الاناقة للخياطة الرجالية فرع النسيم

صراحة جيت للموظف الساعة ١٠:٤٠ م ورفض يخدمني يقول قفلنا ومكتوب التقفيل الساعة ١١م وللعلم كنت بفصل 8 اثواب ورفض الموظف للعلم التفصيل لان عندنا مؤتمر وكذا موظف يجون يفصلون وارجو من المسول التواصل معي

من افضل الخياطين بالرياض ليتني اعرفهم من قبل صحيح اسعار مرتفعه شوي بس والله العظيم يستاهلون كل ريال ينحط فيه فصلو وانتم متطمنين تحياتي لصاحب الاناقه للخياطه الرجاليه

اتعامل مع الخياط من اكثر من ١٥ سنة. والله الكثير يسال من وين أفضل ثوبي،، مميزين جداً في الخياطة…

انا من القصيم وزبون عندهم من عام ١٤٣٠ اقسم بالله ماعمري اشتكيت من اي مشكله بجميع ثيابي. ماشاء الله تبارك الرحمن قبل ٢٠ يوم مفصل وربي قممه بتفصيل الثوب وهذا غير (جودة عاليه)

من اسوء التجارب على الاطلاق ولا احب اظلم احد الا انه اكثر من تجربه نفس الاخطاء والتعامل غير مرضي واذا كلمته قال نعدل لك وجيب الثوب وتعال بعد خمس ايام وكأني انا متسبب بالخطأ مع ان المبلغ الي ياخذه على الثوب مفروض تتقدم خدمة vip الا انهم على سمعة قديمة ووضعهم اسوء من السيء ولا انصح التعامل معهم

والله عاد ناوي انا وربعي نخيط عندهم واسعارهم معقوله و حلوه لكن التعليقات عليه سلبيه جداً نعتذر منكمً نشوفكم على خير

زبون عندهم من عام ١٤٢٢ اقسم بالله ماعمري اشتكيت من اي مشكله بجميع ثيابي. ماشاء الله تبارك الله قمممه ب ادق تفاصيل الثوب هذا غير جودة الاقمشه

مفصل ثوب ابيض ولما جاء وقت الاستلام اعطاني ثوب سكري لا ويقول هذا من درجات الابيض وفوق هذا كله يحتاج تعديلات بالمقاس، الان من يعوضني ال٤٠٠ ريال اللي دفعتها في شي ما طلبته! وحتى ادارة تشكي لها ما فيه، ما قدامك الا العامل اللي ارتكب الخطأ ورافض يعترف بخطأه

الحين قماش من عندي جايبه و خياطه بس ب 300 ريال و اخرتها يفصل لي مخفي و رقبه طويله و انا فصلت عنده ثوبين واحد قماش من عندي و واحد اخذته من المحل، القماش الي جبته لخبط التفصال و جلس يسويه على كيف فوق ما ان السعر غالي، اما القماشه الي من عندهم هذي ضبطها، يعني ماعرف عبط ولا كيف على اني طلبت نفسسس الخياطه و المقاسات و كل شي ما تفلسفت مع ذلك سوى واحد كويس والثاني خربه لي الله لا يوفقهم

أنا عميل قديم للأناقة وخاصة هذا الفرع بسبب الفلبيني فيصل الله يذكره بالخير وتم نقل فيصل من الفرع العام الماضي وصرت أبحث عن بديل للأناقة.

من 2022 وهو صاير سئ جدا والمقاسات مضروبه ماادري وش السالفه والتعديل بعد اسوا ولا يستاهل السعر هذا على الشغل السئ ارجو مراجعة موضوع المقاسات والخياطة

حطيت ثلاث نجمات عشان اعلق وين الثوب ب٣٠٠ وعليها السعر مبالغ فيه حتى لو كويس ماتوصل الاسعار كذا فيه خياطين سعرهم معقول وتفصيلهم افضل

من اجود محلات الخياطة الرجالية يكفي ان خبرتهم تتجاوز ٤٠ عام في مجال الحياكة ~ وهو اسم على مسمى و بكل مناسبة يعرف الجميع بان الثياب من الاناقة فعلا الزين غالي

تعامل سيئ من الاستقبال الموظف اليمني والتفصيل مايصلح ابداً واسعار مبالغ فيها جداً لا انصح بتجربته

خياط الاناقة اتعامل معه قرابة ١٥ سنة جودة ودقة ممتازة يكاد يكون الافضل يعاب عليه ارتفاع الاسعار المستمر سنة بعد سنة.

