مجمع بسمتك الجميلة لطب وتقويم الأسنان والجلدية

تجربتي عندهم في عيادة الليزر جدا ممتازة. ملتزمين في المواعيد وطاقمهم الطبي جدا محترم ومحترفين والاستقبال تعاملهم راقي جدا. اسعارهم جدا ممتازه وعروضهم جبارة يستاهلون 5 نجوم بصراحه

ليزر نتايجه حلوه الى الان

Mary is an outstanding and loyal employee
Thanks) ميري)

ان عميل قديم بالمركز وجربت اغلب الخدمات الاسنان والليزر ولاحظت التطور في مستوى الخدمات المقدمه
اليوم راجعت الدكتور محمد الياسين ما شاء الله شاطر ويده خفيفه وعلمني كل المشاكل اللي عندي وحط لي خطة علاج … سعيد بتعاملي مع هذا الدكتور

انا جديده لي بالمركز في سحب العصب والتنظيف والتركيبات مع محمد الياسين مره شاطر ماشاء الله اكثر بكثير سويت علاج اللثة وكانت اسناني تتحرك الحمد الله حسيت بفرق كبير وسويت سحب عصب ممتاز عليهانصحكم بالذكتور محمد ياسين في علاج مشاكل اللثة وسحب العصب وغيره من المشاكل وشكرا ليك محمد ياسين علي الشغلك اكثر من ممتاز لسه لي حصص معاه ثاني واشكرك كثير علي مجهودك الكبير

المركز جداً جميل ومرتب ونظيف
نشكر موظفة الاستقبال لقسم الجلدية انسانة جداً متعاونه ولطيفة ولبقة
ونشكر الاخصائية اماني
شغلها جداً جداً جداً رائع وجميل انسانة تشرح جميل الخطوات قبل ما تبدا الشغل تبين لك كل شي
انسانه لطيفة وذوق
اسلوبها جداً جميييل ولبقة
ومتعاونه مرررره
يعطيها العافية

حرقتني حرق قوي تشوهت في فخذي وباقي اثر الحرق وكما اشوفه ادعي عليهم شغلهم فاشل بالليزر بالأول كاني ماسويت شيء ورحت لهم وقلت الليزر من ثاني يوم طلع الشعر ولا كاني سويت شيء قالت مو بس انتي تقولين كذا كثير مثلك بس مستغربه اذا كثير مثلي ليه محد تكلم بالتعليقات ليه الكل يمدح وخلوني اروح وانغش بالشغل الفاشل واحترق! وقالت و اذا تبين تزيدين الدرجة وقعي وقعت على اساس انا الي اختار الدرجة جت الفلبينيه جعل يدها الكسر ماسئلتني حتى وحطت درجة عالية قلت لهاا ذي عالية مره ومطنشه وتكمل لين مااحترقت يعني يااحرقك يا مافيه نتيجه فاشلين وبربي رحت عيادات كثير فاشلة بس قسم على فشلهم مااقد احترقت مثل هالحرق القوي

جزيل الشكر للدكتور محمد صالح شغل احترافي واحترام وتعامل، نتائج التقويم كانت مرضيه جداً،
الاشكالية الوحيده كانت مع الادارة كل شوي مضيعين موعدي.

ادارة سيئة وتعامل سيء وخصوصًا مع العملاء، فوق ذلك نتائج جميع الخدمات اللي سويتها عندهم متواضعه مقارنة بالاسعار الفلكيه، انصحكم بعيادة اخرى.

سويت عند الدكتور محمد اسناني تسلم يده بكل ذمه وضمير اعطاني نصايح قيمه واخذت استشاره من دكتور التقويم برضو الله يسعدهم يارب وين ماكانو ويوفقهم نتيجه مرضيه يعطيهم العافيه لكل طاقم العياده ️️.

