مستشفى عناية العائلة / Family Care Hospital

مستشفي رايع وتعاملهم قمه في الذوق والنظافه جزاهم الله الف خير جميعا من اصغرهم الي اكبرهم المسلمين وغير المسلمين

عند دكتور الاطفال حق الاسنان معتز بصراحه دكتور فاشل مدري كيف حاطينه والمشكله حق اطفال يتعامل مع الاطفال بلطف خلع ضرس بنتي يومين يصب دم ورم فمها وماتقدر تاكل بعكس جربت اطباء اطفال عكسه تماما و

والله الدكتور جابر افضل دكتور في مستشفى العائله اخلاق عاليه متواضع فيبدووو انك صاحب القلب الطيب ندعو الله ان يحميك ويبارك فيك شكراااا دكتور

مستشفى جميل ومحترمين وخدمة العملاء في قمة الادب والأخلاق والدكتوره بخيته الله يحفظها من أفضل دكاترة النسا والولاده راح نكرر التجربة بإذن الله

الله يعطيكم العافية من افضل المستشفيات من الطاقم الطبي والاداري خصوصاً علاقات المرضى الاخت شوق فعلاً الشخص المناسب بالمكان المناسب

المستشفى رفع فيني إيقاف خدمات في ناجز حسبي الله ونعم الوكيل. بسبب فرق المبلغ بين الولادة الطبيعية والولادة القيصرية المفترض المستشفى يتصل علي ويبلغني اسددهم ويحذرني ثم يرفع فيني في ناجز. لكن حسبي الله وكفى سمع الله لمن دعا ليس وراء الله منتهى.

مستشفى سيئ ولف ودوران ويورطوك والدكاتره يقولو معليك وبعدها يوقعوك على سندات لأمر
لا انصح فيهم مررره من تجربه

ولدت البارح الساعة 6 الصباح الحمد لله المستشفى رائع من جميع النواحي النظافة المعاملة كلهم طيبين و خدومين
و أشكر جزيل الشكر الدكتورة ياسمين و كل الطاقم الطبي لكان معاها دكتورة روعة و متميزة

انا اتقدم بالشكر للمستشفى عامة وبالاخص للدكتورة السعودية مو الهنديه الموجوده في قسم العلاج الطبعي حقتت معها في جلستين مالم احققه مع غيرها في ثمان جلسات متقنة في شغلها متعاونه جداً واخلاقها مرره عاليه تستحق وبجدارة اسم دكتورة و ايضاً اشكر دكتور المخ والاعصاب رضوان القادري كلهم ماقصروا معنا وعاد الميزه فيهم يتصلون عليك بعدما تطلع من عندهم يسألون كيف حالتك تحسنت او لا اشكرهم ابطال.

احب اشكر موظف الطوارئ
ماجد العنزي شكرا خاص له
مشاءالله تبارك الله قمة الاخلاق
و التجاوب مع المرضى ب ذوق و احترم
و اتمنى ي ادارة المستشفى تهتمون ب الاشخاص الي كذا الله يعطيه الصحة والعافية يارب م قصر معي و مع غيري ل الامانه اشوفه ب عيوني غير جيته و سالته عن اسمه ب نفسي انا

التنويم جدا كويس النظافة كل شويه تجي وحده تشيك اذا في وسخ ولا شى بس عندي مشكله انو الممرضات يتكلمون انجليزي طيب جيبي واحده كمان تتكلم عربي ولا وحده تتكلم عربي اذا طلعت اشلون اهلي يتوصلون مع الممرضه وهي ما تعرف عربي ف لازم تكون ممرضه على الاقل تتكلم عربي لان مو الكل يتكلم عربي

مستشفى سيء دخلت ومعي مريض وبعد ماقصيت الفاتورة لطعوني ساعه ومافيه مرضى وصرت انا ادور الدكتور اطلعه يشوف المريض والممرضين كل واحد يرسلني على الثاني واسعارهم غالية جداً

احب اوجه الشكر للاستاذة/غيدا
الموجوده بعلاقات المرضى
الف شكر ليها ربنا يجازيها خير

