مشغل ورد الأندلس

مررررره شغلهم جميل والاسعار معقوله والله طلعت مروقه وراضيه الي مزعلني انو تو اعرفه لو فيه اكثر من خمس نجوم عطيتهم وصاحبة المحل لبقه وطيبه مره اعتمدته كل مره بروح لهم

مرررره جميل أعجبني شغلهم ونظافتهم المكان رايق ومرتب وصاحبة الصالون ذوووق الله يسعدها شكراً لدلعكم لي برجعلكم مره ثانية ان شاء الله

ماشاءالله المشغل روعة وصاحبة المشغل قمة في الذوق وراقي وشغلهم ممتاز ومتقن في الحواجب والبدكير وان شاء الله بعيد الزيارة مره ثانية

٥ نجوووم لصاحبة المشغل الانيقه ، صاحبة الخلق والاخلاق الجميلة. جيتهم متأخر واستقبلوني بكل حفاااوه قصيت شعري عند هنا تسلم يدهااا لان صدق فناانه وبدكير حلوووو والاسعار مناسبه جداً الله يوفقهم. راح اعتمدهم باذن الله

شغل مرتب باستشوار الويفي ، لكن فيه احلى من شغلهم بكثييير و اسعارهم مبالغ فيها ، لكن العاملات نفسيتهم حلوه

للامانة خدمتهم و تعاملهم من اجمل ما يكون و شكر خاص لصاحبه المشغل من لطافتها و تعاملها الراقي معنا فعلا مكان يخليك رايق و شرح و الصدق حبيت المكان من صاحبته ️️️

استقبلتني صاحبة المشغل راقيه في تعاملها والعاملات بشوشات شغلهم رائع ومحترفات في الصبغات وصبغة الحواجب والتشقير والمكان نظيف ومرتب لي عوده لصالون باذن الله كل الشكر والتقدير لهم

المشغل شكله مرتب و اسعارهم بالبديكير معقوله
جربت عندهم البديكير ولكن شغلهم علي ما اعجبني ابدًا و احد عاملاتهم جرحت ظفري.

تعامل موظفة الاستقبال عسل جدًا محترمة، وخدماتهم ممتازة دقيقين ومخلصين
واسعارهم مناسبة جدًا

صبغه الشعر ممتازه
لكن راعية الصالون تضغط عليك و بقووة على رايها باللون وهالشيء ماحبيته للاسف.

البديكير جداً عادي و السعر مبااالغ فيه!
والعاملة جرحت أصبعي. بس كان تعاملهم يشفع لهم


ارجع له؟ نعم
بسبب تعامل الموظفات جداً ذوق ولطيف?
+"اذا فيه خصومات على الاسعار"

اول مادخلت كنت اشوف السعر هو العيب لانه اكثر من غيره بالمشاغل بس بعد الشغل لا حسيته يستاهل
لانها دقيقه ومخلصه + حاولت قدر الامكان ماتخلي شعري يتضرر + استشوار في النهايه وفير من عندهم وتعاملهم كويس مره وتشرح بذمه
كل شي كان بيرفكت ماعدا اللون هي تشوف اللي يناسبني وتختار تمنيت لون غير اللي اختارته لي
مع اني حاولت لكن كانت مصره انه يناسبني وانه الدارج اتفق معها بس ماحبيته علي ولو انه متقن
والا كل شيء مميز?
اكرر الزياره؟
ايه طبعًا حبيتهم بس المره الجايه بصير صامله ع رايي والا اكنسل ️
اوصيكم فيه بنات ايه

جربت البديكير والمناكير خدمتهم روعه وسريعه والمكان ماشاء الله شرح كاني بكوفي مكان يخليك رايق صدق
واشكر صاحبة المشغل على لطفها وتعاملها الراقي لما اذن وزعت التمر والقهوه

صبغت عندهم لاول مره انا واختي
راعية الصالون جداً اسلوب ومتفاهمه وذوق الله يسعدها
وماكنت اعرف وش يناسبني اي لون راعيه الصالون اختارت لي لون وناسبني والنتيجه افضل من ماتوقعت
تم الاعتماد الله يوفقهم