اكتب تجربتي مع الدكتور ولاء البرني بعد مضي شهر من الفيلر والبوتكس ، النتيجة جميلة واعجبني تعاملها وخبرتها بما يحتاج الوجه ، طلبت منها عمل مااحتاج اليه وفعلا النتيجة ابهرتني المظهر طبيعي و متناسق ، لها الشكر وسوف اكرر التجربة واعتمدها طبيبتي في التجميل انا والعائلة ، أضف الى ذلك لطافتها في التعامل لها كل التقدير

انصح الجميع بزيارة الدكتور محمد باسعد، افضل دكتور اسنان وبالاخص في تقويم الاسنان على مستوى المملكة. للامانه تعاملت معه وكانت اسناني قبل التقويم يرثى لها. وبدية اشوف الفرق بعد التقويم خلال ثلاثة أشهر لين كملة المدة والي كانت اقل من سنة الحمدلله.

جربت دكتور منذر في علاج العصب يده مرة خفيفة و تنظيف الأسنان عند دكتور محمد ياسين والنتيجة حلوووووة مرة كأني مسوي تبييض. أشكر جميع الطاقم الطبي

الليزر عندهم ججدا ممتاز والممرضات شاطرات بالليزر و عارفين شغلهم.

سويت تنظيف بشره هيدروفيشل عند الاخصائيه اماني ججدداا اعجبتني النتائج واكيد راح اعيدها عندها

شكرا لكم

وياليت ترجعون دكتوره عُلا للاسنان شاطرره ججداا

عيادة مرتبه ونظيفه وانا عميله اعرف شغلهم وهالشي اللي يرجعني لهم لكن الصدق ممرضات الليزر اخر فتره يحتاجون تدررريب كل النيرسات لاني جربتهم ومستواهم تغير مرره تمشي فالليزر اي كلام اجل اجي جلسة فل بدي تخلصني ب اقل من ٣٠ دقيقه! مو زعلانه انها استعجلت فيني كثر ان النتيجه غير مرضيه وانا دافعه وطاقه مشوار علشان هالموعد ولا مره كتبت تعليق سلبي بس صدق شي يغبن اعطوا العميله حقها فالجلسه سووا تقييم لهم زي ما كنتوا تسوونه اول علشان ما نقيم هنا.

تجربتي مع الدكتوره ولاء رهيبه جدا والله جيت ابغى خدمه ثانيه لكن شفت شغلها انبهرت انبهرت جدا تبارك الرحمن شكرا لك الفلر تسويه سحر

للاسف مواعيدهم جدا سيئه ولو فيه اقل من نجمعه حطيته اسوى مركز ممكن تتعامل معه بخصوص الليزر للرجال مايقعل كل جلسة رتوش يايخرب الجهاز يالفني عنده ضرف طيب اوك رضيت وقدرة هالشي عطني موعد يناسبني مو تمشيني على جدولك غلطه ولن تتكرر
هل يعقل انك تكنسل موعد في نفس اليوم وارسلكم واتس الصباح يردون الساعه تسع المساء غير ان التعامل جدا سيء

جهاز الليزر عندهم ممتااااز جداً مايحسس بالجسم وازالته قوية بس عيبهم الكبير موظفاااااااات الاستقبااااااااال مايردون على الجوال الا بعد الف اتصال ولا يتواجدون باماكنهم التعامل معهم جداً صعب كنها عيادتهم يقفلونها ويفتحونها على كيفهم اكثر من مرا اجي يكونون مطفين العياده زي ماتشوفون بالصور ولي معهم اكثر من سنه ولا تغير اسلوبهم واهمالهم

تعامل العاملين سيئى والإدارة اسوى من العاملين يماطلون وحاطين تحويلة لشكاوي والاستفسارات ولا يردون واذا ردو قال بكره يجيك الرد ماصحكم تعملون معهم معلومات مضلله واستغلال

وحده من موظفات الاستقبال حجزت لي الساعه ٩ ورحت قبلها واتفاجئ ان الدكتوره ايمان ما بتداوم الصباح الا بيوم السبت فقط والمشكله تتصل علي امس وتقولي عن الموعد اليوم تطقطق علي ذي ؟ قايمه من عز نومي وومشورتني على الفاضي عموما ابي رقم الاداره او اي ايميل اي شي يوصلني للاداره

تنبيه عاجل وخاص الى مدير المركز

ممرضات الليزر غير جديات بالعمل.
سريعه جدا بسرعه البرق واذا قلت لها ركزي تعصب وتزعل. كثير مناطق مايلمسها جهاز الليزر. تسوي بشكل سريع ومو ع كل الجسم.
ايش الفايده ادفع اجل اذا بتسوي لي سكيب!