السلام عليكم ورحمه الله وبركاته مستشفى جداً هاديه كانت مراجعتي مع قسم الباطنيه دكتور شاطر واحب اشكر موظفه الإستقبال الي في المختبر ابتسام الرويلي جداً خلوقه مع اني حصلت تأخير في سحب الدم وكنت متنرفزه على الموظفه لاكن اكتشفت انها ترقم الفواتير بالترتيب الف شكر لها وعاملتني الموظفه بكل ادب احترامي لها

السلام عليكم ورحمة الله وبركاته أنا اسمي عمر اسماعيل النميري أريد أن اوجه تحيه الى (عبد العزيز العنزي المدير وا المناوب و دكتور محمد الخشن و دكتور ناهد و دكتور احمد و الدكتور علي الهبوب الاستشاري للأطفال و الدكتور رضوان القادري شكرا لكم على رعايتكم حفضنا الله وحفضكم والسلام عليكم ورحمة الله وبركاته.

انا اجيت زيارة من المانيا الى السعوديه واجيت على مشفى عناية العائلة في الرياض حي الندوة اجيت على أحد الأطباء الأعصاب وكان اسمو الدكتور عبدالرحمن دبوان. بارك الله فيك يادكتور عبدالرحمن والممرضة هبة العنزي مشرفة العلاقات المرضى كانت إنسانة خلوقة جدا والله وطيبة جدا في التعامل وتساعد كل الناس. ربي يجزاها الخير. اتمنى من الجميع صدقا أزا لجو علمشفى يطلبوها بلاسم لان صدقا تعامل طيب

الله يبارك للعمده ويوسع في رزقه ويبارك لدكاترنا الاستشاري دسمير والاستشاري دحسين ذمة بعملهم الله يبارك براتبهم وعملهم
وموظفة استقبال جراحة العظام والاحتقان احلام العنزي
خدمتني وماقصرت قيمة الاخلاق والادب والتعامل السريع الله يبارك لها ويرفع قدرها ولهم شكر خاص اتمنى يوصل للعمدة ، متعب خليل

The reception is very good, kind and approachable. The services is very good, prompt and very welcoming. The doctor is very polite and approachable. It has a very clean, tidy environment and the ambiance is very good. Thanks for the good services.

للأسف اختي ولدت عندهم الممرضات الهنديات سيئات جدا تأخير واهمال نطلب اي شي بالقطاره يجيبون كنهم دافعين من جيوبهم من غير التأخير والمماطله ولا المغذي اللي نصه نزل على السرير بإذن الله اخر تعامل واخر تجربه

كانت تجربتي مع مستشفي عنايه العاىله ممتازه وتعلم الاطباء والتمريض واستقبال الجراحة والاداره في العيادات ممتاز وشكرا الدكتور اللي سوا العمليه صدام واستقبال الدكتور والموظفين وبنات الدور الرابع

الف شكر لادارة المستشفي على التعامل و حسن الاخلاق و التعامل الجميل وسريع والف شكر لطاقم الموضفين في قسم الطوارئ من الادارين و الاطباء

مستشفى شيءٍ جدا جدا جدا وعندهم دكتوره سيئة جدا اردنيه بقسم الولاده او الاشاعه تقريبا ناسيه وين وتعاملهم مره سيء انصحكم شوفو مستشفى اخر غير هالفاشلين تقول نعالج ع حساب ابوهم

ارجو ان يكون بارقى من هذى المستوى المتدني من الخدمه ويكون الهدف تقديم رعايه للعميل ولايكون الهدف غير ذلك

مستشفى سيء ومعفن والموظفين اعفن منهم واغلب المدح الموجود بالتعليقات تبع موظفينهم للتغطية على التعليقات السلبيه

مستشفى سيئ سيئ ل ابعد درجه الطواري تقعد عنده اقل شي نص ساعه عشان يعطيك مغذي واذ اكتشفو انو عندك تامين يصلخونك دبل عشان ال تامين يعني يخلونك تسوي اشعة تحاليل الخ.

