يوجد خيارات متعددة للملابس ترضي كافة الاذواق والأعمار وكذلك الاسعار جيدة بس لو تنزل شوية ،الموظفات بالفرع رائعات في كل زياراتي المتعددة للفرع ،ومتجاوبات. اشكرهم جداً جداً.
الموظفات أسالهم عن قطعه وكل شيء ماتدري عنه! ولا تخدمك بولا شيء ،فيه غرفه قياسات لكن دايم زحمه، عندهم قطع كثيره ساتره ومرتبة وسعرها متوسط وقت العروض لكن باقي الاوقات مايسوى عليه
عندهم خيارات متنوعة في التنانير خصوصًا تنانير الدوام، فيه بعض القطع حلوة عندهم لكن يبي لها تدوير ونفش أو أنك شفتِ القطعة على أحد أو إعلان وتجين تدورينها،
لأن طريقة العرض عندهم ما تساعد، خصوصًا وقت التخفيضات جينا ولقينا الأشياء مرره متراكمة حتى لو معلقة تلقون المعلاق مررره مضغوط وهذا يتعّب في البحث مره،
الأسعار: مرتفعة مقابل اسم المحل والجودة، بعض القطع عادية ومتكررة جدًا بغيرها من المواقع ليه أشتريها هنا بضعف السعر والجودة مشابهه؟ ولا فيها شعار للماركة العالمية عشان نبرر للسعر شوي،
أسعارهم في التخفيضات حلوة ومناسبة
الموظفات: زرت الفرع كم مره ودايم ألاحظ نقطة على بعض الموظفات لكن نلتمس لهم العذر، إلا مره دخلت في موسم تخفيضات كبيييرة وضحكهم بدون مبالغة في كل المحل، وسوالف بصوت عالي، طيب والمحل؟ تعرفون موسم التخفيضات وخصوصًا لا كان التخفيض كبير يحتاج جهد مضاعف لأن بكل مكان تلقون حوسة، وبعد نص ساعة تقريبًا شفت كم بنت تحركت وترتب القطع، يوم اقترب الدوام ينتهي.
غرفة القياس عندهم حلوة وتوفّر عليك الجهد والحيرة، لكن مثل ما أنتم شايفين الحوسة! أنا ما أحمّل الموظفات ولا المحل غلط الناس المهملة القذرة، لكن مو المفروض من الموظفات أنهم يتابعون الغرفة باستمرار؟ حتى يمنعون هالتصرف يصير؟ ولا كان تراكمت هالملابس كلها بهالشكل! حتى أني رحمت الموظفات أعلق على غرف القياس وهو مو غلطهم بالكامل، ونظفت غرفة القياس اللي كنت بستخدمها بنفسي لكن لما جت الموظفة جلست تهاوش على اللي في القياس وتتذمّر من حقّها تزعل من تصرفات القليلين أدب، لكن مو بالطريقة هذي، وأسلوب كم وحدة منهم ما كان زين أبد وكثير في التعليقات يشكون فاستغرب ليه ما فيه تجاوب!
المتجر جميل و ينفع اذا متوهقه بيفك لك ازمة وميزته فيه ملابس محتشمة. لكن ودي البنات اللي فيه يطورون مهاراتهم شوي في التعامل مع الزباين بعضهم تفتقد للمهنية
غالي جدا و اكثر الملابس الي عنده من المواقع المعروفة مثل شي ان و المواقع الاخرى و لاكن اسعارها مرتفعه جدا بسبة 500% مثلا حصلت طقم نسائي ب ٥٠٠ ريال و في شي ان ب ٨٠ ريال حتى لو حسبناها مع تكاليف الشحن ما راح تتعدى ١٣٠ ريال ولكن عندهم سعر جنوني جدا. تجربه لن تتكرر
فرع الدائري الغربي سيء للغاية رفض الكاشيرة استرجاع المشتريات عدم وجود مبلغ كاش لاسترجاع الملابس وتقول ارجع بعد يومين يتوفر المبلغ والاسترجاع للأسف التعامل سيء مع أني أخذته ورجعته بنفس اليوم.
الملابس التي بالفرع الموجود على الدائري الغربي تعبانه وفيها مبالغه في الاسعار. واليافته. (الوحه. التعريفيه) صغيره جداً وغير واضحه للزبائن الذين لايعرفون موقعه. ويجهلون المنطقه.
البضاعة جيدة ومتنوعه وعرضها جميل. لكن قمت قبل ثلاثة ايّام بشراء عدد2 فستان وقبل قليل طلبت ارجاع احد الفساتين وتم رفض طلبي من الأخت التي في المحاسبه. للأسف. وانا بصدد تقديم شكوى للتجاره.
البضاعه فوق بعض و العاملات على الجوالات وتنادنهم ما كانهم يسمعونك. خدمه الزبون صفر على الشمال جايتهم بشتري كم جاكيت وفستان اوريهم الصور تقول روحي دوري لها مادري وين. صراحه بعد هذا التجربه اكبر اكس على المحل بكبره.
غرفة قياس فرع الدايري الغربي مغلقه شهر اربعه هجري وكانت من اكبر اسباب اختياري لسنبل وتضايقت جداً وسالت البائعه قالت مغلقه من الاداره قلت دائم قالت ما ادري ممكن بس وقت التخفيض مما اضطرني الا ان اعود للترجيع والاستبدال وقت آخر ومدتهم فقط ثلاث ايام مره قليله
روعه روعه المعرض والتخفيضات اروع والمحل شرح وواسع ومرتب لكن الموظففات مافي اسلوب من دخلنا وبصوت عالي المحاسبه بتقفل وبيروح البريك علينا بسرع القياس مره مره مااخذنا راحتنا وباقي نصف ساعه للاذن والله ازعجونا مره وتنافخ طلعت من المحل وانا مااخذت شي من الاسلوب اعطوهم دورات في التعامل مع الزبائن
مكان يغلب عليه ارتفاع الأسعار والموظفات يوترون الزبون قبل الاذان بنص ساعة وهم يله بسرعه بنسكر الصلاة الصلاة ويطلع النساء في الشارع وقت الصلاة حتى لو تأخر السايق عليهم شوي