لازم تشتغل زين وتمشي الجهاز على كل منطقه بشكل دقيق.
لازم انت ك مدير تمسكهم وتحذرهم باسلوب شديد. عشان يحذرو.

ارجع لشكاوي الناس كلهم يشكو من نفس النقطه عاملات الليزر.

ياليت تحترم المراجعين وتنبه عليهم الله يرضى عليك وشكرا

مرا شكراً للعياده ان عندهم اخصائيه زي اماني شغلها بذمه وضمير سويت تنظيف بشره عندها اخصائيه تشتغل بكل ذمه كل جزء بالوجه تعطيه حقه وزياده يدينها تتلف بحرير مرا تسلم يدينها على شغلها النظيف والحلو خلصت الجلسه وانا مبسووووطه مرا منها اسلوبها عسل ويدها خفيفه وكل شوي تسألني اذا فيه شي يعورني ولا لا ومسويتلي اجواء استرخاء حلوه الله يسعدها يارب ويوفقها على شغلها اللى يبرد القلب مرا شكراً أ. اماني

جهاز الليز بطططلللل لكن للاسف الغرفة مو مررره نظيفه وكلمت الاستقبال عشان النظافة وكان تعاملهم جدا راقي واشكر الدكتوره سحر طبيبه الاسنان على صدددقها وامنتهااا

I would like to thank Dr Eman Hasan for her kindness and being honest to me in my case.
She is the only doctor who works softly without feeling the pain of injection.
I recommend her for everyone
She is THE BEST EVER

حسب خبرتي في الليزر و تجربتي مع هذا المركز للاسف الفلبينيات يحتاجون تدريب شغلهم سريع سريع جلسة فل بدي ماتاخذ ٣٠ دقيقه ليه! و الوجه مايعرفون يسوونه صح منطقه الشنب ماعندهم خبره ابدا والموقتين لهم عود الخشب لتغطية الشفه شفتي صار فيها نقط بيضا من الليزر اقولهم غطو يقولو طيب طيب و يسلكو مافي فنيه وخبره ابداً. بالنسبه للجهاز ايفو لاين دويتو او دويتو ايفو لاين ما اعرف مين الصح بس انه مو كويس يطلع حبوب وعشان اظلم الفلبينيات جميعا جربت (آني) ممتازه و صبوره اما الباقيات شغلهم سريع و قليلات ادب يراددون بأسلوب قليل ادب

زيارتي للمجمع كانت عند الدكتور محمد صالح ولله الحمد وصلنا لطبيب بمعنى الكلمه قمه في التعامل الراقي وخبره في مجال عمله وإيصال المعلومة بالشكل الصحيح وخدمة المراجعين باي حال اولا شكراً د. محمد وثانياً شكراً ادارة المجمع على جلب مثل هؤلاء النخبه.

ولله الحمد انتهت رحلة علاج أسناني ابتديتها مع دكتورة سعودية من تسوس وحشوات وخلع اضراس العقل واقترحت علي عمل تقويم مع الدكتور محمد. كان نعم الدكتور تعامل أخلاق وشغله قمة وسريع الله يحفظه هذي ثانية مره اركب تقويم ومره سعيده بالنتيجة وبنات الاستقبال كانو لطيفات معاي طول الرحلة، ومستمرين معاهم بباقي العيادات وبنتي الصغيرة مراجعتها مع الدكتورة ايمان ومبسوطين معاها ولله الحمد شكرا لكم جميعا

انا سويت فيلر شفايف عند الدكتوره مها ، ماشاءالله تبارك الله اول شي نفسها حلوه و دكتوره كلامها عسل عسل عسل و غير كذا شغلها مره نظيييف و ايدها ماشاءالله خفيفه و تعلمك ايش تحتاجين و ايش لا بكل صدق و امانه اول تعامل لي معاهم و مو اخر تعامل بإذن الله.
شكراً لك دكتوره مها

متعامل معهم ركبت تقويم بفتره قصيره وظبطت الضروس مره واجيهم فالموعد بالتمام وما انظف ضروسي الا عندهم صراحة شكرا للمجمع ذا