لكل من يبحث عن دكتور ممتاز وشاطر لعمليات الشد بعد التكميم والترهل واسعارهم ممتازه مقارنه بباقي المستشفيات والدكاترة انصح ان يعملوها عند الدكتور جمال مدني الله يوفقه سويت ٣ عمليات شد لولدي وبنتي وكلها لله الحمد ناجحه ورائعه وربي يشهد في مستشفي عنايه العايله في الندوة

فاااااشل والممرضات أفشل على بالهم انهم جالسين بحديقة من يكثر مايضحكون ما عندهم احترام للمريض وأكثر من مراجعة احصل الممرضات بس بالأسباب لا شغل ولا مشغله

نجمتين عشان ممرض سعودي اظن اسمه نواف الله يوفقه ويسعده ويفتحها بوجهه كنت تعبانة وجايه اخذ مسكن ورفضوا يعطوني الا بوصفه وانا متعوده اجيب المسكن معي من الصيدلية واطقه ابره باي مستشفى واطلع ، والدكتور رفض وينافخ ويرسلني للممرضات والممرضات يرفضون والاخلاق زق والاستقبال تاخير وزقاقه ف كان الممرض هذا الله يوفقه يركض بورقتي ويحاول يحل اموري ، اذا تشوف الله يوفقك ويبيض وجهك ويكثر من امثالك المحترمه.

المعاملة غاية في الروعه و اصطف الأطباء والتمريض الله يبارك فيهم جميعاً ودام عز المملكة ملك وولي عهد وشعب.

السلام عليكم ورحمة الله وبركاته
كثير اراجع في المستشفى عناية العائلة لي ولاطفالي ولله الحمد خدمة ممتازه من الجميع
واخص بالذكر الاخ سلطان الرويلي والاخت حنان على تجاوبهم السريع للخدمات المطلوبه وحسن تعاملهم لهم مني 5نجمات خاصة و5 نجمات للمستشفى
شكرا للجميع

بكل صراحة المستشفى بناءة رائع ويبين مستشفى فخم لكن الطاقم الطبي في الطوارئ مره زبااال مافيه عناية بالمريض لدرجة انا وامي حرارتنا اربعين وخلونا ننتظر حوالي ساعة بغرفة وحدة فيها سرير واحد واضطريت اروح بنفسي اجيب لي كرسي اجلس عليه وفي النهاية اعطونا غذايات وسحبوا علينا وحنا اللي ننبهم ان الغذاية خلصت واقول اعطوني عذر طبي عندي اختبار يقول لي الدكتور ما يحتاج وانا بموت من التعب حسبي الله عليهم

قسم الطورائ المفروض جاهز للاسعافات السريعه تاخير مو طبيعي من الدكتور اكثر من نص ساعه لين جا الدكتور وبعد ما وصف لي مسكن اخذت الممرضه اكثر من ربع ساعه وعذرهم انو مافي غير تكتور واحد يعني اذا احد مو جوع ومحتاج مسكن يستنا الدكتور اكثر من نص ساعه

كان من المشافي الممتازه لكن الان الخدمه صفر المعامله صفر واسلوب اغلب الموضفين سيئ جدا جدا للاسف الشديد

والله زباله مو مستشفى اهم شي عندهم الفلوس جلست ساعه وانا مريض مدري اخر شي يقول انت مادفعت. والكشفيه عندهم ب ١٠٠ ريال. والعلاج يعطونك ورقة تروح تشتريه من الصيدلية وتجيبه لهم عاد يعالجونك واذا جيت ياخذون مبلغ ثاني شغل يديهم. كنها صناعية مو مستشفى المهم نصيحة لوجه الله لاحد يجيه لو انك تموت احسن منهم

مستوصف النموذجي بعد مافتح المستشفى لو تجيه مصخن قالك لازم مستشفى عشانه عارف ان مافي مستشفى الا عناية العائله حقتهم راعيها واحد يتعملون معك على انك كيس فلوس جيت للمستشفى بعد ماحولني النموذجي للمستشفى حقتهم في جرح باصبع الطفل للطواري والتامين كان عندي قبل يوم منتهي وكنت مشغول اكلم شركة التامين اقسم بالله مادخل الدكتور على الطفل الا بعد مادفعت كاش ١١٥ ريال كشفيه وبس قال للطفل افتح يدك سكر يدك ايوا كدا تمام الاوتار سليمه كلمة الاوتار سليمه ب١١٥ ريال وعدا ذلك دفعت قيمه ٤ نفذ للاصبع ٢٠٠ ريال وعليها لو في اقل نجمه وكثير عليهم

