مجمع المهيدب لطب الأسنان فرع الفيحاء الرياض

السلام عليكم ورحمة الله وبركاته
انا تمت سرقتي منهم ب مبلغ 1000 ريال
قبل ثمان شهور تقريبًا لاكني لهم في المرصاد
وبتفرغلهم وبرفع عليهم قضية وبخليهم يعوضوني دبل وخل المماطلة تنفعهم وحتا الرقم الي يجي في تعليقات حق الشكاوي تراة كذب وما عندهم سالفة يهمون للناس انهم مهتمين

اسوء خدمة عملاء الجوال اما مغلق او لا احد يرد الهاتف الارضي معطل لا تستطيع اخذ موعد وعندما تذهب يقولون لمذا لم تاخذ موعد ومشكلة عندهم تواجد دكتورة التقويم

للاسف اسوء فرع فرع الفيحاء غير منظمين فى المواعيد وخدمه العملاء ما بترد عليك حتى مدير الفرع ما بيحل الموضوع سئ جدا جدا كتير بروح ع المعاد بيقولو الدكتوره مش موجوده والمفروض يبلغو المرضى قبلها

تعامل جميل ولطيف وخدومين الاستقبال جداً شكرا لهم

بس الدكتور يستقبل حسب المعرفه
لا الانتظار!

يخبرونه الاستقبال بوجود منتظر!
بس يسكر الباب بوجههم لان ابوصالح عنده استشاره

مساء الخير
حبيت اشكركم على حسن الاستقبال والتعامل الممتاز من الاستقبال الى الدكتوره / ايثار
خدمه جدا ممتازه
شاكر ومقدر

اشتغلت تركيب ابتسامه عند الدكتورة /شمس وجدي، وبكل أمانه كان شغلها رائع حتى المعالجات قبل التركيب من سحب عصب وحشوات كان شغلها رائع ويدها خفيفه والتركيبه طلعت ممتازة جداً.

جيت خلعة درس عقل عند د محمد نبيل كنت متخوف جدااا بس صراحة كان في الم في الأول و الموضوع كان يخوف لاكن صراحة الحين ممتازززز جدااااا انصح اى خلع درس عقل عند د محمد نبيل الموضوع ما يخوف ابداااا

تجربه مرا سيئه وندمت ندم عمري اني رحت لهم ركبت تقويم عند الدكتوره اسماء تركت عندهم الله يسعدها كان عندها مصداقيه بالشغل لكن رجعت لهم لقيت الدكتوره ايثار مرا شغلها سيئه ونفسيتها اسوا وكاني جالسه اشحذها بالشغل صراحه اسوا مكان اروح له والاستقبال تدق عليهم ما يردون وبعد ما نروح ننظر يقولون موعد بالاول ردو عشان نسوي موعد بعدين تكلمم حسبيالله بس فيهم

المركز جداً رائع من خدمة اطباء واستقبال وانصح بدكتورة حميده علي ودكتورة زهره كمال الله يعطيهم العافية …

جربه ممتازه وتعامل اكثر من رائع وانصحكم بالدكتور امين الحريري كبوها لتنظيف الاسنان تنظيفه ممتاز ويده مرره خفيفه?

الحق يقال في الدكتور. امين الحريري تفاني في العمل ومهارة ، خبرة ، متفهم ، بشوش ونتيجة اكثر من رائعة ولله الحمد

المركز ممتاز موظفين الاستقبال متعاونين جداً ، انا جلساتي عند الدكتور امين الحريري ممتاز جدا انصح فيه

دكتوره اسماء افضضل دكتوره مرت علي تعامل وشغل نظيف لكن طلعتتكفون اللي عنده تواصل لها او وين راحت يبلغني باقي لعلاجي معها ٦ شهور

الله يجزاك الخير دكتوره حميده علي من امهر الاطباء يلي تعاملت معاهم حقيقييييي مرررررة شكرااااا

كانت تجربتي مع الدكتوره خالده الزين الرائع في علاج مشكله الجذور. اشكر تعامله الراقي. وشغله المتقن ماشاء الله تمت معالجه الضرس بدون الام …

يستحقون الشكر والاشادة أنا رزت هذا الفرع أكثر من مرة. تعاملهم كويس ،، وأخص بالشكر والتقدير د. ولاء إمام ، قمة في الأخلاق والتعامل مع المريض وانصح بمراجعة هذه الدكتورة. (صحة وعافية للجميع)

خدمة مميزة، وأطباء أكفاء، بصراحة من أفضل فروع المهيدب اللي زرتها، مواعيدهم مضبوطة، وشغل التركيبات عندهم روعة.
انصح اي احد ساكن قريب بالمنطقة يزورهم.

مستوصف سئي دايم يغير الاطباء والموظفين لايلتزم بالمواعيد اسعارهم غاليه وتم ايقاف التعامل مع شركات التامين

لا معامله زينه لا شغل صح لا مواعيد مرتبه اسوأ
ايام حياتي يوم واعدت عندكم. نصيحه محب لحد يقربه

السلام عليكم ورحمة الله وبركاته
انصح بالابتعاد عن المستوصف
مواعيد كثيره بدون فايده
معمل التقويم الثابت ولا بريال عادي تفصل ١٠ مرات عشان يطلع واحد صح ومضبوط
تعاملت مع المستوصف هذا وفرعهم الثاني اللي ب٤٠ الربوه
نفس الحكايه فيه اغلاط وكثرة مواعيد وشفط دراهم وللاسف مافيه نتيجة مرضيه نصيحة محب اذا شفت المستوصف وضرسك يوجعك رح ابعد مستوصف غيره راح تختصر الوقت والتعب النفسي والجسدي وكثرة المشاوير
اسف للإطاله