جربت الليزر عندهم الفنيين جيدين الموظفات متعاونات ماواجهت اي مشاكل بالمواعيد الرد سريع على الواتس لتنسيق المواعيد اشكرهم

انا حصلي موقفين كرهني بالعيادة
1- موظفة الاستقبال حجزتي موعد والمركز قبل الموعد بيوم اكدوا الحجز بالواتس اب وعن طريق الاتصال وجيت بالموعد رفضوا يدخلوني لأن مافي ممرض قدرت الموقف وحجزوا لي بيوم ثاني وجيت باليوم الثاني كان وقت الموعد 12: 30 وحضرت قبل الموعد ب 20 دقيقة وانتظرت إلى الساعة 1 وانا مشيت ومادخلت الموعد.
2-مرة انا جيت متأخر 7 دقايق وجاء واحد وخلوه يدخل قبلي وانتظرت ساعة كاملة علشان ادخل للموعد.
وبالنسبة للممرض ممتاز شغله

تجربتي معهم كانت تركيبة ضرس

وكانت التجربة ايجابية بحكم معرفتي البسيطة بالتركيبات شغلهم كان ممتاز والقياسات مضبوطة وطلعت من عندهم راضي بالتركيبة وراح ارجع ان شاء الله اكمل باقي اسناني

كل الشكر والتقدير

تعامل جميل وطاقم قسم الليزر مبدعين صحيح الممرض واحد بس شهادة حق مخلص في عمله ومتميز في ادق التفاصيل اسمه ميكي

صراحه جربت ٦ جلسات ليزر عندكم المفروض الشعر يقل لكن بأسبوعين يرجع يطلع!
ندمت اني سويته عندكم

انا مركبة تقويم عند الدكتور محمد شفت عليه مدح كثير من قبل ومر تقريبا سنه وشوي من المراجعه لكن ما شاء الله تبارك الله يده خفيفه والكل لاحظ التغيير بشكل اسناني الواضح للأفضل طبعا + شخص محترم واسلوبه مره كويس وانا للامانة دايم يكون عندي تخوف من دكاترة الاسنان بسبب اسلوبهم بس ذا الدكتور بصراحة محترم وخلوق

(تجربتي مع مجمع بسمتك الجميله) …أنا من هذه الواجههه الارشاديه ؛؛؛أود شكر الدكتوره سحر واقول بارك الله لكِ في عملك ،وجهدك. لقد كنتِ بلسم لوجعيّ ،فعند ذهابي للعياده كانت الدكتوره مستجيبه لي ومنصته ،فأنا انسانه لاأستحسن الذهاب لطب الاسنان من خوفي من الآآآآآت الطبيب ومعداتهولكن عندما شرحت للدكتوره هذه الرهبه التي اعاني منها التفتت لي بعنايتها ،واسكنت خوفي ،ولم اشعر بالآلم معها ،؛انجزت مشكلة ضرسي وانهت معاناته. فلقد كُنت اُعاني من تسوس باحد اضراسي فخلصتني بعد الله من الآلم حيث عملت لي إشاعه للتأكد من عمق التسوس ،ونظفت السن وعملت لي حشوه دائمه تجميليه، لم اشعر بالآلم ،وكانت يدها خفيفه. انصح بها كل مريض متخوف مثلي،، فهي إنسانه متفهمه ،راقيه ،خلوقه. فشكرا لك دكتوره سحر ،وكتب الله اجرك ،،ووفقك الله دكتوره والى الامام.

عانيت في البحث عن طبيب لتقويم الاسنان في اكثر من مركز بالرياض لوجود مشكله قديمة معاي
ما لقيت تشخيص ممتاز جدا مثل تشخيص الدكتور محمد صالح كل الشكر له

Loved the experience and results! Dr. Maha is considerate, knowledgeable and quick - with a light hand. I was concerned about the pain but was pleasantly surprised. Thank you!

زرتهم للتقويم وعلاج عصب لضرس. علاج العصب اضطريت اعيد علاجة مره اخرى لانه لم ينظف بشكل صحيح. التقويم جيد لكن للاسف الدكتور محمد بعد مافك التقويم حك لي اسناني وصارت خشنه وتمسك اللون.

