مركز الرعاية الصحية الأولية بالنسيم الشمالي

كان موعد حجزنا اليوم، ولما دخلنا على دورنا
رجعونا يقولون مافي تطعيم غير لتطعيمة ٦شهور،
وهذا بعد إنتظار شهر ونصف من حجزنا للموعد!

ما جربته، لكن اخذت ابرة تبع الحج (الشوكية و الانفلونزة) ، وعلى طول خلصت ما اخذت غير ٣ دقايق.
ممكن ما كان فيه زحمة ذاك الوقت ‍️

المكان متسخ الممرات وغرف الاطباء وغرف التطعيم كل شي متسخ بشكل مبالغ ورائحة مجاري ذا مركز صحي كيف كذا

للاسف جيت اشتكي الم في البطن وعند غرفة الفحص وجدت ممرضات سعوديات والله مايبون يتحركون من على الطاوله قالو اقف على الميزان كم وزنك وهم جالسين سالوني معك ضغط جاوبت نعم كل وحده قامت تناظر الثانيه ولا احد اخذ الضغط ولا اعلمات الحيويه كسل لا يقومون سجلو على الورقه الصغيره قالو على الطبيب لكن اشكر الطبيب الكولمبي شهاده لله انه عمله فيه اخلاص من ايام كان المركز خاص لكرونا.

واجهة المركز سيئة وتمثل وزارة الصحه
غلللللط يالوزارة غلططط تخلونه كذا
هذا يعتبر واجهه لنا. حرررررررام عليكم

السلام عليكم.
?
جهود جباره ومتابعه دقيقه والكل بدون استثناء تبارك الله شباب وبنات تعامل راقي ومنظم

بدون موعد ولابد من منتظرين سابقين. وماشاء الله الطابور ينظم بسرعه

المطلوب رقم هويتك
ورقم جوالك بعد المسحه
خلال ٩ ساعات يرسلون النتيجه برساله

حتى المصابين يقدمون لهم الرعايه وصرف العلاج

.

بصراحة مركز جيد ويخدم كثير من الناس للي مايبون يحجزون موعد لمسحة كرونا ، ولكن أشكالية الزحمة والوقوف ربما هي التي تربك الناس!
لكن عن تجربة شخصية أفضل وقت ممكن تروح لهم بعد الفجر على طول ماراح تحصل زحمة وتخلص بسرعة. بس قبل كم يوم أخوي راح لهم وقالوا له ماعاد يأخذون مسحات فقط المصابين بكرونا حتى توقيت عملهم أصبح من الساعة ٨ ص لا أعلم لماذا!
أما تعاملهم طيب وخدمتهم سريعة بالتوفيق للجميع

والله تجربتي معهم فاشله رفضت تدخلني عشان مافي حرارة والاكسجين كويس اصريت ادخل وفحصت وطلع ايجابي طيب لو سمعتها وخالطت واعديت الناس! اهمال صراحة ، قالت حنا نسوي بس للحاله المؤكدة طيب انا كيف اعرف اذا مافحصت!

مستوصف قذر و تعامل واطي يحسسونك انهم يعالجونك على حسابهم لوني رايح لمستوصف يهود ارحم على الاقل عندهم مبدأ إنسانيه واحترام للأنسان (السؤال اللي نكرره دايم وين المسؤولين عنهم)

المركز ممتاز في اخذ عينه مسحه طبيه للكشف عن الفايروس لكن الزحمه اللي عليه وميزته موظفين سريعين ماشاءالله

السلام عليكم
صباح الخير
من ابشع ماشافت عيني!
جيت يوم السبت الموافق ١٢ رمضان الساعه٥/٣٠صباح معي والدي كبير فالسن ومافيه خدمه للكبار هناك وطلبت كرسي قالي للمصابين!
نزلته ويوم جيت ادخل وخرت من عندي وحده تقول انا مصابه! الوضع مززززري مزززري السرى برى مافيه اي احد ينضم بعضهم فوق بعض الموضف واحد فقط ويستقبلك من بعيد ولا تدخل عليه والي بالمسحه وحده شي ماقد شفت مثله بعيني (اقسم بالله انبسطت يوم شفت تعليقات تمدح المحل ورايح وانا في قمه الوناسه لاكن انصدمت)
نقطه اذا مسكت سرا اطلع عن السرا يمين مره ولا يسار مره عشان محد يكح في اذنك.
والسلام عليكم ورحمه الله وبركاته

