الحديثي لزجاج السيارات

تم تغيير الزجاج الامامي الزجاج تجاري والسعر كان 750 ريال علماً ان السعر في الوكالة دبل وزيادة

شغلهم ممتاز ركبت عندهم قزازة اماميه قبل شهر ونص ماطلع اصوات تنسيم ولاتهريب مويه الحمد لله.
السعر ٣٨٠ ولاقبل ابدا انه ينزل بالسعر.

الحاجه الوحيده اللي ماعحبتني الفلبيني قالي القزاز تايلندي اوتايواني نسيت والله وماركزت وقتها معه ولما رحت للبيت اكشتفت انها صينيه المفروص تقول للعميل الحقيقه بدون لف ودوران
السعودي موجود معهم ماسولفت معه لكن الله يرزقه ياليت ينبه العمال عنده انهم ماينصبون على العميل بما ان المحل موثوق وله زباين

ماشالله تبارك الله شغل ممتاز واحترافي وصاحب المحل ابو عبدالعزيز قايم بنفسه على الشغل ومعه الفلبيني ماشالله تبارك الله شغله جدا ممتاز والله يوفقهم ويرزقهم من واسع فضله

افضل محل للزجاج ويستاهل التقيم 10/10
والقائم على المحل المالك نفسه والفنيين ذو خبرة عاليه

اليوم صلحت مراية السياره والله ماخذت ١٠ دقايق والسعر صدمني من قوة انه رخيص ، والتعامل راقي الموظف الفلبيني يفهمك وش المشكلة و ايش حلها و ايش ممكن يصير بعدين ، الحمدلله اني طحت عليهم الله يبارك لهم بشغلهم

غيرت عندهم قزاز السيارة الامامي ، للامانه حاولت اكاسرهم على السعر ولكن ماقدرت ولاهي اشكالية بالعكس ،الفني الفلبيني يده خفيف وفنان صراحة اسمه اندرو ، صاحب المحل ابو عبدالعزيز متواجد بالمحل واخلاقه عالية ونصوح الله يمده بطول العمر ومن يقرأ ، القزاز الى الان له 4 ايام ماشفت ملاحظات او صوت وهواء ، رجعت لهم افك الشطرطون ولقيته متلصق على البدي وماقصروا لمعوا المكان ونظفوه.

ماشتغلت عندهم لكن تواصلت مع صاحب المحل عشان أستفسر عن توفر زجاج سيارتي ومارد علي للأسف

واضطريت أضرب له مشوار على أساس يوفرون كافة أنواع الزجاج واكتشفت ان شغلهم للزجاج العادي فقط إذا زجاجك فيه حساسات ورادار مايعرفون له

محل ممتاز لتغيير زجاج السيارات والقائم عليه صاحب المحل بنفسه الله يجزاه خير. العامل فلبيني وعارف شغله وخبره فوق 30 سنه.
انصح فيه وبقوه

صلحت عندهم قزازة سيارتي الخلفية والنتائج ممتازة
عمالة ماهرة وادارة بخبرة تنتج هذا العمل المتقن ما شاء الله
اسعارهم ممتازة جداً مقابل شغلهم
انصح وبشدة التعامل معهم

تبارك الله، الله يبارك له في ماله وحلاله.
شغل نظيف وفنانيين وحريصين
وراعي المحل محترررم

ما شاء الله تبارك الله ؛ غيرت عندهم زجاج أمامي لسيارتي اللكزس ، الرجال السعودي واقف على المحل ، ونصوح وبشوش وتعامله طيب ، والعامل الفلبيني محترف ويده خفيفة على السيارة ويهتم بأدق التفاصيل ، والأسعار مناسبة ومنافسة جدًا ، ويوفر لك زجاجة السيارة بالطلبية ولو ما كانت موجودة عنده ، الله يعطيهم العافية وموفقين يا رب

اليوم بدلت عندهم زحاجة سيارة التيما واول مره اتعامل معهم بناءًا على ماقرأته في التعليقات وثناء على مدير وبصراحة شغلهم نظيف ومرتب فاهمين.
بس عاد انتظر حتى تمضي الايام واشيل اللزق احكم على الجودة النهائية

والله لو في اكثر من ٥ نجوم عطيتهم ابوعبدالعزيز رجل سعودي جدا محترم و صادق و خبره في المجال ٢٥ سنة الله يكثر من امثالة و الفني فلبيني مبدع ولا غلطة ماشاء الله انصح فيهم جدا واسعارهم ممتاز

تعامل رائع وخيارات متعددة وخيرة في التركيب. انصح فيهم وبقوة. واشكر صاحب المحل ابوعبدالعزيز الحديثي على نصائحة

ممتازين عندهم فلبيني شغله ممتاز وتعامله راقي لدرجة انه يعامل سيارتك على انها سيارته والله يعافي ابو عبدالعزيز على ضيافته الرائعة.

الشغل يجنن والفلبيني فاهم وعنده ذمه ويعطيك الحلول ووش ممكن بعدين يصير لو سويتيها
أول مرة اروح لمحل سيارات وما يستحقرني عشاني بنت أو يجلس يلعب علي بالكلام ويسرق فلوسي
أسعارهم عادية وتعتبر شوي رخيصة مقارنة بالمحلات الثانية

يستاهل اكثر من خمس نجوم صاحب المحل ابو عبدالعزيز رجل طيب ومحترم وبضاعته ممتازه جدا والعمال ممتازين بالتركيب وسريعين ومتقنين للعمل

ماشاءالله
رجل كبير بالسن
قائم على الشغل بنفسه
ومتعاون جدا
وعماله متمكنين و
محترفين جداً

المهندس الحديثي صاحب خبرة طويلة في صيانة السيارات. عمالة مدربة واسعار معقولة ، ضمان مدى الحياة على العمل.

ماشاءالله وفقت بالمحل راعيه على خلق عالي وواقف بنفسه ونصوح وراعي خبره انصح فيه بشده الله يبارك له

ما شاء الله شغلهم زين ونظيف ويستاهلون كل خير خص صاحب المحل ابو عبدالعزيز واقف عليهم وعماله احترافيين وشغلهم ذمه

للامانه شغل احترافي واسعار معقوله ويضمن لكم شغله بكل ثقه وصاحب الحلال بنفسه واقف على شغله الله يبارك له في حلاله ويوسع عليه انصحكم تتعاملون معه مراح تندمون رجال نصوح ويهمه مصلحة زبونه والله على ما اقول شهيد

محل ممتاز ويكفيك وجود راعي المحل بنفسه وهو اللي يشرف عليه وانسان نصوح وواضح والصراحه اول مره اتعامل معه ورحت له على نصيحه واحد ولكن كل شي واضح بشكل مبدئي واذا فيه اي اشكاليه راح اكتبها