جيت الصالون امس وطلعت وانا راضيه عن شغلهم مليون بالميه وصاحبه المكان اخلاق الله يزيدها من فضله المكان نظيف و الموظفات كلهم عسل

صالون ور الاندلس النسائي جميل جدا الشغل وخدمتهم جدا سريعه وتعاملهم جدا راقي الله يسعدهم وماراح تكون اخر زياره ️

تبارك الله استقبال صاحبة الصالون وإتقان العمل سويت عندهم معالج وبديكير وشكرا مره ثانيه على التعامل الراقي

صالون ورد الاندلس دخلت على ريحة بخور ويحطون لكل عميلة ماء/قهوه/بسكوت
اشكرهم على لطفهم وكرمهم.
رحت لهم يوم الاحد وكان عندهم عروض
سويت بديكير ومنكير شغلهم حلو
وسويت تسريحة ريترو الحمدلله ضبطت
واسعارهم متوسطة. بالتوفيق يارب

ولو فيه اكثر من خمس نجوم يستحقونها
استقبال راقي ومكان نظيف جداً جمع بين الهدواء والإتقان سويت عندهم حواجب وصبغة جذور عند سيلا اول مره تعجبني حواجبي شكراً وردة الأندلس على رقيكم في الأستقبال وابداعكم في الخدمات

رحت اليوم للمشغل وهذي مو اول زيارة

سويت تسريحة وماشاء الله الشغل مضبووووط بشكل رررهيب اتوقع اسمها شيلا مدري سيلا

وميك اب ابدعــــتـــ️ــــــ شغلها يجننن
جداً شي ممتاز تحصل صالون متكامل لا من ادارة آو عاملات
وزيارتي متكرره باذن الله

صالون مرتب كانت خدمتي بديكير ومناكير، خدمتهم سريعة و سعرهم معقول و المكان مرتب و مريح نفسيًا، من الصالونات المتميزة في القيروان انصح فيه

صالون رائع ، تعامل جداً راقي وخلوق من مالكة الصالون. وفيه ضيافه قهوة وتشوكليت فاخر. واهنيهم على الاهتمام بتفاصيل الديكور

جميل مشاءالله شغلهم نظيف ومستوى النظافه عندهم عالي وشغلهم بالشعر رائع الله يبارك لهم يارب ومو اخر زياره باذن الله?

ورد الاندلس من اجمل الصالونات
اتعامل معاهم من تسع سنوات كانو في شرق الرياض
وخدماتهم ممتازة
ويكفي ان صاحبته سعوديه بنت البلد.

تبارك الله استقبال من صاحبه الصالون وابنتها من بشاشه الوجه وحسن استقبال. والمكان مرتب ونظيف. وخدمه سريعه. المواد عندهم جوده ممتازه. جربت عندهم معالج شعر. جدا حلو. تبارك الله الاهتمام بادق التفاصيل من ضيافه وحتى على طاولات. صاحبه الشغل محترمه. وتشرف على كل شي. ربي يوفقها وعقبال الفروع بكل السعودية

زوجتي راحت للصالون وقالت نظيف ومرتب وتعامل المديرة قمة في الروعه وايضا العاملات تعاملهم محترم ومتقنات عملهم وأسعارهم جدا ممتازة ورخيصة وليس كباقي الصالونات من ناحية أرتفاع الأسعار

أول تجربة لي معهم شغلهم نظيف وعاملاتهم بشوشات ومكان مريح نفسيا وصاحبة المشغل أخلااااق، إن شاء الله لي رجعة ثانية لهم.

ركبت اظافر عندهم للاسف طاحت ثاني يوم. الفلبينيه مضغوطه وموظفة الاستقبال ضغطتها بزياده واقفه ع روسنا الين خلصت. السعر مرتفع بس قلت بدفع يمكن الشغل يستاهل. صبغت حواجب عند العامله الثانيه وكان شغلها كويس

المكان جميييل جدا و نظيف ومريح
و مو اول تجربه معهم و مبسوطة من الخدمات اللي قدموها لي الله يعطيهم العافية

