منتجع ورق التوت

هذا المكان اكثر من رائع بكل تفاصيلة انعزمت فية مرتين عن طريق المصممة العنود ناصر وكان خير اختيار وكلة ذوق في التصميم وفي كل التفاصيل حتي الاكل لذيذ ربي يباركلهم

المكان جميل جداً انا اخذت منتجع رقم ٣ المكان ولا غلطه انصحكم تزورونه صدق انبسطنا فيه وراح الوقت من جماله

شاليه رقم 1 ماشاء الله تبارك الله حلو ونظيف وتكيف حلو وبارد بس عيبه شي واحد الاضاء الانوار مو حلوه نظيفه خافت يعني الحمام حلو ونظيف واحد موفوض يتوفر حمامين والسنيما تحت في القبو حلوه وجميله.

بصراحه حطيت نجمه بس عشان اعلق ولا مايستاهل اي تعليق كان حجزنا ثاني ايام العيد منتجع مايستاهل المبلغ المدفوع فيه دورات المياة سيئه جداً والمغاسل من اول استخدام المياه فاضت علينا شوفو منتجعاتكم وصلحوا لها صيانه قبل السؤال الجري ورى المبالغ والفلوس كان نفسي اني صورت لكن خايفه على نفسيتكم من المناظر السيئه
ولا اريد ختم كلامي بالشكر لانكم ماتستاهلون

دفعت لهم العربون الف ريال ووقعت العقد وبعدها بكم يوم اتصلوا علي وقالوا تعالي وقعي عقد جديد لان حجزكم صادف اجازه وصار اليوم بثلاثه قلت خلاص اجل باجل الموعد قالوا تمام وكلمتهم عشان احجز يوم ثاني قالت لازم تجيبين ورقة دفع العربون ضاعت الورقه قلت طيب اكيد عندكم نسخه ورفضوا يتممون حجزي او يرجعون العربون الله لايسامحهم ولايحللهم ان شاءالله في ذمتهم يتحاسبون فيها عند رب العباد

وصلت للموقع والتجهيز رائع ومرتب الاثاث. لكن تفاجات بالاسعار. مبالغ فيها وبقيمة الايجار استاجر شاليه ثاني وارخص لمده ثلاث ايام مع المبيت والوجبات. ويمكن حتى اوفر اكثر. لكن استغل اعلانات المشاهير لرفع الاسعار. اتمنى منهم مراجعة الاسعار وتخفيضها.

الحين كل ذولا اللي اعلنو عنه وبالنهاية سعر الليلة ب3000 صدق عبيد الدرهم والقروش وين الموضوعية اذا كذا اسعارهم وكلن من اعلن قام يمدح ترى الاسعار اوفر يخلون هالمشاهير يعلنون ويطلعونها من ظهور الناس المستاجرة

انا بغيت اروح له بس خييير يا منتجعات المالديف والا موريشيوس ؟ وش ذا الاسعار الخياليه؟! ترى في الرياض الله يصلحكم مو في بالي! انا انصح اللي يبي ينبسط يوفر هالالاف ويطلع فيها بعدين رحله حلوه و اجواء اروع

ياناس اتقوا الله في الاسعار اقسم بالله حرام ادفع فيه ريال على ايشش من زين الأجواء عااد اروح دوله اوربيه برخص التراب

والله معلش يالسعر سلامااااااااات 3000 ريال من اصلاً الي مو صاحي يدفع هالسعر ع الاقل خلها ب الف وخمس مهضومه وبيجونك زباين كثير اما هالسعر فيه غيرك كثير ومنتجعات كثير وارخص من هالسعر يعني انت مو في منطقه الناس مضطره انها تستاجر عندك بالعكس انت الخسران في هالمبلغ الي حاطه حط سعر مناسب لجميع الطبقات من الناس وشوف كيف الناس تجيك حتى ماتحتاج اعلانات عند هالمشاهير وشكراً

