مركز نخبة العلاج الطبي

من أحلى مراكز رياض جميل جدا شغل دكتورة جيهاد أفضل دكتورة فيك يا رياض و الانسة درصاف مشكورة على رقي الأسلوب و جيني حق تشقير

تجربة مميزة و أنصح ب دكتورة جيهاد راقية كثير و تعامل ممتاز و تساعدك على العلاج شكرا دكتورة
و الانسة درصاف على رحابة الصدر و الأخلاق العاليه

ارقى اسلوب و ارقى تعامل ذوق و أخلاق (درصاف)
و دكتورة جيهاد إيدها تتلف في الحرير مشاء الله
توانسة مره راقين

مراجعتي كانت عند الدكتوره ياسمين فلر شفايف عجبني مرررره والحلو انه يطلع الشكل طبيعي ماهو شي ملفت وسيئ بالنسبه لي مرح اسلم شفايفي لغير دكتوره ياسمين

اسواء عيادة ، تعامل الاستقبال جدا سيء، الانتظار طويل بشكل مبالغ فيه ، حاجزة موعد من اسبوعين ويوم وصلت خلوني استنى ساعة كاملة ثم قالوا نعتذر منك مارح ندخلك الموعد! رجعت حجزت موعد ثاني وكلموني قبلها بيوم يقولون بيغيرون الوقت لان زحمة عندهم! طيب انا حجزي مؤكد من زمان. تعامل سيء بشكل مو طبيعي

ليش تنظيف الأسنان ب١٥٠ ؟؟؟ لييييييش ؟؟؟؟؟
كان ب١٠٠ وحلويين
الحين زودتوا ٥٠ ليييش ؟؟

My experience here was really great, because of the nurse “Cynthia” she’s so professional and kind with all patients, I recommend this clinic to all my friends and family because of nurse Cynthia.

مركز جميل مع تغير الي صار فيه ديكور مشاءالله و ترتيب و خدمة عملاء بعد المراجعة و شكر المسؤلة الجلدية الانسة درصاف على الاسلوب راقي و تعامل

اشكر الدكتوره (ايمان حسن) على شغلها ووضوحها في عملها وكلمة رائعه قليله عليها لكن موظفات الاستقبال ماينفعون ابداً في الاستقبال ولا هم عارفين العمل

بكتب تجربتي عند الدكتوره <<جهاد>> (اسم دكتوره قليل بحقها) لو فيه اعظم من هالاسم احطه لها والله? ️
وربي شغلها بالذمه والضمير ولو بيدي الغي كل دكتوره ارسل الناس عندها تسوي لك شي لوجههك ويحليك بالمررره وشغلها نظيف ونفسيتها تجنننن تتحملك وتضحك وتسولف معك ماكانها دكتوره على تواضعها الجميل الله يرزقها اضعاف اضعاف ماتتمنى يارب ️️️️️

مره سيئين بالتعامل وبذات حقت الاستقبال بفترة الظهريه ماعندها احترافيه بتعامل مع البيشنت ولا عندها اسلوب بالحوار ولا حصلت لي الفرصه اني اقدر اسحب مبلغي سحبته اسم الموظفه عهود وزود بسوء بالتعامل تكذب على بيشنات ان مافيه الا عامله وحده وبالاصح فيه عاملات وشفتهم اكثر من ٣ واتمنى من اداره العياده تتخذ الاجراء فيها لان هذا مو مكانها واهي تنحش العملاء من المركز ولاحظت ان مو بس انا صار معاي بالتعامل بنفس اللحضه وحده تنتظر لها وجت على موعدها واهي قاعده على جوال واسلوبها زفت

كل وحده تقرا تعليقي روحي للدكتوره ياسمين وانتي مطمنئة قسسم بالله مهو مدح يكتب في صفحة بس كلمة حق للدكتوره الجميلة ياسمين شغلها جباااااااار وبطططل التكنيك اللي تسويه يحلي بشكل جداااا طبيعي ويدها خفيفه وبالها طويل تسمعك وتعطيك وش تحتاجين جدا مو بس زيادة فاتوره الله يعطيها العافية ومركز نخبة العلاج انتو جداً محظوظين في تواجد الدكتوره ياسمين في مركزكم ️️

اذا كنتي تبحثين عن نظام المشاغل في التسعينات واللي صوته اعلى هو اللي يدخل قبل فمركز نخبة العلاج الطبي بيكون هو مكانك المفضل