خدمة ممتازة من خدمات العملاء ومشكورين الأخوات شهد العنزي وغدير العنزي علي سرعة الاستجابة والمعاملة الطيبة للعملاء

رائع يعطيهم العافيه اهتمام بشكل كبير واشكر الدكتوره والاستشاريه بخيته دكتوره تستحق كل التقدير ومره انصح فيها لا الولاده والمشفى مره مهتم الحمدلله تمت عملتي والحمدالله

ابحث عن علاج وتفاجت دكاتره مسوين اعلانات في توتر وفي كل مكان مجندين ناس يعلون لهم ياقو قلوبهم تخيل يجيك واحد يمدح في توتر واكتشفه انه اعلان وللاسف بعضهم سعودين وتجيه ويسحب منك فلوووووووووس واخر شي يصرف لك حبتين ويوقول تعال بعد ١٥ يوم عشان تدفع كشفيه جديده احد يدور التجاره من المساكين المرضى ؟؟؟؟؟؟؟؟

بالنسبة للي يبي ياخذ لقاح
نصيحة لاتاخذ من عندهم
اول شي زحمه والناس جنب بعض تباعد مافيه وبعلم بالمستشفى وتاركين العالم كذا بدون تنظيم
ثاني شي فيه الناس بجيحه تدخل في سرى وتلخبط الدور
ثالث توقف بالحر برى لين يجي دورك
الانتظار الى ساعة وانت واقف.

زبده وضعهم مزري لزم الوزارة تتدخل وتنظم هالعالم

لو فيه اقل من نجمه حطيت ياليت قوقل يضيف خيار جزمه بدل نجمه

اشكر لمدير مستشفى عنايه العائله
والطاقم الطبي على التعاون في خدمه المرضى
والشكر الى الاخ احمد الروسي والأخت لمياء العنزي والدكتور رضوان على تعاونهم مع المرضى وانهاء اجراءات المريض منذ دخوله الى المستشفى على اتم وجه
الله يجعل عملكم في ميزان حسناتكم
وشكرآ لكم

Pathetic service I had severe shoulder pain waited one hour in the sitting area no one attended me I told the staff that I'm in too much pain still no one noticed saw 03 patients going before me to doctor although I came first they said they have appointment so if patient even dies from pain it doesn't matter he should have appointment

سئ ، سلامات مافي ممرضات
ضيعت وقتي بدون ما ادخل على دكتوره انتظر ممرضه عشان اخذ قياس حراره وضغط ، ودكتوره فاضيه ما عندها احد ، يعني دوام الدكتوره قبل الممرضه! في تاخيررررر مو طبيعي) : اول ما اشتغل المستشفى كان اهتمام و حرص وعمل الان من اسواء ما شفت

نهايه شهر 6 هجري اجريت عمليه جراحيه كسر عظم بالساق عند الدكتور حسين الخلف من دخلت المستشفى حتى خرجت عناية فائقه بي ك مريض واهتمام بالمريض من دخوله لخروجه انصح اي احد يبي يجري عمليه جراحيه بعيادة العظام يتوكل على الله ويطلب الدكتور حسين الخلف من خيرة الدكاتره بالمشفى

افشل مستشفى دخلو فيه اهلي واختاروه بسبب القرب حيث كانو عند اهلهم ، اربع ايام لا نقدر نشوف المريض ولا الدكتور المسؤول عن المريض او اللي مباشر حالة المريض ، والأمن حدث ولا حرج مدري وش اقول عنهم او كيف تم توظيفهم او منهو اللي ضاحك عليهم وقايلهم انتو مدراء مناوبين ومشو خلق الله على كيفكم ، يمنعونك وتقولهم انا مريضي غرفه خاصه يقول ممنوع ، تروح لعناية المرضى يقولون تفضل ويعطونك ورقه مرافقه في اي وقت ، تناقض عجيب بين الاقسام وكل واحد يجتهد من راسه ، مناقشه بسيطه مع مشرف الامن وقال حنا ماحنا مبسوطين اننا نطرد العالم قلت له عفواً اخي قل امنع العالم وليس اطرد العالم وبعدها تهجم علي وقال علمني بعد وش اقول ، جهل جهل جهل وضياع في هذه المستشفى والحمدلله طلعت مريضي ونقلت الى مستشفى الحبيب فرع الريان وهذه هو اللي يستحق ان يسمى مستشفى.