ملاحضة لممثلي الفروع يجب ان يكون التعامل احترافي بقدر العلامة التجارية

الحقيقة انصح فيه وبقوة وأنا من الناس اللي ما اقتنع بأي ثوب وبدون مبالغة جربت خياطين كثير وافضلهم بلا منازع الاناقة ، صح اسعارهم غالية شوي اقل ثوب عندهم 357 وفيه 400 وفيه 450 وحولها وكذلك التأخير في التسليم
ولكن وبدون مجاملة الثوب يسوى وبدون غلطة عشان كذا ادفع وريّح رأسك بدال التنقل من خياط لخياط ثاني
وانصح بفرع النسيم بالذات سمعته طيبة والكل يمدحه ومن تجربتي طلع الكلام صحيح
وفالكم التوفيق يارب

للإنصاف في حقهم الخياطة ممتازه جداً في المقاسات واللياقات ولكن الاسعار بين فتره وفتره يزيدون لدرجة انه صارو العملاء يجيبون اقمشه خارجية وقامت الادارة برفع سعر التفصيل الخارجي وكذالك عدم استقبال الاقمشة الخارجيه في اوقات المواسم مثل الاعياد للظغط على العميل لكي ياخذ قماش من الفرع اذا استمرت الادارة على ذا النهج راح تخسر عملائها لان فعلياً فيه عملاء لهم اعرفهم شخصياً حالياً اتجهو لخياطين منافسين لهم وذلك بسبب الاسعار.

سيئن جدا ومعاملة الاستقبال سيئه تبي تفصل ولا انقلع مايفرق معهم اذا انا عميل او لا محلهم فاضي دايم واذا جيت تخيط شهر علي ما تاخذ ثوبك والي حاط رقمه بالشكاوي هو يمني مسؤل فرع العقيق تكلمه اول مره ثاني مره حظر تدق سنه يعطيك مشغول كنت عميل لهم من 6 سنوات والخيت البس جاهز ولا اجيهم بسبب موظفين الاستقبال وسوء معامبتهم

الخياطة ممتازة ولكن الاسعار تحتاج مراجعة من قبل ادارة الاناقة … مرتفعة جدًا. خاصةً وانا زبون عندهم من ٢٠سنة

صراحة تقيمي لهذا الفرع فقط فصلت سابقًا عنده سيئ اتوقع فصلي علي مقاس شخص اخر وبالنسبه لي اهتم لآراء الآخرين لما ادخل علي التعليقات في التفصيل والاستقبال البعض يتأذى من سوء الاستقبال كونه زبون ياخي انا شخص جايك مو بلاش ادفع مبلغ وقدره وغيرك كثير. فايهمني صراحة انك تكون إنسان مؤدب ذو أخلاق عاليه في استقبال زبائنك كانت النيئه اني اذهب لهذا الفرع واجرب خياطته مره اخرى بحكم خياطتة السيئة في ايام العيد واختلقت له العذر من الزحمه وضيق الوقت ولكن بعد النظر في آراء البعض وهو متضايق من سوء استقباله بالمحل فاعتذر

توجهي كان للشركه الموجوده بالدور الأول. التابعه لمركز سانية التجاري. أشخاص في قمه الادب والذوق والرقي بالتعامل متعاونين جداا. فريق اكثر من رائع.