جايه على وقتي ودخلوا مراجعتين قبلي لانهم رفعوا صوتهم بس:)

الخيرات المشابهه كثير

المركز ممتاز و تعاملهم ممتاز
و دكتوره ياسمين جدا رائعه و شغلها متقن
و ايدها خفيفه و ممتازه

صراحه شغل الدكتوره جهاد بالفيلر يجنن ولا غلطه
ومعامله الموظفه يارا تخليك تاخذين كل شي عندهم وانتي مرتاحه فعلا بشوشه وعميله مره وتشتغل من قلب راح اكرر التجربه شكرا

الدكتورة جهاد والله العظيم ولا غلطة جمالها وجمال شغلها
ويدها خفيفة مررره
مررره مبسوطة على اللي سوته لي

مركز كتير مميز ، وشكر خاص للدكتوره (أمل الريمي) على الأداء المميز والدقه والأسلوب الجيّد وبتستاهلو مئه نجمي️️

جربت ليزر مع ديلان شغلها ماعليه حليو تشقير جربت مع فلبيينيه اسمها ان الله لا يوفقها كل حاجب شكل وتسلك واذا اعترضتي تعصب سكت لها بالجلسه بس بالرتوش م سكت مسويه كل حاجب شكل وشايله نص حاجبي وتقول زي بعض! جت الدكتوره الله يسعدها انقذتني ونادت الاخصائيه ايمان انقذتني جعل ربي يسعدها وسوت حواجبي زي بعض سوو عند ايمان حواجبكم والا لا تغامرون انتبهوا من الحواجب مع الفلبينيه ولا يوم سالت شسمك تقول مريام وهي اسمها ان مدري وشوضعها تكذب

احب اشكر طاقم نخبة العلاج بداية من دكتوره فاطمه خلتني اتغلب على خوفي من اطباء الاسنان يدها خفيفه واخلاقها تجنن خلعت ضرسي ماحسيت بشي واشكر بعد دكتوره امل سويت عندها حشوه تجنن وعملها متقن بعتمدهم بعلاجات الاسنان و بجرب خدمات الليزر بإذن الله و الشكر موصول لموظفات خدمة العملاء تعاملهم جميل ️

تجربتي مع الدكتورة فاطمه ، بداية أحب أشكرها جزيل الشكر على أمانتها في العمل وتفانيها وأحترافيتها وحرصها على ظهور عملها بالشكل المطلوب ورضى المعالج أولوية ، بعد عدة تجارب في عياداة الأسنان للأمانة الدكتورة فاطمه ان لم أعتبرها أفضل تجربه ف هي من ال ٣ الأفضل اللي مريت عليهم في حياتي ، وبالتأكيد راح يكون أول أسم يخطر على بالي اذا سألني أي شخص من أفضل طبيب أسنان ووين تنصحني أروح ، العيادة بشكل عام أحترافية في التعامل وبالأخص المنسقة مها لها جزيل الشكر على أعطائي المواعيد المناسبة لي دائما بسبب أوقات عملي المتقلبة وحرصها على تذكيري بالموعد ، شكرا جزيلا عيادة نخبة العلاج لستم الأشهر ولكنكم الأفضل

دكتور مازن نعمان من اسوء الدكاترة بالعيادة وانصح الجميع ان ما يروح العيادة،، دكتور مازن دخلت له ابغا اسوي علاج عصب طلعت من عنده ملتهبه اللثة وكل مالها تنتفخ عندي يوم ورا يوم. حسبي الله ونعم الوكيل فيه

صراحه شغل دكتوره ياسمين ولا غلطه. ماشاءالله يجننننن فلير عندنه طبيعي مرا المنسقه يار عسل تعمله يجن بعد

ماشاءالله شغل دكتوره جهاد مرررااا يجننن ويدها خفيفه ماحسيت بشي ابدا و لما سويت عند دكتوره جهاد الكل يسالني وين سويتيه من كثر ماكان شغلها بيرفكت وانا بصراحه مبسوطه بالنتيجه هذا يدل على شغلها الصح

تجربتي مع الدكتورة جهاد في معالجة آثار الحب والندب، الدكتورة رائعة بمعنى الكلمة تعاملها راقي، عملت جلستين فركشنال للبشرة و النتائج جميلة جدا فوق المتوقع

مستوصف سئ لابعد الحدود
عندي موعد 4 وربع والي الساعه 6 مادخلت على الدكتوره ياسمين
بالاخير خطا في التنسيق
والاداره افشل وافشل

يا جماعة ماشاء الله على خفة يد الدكتورة الشيماء، انا بعاني وبخاف من الاسنان جلست جلسة تنظيف بسيطة احس تحمست اروح جلسات اكثر شكراً لك دكتورة الشيماء على خفة اليد والمعلومات البسيطة اللي فهمتها منك على الاسنان?