صحيح ان الطابور للشارع و40 واحد قدامي لكن يعطيهم العافية خلال نص ساعة خلصت الفحص واموري طيبة وكان مجاني وبدون حجز موعد تمنيت لو ينظموا الطابور بحيث يكون النساء او العوائل لحالهم و الف شكر لكل القائمين على خدمة الناس وجزاهم الله خير ومدهم بالصحة والعافية

جيتهمبعد صلاة الفجر الفجر مباشرة تنظيم واحترام وخدمونا بكل صدر رحب الله يجزاهم خير (فقط المبنى متهالك ونناشد وزارة الصحة تغييره)

سيء سيء جدا
تعامل غير حضاري ويبدو أن العاملين يعانون من مرض الوسواس والخوف من المرضى والعدوى والتخلص من الكشف في مايتعلق بفيروس كورونا

صراحه المكان مغبر والأثاث كمان مغبر
وقطاوه موليدين بالزاويه والدكتوره الي تفحص عشان الكورونا اسلوبها جدا سيء وندمت اني زرت هالمكان

حسبي الله عليهم وعلى الي حطهم وعلى دكتورة الاستقبال الي عند الباب ومديرهم وكل شخص مايسهل للمسلمين جايب عيالي فيهم التهاب حلق وكحه والالم ابيهم يحللونهم عشان كرونا قالو مانحلل مافيه حراره الله لايوفق كل شخص يقف امام حاجات الناس وزود عليها مستوصف في بيت خرابه ورحت لمستوصف اخر واستقبلوهم بكل احترام وبدون حراره وحللوهم ويااخون لاحد يتردد بتقديم الشكاوى على المركز في دقايق ترفع البلاغ على رقم الصحه 937 قل اسم المركز وخل كل شخص يساهم ويفزع لغيره عشان يشيلون القروب الي بالمركز كامل ونشوف دكاتره وممرضين يخافون الله

أقسم بالله انهم ما تبرا بهم الذمه ونحن في ذمة الله ثم ذمة وزارة الصحة.
رحت لهم اشتكي اعراض كرونا قبل 5 أيام وقالو ماعندك اعراض ولايحتاج تعمل مسحه ورحت لمستوصف الجنادرية الغربي الله يوفقهم وسوو لي مسحه وطلعت مصاب والفجر اليوم زوجتي راحت معها نفس الأعراض ووزعوها نفس طريقتي.
حسبنا الله ونعم الوكيل في العاملين في المركز لا أخلاق ولا عمل.
حسبي الله عليكم ونعم الوكيل طلع تحليل زوجتي اجابي الليله والفجر طاردينها تقولون ماعندك اعراض

كلن يعد الي واجه الحق لله تعامل راقي واحترافيه من الطاقم الطبي الله يعطيهم العافية البعض يأخذ على بعض التعامل الصارم بزيادة الله يكون بعونهم ما ينلامون الله يككتب أجرهم ويرفع عنا وعن المسلمين البلاء

خدمه من سيئه للغايه رحت ماسك سرا حول ساعه بعدها قالو لي المؤشرات الحيويه عندك تمام قالو مايحتاج تسوي فحص ومع العلم في حراره ولا احس بطعم او ريحه شبه راحة الحاسه يعني خدمه سيئه بس بيمشو الناس حتى تعاملهم سيء

المركز عبارة عن بيت مستأجر ولكنني اشكر كل العاملين به من ابناء البلد واشكر كذلك الدكتورة المصرية واشكر كل من وجدت اثناء زيارتي ، يعملون باخلاص وتفاني ولكن المشكلة تكمن في بعض الزائرين ، عدم فهم وعدم تنظيم ولايستطيعون مساعدة انفسهم قبل كل شيء ، اتمنى الأهتمام باالتظيم وعمل ممرات وسياج افضل لكي يسهل عملية الدخول والخروج والأنتظار.

اسوأ مركز فحصت مره ولاجتني النتيجة وبعد ٦ ايام فحصة ثانيه ولاجتني اي رسالة عكس المرة الاولى

امداها راحت كورونا وهم للحين ضايعين

طاقم شفت الليل سيئ وتعاملهم اسوا لايملكون ابجديات التعامل مع المريض او الزائر صوره سئيه لوزارة الصحه نقلوها هالموظفين والممرضين اتمنى ان يتم محاسبتهم او نقلهم من هالمركز

رحت عندهم انا وابوي كان مصاب وتعبان جدا عطو ابوي دواء والدواء خلى حالت ابوي اسوء بكثير