الصالون قليل بحقة كلمة جميل والصراحة جمال المكان من صاحبته المهتمة بأدق التفاصيل نظافة وترتيب وجودة مواد وخدمة راقية تدفع وأنت مبسوط الصراحة إضافة جميلة للحي. فعلا مالكة الصالون زينب تشتغل باحترافية وزميلتها لولوة جدا رائعات

تجربتي رائعة في مشغل ورد الاندلس الصبغات تجنن اعتمدت الصبغه عندهم والاروع صاحبة المشغل قمة ف الاخلاق والذوق الله يسعدهم ويرزقهم من اوسع ابوابه حتى ديكوراته راااقية واجوائه هادية️️

الصراحة اشكر صاحبة الصالون وبنتها على حسن الضيافة والتعامل الراقي وخدمة الشعر عندهم جميلة جدًا طلعنا واحنا راضين والمكان حلو ويفتح النفس?

انا جيت للصالون مرتين
المره الاولى كانت بدكير ومناكير والمره الثانيه قص شعر
كنت راضيه عن البدكير العامله كانت جيده وعارفه شغلها
اما قص الشعر العامله من طريقة قصها كانوا ماعندها خبره ابدا بالقص اول مره احد يقص لي كذا تقص بطريقه اقدر انا اقص مثلها بالبيت وتسالني متساوي والا لا كانت شلال من قدام قلت لها لا رجعت تعدل ومافي فايده الجهتين مختلفه عن بعض بعدين في الاخير انتبهت انها اخذت من كمية الشعر في الجهه اليمين اكثر من اليسار ‍️

ذهبت اليوم وكان في الاستقبال موظفات فلبينيات بالبدايه قالت لي القص ب30 بعد ما اتفقنا وعند الدفع قالت لا ب36 عشان الضريبه بعدها قصت لاختي وكان شعرها جهه قصيره وجهه طويله وطلبت من الموظفه جعله طول واحد بعد ما انتهت قص لاحظت انها قصت الجهه الطويله وتركت الجهه القصيره ولم يكن طول واحد وبعد ما قلت لها اجعليه طول واحد قالت لا ادفعي زياده عموما تجربه سيئه لن اعيد تكرارها

ما شاء الله المشغل اتغير وصار افضل من الاول بعد مااتغيرت صاحبة المشغل
وكمان حتى العاملات ما شاء الله روحهم حلوة وخفيفة
اتمنى انكم تروحوا لهم وتجربوا شغلهم

المشغل سيئ جداً كله حشرات ويوم قلت للي تشتغل فيه حشره تدعسها برجله ونفسها جداً سيئه وتحط الادوات اللي تستخدمها لي بالارض! والارض توه ماشيه عليها حشرات؟؟؟ وغير كذا لمن اسوي بوديكير للرجول احط رجلي بمكان كنه مجلى مطبخ مقرف مقرف باذن الله اخر مره اروح لهم لو مايبقى بالحي الا هم

مشغل سيئ جدا أسعار مرتفعه عاملات غير محترفات وصاحبة المشغل شايفه نفسها جدا وغير متعاونه مع الزبائن

ًتعاملهم سئ وعدم الشاشه من قبل موظفات الاستقبال فيه عامله فلبينيه اسمها يارا نفسها خايسه ولاتعرف تسشور وتزعل اذا قلت عيدي علي السشوار
فيه عامله اندونيسيه راحت الله يذكرها بالخير كانت روعه وشغلها جميل
ونور للخراجب كويسه

العامله بيلي سوت لي فتله تضغط الخيط وتسحب بقوه احس قاصده هالحركه لان قالت تبين شغاله وقلت لا ومن بعدها وجهي تحسس وقب حب وانا مو اول مره اسوي فتله ولاعمر وجهي تحسس وعندي مناسبه كبيره والبشره في حاله يرثى لها غير كذا موظفات الاستقبال باردات لا بشاشه ولا حرص ع العميله وراحتها

ماعجبني شغلهم ابد بس اروح عشان الاندونسيه نور للحواجب ممتازه واسعارهم غاليه جدا واخلاق صاحبة المشغل زفت كانه تخدمنا مجانا

جربت الحواجب عندهم ممتاز و تنظيف الوجه جدا ممتازه
والقص لا لا خربو شعر بنتي الله يهديهم قهر