7 Roses gift shop - ٧ وردات للهدايا

تعامل الموظفة أدب وذوق وأسلوب
كنت مستعجلة وبسبب بُعد المسافة ساعدتني باختيار الورد والتنسيق بطولة بال برغم انشغالها بأمورها الشخصية ولكن ما قصرت معي نهائيًا وجهزتها لي قبل أوصل

اللي يردون في الواتس يحومون الكبد وبلا اسلوب ولا احترام لزبون ارسلهم الصوره واقول بكم تصلحون الباقة يقولون على حسب اقول عطوني السعر نفس هذي الصوره غيركم عطاني كم تكلف يقولون روحوا لهم يعني طرده
وع وش هذا الاسلوب محلات الورود بكل مكان حتى في التطبيقات اللي يشوفهم يقول بيعطونا ببلاش

سعر الورد غالي
واسلوب الموظفة الله يهديها ماتعرف كيف تتحكم بنبره صوتها طلعت مصدعه من المحل

شكراً ليوسف على التعامل الراقي والاخلاق الحسنه قلت له وش احتاج ونسق وضبط لي كل شيء، بصير دايم اتعامل معكم شكراً لكم

تعامل صاحبة المحل بيخليني أرجع لها دايم، مُحترمة وذوق وتعطيك أفكار لشكل تغليف الهدية والإضافات، لو أعجبتك بتسويها لو ماأعجبتك عادي، تتقبّلها، وكريمة نفس?

كانت نجربه لطيفه من الموظفه هاله قابلتني ببشاشه وصدر رحب وتقبلت ميزانيتي وسوت لي نفس اللي في بالي. شكرا هالة

غالي جدا ٦ حبات جوري ووردتين بيضاء على فازاة من عندي ب ٢٥٠ريال ليه؟؟! والورد الابيض الصغير ب١٢٠ صراحه استغلال وكمية بسيطه المحلات الثانيه تعطيك اياه مجانآ مع الجوري والخدمه بطيئه والسعودي يحط كل شوي نوع ورد الا يقنعك تاخذها وانها مناسبه وانت ماتبيها

لقيت عندهم الهديه اللي احتاجها ولأن شغلهم احترافي و جميل الهديه طلعت جميله.
استقبالهم وتعاملهم اجمل.
They are professional and helpful. I found what I was looking for.

يعطيكم العافية فازه جميلة ومرتبه زي ما ابي واكثر والتوصيل سريع وصلت عالوقت المطلوب غير التعامل الراقي على الواتساب بحكم اني خارج الرياض

تعامل الموظفة سيء جداً واسعارهم غالية تجربة لن تتكرر
وتجربتي مريره عطتني صندوق وتأخرت ساعه ويوم جيت استلمه طلع مكسور.
لازم الي بيشتغل يخاف الله حسبي الله ونعم الوكيل!

زرتهم لتغليف هديه وكان عندي لون معين لتغليف لما جيت المحل قلت ابي لون التغليف كان لطافه من الموظفه قالت فيه لون افضل يناسب للهديه اكثر وفعلا طلع اللون اجمل بكثيرر بكرر الزياره ان شاء الله واسعارهم معقوله

تعامل الموظفة لطيف لكن كمحل متخصص في الورود يفترض يكون الورد بجودة عالية مو ذبلان. وعدتني تغير الورد ولما جيت استلم طلع نفس الورد الذبلان بس مقصص! طريقة ترتيب الورد برضو تقليدية جدًّا. لطف الموظفة هو اللي احرجني مارجع الفازة لكن جودة العمل ماتحفز للتجربة ثاني.
التعامل اللطيف لا يغني عن توفير الخدمة الاحترافية المتخصصة، نتمنى لكم التوفيق.

Anyone knows me, knows that I have been working on this lovely store for a plenty time! 7 roses shop is the best shop to helps me catch all my occasions. Thank you ️

نفسية الموظفات جدا جميلة ويفهمون اش ابغى وهي طايرة بدون م اتعب معاهم ولاتعبت معاهم بتنسيق الهدية ماشاءالله تبارك الرحمن نفسيتهم حلوة لدرجة جلسة وماودي اطلع من المكان من كثر ما المكان مريح وزادة الراحة بوجود الموظفات ،، اعطو جو للمكان ويكفي انه بالهم طويل ويتحملون العميل ويكفي ابتسامتهم وروحهم الحلوة? وللاسف ما حالفني الحظ واتعرف على اسمائهم من جمال اسلوبهم نسيت اسال عن اساميهم? ️ ما ابالغ يفهمون ذوقك وهي طايرة بدون تعب وتنسيقهم ماشاءالله تبارك الرحمن عيني عليهم باردة ️

السعر عالي مقابل باقة صغيره + اسلوب الموظف لابد يكون افضل مع العميل بعكس تعامل الموظفة شكرا لها.

المحل جداً جميل وتعامل الموظفة راقي ومحترم واسلوبها يفتح النفس حببتني الموظفة في هذا المحل وراح ارجع اكرر له الزيارة بإذن الله، بالنسبة للورد صراحة الترتيب والتنسيق اعجز التعبير عن جماله.

أم سعود

صاحبة المحل اكتر انسانة ذوق في الحياة الله يسعدها المحل جمممميل واصحابه ارقى، الله يرزقهم ويفتح عليهم

تجربة سيئة
واستغلال للزبون
أسعار جدا جدا جدا غالية ، ومبالغ فيها
وشغلهم مشي حالك
حاطين لوحة (الوردة ب ٤ ريال) وبعد الشغل طلعت غصن الورده ب ١٤ ريال!
ليش؟
قال هذي الجوري صغير مو كبير، مع انه في البداية قال: الجوري الصغير والكبير بنفس السعر، وننصحك بالصغير لأنه أوفر وياخذ أكبر مساحة!