جربت الخلع عند كتورة اية خطاب ماشاءالله يدها خفيفة ومعاملة ممتازة تعلمك بكل الخطوات ولاتحس بالالم الله يوفقها

عندهم الدكتور محمد باسعد ممتاز تخصص تقويم رجل مخلص وخلوق ومتواضع وشغله ممتاز وعن تجربه والسعر ممتاز وتقسيط

اللي يبغا يعالج العصب انصحة بالدكتوره أيه يدها خفيفة و متميزه بعلاج العصب. خلعت ضرس عندها بعد وما حسيت بشي ممتازه. والعياده نضيفه

اغلب التعليقات كلها اول تعليق وتعليق واحد للمجمع فقط
في امر مريب والله اعلم

الله يرزق الجميع

ممتازين جدًا.
جربت تقويم الأسنان عن الدكتور محمد باصالح تعامله جدًا جميل ويده خفيفة والنتيجة ممتازة

وجربت علاج حبوب البشرة عند الدكتورة نسيت أسمها ممتازة جدًا جدًا جدًا

مركز ممتاز الدكتوره آيه ماشاء الله تبارك الله متمكنه ويدها خفيفه سويت عندها جراحه ولااني احس بشي الله يجزاها خير

جهاز الليزر عندهم ممتاز ودائما اسوي عندهم كل شيء تمام سواء بالمواعيد او الشغل لكن عندي استفسار بخصوص فلر الشفايف مالقيت اي review عنه محد جرب؟

السلام وعليكم
حبيت استفسر هل فيه دوام في الوقت الحالي او لا ؟
واذا كان فيه دوام متى الوقت ؟ وشكرا

أنا سويت تركيب لل ٤ أسنان الأمامية عند الدكتورة آية حسن أظن اسمها كذا، قبل ٤/٥ شهور
انخلع سنين منهم قبل شهر من الآن!
مسوية تركيب ب ٦٠٠٠ وعند دكتورة المفروض تكون متمرسة وعارفة شغلها!
ما ادري وين اشتكي اتصل ما يجيني رد ولا شيء!

الدكتوره علا خياط اكثر من رائعه شاطره ويدها خفيفه شغلها ولا غلطه روحو وانتو متطمنين كان عندي بعد تصبغات بوجهي وتصحتني دكتوره مها والاخت بنان الله يعطيهم العافيه بجهاز الفراكشنال لسا ما كملت جلساتي وبديت اشوف النتيجه شكراً لكم على الطاقم المميز والمصداقيه

مركز متمكن جداً تعاملهم راقي سواءاً من اداره لموظفين لطاقم الاطباء المركز ولا غلطه وحابه اشكر دكتوره أروى يدها خفيفه وتعلملها حلو وحابه اشكر الاخت بنان على تعاملها الراقي

يعطيكم العافيه مجمع بسمتك الجميلة
مركز طبي متكامل بجميع اطبائه المميزين
وقسم الجلديه الأكثر من رائع بقياده الدكتورة مها الله يسعدها.
لنا زياره أخرى قريبا لكم
كل الحب

المركز جميل ونظيف وتعامل موظفات الاستقبال رائع وراقي واشكر الموظفة بنان على حسن تعاملهامعي وعلى خدماتها الجميلة

عانيت من الصدفيه في الركب لمدة ثمان سنوات كنت اهرش ركبي لين تنزف دم والم وقت السجود مريت علي دكاتره كثير وصرفت مراهم غاليه وعلاجت وبفضل الله ثم مع الدكتوره مها اعطتني كورس علاج نوعين من الكريمات استخدم واحد اسبوعين ثم استخدم الثاني لمدة اسبوع واحد الحمدلله الحمدلله ارتحت من الصدفيه وألمها شكرا شكرا دكتوره مها وشكرا لمجمع بسمتك الجميله علي وجود هذي الدكتوره الخلوقه ضمن فريقكم

جربت الدكتور محمد في تقويم الأسنان بعد معاناة في التنقل بين المراكز اللي ما كنت راضيه عن شغلهم

