اوزون للخياطه الرجاليه

اول مره افصل عنده وللأمانه أفضل خياط فصلت عنده
والتفصيل فوق ماكنت أتوقع
كنت متخوف لأني أول مره أجربه لكن يستاهل التقييم كامل

السلام عليكم. للأمانة الخياط ممتاز جدا جدا. بخصوص الشغل والأقمشة. اكثر من رائع. رغم انو انا من بعيد لكن يكون في أولوياتي حتى لو كنت بعيد. والاختيارات كثيره من الأقمشة والازره وتقدر تضيف سحاب. بدال الأزرار. وعنده أشياء متعدده للفخامة

تفصيل ممتاز استقبال ممتاز انصح فييه
والموظف عمرو خلوق جداً بيض الله وجهه
الله يجزاكم خيير

ماشاء الله صراحة شغل مرتب حتى اذا لبست الثوب تحس بأناقة الله يعطيكم العافية على اهتماماتكم بتفاصيل الصغيرة والكبيره

انصح اي شخص وده يفصل على مقاس يروح عند خياط اوزون و خصوصا الموظف ماجد يجيب لك الثوب على مقاس يعطيه العافية

بصراحة من افضل الخياطين الذي تعاملت معهم جربته مره فأصبح خياطي المفضل
. من الاخر انصحكم فيه جداً
الموظفين نصوحين جداً خاصة الاخ ماجد

ما شاء الله تبارك الله على الشغل.
اولادي كلهم عنده يفصلون شغل احترافي.
دقه في المقاسات.
والتزام بالمواعيد.
وما شفت خدمه وتعامل واحترام في كثير من المحلات لكن في اوزون شفته.

الصراحه من افظل الخياطين وتعامل راقي وخدمه بعد البيع ممتازه مره واقمشتهم روعه دقه في المواعيد وشغل احترافي انصح فيه وبقوه لا يفوتكم مرررررره روعه

أنا فصلت عندهم ثوب في ٢٠١٩ وكنت سمين
للأمانة الثوب معي لليوم كأنه جديد حشواته جدا ممتازة
لكن … (عيبه التأخير ما يطلع الثوب إلا بعد ١٠ أيام وعلى كلامهم إن المعمل بعيد أتمنى يحلون هذي المشكلة) و (العيب الثاني يبي لك تنبه على الخياط ما يكون الثوب وسيع من تحت لأنها قد لا تناسب الكثير)

اليوم رحت أدور لي خياط يفصل لي ثياب خلال ٥ أيام طبعا لابس ثوبي إلي فصلته عند أوزون ووسيع علي حاليا بحكم إني نحفت المهم كل ما مريت أحد أعلمهم إن الثوب له ٤ سنوات معي، كلهم قالوا ما شاء الله عليه و ينصحوني لا تتعداه وتفصل عند غيره من جودة القماش والحشوات.

*يعني نصيحتي إلا يبي يفصل لشيء رسمي جدا لا يتعداهم*

من اسوء الخياطين الي ممكن تتعامل معاهم لا مقاسات صح ولا تعامل زين مرتين ارجع عشان تعديل وبالاخير كل شي خطأ

للامانه انا اجي من بعيد مرا عشان تفصيلهم اقسم بالله العظيم اني ما اقول الا الصدق واني مالي دخل فالمحل او صاحب المحل واني احاسب وحاب اقول لاي شخص يبي يلبس ثوب سكبه ومرسوم ومافيه اي عيوب يتجه لهم وباذن الله راح يرضوووونه شكراً اوزون

الف شكر للتعامل الراقي والا احترافيه في التفصيل والدقه بالمواعيد

انا من اكثر من ٥ سنوات وانا افصل عنده ويعلم الله ماعمري تندمت على تعاملي معهم

أتوجه بالشكر والتقدير للأخ عمرو ممثل مبيعات الفرع لما لقيته من حسن الاستقبال وطيب اللقاء متمنياً له التوفيق

كلمت حق يشهد علي ربي فيها خياط راقي بالتفصيل وكذلك التعامل وعن تجربه ٦ سنوات بين خياطين الرياض المشهورين اوزون تفوق عليهم من ناحيه الجوده ودقه اخذ المقاس وجوده الاقمشه شكراً من القلب️

شغلهم سيئ جداً ، عادي يجيب الثوب في اخطاء وبكل برود يقول نعدل لك ويرجع باخطاء! وياليت السعر معقول تعامل الادارة في غاية السلبية ماديين ولايهمهم حق الزبون وعندي مايثبت

جاري تجربة الخياطة وإن شاء الله تكون مناسبة
بعد التجربة. الياقة تلفت بعد ثاني أو ثالث غسلة، وتم إرجاع الثوب، وبعدها تلفت مرة أخرى مع الأسف. هناك مشكلة كبيرة لدى الخياطين فجميعهم يتقنون الملابس الشتوية أما الصيفية فنادراً ما تجد.
لن أعود لهم مجدداً