لذا قطعا ما رايح اعيد التجربة
واللي يبي المخاطرة و بيجرب فعليه أن يتفق على المبلغ بالتفصيل قبل كل شيء، والا تراه بياكل هوى. زياده على شغل مشي حالك.

المكان جميل و الخيارات المتوفرة من ڤازات و ستاندات جميلة و اللي يحلى المكان اخلاق و روح البنات اللي بيشتغلوا

صحيح كلامك الورد ماتحسينه فرش اغلبه خربان يقطون فيه لين يصغر واسعارهم غاليه وبعدين الاحظ من المالك اي احد ينتقد يزعل ويرد رد غريب المفروض يتقبل النقد ويحسن من المستوى بعض الأماكن ننتقد يشكرنا المالك ويحسن من المستوى مو يزعل ويهاجم اي احد يرد كيف ينجح المحل

موفقين خير، براعة في التصميم لبوكيهات الورود، وإختيارات متنوعة من الهدايا،،، وفقكم الله وشكرا لكم

Expensive, bad behaviour, and they gave me deadline to finish and when I came they didn’t started yet.

راق لي تعامل العائلة ،مكان محفوف ولطيف يقدم الوان المشاعر الجميلة

بأيدي سعودية و ذوق شرقي ممزوج بالمعرفة على شذى وجمال العالم

احلا محل ورد. تلقى نوعيات ورد ماتلقاه بأي مكان ثاني ولا يذبل بسرعه وكل الموظفين سعوديين وذوقهم مرتب

تجربة راااائعة جدًا. دخلت المحل ومعي هديه من محل معروف وما كنت راضيه عن النتيجة ابدًا ، سالت الاخوات اذا فيه مجال يعدلونها لي ويضيفون لمسات حلوه لها ، كانوا قمة في التعاون والرُقي ، وماقصروا معي الله يسعدهم ، فخورة في بناتنا واسأل الله أن يزيدهم من فضله ويفتح لهم ابواب الرزق️️️

يكتبوا فواتير بدون علم العميل بأعداد ورد زياده وينصبوا ع العميل بالسعر تجربه سيئه ولن تتكرر

رداً ع التعليق اللي كُتب من المحل:
كنت فرحانه فيها بس لما زوجي استنكر ورجعلكم وريتوه فاتوره انا ماعندي خبر فيها ولاشفتها ومكتوب فيها 8 وردات وانا ماخذه ست وردات كبيره و4 وردات مجموعات ب 200 ريال ،، عموما انا مااقول زور انتو نصاااابين من الاخر خافوا الله ف كل ريال يدخل عليكم

من اجمل المحلات الي زرتها للهدايا الموظفات ذوق واخلاق ويعطونك اراء جميله وافكارهم لتغليف الهدايا ايضا الهدايا الجاهره عندهم مره حلو اشكركم على جهودكم

الصراحه قمه في الذوق والاخلاق و افكار و ابداع في التزيين تحتارو ايش تختارو الله يوفقكم و يرزقكم من حيث لا تحتسبو

بوقت دخولي كان المحل حوسه وغير مرتب وخاصه انه صغير ومافيه مساحة كافيه للمرور والتحرك ، مستقبلاً امل ترتيب المحل قبل دخول الزباين للمحل ، بالتوفيق لكم

تعامل جداً رائع ولطافه مع للزبون ، ولكن الشغل اقل من المستوى المعروف ياليت تتقدمون فيه + تكونون دقيقين في الحسابات

افضل محل تعاملت معاه
يكفيك روح بنات بلدك الحلوه?
عقبال ما اشوفكم اشهر محل هدايا بالعالم
الاسعار للامانه جدًا معقوله.
محلات الورد المعروف حاليًا ان الورده ب ٧
هم للحين ستاندر والورده عندهم ب٥
يستاهلوون ان الواحد يتعنى لهم لو وين ما كاان

Very proud of you?

المحل يجنن عندهم خيارات جديده ومتنوعه وعندهم صواني للعيد شكراً بحجم السماء ع تعاملكم الراقي والمهني ماشاءالله
من المحلات الي بتكون بقائمتي وارجع لها بكل مناسبه

من اسوا محلات الورد الي تعاملت معها من ناحية اخلاق بعض الباعه و قلة الحرفية في العمل،،، لم يحرص المشرفين في المحل على رضاء الزبون ولا تقديم المستوى المعهود في التغليف و تنسيق الورد،،، نصيحتي جرب محلات اخرى. بالنسبه لردك اخي المسؤول انا لم اخرج راضيه بل قد بينت للموظفة انني غير راضيه وقالت (والله بكيفك) وعندما هممت بالخروج من الباب وترفعت عن النقاش قالت بصوت عالي (طيب اشكوريني) اعتقد ان الزبون هو من يقرر تقديم الشكر في حال اعجب بالخدمة وليس من المعقول طلب الموظف الشكر من الزبون بهذة الطريقه خصوصاً بعد اخذ قيمة الخدمه. اعزائي اذا اردتم لهذا المشروع النجاح اعتقد ان بعض الموظفين يحتاجون لدورات في ظبط النفس و معرفة سيكولوجية الزبون وطريقة التعامل مع الزبائن،،، وليكن شعاركم رضاء الزبون اولا وخصوصا انه هو القناه الاعلاميه لكم،،، في النهاية لن اعود لكم مجددا،،،