تسالي الريان

انا زبونهم من ٨ سنوات مافي افضل منهم، الا هالسنة تغيروا وتغير كل شي عندهم صارو غالين جدا لو تاكل من المطاعم الثانيه كلها ارخص لك وخدمتهم سيئة جدا جدا جدا لدرجة تدق عليهم تطلب وتجي تنلطع تنتظر الطلب بعدين يقولك م سجلنا طلبك من البداية وانت قايلهم الطلب مرتين، او الحالة الثانية تجي تنطلع وتاخذ طلبك بكرا.
للاسف تغيرو للاسواء ولا اتوقع برجع لهم مره ثانيه

الصراحة صار لي موقف معه كنت انا وخويي وخويي كان ملزم يدفع يوم كان يتكلم مع العامل اشرت له ان إذا جبت الطلب خلي الحساب عندي وقلت يارب يفهمها وفعلا والله وفهمها وعجبني العامل الله يسعده

والله ماشاء الله لذيذ وانا اكله من سنين رهيب الصدق
الطعام 100% ويستاهل اكثر
النظافه 100%
السعر 95% غالي شوي زنجر تستاهل ١٠ يبيعه ١٦ وبطاطس بخمسه مفروض بريالين بس فيه فرق عن اي تسالي انا ذقت واجد لكن الطعم مب منطقي

ولله العضيم صارلي ٨ سنوات اشتري منهم كنت مدمن عليه بس للاسف صرت اول ماخذ طلب القا بطاطس معفن ولا صرصور صغير و السعر غالي مره و كل شي بالمطعم جيد بس السعر غالي بزياده لاكن عند بيت جدتي بحي النسيم الغربي بشارع ال ٣٠ فيه تسالي اسمه تسالي بوفيه الغنزي اقيمه مليون سعر تورتيلا صغير مع جب اصفر سايل او جبن كريمه ب ٥ ريال فقط و الكبيره ب ١٠ ولله هذاك المحل يستاهل ونص بعد لاكن خبز البرقر لاجا يحطه ب الائاله قله خل الخبز طبيعي لاتحطه ب الائله وتحياتي ل بوفيه الغنزي و فيه توصيل هذا ماعنده

بالنسبة للطعم جيد والخدمة سريعه لكن اسعاره مبالغه فيه جداً
زنجر كبير ب ١٦!
تورتيلا ب ١٤
بوب كورن صغير ٩

Great food for a low price. What's not to love? Don't stay inside too long, though. You'll start smelling like oil once you get out. If the weather outside isn't too bad, place your order and wait there.

المطعم نظيف ولذيذ وفرش والموظفين برضو يشتغلون بذمه ويركضون للزباين لكن مشكلتهم غالين يعني زنجر صغير ب١٦ يعني معليش يعتبر بوفيه

راجعو اسعاركم جداً مرتفعه مقارنه با البوفيات الثانيه غير كذا حطو وجبات مو معقةله كل شي فاصلينه لحاله

كنت اكل منه وانا صغير.

الصراحة المطعم من افضل المطاعم بالنسبة لي
اكله مره طعيم وما رح يسوي زي بقية المطاعم اسعار غالية وجودة مو بالمستوى.

"العكس اسعار رخيصة وجودة تصدم".
انصحكم:
بهوت دوق (hot dog).
برجر.
شبس.
ذول الاكلات الي تفننو فيها بشكل رح يصدمك

هذا الفرع من تسالي من افضل الفروع الي جربتها هذا اذ ما كان الافضل ، من ناحية الاكل جميل وأسعاره حلوه ومعقوله ، وايضا العماله جيدين في خدمتهم واحترامهم للزبون واشكرهم كثير على هذا التعامل.

وايضا أشكر صاحب الحلال على هذا الفرع واتمنى له التوفيق والنجاح ان شاء الله ️

لذييييذ اوا مرا اجربه وباذن الله مو الاخيره
عجبني البطاطس مرا مقرمش
و التروتييلا ولا غلطه

الزنجر صغير ب ١٠ وكبير ب ١٦ تهاويل وين تبي تراك تسالي قبل يمكن ٣ سنين كنت اخذ الكبير منه ب ٨ دبل سعره ليش ولد المنب قايل

لذاذه مو طبيعيه الذ تسالي اكلته للامانه واستغرب من التعليقات الي ماعجبها المطعم او ماتخليه توب بشكل عام

اذا ودك يجيك مغص في بطنك اطلب من عندهم الله يكرم النعمه علاوة على ذالك معاملة العامل كأنك جاي تشحذة اكل منت جاي تطلب بفلوسك معاملة سيئة جداً جداً

جربت من عندهم تورتيلا زنجر للامانه ممتازه جداً والسندوتش كميته راهيه لاكنه عادي جداً مثله مثل اي تسالي بالرياض بالطعم مافيه اي شي مميزه فيه نهائياً،ناهيكم عن سعره المبالغ فيه ب 16 ريال بدون وجبه! مع ان نفس السندوتش تاخذه باي تسالي بنفس الجوده والطعم من 8 الى 10 ريال،لكن المطعم بشكل عام ممتاز لكن ماتتعنى له بمشوارك.

لذيذذذ الزنجر بشكل وراهي مليان دجاج وجبن! للامانه لذيذ مره
وبرضو البطاطس لذيذ وبهاراته موزونه وحلوه
والبوب كورن كان عادي جدا

بصراحه توب التوب اعزم عليه كل اصحابي و ادق في النعمه ولا اشوف شي الزنجر حقهم ياسلاااام ولا بطاطس البهارات شي ولا تحلم فيه و اصابع الدجاج انت ماتدري كل مره تجيهم وش تطلب وش تاكل يستاهل الواحد يسمن من جديد عشان اكلهم ️