ماشاءالله لاقوة إلابالله طلبنا أكل إيطالي يجننن البطاطس + شوربة بيضاء+تاكوس وهادي ونظيف والأجمل مافيه موسيقى فيه أماكن مغلقة وهذا الشيئ فُقِد عندنا كثير الشخص مايأخذ راحته في الأكل فااللهم لك الحمدعلى كل نعمة.
المطعم جدا جممميل الاكل لذيذ ماشاء الله تبارك الله الاسعاااار جدا حلوه ومناااسبه طلبنا رز بالخضار كان شوي خانس ومشاوي جدا لذيذه وايدام اكثر من رااائع وتبوله حلوه وحمضوتها موزونه وبطاطس ٢ سفن
كنت متوسمة بالمطعم خيير بناء على مدح الناس في التعليقات لكن للاسف تونا بدأنا اكل ومسمين بالله ويطلع علينا صرصور بالجلسه شيء ان دل فهو يدل على عدم النظافة ومكافحة الحشرات بالمكان انسدت النفس وماقدرنا نكمل اكل وياليتنا حصلنا على اعتذار حتى نادينا الويترز وبكل بجاحه يقولنا من وين يجي انا مافي معلوم! يعني جاء بهبوط مظلي مثلاً ؟ حاسبنا وطلعنا وبدون عوده بإذن الله. فاتنا نوثق الصرصور وهو يتمشى على الجلسه للاسف.
الأكل حلو والمكان شرح و نظيف ، بس كمية الأكل بالأطباق تحتاج إعادة نظر فيها لأنها قليلة لعائلة، أيضًا المكيف المفترض مايتسكر مهما طلب الزبون من العامل، مكان عام مش بيتك تتحكم بالمكيف! المفترض مايغلق نهائي! عمومًا تجربة جيدة ولا بأس فيها وأعيد زيارتي لأني حابه الشراحة والجودة.
المكان ممتاز الدور الثاني اماكن مغلقه و خصوصية عالية جربته مرتين -المره الاولى المكان مو مزحوم فكانت الخدمة سريعه و الاكل جيد -المره الثانيه زحمه و جلسنا في الانتظار لحد ما توفر مكان و الخدمة جيده لكن مو بسرعة المره الاولى و الاكل جيد
لا بأس به. الخدمة ١٠/١٠ سريعة والعمال متجاوبون بشكل سريع. الأكل المسالا بالزبدة حرارته بسيطة لكن حلاوته ظاهرة أعجبنا. تشيكن تشيز بروشيتا ما عجبنا المشاوي المشكلة نضجها زين وتتبيلتها حلوة باستا الاطفال الصوص حقها عادي الخبز حلو اسعارهم زينة
الذذذذذذ وارخصصصص مطعم كل يوم وحنا فيه️️️ الله يرزقهم يااااارب يستاهلوننن والله شغل نظييييف ومهتمين بأدق التفاصيل واسلوب العمال ياخذ العقل بالذات الي عند الباب يجنن? يحببونك بالمكان وترجع له بكل مررره
المطعم مره حلو من ناحية الديكور وهادي ومناسب مره للعوائل طلبت كذا شي كلها كانت حلوه الكباب ١٠/١٠ دجاج المسالا ١٠/١٠ مافيه حراره كثير التبوله موزونه جدا الموظفين رائعين ومتعاونين
لقيت شعر بالأكل وفوراً غادرت المطعم ، لان هذا كان واضح في الرز انا وش يعرفني بالموجود في الشوربه أو المسالا ، وقبل هذا كله وش يضمن لي نظافتهم جوا المطبخ!
الاكل والنظافة والمكان والخصوصية ممتازه بالنسبه للسعر انا جيت امس وكان فيه عرض خصم لكن السعر مرتفع قليلًا ماكأن فيه عرض يعني اتمنى يبقى السعر اللي في العرض ويكون هو السعر العادي