نصيحه ياخوان لاتفصلون عندهم خصوصن فرع النسيم الثوب ضيق وأنا مفصل من ٦ رمضان وجيتهم في ٢٨ رمضان وطلع الثوب ضيق أتكلم مع المدير يقول هذا شغلنا تبي الثوب ولا اطلع برا ولا تعال بعد العيد تستلمه واخذو مني حدود ٤٠٠ ريال حسبي الله ونعم الوكيل الله ينتقم منهم

الاناقه سيء بالوقت الحالي بمقارنة بالسابق بخياطة الثوب وجودته

موظفين الاستقبال قبل الاذان بربع ساعة يقفلون و بعد الصلاة يتاخرون بربع ساعة ايضاً

لا انصح به

عندهم موظف سيء في الاستقبال والتعامل ، يجبرك انك تغادر المحل! اتوقع هيثم قاسم محلات الخياطة المفروض انه يستقبلك ويعرض لك خدماته مايزعجك اخر تعامل مع السعر المرتفع

رغم اني زبون لاكثر من سبع سنوات الا ان اخر مره فصلت فيه ثياب تفاجأت بالخياطه وسوء الياقات.

كخياط عريق ولك خبره في هذا المجال ورغم الغلاء الفاحش لتفصيل لم تحترم زبونك وتقدم له افضل مالديك بل عاملتني كأي عميل يتعامل معك.

كنت انصح به جميع زملائي حالياً لا انصح به مطلقاً فهاجس الربح مقدم على العميل!

فاشل بكامل المقاييس فاشل بمعني كلمة فاشل
فاشل حق و حقيقه فاشل قولاً و فعلاً
فاشل بمعني فاشل
حسبي اللَّـَـَـَـْـْہ و نعم الوكيل
بدات اجازتي يقول الثوب باغي عليه يومين

يعني فتره 3 اسابيع وش قاعدين تسوون ياباغي عليه يومين فاشل بكل شي
توجد عده ملاحظاث و سوف اذكرها علي شكل نقاط

اولاً ؛ السعر غالي القماش من عندك التفصيل فوق 270 ﷼

ثانياً ؛ الوقت الوقت طويل 20 يوم تسليم الملابس يعني عشرين يوم انتظار وهذا يعتبر عيباً و ليس جودة ولا يدل علي كثره زبائن بل يعتبر شح باليد العامله لديهم او عدم اهتمام بوقت الزبون

ثالثاً ؛ لو السعر مرتفع و الوقت قصير مقبول نوعاً ما
و لكن جمعوا السعر الغالي و الوقت الطويل

اما الباقي الخدمات بشكل عام فاشلين بنسبه 15٪

جودة التفصيل واعتناء بأخذ التفاصيل والمقاسات للوصول الى افضل مظهر للثوب. وضمان استمرار حشوه الياقه والجبزور لاكثر من سنتين. يبقى اختيار القماش المناسب لك سواء من عندهم او من الخارج. انتبه من الاقمشة القطنية او المشروكة بالقطن لابد من تنقيعها بالماء عدة مرات لضمان عدم انمكاش الثوب بعد ذلك

مكان جميل وتفصيل جميل ولكن عدم تجاوب مع الاتصال على الهاتف الثابت لديهم وعدم الرد يقلل من احترامي للاناقه للان هذا يعد سفها للزبون

الأناقة كخياطة لا يعلى عليه. لكن الأقمشة كثير منها سيء و سيء جدا. خاصة مع جو الرياض و الحرارة تخرج رائحة كريهة.: (لذلك الافضل تشتري قماش و تفصل عندهم

ماشاء الله مكان له نظره خاصه واقمشتهم جميله اوصف الان الي اخذت منهم لا اعلم عن كل الاقمشه اليوم بس مفصلي ثوبين الاسعار جميله لاني اخذ القماش من عندهم وافصل عندهم كذلك بس ماعنده خدمة التفصيل من الخارج يعني مسالة تجيب قماش من برى يفصلونه لك ماعندهم

لا يستحق المديح الذي سمعته فيه.
تفصيل ملخبط. انا من جدة ومضطر أسافر الرياض مرة ثانية لتعديل الثياب. لاحول ولا قوة الا بالله العلي العظيم. إبراء للذمة أعطيته تقييم نجمه انا تجربتي مع فرع طريق الملك عبدالله