زباله بكل ماتعنيه الكلمات
يفتقر للمصداقية صارلي قريب الساعتين عندي احتقان وحراره وقحه ولا احد جاني كأني اشحذهم الحق الممرض والممرضه والدكتوره علشان يجون يكشفون علي ولا حياة لمن تنادي

لو فيه اقل من نجمه عطيتهم

مستشفى مبتدئ جدا طواري الاطفال جيتها ولايوجد طبيب يقول الطبيب مع مريض فوق ؟؟
والاستقبال موظف واحد يسولف مع المراجع على الراحه ويمطمط الشغل! هذي طوارئ ماهو محل عطور ؟

ما انصح به نهائي كادر غير كفء مبنى فقط. وطرق تعامل بدائية

مستشفى متعوب عليه ماديا لاكن يحتاج اداره الطوارئ وضعهم تعبااان حيل ونفسيات خصوصا الممرض عند الباب والاستقبال كنه غاصبينهم على الشغل

السلام عليكم انا من 3سنوات واجهت تعب بأعصابي وتوجهت لعناية العائله لدكتور الاعصاب رضوان القادري بعد عناء مسبق في مستشفيات اخرى ومواجهه صعوبه بتشخيص تم تشخيصي في عناية العائله بمرض fasciculation syndrome benight (واليوم اكمل مراجعاتي في مستشفى فيصل التخصصي وتم تشخيصي تحت يد استشاري اعصاب الدكتور حاتم مراد بتشخيص مطابق لتشخيص د رضوان. دكتور شاطر. دعواتكم

نسأل الله الرحمة لروح المغفور له باذن الله الدكتور: عبده جبارة
الذي توفي نتيجة مرض كورونا
كان من أفضل الأطباء في المستشفى
ادعو له بالرحمة

————————————————————————

مستشفى جيد
وخدماتهم جيدة

تعامل فريقهم ممتاز يحسسك بروح العائلة فعلاً

بصراحه مستشفى في قمه الراحه والذوق من اداره وموظفين ودكاتره وممرضين انا ولدت عند الدكتوره بخيته بصراحه دكتوره طيبه وتعاملها كويس مره انصح كل وحده حامل تراجع وتولد عندها️️

المستشفى أعتبره منافس للمستشفيات من حيث الجودة وبراعة الكادر الطبي. أنا أجريت عملية عند الدكتور الاستشاري الخلوق خالد الرحيمي والحمدلله جداً رائعة وكذلك طاقم التمريض والمنسقة روان. الاهتمام واضح بالمريض سواء من الأطباء أو من الممرضات أو المنسقات. تحياتي لمدير المستشفى والقائمين عليه.

مستشفى اول ما بتوصل على الباب بتشم روائح كريهة بياره وعيادة النسائية همهم الوحيد ياخدو منك فلوس كل مرة لازم تعمل تحليل وتصوير طبعا من شان تدفع استغلال حسبي الله ونعم الوكيل

تجربتي مع استاذ سلطان المطيري رائعه و قابلت هناك الاستاذة هبة العنزي قمة قمة بالذوق خدمتني في كل شي وساعدتني الله يسعدددها دنيا واخرة ويوفقها ماشفت زي اسلوبها واحترامها للمرضى ولو فيه اكثر من خمس نجمات قيمت المستشفى

السلام عليكم راجعت يالوالدة عشان تشكي من المعدة قبل يومين اخر الليل و كان المكان مره زحمة و تأخير بس اللي خفف الوضع الولد اللي يدوام بالاستقبال سعود العنزي و الله تحملنا الزحمة بسبب تعامله و كلامه الطيب و رجعت اطبع فاتورة ثانية بعد طول انتظار لقيت واحد راس ولده مشقوق و زعلان و يهاوش و يتلفظ و الموظف سعود يقولهم حاضر و ابشروا ما شاء الله تبارك الله على حسن التعامل

ملاحظة بسيطة عندكم تاخير بالطوارئ

اشكر الاخت شهد على حسن التعامل والخدمة
كذلك اشكر الاخوات في ال patient relation على الاهتمام والمتابعة.