السعر ٢٥٠٠ ريال وسط الاسبوع خيررررررررر

والله ما ابخس شغله ولا حسد الله يرزقنا ويرزقه

بس فندق بولمان باريس اطلالة على برج ايفل اليوم ١٠٠٠ ريال

ياخوي ترى نملك عقول ومنطق مايسمح لي ادفع ٣٠٠٠ الاف ريال على يوم واحد بشالية السعر جداً مبالغ فيه ياخوي يمدي استاجر ثلاث ايام بشالية نفس مستوى شغلك ونظافتك ومع الاكل والشرب يعني مو عشان كم شخص اعلن عنه بتطلع فلوس الاعلان من ظهري وظهر غيري للمعلومية الدول الاجنبية ارخص منك وافخم ويكون المكان على اطلالة عالمية ما انكر شغلك الجميل ولا ارخص من قيمة الشالية حقك بس اتكلم لك بالمعقول ترى سعرك فوق العالي اتمنى تراجع اسعارك والله يرزقك والشالية اعجبني بس السعر خلاني اكنسل فكرة الحجز عندكم

مو حلو العامل ينافخ علي عامل مصري قد اروح والحمامات اعزكم الله وسخه وريحتها والكنب في بقع يعني وسخ والمسبح فيه حشرات مره موب زين والسعر عاد السعر مراااااااا غالي خذيته يوم واحد بس ب ٧٠٠٠ الاف ريال سعودي

الشكل والاثاث حلو وممتاز بس السعر غالللللللللللي يعني يوم واحد ب ٢٥٠٠ والسينما السلك مقطوع اضطرينا ننادي العامل يعدله.

ههههه من المهبول للى يدفع 3000 ريال في لليله وجنب الدائري ومحطه بنزين
اخذت فندق 5 نجوم في سويسرا بـ420 اليوم كامل مع الفطور

ماشاء الله جدا جدا جميل حضرنا فيه لتجهيز عروس وخواتها
فيه بدروم للمناسبات
انصح فيه وبشده

الاسعار مبالغ جدا فيها. سعر الليلة الواحدة تستطيع فيه ان تستأجر ٥ ليال في الدول الاوروبية او ٨ ليال في دول شرق اسيا. لا انصح فيها بالسعر الحالي. والمنتجع بشكل عام جيد لا بأس فيه

نجمتين تكفي عشان النظافه لكن مبلغ ٣٠٠٠ عشان اقل من يوم سلامات ويجيك ناس ما تقدر النعمه وتمدح وتعطيهم خمس نجوم ، يالعالم اتقو الله في مالكم استاجر استراحه نظيفه بالكثير ٨٠٠ ريال وباقي المبلغ تصدق فيه تلقاه يوم لا ينفع مال ولا بنون ، اما تنثر فلوسك على جدران ومسبح وثيل صناعي عشان ١٤ ساعه بيسألك الله عنها

شاليهات راقية ، مقسمة لنوعين شاليهات للكبار ويمنع فيها دخول الأطفال وأخرى مخصصة لألعاب الأطفال المتعددة والمتنوعة.

هل تصدق أن سعر ليلة واحده في هذا الشالية تسكنك في سويسرا في جمال جبال الالب اطلاله ولا اروع وبراد لمدة لا تقل عن خمسة ايام!

مستوى النظافه في تدني ملحوظ كمية غبار في المكان و بقع ع الارض والطاولات تصدم ياليت تكون الخدمات موازيه للسعر.

سلامات السعر مبالغ فيه شالية على البحر اقل سعر منه وهذا مطل على براحه ب3000 الاف بالسعر هذا على الأقل يكون معها وجبه غدا اوعشاء ل 10 اشخاص على الأقل

حلو ورايق ماشاءلله نظام فندقي وفيه قبو صاله كامله سينما وألعاب أطفال بس سعره مبالغ فيه شوي غير التأمين

منتجع ورق التوت يقع في مدينة الرياض في ضاحية لبن على الدئري الغربي يتكون من ثلاثة شاليهات كل شالية يوجد به مسبح وصالة وغرفة نوم بدورة مياة وحديقة صغيرة جميلة جدا وأيضاً صالة في القبو بها بوفية صغير