جربت الحشوات الأمامية عند د. الشيماء المصري شغل ممتاز جدًا شالت الحشوات القديمة وحطت جديدة وضبطت لي السن بشكل متناسق أشكرها والله️

الدكتوره إيمان يجننن شغلها للحواجبب رغم أن حواجبي صعب ترتيبها لأن كل وحده شكل بس هي الله يعطيها العافية ضبطت لي حواجبي و بعتمدها إن شاءالله

كنت مخططة اسوي كم اجراء تجميلي عند دكتورة مي
ولكن تعاملها يخلي الواحد يندم ولا يكرر الزياره
انا دافعة حق استشاره ومع الاسف كانت قاعده على جوالها وتتكلم بغرور وتختصر الكلام عجوله جداً تبي تخلص بسرعه بالرغم من ان العيادة ماكان فيها الا انا وماعندها حرص واهتمام لارضاء العميل وكأني داخله اخذ استشاره مجانيه ، سويت عندها اذابة دهون ولا علمتني الجلسة الجايه تكون متى او ايش احط على وجهي بعد الاجراء ، ايضاً كلمة حق سويت عندها اذابة فلر شفايف وشغلها بالتوذيب والتخدير حلو ولكن لن اكرر التجربه بسبب التعامل فمن المتفرض لما يجي عميل يدفع كشفيه او يدفع حق خدمة من الواجب ومن الاحترافيه انك تهتم فيه وتصغي له وتخليه يرتاح لك ويسوي الاجراء برضاء كامل ما شفت اي اهتمام همهم بس يدخلون فلوس

دكتورة شيماء بعيادة الاسنان اعطيها ١٠٠٪؜ مبدعه م شاء الله سويت تنظيف اسنان وحشو فينير وكانت النتجية جدا مرضيه وفووووق المتووووقع. يعطيها الف الف الف عافييه?

Dr. Shaimaa is amazing! Very light touch, explains everything very well. Highly recommended for all your dental needs.

I’ll be back soon!

السلام عليكم
يعطيكم العافيه اول شي من لايشكر الناس لايشكر الله
وحابه اشكر الأخصائية إيمان على حرصها وعملها المتقن فعلاً انا لي فترة ماأسوي ولا اسلم وجهي الا لها يعطيها الف عافيه عالأمانه فالعمل واشكركم على توظيفكم للناس المحبه والمخلصة لشغلها

وانصح الكل يجرب لايت وجه عندها

تحياتي
ملاك

الصراحة كنت خايفه من موضوع الفيلر ومهما اشوف ناس قريبه مني تسوي الا اني ارفض الفكره بس من بعد ما تعاملت مع مركز نخبة العلاج وشفت شغل الدكتوره ياسمين حبيت حاجة اسمها فيلر و اي بنت خايفه من الموضوع روحي لدكتوره ياسمين مخصوص وعلى ضمانتي ايديها خفيفه والنتائج روعة دا غير حتى لو راح البنج مُش هتلاقي اي آلم️️️️️️️️️

عيادة وكادر اكثررر من رائع والدكتورة ياسمين عملت معاها فيلر وخيوط ماشاءالله تبارك الله يدها تنلف بالحرير على اتقانها بشغلها ودقته ونتائجها الطبيعية واحب اشكر المنسقة السوريةايمان على اسلوبها الجميل

دكتورة شيماء بعيادة الاسنان ١٠/١٠ مبدعه مبدعه جدًا تبارك الله تعاملها جدًا جميل والاهم يدها خفيييفة ماتحسون فيها ابدًا ️ مع ان المركز بعيد مره من عندي لكن تستاهل اتعنى لها ومو اخر تعامل معها بإذن الله