المستشفى جميل ولكن اتمنى ان تحسنون من الطوارئ لأن يحطون فيك امراض بس اطباء الطوارئ اتمنى انكم تغيرونهم لأن يسون تحاليل مالها داعي ويقولون احتمال معك كذا وكذا وبالنهاية يدخلوني على استشاري ويقولي مافيك شيء وطلع صحيح الاستشاريين ممتازين ولكن الاطباء اللي بالطوارئ اتمنى يكونون افضل من كذا

خدمة اكثر من رائعة وجميلة. خصوصا من مقدمة الخدمة / روان السلمي وتعاملها الاكثر من رائع. فعلا موظفة متمكنة ماشاء الله تبارك الله

سيء جدا جدا جدا اللي يصير قسم بالله مهزلة!
تجيهم بمريض صادمته سيارة يماطلونك مماطلة ورايح جاي على الاستقبال وكلشوي تسويه بنفسك حرفيا خدمة ومعاملة زبالة نصيحة لا تروح لهم رح لاي مكان ثاني

میرا تجربہ تو یہ ہے کہ فیملی کیر ہاسپٹل مریضوں کے لیے ایک بہت بڑا مسیحا ہے خاص کر خارجی کام والوں کے لیے
میری تمام بھائیوں سے It is requested that اسی ہسپتال میں اپنا علاج کروائیں اور اپنا قیمتی ٹائم اور پیسے بچائیں

الصراحه ما توقعت يكون مستشفى بهذا النظام والنظافة واتقان العمل سويت عندهم عملية تكميم
من كم يوم والله اني انصدمت بمستوى تقديم الخدمات الطبية ولو فيه الف نجمة كان قيمتهم
واشكر القائمين على إدارة هذا الصرح المميز

خدمه العملاء مايردون تبي حجز مايردون وكاأدارة فاشله وحقين التأمين فاشلين غيروهم والدكتور المصري حق الانف والأذن والحنجره والله مايصلح دكتور لايفهم ولا اسلوب حتا شكله مايصلح جيبولكم دكتور سوري اردني اقل شي كلامه لطيف تقوله اذني توجعن يقولك اااااه دا عندك ألتهاب تقوله خشمي ألتهاب كل شي ألتهاب مايدري شسالفه

شكرا بحجم السماء والأرض. للدكتور المبدع دائما صاحب الأنامل الذهبية الدكتور خالد رحيمي على عملية الشد الحزامي واللي ابدع فيهاونتائجهاجميلة جدا شكرا على حرصك واهتمامك بمرضاك ومتابعتك لحالتي الله يسعدك سعادة الدارين
والشكر أيضا موصول لطاقم أطباء وممرضين مستشفى عناية العائلة على رعايتهم وعنايتهم واهتمامهم ونفسياتهم الحلوه وبالأخص موظفات علاقات المرضى الأخوات هديل العنزي وايمان الشمري بسؤالهم الدائم عن أحوالي واهتمامهم وحرصهم على توفير جميع المتطلبات خلال فترة إقامتي بالمستشفى واللي كان لها اثر إيجابي في نفسيتي دعاء من القلب لهم. اللهم حرم وجوههم على النار. وأسعدهم سعادة أينما كانو ️️️️️️️️️️

ماشاءالله تبارك الله علية افضل موقع وكبر مستشفى خاص اهلي من كل النواحي والفضل بعد الكوادر الطبية والخدمات والموظفين و الموظفات والخدمات والنظافة والراحة. ************

من أفضل المستشفيات التي تمت زيارتها وذلك من قبل الاستقبال في فتح الملف وأقدم كل الشكر للدكتور السوداني ناجي عثمان بقسم العظام قام بالعناية والفحص على أكمل وجه.

