رحال للخياطة الرجالية

الصراحه ما فصلت عنده لكن قال لي الفلبيني الثوب اللي عليك تفصيله كويس مره وترا ما اراح افصل احسن منه. فلا تزعل مني بعدين! مع ان ثوبي كان عادي وقديم

اما ان الخياط شبعان وما يبي زباين
أو عارف مستواه السيء

الرجاء التعديل اوقات العمل يوم الجمعة الساعه 1 او الرد على الاتصالات مو معقول مكتوب في قوقل مفتوح وادق عليكم ماتردون واضرب مشوار بالحر واخر شي مسكر ؟؟؟

اسم المحل اكبر من حجمه، معلم مايعرف ياخذ المقاسات، وخياطة سيئة، ومحل لايوجد فيه غير معلم واحد، وضرب في الأسعار، يفترص وجود معلم ثاني، وتوفير مكان جيد لاستقبال الناس وخدمتهم، الثوب مدفوع فيه قيمة مش بسيطة

لايستحق ان يكون محل لتفصيل الثياب ولا انصح فيه ابداء بسبب المبالغه ف الاسعار من ناحيه التفصيل والقماش

انا عميل قديم جداً لهم وللأسف في كل مره اجيهم يكون السعر للتفصيل أغلى من المرة السابقة ، كنت اتغاضى عن هذا الموضوع لخياطتهم الممتازة
لكنهم وصلوا مرحلة طمع لا تطاق وماراح اتعامل معهم ابداً بعد المره الاخيرة
ولا انصح احد بالتعامل معهم لأنهم راح يفاجئونه بطمعهم وجشعهم

من زمان ابحث عن خياط ممتاز واقمشته كويسه اعتقد ان رحال هو اللي ابيه خياطتهم ممتازه وعندهم اقمشه جيده واسعارهم مقبوله وابومحمد تعامل راقي وخدوم

المحل فيه عشر زبائن وشخص واحد قاعد ياخذ المقاسات
للأمانة قمة السوء ، ومن هنا أعتذر لخياط الديوان إني فكرت أسحب عليه.

اتعامل معه من عام 1423 فرعهم الي في طريق الملك فهد ، حقيقة اقمشة روعة وتفصيل اروع وخصوصاً عند فرع اشبيلية المعلم اعجاز دقيق في المقاسات ،،

خياطي المفضل منذ سنوات، صدمت قبل أسبوع برفع سعر تفصيل القماش الخارجي إلى ١٩٠ ريال وهو غير مبرر إطلاقا، ومع اقتناعي بشغلهم الا إني مافصلت عندهم بعد رفع السعر.

اتعامل معاه من اكثر من ١٠ سنوات كان جميل جداً وكنت افصل عند فلبيني اسمه ناصر لكن الحين مخيس جداً بالتعامل وفي تفصيل

خياط ممتاز لكن العاملين عليه سيئن يجيلك استلام الثياب برسالة بتاريخ محدد بينما لو تجيه على التاريخ يقولك باقي اسبوعين ، طيب شفايدة تاريخ استلام الثياب

خياط ممتاز ،
دقة في المواعيد ويتواصلون عبر الرسائل من بداية وحتى استلام الثياب ،
بأمكان الزبون شراء القماش من اي مكان والتفصيل عندهم ،
أنصح با التفصيل المبكر خصوصاً في مواسم الأعياد لأنهم قبلها تقريباً با أسبوع لا يستقبلون ،
يعيبهم عدم وجود فرع في شمال الرياض ،