انا انسانه ماحب ابدا شغل التجميل بس الدكتورة مي غيرت رأيي ماشالله تبارك الله ايديها تتلف بحرير عملت عندها خيوط للوجه وفيلر وبوتكس وكانه طبيعي جدا بشكل ماتتخيلونه

دكتورة مي ️ من الطف وافضل الدكاترة الي سويت عندهم نتكلم عن جودة الخدمة وصدقها وامانتها ولا اتكلم عن اللطافه والذرابة وجمالها خلقاً وخُلقاً ماشاءالله. كل مره اروح اجرب احد ثاني في الاخير اقرر ارجع لها، الاسعار معقولة وعروضهم حلوه كل فترة وفترة في خدمات مجانيه مع الفيلرز- انا ساكنة بالشمال لكن والله اضرب المشوار وانا مبسوطة لدكتورة مي ومو بس انا، انا واخواتي

أجمل عيادة تعاملت معها خصوصاً الشغل مع الدكتورة أيمان بشرتي تحسنت بعدها وشغلها بالحواجب روعة يعطيك العافية دكتورة إيمان على الشغل الاكثر من رائع

️حبيت المركز مررة نظيف

سويت تنظيف وتبيض عند الدكتورة فاطمة وفرق معاي مع اني سويت قبل في مراكز و مافرق معاي شكراً لدكتورة فاطمة محظوظين فيك وفي حرصك ️

تجربة رائعة مع الدكتور محمد باسلامة اسنان اطفال محترم وطريقة تعامله مع الاطفال رائعه الله يبارك له

للامانه من من زمان انا عندهم بالفلر مع الدكتوره مي مرررههه شغلها تبارك الرحمن جممييل
واليوم اول خدمه اسويها عندهم غير الفلر والليزر تنظيف عادي
مرهه تبارك الرحمن شغل الدكتوره خوله بطلل
مع اني موظفة بعياده تجميل الا اني ما اسوي ولا اتعامل الا معكم️

تجربتنا مع الدكتور اشرف تقويم أسنان ، أولًا تُشكر العيادة على إهتمامها بالتذكير عبر رسائل نصية بتواجد الدكتور ثم الإتصال من قبلهم لحجز موعد المراجعة، وأيضًا التذكير بعد حجز الموعد. الدكتور أشرف متمكن والنتيجة كانت ممتازة ، تعامل راقي ، واضح وصريح ، وهادئ. بالتوفيق لكم

تجربتي مع دكتورة ياسمين روحها حلوه وتفهم ايش يناسبك وشغلها طبيعي وحلو

مشكلة العيادة بالمواعيد تحجزين موعد وتنظرين نص ساعه او حتى ساعة يعني انتي وحظك

اليوم كانت تجربتي بالفيلر مع الدكتورة ياسمين
النتيجه الي طلعت فيها في قمة الروعه من جد يدها خفيفه وتعرف للوجه والي يناسبك اشكرها من كل قلبي من جد تطلعين من عندها وانتي مبسوطه بالنتيجه

مركز جميل جدا.
الجلدية مع دكتوره ياسمين شاطره ويدها خفيفه.
والاسنان مع دكتوره شيماء ممتازه.
موظفات الإستقبال متعاونات جدا ومتميزات في عملهم.

سويت توريد شفايف عند د. ايمان صراحه ممتاز مره والنتيجه وضحت من اول جلسه لدرجه تحمست اسوي الثانيه وسويتها اليوم اشكرها على خفة اليد?

تجربتي مع الدكتوره ياسمين جدا تجنن ويدها خفيفه الله يعطيها الف عافيه اسلوب وتعامل وذوق واشكر مساعدتها ايمان مره عسل وذوق تدخل القلب

العياده راقيه جداجدا والتعامل ايضا والدكتوره ياسمين من اجمل الدكتورات اللي تعاملت معها وفعلا فنانه في شغلها شكرا من القلب

المركز هادئ وجميل، جيتهم اليوم ع الوقت ٥: ٣٠ لكن انتظرت حوالي ٤٥ دقيقة ، تنظيف البشرة ب١٤٩ (عرض) ماشاء الله جميل، شفت فيلر شفايف لمراجعة عندهم مررره حلو سوته (دكتورة مي) ان شاء الله أجرب عندهم الليزر والهيدرافيشل (تنظيف بشرة)