السلام عليكم.
للاسف من شهر اتصل عشان احاول اخلص موضوع ولا في اي تجاوب ، الان ادق ماحد يرد (قسم الماليه)

للامانه المستشفى بشكل عام و تعامل الطاقم الطبي كان ممتاز ، لكن عتبي الوحيد على قسم الماليه ومماطلتهم في موضوعي

بالتوفيق

اللي خايف على صحته لا يقربهم مستشفى سيء بما تعنيه الكلمة رح طواريء مستشفى حكومي ارحم لك منهم همهم فلوس وكانك تشحذهم بس يحملك ادوية ادفع فحوصات تحاليل علشان يغطي تكاليف في مستشفيات خاصة كثير ماوقفت عليهم تأمينك يغطي الحبيب روح له والا روح الجزيرة بالنسيم يقبل اغلب شركات التامين ارحم لك من ذولا اللي تجارب

كنت اسمع انه مايصلح. بس صارت معي حاله طارئ بالويكند في الليل توجهته لهم بحكم قربهم لي. ولكن وجدت فيه تجاوب للحاله عكس ماتوقعت وتم استدعاء دكتور الجراحه اسمه نزيه على مااعتقد وتم عمل عمليه سريعه والقيام باللازم. للأمانه التشغيل بالمستشفى جيد جدا ونطمح ان يكون للأفضل وبالتوفيق

مستوصف جميل كمبنى وشكل ولاكن الاطباء ماعندهم ماعند جدتي قسم بالله العظيم وهذه التجربه معي شخصيا ولدي وصلت حرارته ٤٠ وانا دخلت المستوصف وهو يرجف كل جسمه دخلت على الدكتور شافه راح معي للغرفة الطواري بعدها خلني انا لما شفت الوضع كذا قلت الولد لايروح طلبت ماء حتى اكمده جاب لي الممرض ماء حار تهاوشت معه وراح جاب بارد وولدي يرجف المهم مالكم بطويله زوجتي تجيب ماء من البراده وانا اكمده والحمد لله اول واخر على سلامة ولدي ولاكن نتمنى من وزارة الصحه متابعة مثل هذه المستوصفات

أسوء مستشفى شفتها في المواعيد والمصداقية
يعطيك موعد لين تجي يحطك انتظار
الاطباء ليس لديهم الخبرة الكافية منظر المستشفى يوحي انها ٥نجوم ومن الداخل سوق خضرة

عندي مشكلا انا بشمال الرياض وزرة الدكتورة النسائية ريهام المصريا من اسبوع وكتبت لي وصفه وقالت لي ارجعي بعد العيد ب اسبوعين
وانا الحين ما خليت صيدليه الا رحت عليها يقولي لي لازم الا من صيدلية المستشفه وما اقدر اروح للمستشفه حاليا
اذا بي حل بالله لازم اخذ الوصفه وما حصلتها

مستشفى فاااشل انا رحت عندهم ولدي داخله في اذنه قطعه فلين جاء جزار من عندهم يبي يسوي عمليه رحت لمستوصف ثاني سحبها الدكتور بملقط صغير

صراحه مشتشفى كويس ومتعاونين وافضل دكتور عندهم د. رضوان القادري شخص كويس ومحترم ويسمع للمريض ويوصل شرح الحاله للمريض بطريقه ممتازه

تعامل سيء جدا. قسم الموافقات سيء جدا تأخير في رفع طلب الموافقات الى شركات التأمين. ومكتب خدمات المرضى مغلق. والمريض يظل مرمي في الممرات منتظر الموافقة والغلط من المستشفى بالتأخير في الرفع. كما أن المستشفى يمنع التعامل مع قسم الموافقات وبالتالي المريض يزداد مرضا على مرضه بسبب التأخير والاهمال من المستشفى. تم ارسال تفاصيل الشكوى على الايميل ولكن لا حياة لمن تنادي. ردودكم هناك وطلب تفاصيل الشكوى عن طريق الايميل تخدير فقط أمام العملاء. للاسف إدارة فاشلة

من اعظم المستشفيات مليانة نماذج محترمة جداً و دكاتره واداره قمة في الرقي و الذوق والاخلاص والامانه
شاكره لجهودهم ولطاقم المستشفى كامل
اتمنى لكم التوفيق والنجاح دائماً وابداً.