بعدها رحت انا وامي وصكونا في الحر احنا و50 واحد لان النظام معطل وما يعرفون يصلحونة تحسهم حافظين مب فاهمين

التعامل زين. لكن بدون فائده اقرب موعد بالمختبر ثلاث أشهر وحسب التشخيص معي حصوه بالكليه ولا فيه أشعه سونار! وقالت بنحولك لاستشاري بمركز النسيم الشرقي واقرب موعد شهر شهرين لاحول ولا قوة الابالله يعني أعيش على المسنكات وتزيد مشكلتي! نبغى مركز متكامل فيه اغلب التخصصات يكفي معاناة للمواطن من الصحه والعلاج

المبني قديم وياليت يتم تجديده بالنسبه المواقف مو متوفر موافق خاصه المرضي
بالنسبه الخدمه مرره كويسين

ماشفت اسوء من هذا المستوصف بحياتي كلها جيتهم وكنت مصابه بكارونا ومهدود حيلي هد ويقولون لي مابانت عندك الاعراض من الاستقبال الى اللي يسجلون بينات الدخول يطالعوني بنظرات كأني داخله عليهم بيتهم ومادقيت الباب مايبون ابد يدخلوني رحمتني دكتوره سودانيه عندهم وقالت لي سوي مسحه صارت ارحم من عيال البلد وبناتهم ،والمصيبه مو هنا المصيبه ماجتني رساله اني مصابه الا لما دخلت على صحتي وحطيت سجلي المدني بان اني مصابه الله لايوفق اللي ذاك اليوم قابلتهم كلهم وجعلهم يشوفون اللي شفته ويعانون معاناتي ويلقون اللي يستخف فيها من حقين الاستقبال الى اللي يقيسون الضغط الى تخطيط القلب الى اللي اخذت لي مسحه جعلهم مايتوفقون بحياتهم على اللي سووه فيني

سئ جدا قسم النساء تقولي مافي دواء فيفادول عشان بتطلع قبل نهاية دوامها بكثير وعشان ماترجع تفتح الصيدليه ووحده تسوق لحليب اطفال عندهم. لكن شكيتهم وعملت بلاغ وفي كل مره اجي والاحظ شي بسوي بلاغ وهالمره بتصل قدامهم ولو الكل يسوي كذا كان تعدلوا كن زمان.

روعه روعه روعه ، اسئل الله ان يحفظ العاملين من كل مكروه وسوء وان يجزيهم خير الجزاء ، صحيح انه هذا واجبهم ، ولكن قليل من الموظفين من ينتظرك لخدمتك ببتسامه وخلق عالي واحترام للمراجعين ، شكرا لكم

كنت مخالطه لمصاب وتوجهت لهم بصراحة الاحترازات المتخذه بالموقع جدا عالية و الفخوصات تتم بأسرع وقت وتعامل الطاقم الطبي كان فائق الحرص نشكرهم على جهودهم جزاهم الله خير الجزاء ووفقهم لما يحب ️

جيتهم بالفتره المسائيه الصيدلاني يلعب ببجي الدكتوره مصريه تستقبل رجال و اطفال وحريم حق الضماده لقيته نايم في المصلى فوق بس مافيه احد غيرهم

مبنى سيء جداً، كل شي مكسر و الغرف كأنها حمامات، يعانون من نقص في الكادر الطبي واضح صراحه يبغاله اعادة تأهيل من و الى و ناقصه كثير بشكل عام لحد يروح له مو بيئة مستشفى

يوجد عنصريه في التعامل من دكتورة الكشف رفضت كتابة علاج بعد التطعيم وقالت غير سعودي لن اكتب له ولم تكتب لابني

المركز هو منشأة لتقديم الرعاية الصحية تتألف من مجموعة من العيادات.
يعمل فيها بصفة أصلية أو مستمرة أكثر من طبيب إشراف أخصائي علم الأمراض وقسم التصوير بالأشعة.
لا يوفر المركز خدمات الطوارئ، ويشترط تحويل الحالات الطارئة إلى مستشفى، أيضا توفير العدد الكافي من كادر التمريض مما يتناسب مع عدد الأطباء

مركز طب الأسنان (مع توفير خدمات مختبر الأسنان)
ومركر جراحة اليوم الواحد
اشكر القائمين والمتابعين على ذلك مما يحافظ على مجموعة واسعة من العلاقات التخصصية والمؤسسية الخاصة بتقديم الاستشارة وتحويل المرضى لتلبية احتياجات الرعاية المحددة.