مبسوطة لأني حصلت مركز يرضيني بكل الجوانب️!
وأولها خدمة العملاء وسرعة استجابتهم المُبهره! رائعييينن بمعنى الكلمة نفسياتهم حلوه وخدمتهم احترافية وسريعه، صراحة أهني المركز على هالموظفين، لأنهم مثلو المركز أمام العملاء بشكل مُشرف وهالشيء يخليني اتعنى المشوار لهم، هذا غيير خدمات المركز والأطباء واحترافيتهم ️

زرته مرتين عند الدكتوره فاطمه يازينها سويت تنظيف وحشوات ويدها خفيفه وماحسيت وبدون بنج وباقي بسوي تركييه عندها

تجربه سيئه عند دكتورة اسنان سعوديه سوت ف البدايه اشعه ب150 قالت السن ملتهب والخراج واصل لضرس الثاني ولازم نشتغلها كلها ومرحله العلاج طويله سالتها عن السعر قالت السن ب700 والضرس 1000 طلعت ورحت مستشفى ثاني قالوا التهاب بسيط يتعالج بالمضاد الحيوي واخذت مضاد ب 40 ريال ورجعت لهم بعد اسبوع راح الالتهاب وصارت سليمه يعني تشخيص خطاء او استغلال

شغلهم لا بأس فيه بس مبالغين بالمدح بالي بالتعليقات شكله موظفين المركز يعلقون عشان يجذبون الزبائن

المركز رايق والخدمات كويسه اول مره اعلق بجوجل بس تستاهلون ياريت يتوفر الهيدروفيشل عندكم شغل البشره سنع

فاشلين واجهزتهم قديمة وهمهم الوحيد ياخدون فلوس وسورية مرة مرة سيئة وقليلة احترام تجربة ماراح اكررها

مركز ممتاز صراحه وتعامل كويس
كنت عند الدكتوره أمل الريمي اسنان صراحه ممتازه لا تعامل ولا اسلوب ولا دقه بالشغل ولاخفه باليد مشاءالله وجاري التجربه لبشرتي باذن الله اشكركم ع هالمركز الرائع

الاستقبال هي مشكلتهم الوحيده السعوديه الموجوده في الاستقبال نفسيه وتتكلم من طرف خشمها والسوريه الي معاها اخلاقها عالية جداً. سويت اسناني عند الدكتور مازن جداً خلوق ودقيق في شغله

الدكتور مازن بقسم الأسنان قمة الأخلاق ويده خفيفه ماشاء الله اما قسم الليزر ممرضاته خلوقات جدا ورائعات ولكن غرف الليزر غرفين والإنتظار طويل

الدكتوره / ابتسام من اروع وافضل اطباء الاسنان الي تعاملت معهم بحياتي بكل امانه ومصداقيه اليد خفيفه وتبعد عنك رهبة دكاترة الاسنان ، واخلاق عاليه واهتمام بالشغل اتمنى لها التوفيق والمزيد بالتقدم. وشكراً ️

العياده جميله ونظيفه وليزر شغلها حلو بس اللي يعيب المكان المنسقه او المشرفه ترفع الضغط وماتتفهم معك زين

دكتوره مي انسانه خلوقه ومتمكنه عملت عندها اجراء لبشرتي.
تعامل منسقة المواعيد غير مهني تفتقر للباقه للاسف.

اشكر الدكتوره ياسمين شاطره ودقيقه في عملها ومخلصه وتشتغل بهدو الله يسعدها ويرفقها تعالجة عندها وجبت الاهل انصح التعامل معها

سويت تنظيف اسنان عند الدكتوره ابتسام ، دكتوره عسل ويدها خفيفه ، بس اخروني في الانتظار حقيقةً ، بس شغل الدكتوره شفع لهم

مكان جميل راحه نفسيه سبحان الله المكان الوحيد الى ارتاح فيه ومواعيد مظبوطه وعروضهم واو الله يسعدهم

السلام عليكم ورحمة الله وبركاته
اشكر القائمين على المركز واشكر الطاقم من اسنان وجلدية
مركز اكثر من رائع ويستاهل اكثر من خمس نجومولا ننسى الاستقبال رائعين جدا.
واخص بالشكر لدكتور الاسنان / مازن
ماشاء الله يد خفيفة واحترافيه في العمل وانصح من اراد الذهاب لهذا المركز لعلاج الاسنان الذهاب للدكتور / مازن.
عن تجريه شخصية.
تحياتي للجميع ،،،،،