عاليه ولا ياخذ بالكثير الا ١٠ ايام وهو خالص

إضافة إلى سمو أخلاق العاملين فجودة الخياطة لا يعلى عليها ومن تجربتي ذهبت للعديد بحثا عن سعر ارخص فندمت وعدت إليهم مهرولا

والله انا عميل عندهم لي ممكن ٧ سنوات لكن الفترة الأخيرة تفصيلهم ردييييييء جداً وانصح بعدم التعامل معه من بعد ما غير الفلبينين الي ياخذون المقاس والمقاسات سيئة