صراحه والله من اسوا المستشفيات مستشفى يعبدون الريال ماهمهم الشخص اهم شي يستلمون فلوسهم ويتبلونك بأمراض عشان ياخذون فلوس والدكاتره عندهم اغلبيتهم مايفهمون لو تبوني احلف ان ثلاجة الأموات عندهم ماتفضى بسبتهم والله مره رحتلهم معي مغص بس قالولي عندك اعراض زايده ويلا خذلك من ذي الفحوص والأشاعات وبعد كم يوم تعال واخر شي ماعندهم سالفه والكافتريا عندهم اغلب اشيأه منتهيه والله على ماقول شهيد اذا تبي تروح له كنسل ذي الفكره نصيحة اخ والله بتتعب معاهم لا اداره ولا هم يحزنون وترا صارتلي مواقف معهم كثير ومات عزيز لي بسبتهم لاكن ماقول غير حسبي الله ونعم الوكيل فيكم وبس

التجربة الأولى انتظار بالمختبر ربع ساعه
والدكتور الي تراجع عنده مايرد عليك لكن الاستقبال جدا متجاوب

مستشفى سيء تعامل اسوء يعشق الريال! لاانصح فيه!
اي مشكلة تواجهها اتصل وزارة الصحة على الرقم 937 اشتكيهم حتى سوء الخدمة والتنظيم
شادين حيلهم بالحسابات الوهمية بالتعليقات علشان يرفعوا تقييمهم في قوقل!
لاحظوا الحسابات خصوصا من اسبوعين الى شهر واقل!

للاسف مستشفى سيئ جدا جدا جدا لا انصح به مرتين راجعتهم موظفين الاستقبال بالطواري والدكاتره للاسف تعامل سيئ واسلوب مقزز كانك داخل تسرق
اسعار غاليه جدا والخدمه سيئة اللي يبي السلامة يبتعد عنه

للاسف تجربه سيئه ولن تتكر. عدم احترام المواعيد. حاطين رقم للحجز ، تحجز وتأتي على الوقت يقولك الدكتوره ماتستقبل الان!

نجمه وواجد عليه

اتصلت بهم عشرات المرات أسألهم عن سعر شغله معينه
وترد علي الموظفه في كل مره تاخذ رقمي وتواعدني بالرد في الواتس قرابة 6 مرات وكلها هواء
يوم قسيت عليها في الكلام قالت ثواني
وحولتني على السنترال 6 دقايق وأنا أنتظر
وآخرتها أتصل عدة مرات ويظهر عندها رقمي ولا ترد
هذا ما حصل لي بالضبط
والله على ما أقول شهيد
لو يسوون لي الشغله ببلاش ما سويتها عندهم
الله لا يكثر أمثالهم

ههه المستشفي يرد علي التعليقات الجيدة لة عموما هو مستشفي سئ جدا والكادر ضعيف والادارة ضعيفة او معدومة متي تطورن خدماتكم السيئة الامانة الطبية مؤجلة الي اجل غير مسمى لذا انصح بعدم التعامل معه

السلام عليكم
اليوم قمت بزيارة المستشفى بصراحه الموقع والمبنى مره ممتاز والكادر الطبي اللي قابلته ممتازين
واللي جعلني أقيم المستشفى ب5نجوم صراحه
دكتور المخ والأعصاب رضوان القادري معاملته وتشخيص المرض ومقابله المريض مره ممتاز تحس انك تعرفه من زمان رغم أنها اول زياره له.
عموماً أنصح بزيارتهم وبالنسبه لأسعارهم ممتازه رغم ماعندي تأمين دفعت رسوم الكشف لدكتور المخ والأعصاب فقط 100 ريال.
اتمنا لكل العاملين في هذا المستشفى التوفيق والنجاح
والله يحفظ جميع المسلمين من كل شر و مكروه