كيا صيانة وقطع غيار

طالما هذه التعليقات تدل على سوء تعامل الشركة فين المسؤولين الكبار مايقرون التعليقات يستفيدون من الملاحظات في تحسين أوضاعهم

شريت منهم اوبتيما 2019 جيت اليوم للصيانة فرع خريص السياره ماشيه 10000 كيلو وقت التشييك الطبيعي وتغيير الزيت حسب جدولتهم الي قالوها لي يوم شريتها وعندي ملاحضه قويه المكيف اذا هديت يقلب حار المهم استقبلني الموظف الهندي اول ما ادخل استقبال الصيانة يكون جالس على اليسار قالي غيرنا النظام حسب كلام شركة كيا الام تصير تجي كل 5000 كيلو بدل 10000كيلو وايدك على 400 ريال اجور زيت وفلتر وموضوع المكيف مالنا شغل فيه دق من جديد خذ موعد مع الصيانة يمكن بعد اسبوع او اسبوعين قلت اها عطني مدير الصيانه قال رح داخل توجهت لمكتب المدير شخص (شامي) يتفلسف زياده قلت له السالفه قال صحيح النظام تغير جانا تنبيه من الشركه ان نوع الزيت تغير وقام يتفلسف والزيارات تكون بدل كل 10000 كيلو تصير 5000 كيلو والسعر بسيط 190 ريال والهندي في البدايه قال 400 ريال قلت له اول شي كلامكم متضارب وثانيا انا فاضي لكم كل شوي وانا جاي مكاني بعيد ولا لكم فروع قال فرصه نصير نشوفك دايم! وقلت له والمكيف قال عادي كل سياراتنا كذا هذا نظامها 2019و2020! واستمر في الفلسفه قلت له باختصار هذا الكلام مايمشي وانا راح اصعد الموضوع وبيني وبينكم وزارة التجارة وحماية المستهلك وانا الان بصدد رفع شكوى وانا وراكم والزمن طويل وماضاع حق وراه مطالب ونصيحه للاخوه الي تورطوا مع كيا لاحد يخلي حقه لعبوا فينا التجار بالتعاون مع الاجانب.

سيئين جداً جداً جداً كل أفرعهم لاعمل لاأخلاق ونصب. عندهم سياسة المماطلة عشان يقولوا فى النهاية السيارة خارج الضمان. إنتبهوا من النصب. البعطوا 5 نجوم معظمهم من تبع شركة الجبر وإلابس أصبروا بعدين تشوفوا الويل. حسبى الله ونعم الوكيل فيكم اللهم فى بركة هذا الشهر المبارك رمضان كل من ساهم منهم فى أكل حقى وحق غيرى زلزله شر مزلزل وأريه بئسك وجبروتك. اللهم أمين. فضلا ضع أعجاب للدعم ولكى نواصل الدعاء عليهم. اللهم أمين.

رؤوساء مجلس ادارة كيا الجبر ، هل عندهم علم عن الي حاصل في مراكز الصيانة؟ تفاجأت من التعليقات ان مركز الصيانة في مخرج ١٨ هو المركز الرئيسي! اساساً مكانه خطأ وزحمه غير طبيعية وبطء في استقبال العميل بسبب الإجراءات الي يقوم بها موظف الإستقبال ، مرة جيتهم يفحصون سيارتي حصلت العامل تبعهم مشغل السيارة وحاط المكيف على العالي! حسيت انه تاكي فيها ،

نصيحتي اي شخص لايفكر يشتري سيارة كيا حتى يتغير الوكيل او يحصل تغيير فعلي وملحوظ في مستوى الصيانة.

هذي اوقات دوامهم

وربي اكثر صيانة شغلهم زبالة ولا يدرون ايش يسوون ما انصح اي احد يروح لهم

أكثر فروع صيانة كيا محترمين وخدمتهم ممتازة
إلا ذا المركز الرئيسي
فيه موظف إستقبال سوداني إسمه مهدي ، لم أر أسوأ من ذا الموظف ، متعجرف متكبر لئيم ، ما تقدر تسأله سؤال ،يرد عليك انه معاه مرض سكري وضغط ، والله كأنه مريض نفسي أو كأنه هو صاحب الشركة
أنا اسوي الصيانة بأي مركز لكيا إلا المركز الرئيسي
ولكن مرة رحت اسوي صيانة دورية لسيارتي بأحد المراكز
قالولي السستم يقول روح المركز الرئيسي مخرج 18 على شان سيارتك عليها استدعاء من المصنع
رحت مخرج 18 عند ذا الموظف مهدي
والله أخذني وجابني أكثر من عشر ايام ، طبعا وكل يوم انتظر 3 ساعات حتى اقدر اكلمه (وكأنه وزير)
وما سوى شي لسيارتي وكل يوم أنا أمر عليه وشوف سيارتي بالشارع ما حد منهم شافها ولا حد دخلها جوى
ولا أعطاني سيارة بديلة
وبآخر يوم حصلت زبون مثلي معاه سورينتو يكلم مهدي وصار صراخهم عالي وبعد جدال بينهم فهمت انه له 15 يوم وسيارته برى ماحد سوالها شي
واضر يسحب سيارته بدون ما يعملها اي شي

وانا سحبت سيارتي بدون ما اعملها اي شي
حسبي الله ونعم الوكيل في ذا الموظف
يهو وأمثاله يشوهون سمعة كيا.

السلام عليكم ورحمة الله وبركاته
لدي سيارة سيراتو ايجار منتهي بالتمليك
تقييمي بشكل عام ضعيف وسيء
على مستوى المشتريات والصيانة
خدمة العملاء والمشتريات قليل الخبرة وعدم المعرفة بالامور التجارية والمالية واغلب الاستفسارات لا يفيدون العميل بشيء مما يسبب متاعب للعميل وتعطيل عن عمله
منذ فترة صار لي حادث والخطأ على الطرف الثاني وصرفت شيك وسلمته لمندوب الشركة بالرياض ثم فوجئت بعد فترة ان الشيك غير موجود واستمرت المشكلة قرابة 6 اشهر ولا ادري اين الشيك وهل هو موجود ام لا وتاريخه انتهى وارسلوني لشركة التأمين مرة ثانية بجهلهم اكثر من مرة وارسلوني لقسم الشرطة لعمل محضر وتعبت حتى قلت لهم سوف اشتكي بوزارة التجارة وبعدها ظهر الشيك

على مستوى الصيانة
بس مجرد تغير زيت ونفخ فلتر وباسعار اضعاف السوق
وصار عندي مشكلة بالمكيف من او شهر وذهبت لهم ثلاث مرات ويقولون هذا شيء عادي وقطع الغيار غير متوفرة ومواعيد غير مضبوطة واستقبال سيء بدون تنظيم وانتظار بالساعات وقلة خبرة