الدكتور محمد رائع أخلاق وتعامل ويعطي المريض حقه ووقته وجداً لطيف ومتمكن ويده خفيفه
ما احس معاه بالآم الشد اللي كنت احس فيها قبل

وكل موعد ينظف الأسنان قبل يبدا ، يعني ما يشتغل الا على نظافه مو أي كلام ودقييييق

مشكلتهم ما يدخلونك عالوقت غالباً يتأخرون عليك شوي

اول شي وهو الشي المهم المركز نظيف ومهتمين بالمراجعين جداً حابه اشكر الأخت بنان نصحتني بدكتوره مها ودخلت لها كان عندي مشكله بشعري يتساقط وتعبان جداً وبديت اشوف النتيجة الحمد لله شكراً دكتوره مها

المركز مرا حلو ونظيف والتعامل جداً راقي حابه اشكر دكتوره مها شاطره ومتمكنه جدا وحابه اشكر بنان بالاول والاخير تعاملها مرا حلو ومتعاونه ولطيفه وتقوم بشغلها صح وحابه اشكر بنات الاستقبال بعد تعاملهم جدا حلو

اسوأ تجربة بالحياة سويت فلر رمضان الماضي ولازلت اعاني تكتلات حاولت اذوبها ٣ مرات ب ٣ ابر ولازالت الكتله موجوده لدرجة الدكتور يقول هذول ايش حاقنين لك ؟ إن شاء الله يتقفل المركز لأنهم يضرون الناس

شغلهم عادي جداً وانتبهوا لازم تعرفوا كم الخدمة قبل. ولاتدفعوا شئ ماتفقتوا معهم عليه

احيانا يسوو خدمة إضافية بدون مايأخذون اذنكم ووقت الحساب تنصدموا انه السعر تغير

ولايغركم التقييمات الإيجابية كثير منها مزيف. شوف كم عدد التقييمات لكل مقيم تحصل تقييم واحد

انا جربت التقويم فقط
وهذي ملاحظاتي
1 الاسعار ممتازة
2 يمكن تقسيط المبلغ
3 المواعيد على الوقت
4 المستوصف يقوم بالاتصال بك قبل الموعد بيوم للتاكيد والتذكير
5 التقويم ممتاز جدا (النتيجة كانت مرضية جدا)
6 شكرا للدكتور محمد باصالح على ابتسامته الجميله واخلاقه العالية والدكتور على حسب تجربتي الشخصية ممتاز جدا وانصح جميع من يريد تركيب تقويم ان يركب عنده

من أفضل مجمعات الاسنان بالرياض. مجمع متكامل من طب الاسنان إلى قسم التجميل ولي باذن الله تفصيل بشكل أقوى ونقل تجربتي المميزة ️

الموعد ٦: ٤٠ وجت ٧: ٤٠ ومادخلنا ، اول مرة في حياتي اشوف انتظار ساعة وخصوصا اذا كان موعد محدد ومؤكد. شكلهم يمشون على توقيت جرينتش هذا بنشري ولا اسميه مستوصف. رااااااايحين فيها

المركز جيد لكن للاسف الاستقبال غير دقيق في تحديد وتسجيل المواعيد بالنظام وحصل لي شخصيا تاكيد موعد من عند الاستقبال بيوم معين
ولكن عندما حان وقت الموعد ووصلت للمركز تفاجأت انه تم تسجيله في اليوم التالي بخطأ من الاستقبال وليس اليوم الذي حدد لي من قبل.

المجمع فيه دكاتره أسنان قمه في التعامل
تمت زياره الطبيب محمد
قمه في الأخلاق والتعامل
انصح باختيار هذا الطبيب

رحت عند دكتورة عُلا كان موعدي ٧: ٣٠ تأخرت علي ١٠ دقايق. بس الخمس نجمات لان الدكتورة الله يجزاها خير نصوحه مره علمتني وش عندي وشرحت لي وقالت اني اقدر اسويها لك بس لو تسوينها عند دكتور جذور يكون هذا مجال تخصصه فأفضل تسوينها عنده الله يجزاها خير ويكتب اجرها

بعد ساعتين ونصف من الإنتظار قررت أني أطلع من المستوصف هذا.
ملاحظة** المستوصف ماكان زحمة يمكن قبلي شخص فقط.