تكا والا - Tikka Wala

كنت احسب المطعم مجرد اتباع للهبة اللي طلعت قبل فترة لمطاعم الاكل بس قلت خل اعطيه فرصه
جربت مطعمين مشهوريين لنفس الفكره وكانوا عاديين بس هذا شي خيالي والله تحسون انكم تاكلون اكل حقيقي موب ملون طعام الغريب انه ما اشتهر زي ما اشتهروا الباقيين
قرصان والا (حراق) 10000/10 برجع له اكيد

الساندوتش القرصان حلوه بس يكثرون الصوص
الفرايز سيئ الصراحة مجمدة ومهو مطبوخ زين وعليه بهارات قوية
الخدمة بطيئة شوي تنتظر اقل شي ١٠ دقايق
عيبهم التهوية تدخل تطلب تطلع ريحتك اكل

ساندوشت تكا خبز صاجه لذيذه و خفيفه و نظيفه
من ناحية الموقع ممتاز بعيد عن الزحمة و سهل مواقف
و الخدمة سريعه و حلوه
غطى بمراحل على تكاوي

جربته اول مافتح و الحين وماشاءالله نفس الطعم و الجوده و الخدمه و المكان نظيف
اصحاب المكان مره حريصين وواقفين على المحل بنفسهم الله يوفقهم

الصراحه شي خيالي الاكل عندهم يذووب بالفم والنكهات تجبرك ترجع تاكل من عندهم ابشركم اليوم الثالث اكل من عندهم اهنيهم على الاكل نصحت كل الشباب فيه

من ألذ ألذ الساندويشات اللي جربتهم في حياتي ، وكل النوعين خبز الصاج والقرصان رائعين وحتى الفرايز الدجاج مميز جدا ببهاراته وتحميرته والتغطيه فريده فعلا … طعم ولا في الخيال صدق واذا انت شبعان ترا تكفيك وحده ما شاء الله الحشوه مليانه داخل الخبزه والأسعار جدا معقولة الحين بس مشكلته انه بعيد عن بيتي فاذا اشتهيته مره ثانيه ما بيوصلني بسرعه لا صدق ألذ مطعم تكا بالرياض ولا عزاء للباقي

جربت القرصان و العادي. القرصان افضل الحجم صغير و الدجاج مقطع تشريح
الطعم جيد و الصوص. حار و نكهة التيكا غير موجوده. الاسعار متوسطه لكن على تقييمه هذا مايستاهل ٤/٥

المطعم ما له عنوان! ما تدري هو هندي ولا بوفيه فطور!
اول مرة اذوق تكا فيها طعم شكشوكة! الله يديم النعمة

تجربة سيئة

المطعم أقل من عادي ولكن اللي يغريك السعر، بس تتفاجئ بحجمها صغير جداً
الدجاج يابس والخبز يابس
يحتاجون تطوير والله يوفقهم

جربت قرصان والا وفرايز والا صراحة الطعم والحجم ولا غلطه والسعر اميز حاجه وتعامل الموظف عبدالعزيز راقي جداً واذا بجي مره ثانيه بجي عشان تعامل الموظف اللطيف.

الساندوتشات مرة لذيذة القرصان والصاج بس حطيت 3 نجوم ع حجم الساندوش مررة صغير بعد ليتكم تكبرونه شوي وغالي السعر 8 ريال لساندوش بهالحجم وسلطة السيزر بعد لذيذة
وخدمتهم بطيييئة مع اني طلبت قبل اوصل بربع ساعة ووصلت والطلب مابعد جهز

لذيييييييييييييييييييييييييييييييييييذ
جيت له من الشرق لكن يستاهل العنوه التكه لذيذه بشكل وخفيفه والصوص عجبني كثير
والفرايز يشهي بشكل

+ الشاب السعودي اللي يعمل بالمطعم حبوب وعملي ماقصر يعطيه العافيه

بالتوفيق لكم و نتمنى نشوفكم بشرق الرياض او وسطها

كنت متحمسة مره اجربه
لكن صدمني الطعم صراحه?
طلبت صاج والا طعمها كان عادي جدًا والصوص مو حلو
والفرايز ايضًا عادي

القائم على هذا المطعم شباب سعوديين ماشاء الله عليهم لهم خبره طويلة في مجال الاكلات الهندية

No tables seats. Sensible prices with excellent location for new district in Riyadh. Go with "Qursan Wala" it was the best. "Saj Wala" was good as well. "Fries Tikka" is ok but the sauce was too over.

كانت تجربتب الاولى له الطعم جميل ولذيذ عندهم خبز عايدي وقرصان للاسف لا يوجد جلسات بالمكان يستاهل اكرر زيارتي له

السلام عليكم مطعمنا لليوم تكا والا مطعم مختص بالتيكا
طلبي كان فرايز والا وصاج والا وقرصان والا
الصاج يعتبر التيكا العادي اما القرصان التيكا الحراق
طعم جميل ومختلف والفرايز حلو ومو ثقيل
الاكل فرش واكثر من رائع
اكرر له الزياره واوصي فيه شكرا لطاقم العمل
الله يبارك لصاحب المطعم

طلبي ساندويتش صاج والا وقرصان والا كانت لذيذه وسلطه سيزر والا لذيييذه فرايز والا فكرتهم انها تتبل بالخلطه الهنديه وتشوى بالتنور من المطاعم اللي اشوف للان ضبطو التكا صح بالرياض

الاكل طعمه جيد
لكن الاسعار مرتفعه وجاهز زايد ريالين على اصناف الساندويتش ووصلتنا صغيره مره.
انصح بتغيير الاسعار والمحافظه على الجودة

المطعم مستوحاه من مطعم ثاني. المطعم الي هم مخذين نفس الثيم مو ذاك الزود بس على الاقل هناك في روح في الطعم
هنا طعم الميونيز طاغي من فاهم انا اكل ميونيز او دجاج

هي طعمها كويس لكن السعر مبالغ فيه مره
انا تشبعني حبتين شاورما من اي مطعم اما ساندوتشاتكم بحكم ان كمية الدجاج قليله جدا والحجم صغير جدا جدا يالله تكفيني ٤ حبات
ياليت تعيدون النظر بالحجم وتكون نفس السعر
نصيحه (قليل دائم افضل من كثير منقطع)
والله يبارك لكم