تفصيل من ناحية المقاسات افشل من الفاشل وتجربه معهم لاترقى لمستوى خياط ثياب رجالي استغربت من التعليقات اللي مدحوهم وهقوني معهم لاني فصلت عندهم 7 ثياب جايب اقمشتها من براء بسعر غالي وبعد استلمتها كل السبع ثياب فيها اختلاف غريب وعجيب اللي طوله مناسب عرضه زفت واللي عرضه مناسب طوله غلط وازيد عليها من عند اكمام اليد فاشل للغايه ولو انهم عطوني 7 ثياب بلغط واحد سواء الطول او العرض قلت غلطه قياس لكن كل ثوب فيه خلل يختلف عن غيره هذا يدل ان هالمحل افشل محل مر علي بحياتي وبغلطات ماتتعدل للاسف يعني راحت علي خساره قماش غالي جبته وخسارة سعرهم الغالي اللي لايرقى لمستوى افشل خياط بالمملكه

اسس الخياطه غير متوفرة بهذا الخياط
ادق التفاصيل سيئه والقياسات غير متوازيه ويصبح الثوب بشكل مخصر وفوق وسيع ومن وجهه الأرجل ضيق
وفوق هذا السعر مرتفع.

سيء للأسف. كل مرة تفصل لازم ترجع له عشان المقاسات من غير الاسعار العالية. تجربة ماكانت كويسة. الاناقة او مشار وارفع يدك

التفاصيل سيئة جداً. تم إرجاع الثياب اكثر من مرتين للتعديل. غير محترفين. تجربة لن تتكرر. اربع ثياب ليست للاستخدام

قلت للخياط ابي الثوب واسع!
وطلعه لي مخصر! ؟ افقع وجهة! ؟
خياط غالي بدون شي مميز
يفصلون لك على مزاجهم! ؟

بأمانه التفصيل رائع فصلت عند كثير خياطين الاسعار متقاربه بل بالعكس بعضهم مبالغ فيه اشوف ان اسعارهم معقوله مقارنه بالشغل
الشاب اليمني الموجود في غاية الاحترام
والتعاون مع العميل # بون دائم بإذن الله #

للامانه انا فصلت عنده اكثر من 4 مرات وتفصيله ممتاز وانا وا خواني كلنا نفصل عند المحل هذا وممتاز شغلهم والله يوفقهم وانصحكم فيه

اسوأ خياط على وجه الارض مفصل عنده ثياب ب ١٠٠٠ ريال لو اني رايح البطحى ابرك ، المحل كان من افضل الخياطين اول ما فتح واسعاره يوم ارتفعت واشتهر صار سيء انصح بعدم التعامل معه

اوزون صار لي اتعامل معهم من 3 سنين
ما شاء الله تبارك الله تعامل راقي و خياطة فخمة
كل من شاف علي الثوب يسألني من وين.

اسعار معقولة وخياطة ممتازه ومن خلال تجربتي لاحظت الثياب والياقات مايدخلها هواء مع الوقت وهذي ميزة تنافسيه عن غيرهم.

بصراحة الله يعطيكم العافيه من بدأت معهم التجربة من ٥ سنوات و اكثر و انا ارتحت من كل يوم تجربة الخياطين.

جودة الاقمشة ماعليها كلام من الاقطان والمشروك، والخياطة ممتازة و انصح انك تسوي ثوب بروڤا بالبداية عشان تضمن ثيابك تطلع بالضبط زي ماتبي

ممنتازين قماش ومقاسات واسلوب الشباب بتعامل يجذبك اكثر للتجربه اكثر من مره نتمنى التوفيق والتوسع اكثر مثل هذي العلامات التجارية

والله تجربة فاشلة وسيئة، فصّلت عندهم ٥ ثياب وبعد ٢١ يوم استلمتها، لقيت ٣ ثياب من أصل ٥ فيها أخطاء فادحة ما يسويها خياط مبتدئ، ثوب لقيت الجيب الأمامي مايل بشكل مضحك! والثنين الباقية لقيت قماش الثوب من ورا تحت الراس فيه قماش زايد إذا لبسته يغطي الياقة! والله تفصيل مضحك، يوم رجعت لهم وعدلوها، رجعت للبيت لقيت واحد من الثياب اللي عدلوها فيه شقوق! ومازال الجيب مايل ما عدلوه، يوم تواصلت معهم بالوتساب يقرون كلامي ولا يردون، وأكلم الإدارة ويرد بكل برود يقول الخطأ وارد وكل الناس تخطي، قلت صح كل الناس تخطي مرة بس مرتين وأخطاء بدائية ما تجي! وبعدين اللي يخطي يعوض الزبون ويقدّره. قال التعويض نعطيك إياه بعد الخطأ الثالث الأكيد تجربة سيئة ومستحيل أكررها لو قالوا ببلاش، حسافة الوقت والفلوس.