عالم الحلويات فرع اليرموك / World of sweets

عنده المكسرات رهيبه وسعررمنافس والحلويات اغلبها لكن مو كل شيء والاسعار صراحه عاديه نفس السوق مافيه مخفض الا شيء بسيط

مكان جميل وحلويات متنوعة و أسعار مناسبة
وهتلاقي الأصناف اللي صعب تحصلها بالسوق
تجربتي معهم ممتازة

أسعاره جدا عادية ونسبة الخصومات قليلة في الواقع.
اما عروضهم عل السناب كثيرة وكميات كبيرة

تقريبا غالبية انواع الحلويات و التسالي بأنواعها المحلية و المستورد موجودة. مشكلتة غالبية اسعارة زي محلات الحلويات الثانية. بس للأسف عروضة شحيحة جدا. ممكن تلاقي محلات حلويات حجمها و لا يساوي ١٠٪ من حجم عالم الحلويات و لكن لديها الكثير من العروض على المنتجات. للأمانة عالم الحلويات يقدم منتجات العروض بمدة انتهاء اكثر من ٣ اشهر. و المحلات الثانية اغلب منتجات العروض باقي على مدة الصلاحية اقل َمن شهرين. لكن اسعار المنتجات العادية في الغالب متقاربة

يقفل قبل الصلاة بفترة على اساس زحمه يارجال لولا العروض محد جاكم حسبي الله بس مايقدرون الزحمات والوقت اللي تقطعه وثبته للمحل نجمه واجد عليكم

المحل يعتبر كبير ومتنوع لكن مافي شوكلت جديد او غريب او مستورد لا اغلبه المعروف…
لكن؛ تعليقي واستغرابي دايم اغلاقهم الطوييييييييييل! قبل الصلاه وبعد الصلاه يجلسون نص ساعه او اكثر بعد ويجلس المستهلك واقف برا ينتظر بالحر بالرغم من انه نشوف العمال موجودين جوا جالسين اتمنى ينظرون لهذا الامر!

غير صادقين يعلنون في السناب ولماتصل المحل تسالهم يقولون مخلص وعلما انهم محددين مدة العرض واثناء العرض يعتذرون للعملا بان الكمية مخلصة وبقية الاسعار نفس السوبر ماركت

ثالث يوم للعيد الساعة ١٠ص مقفل رغم اعلاناته تقول غير كيذا.

ثالث بوم العيد فتح ٢: ١٥

عقب التردد عليه لين فتح أحس تحسفت على العنوة والتعب ، لان أسعاره نفس اسعار السوبرماركات مافي تخفيضات إلا بالاسم
عموما تمشينا ورجعنا بـ ١٠٪؜ من اللي ناوي اشتريه.

من احب المحلات لقلبي اروح اقضي منه حلويات لشهر كامل اخذها معي للدوام احلي فيها مع القهوه اسعاره خورافيه وترتيب اللي ماراح له طافه نص عمره بالذات اللي عندهم اطفال بالمدارس ياخذون لهم مفرحات بالجمله ويعطونهم كل عصريه عاده حلوه

تنبيه مهم جدا
اطلبوا الفاتورة من المحاسب و تاكدو من مشترياتكم قبل تطلعون من المحل
تجربتي معهم
بعد ما شيكت الفاتوره لقيت حلويات ما اخذتها ومحسوبه على
(ممكن يكون خطا غير مقصود لكن التنبيه مهم)

A heaven for chocolate lovers excellent place with all most all chocolates, biscuits chips and many more on sale and discount was so good

الساعة 7: 20 م والابواب مقفله! بسبب وجود شخص يعلن لمحتواه ؟؟ طيب وش ذنب الناس اللي تنتظر
احترم الزبائن واحترم الوقت

مسكرين عشان الصلاة والموظفين متكين بالشارع ع جوالاتهم والي يتمشى بالمحل موب طبيعي ساعه انتظار!

انواع محدوده من الحلويات واعداد كثير نفس النوع والكميه ماعنده عروض مثلا هو سعر الكرتون 10 يكتب بورقه سعر سابق وسعر بعد التخفيض يحسبنا دبش اول زياره ولن اكررها ما انصح فيه ضياع وقت مو عالم حلويات قريه حلويات اغلبها من الامارات لاطعم ولا سعر

حلو ولكن كل مرة يتغير الترتيب تعبت من حفظ اماكن الاشياء ومو دايم تتوفر الاشياء اللي اروح عشانها و الاسعار متفاوتة

الاسعار مافيها فرق عن أي سوبرماركت ثاني و خيارات الحلويات مستورده قليله جدًا، الافضل اروح سوبرماركت و اتقضى انظف و اشرح وارتب

عالم الحلويات. اليرموك.

تجربة كانت غريبه صراحه.
المكان جدا كبير ماشاء الله.
ونظيف و مرتب نوعا ما تقريبا.
الخدمه جميله و محترمين معك.
الاسعار فيه منها العادي للاسف م اشوف عروض.
واغلب الاسعار مرتفه مره وفيه المتوسط بس
سالفة تخفيضات م شفت اي تخفضيات اسعاره
عاديه جدا ومثل اسعار اي بقاله وبس و الله.

للامانه اسعاره ان لم تكن اغلى من (بنده ، العثيم ، كارفور) في اغلب السلع او مماثله للسعر كذلك هنالك تباين في الاحجام مما يوهم المشتري بان السعر منخفض بينما هو الحجم الاصغر مثل الصورة المرفقه (صغير هنا سعره ٢١ بينما في كارفور الكبير ب ١٨ ريال)