تويستي

اول تجربه لوجودي في مستشفى مقابل للمحل, لفت نظري النظافه وتحضير الاكل مباشرة عند الطلب
جربت حلوم /شكشوكة /بيض
مطعم بسيط ونحتاج وجودة في كل حي
اتمنى المالك يتواصل معي لبعض الاقتراحات

عندهم ساندوتشات متعدده
بيض. فلافل. كبده. شكشوكة. جبن حلوم و غيرها
ممكن الطلب عن طريق الإتصال حتى يكون الطلب جاهز بدون تأخير.
الساندوتشات لذيذة وخدمتهم ممتازة و سريعين
يزدحمون ايام الاختبارات بحكم قربهم من المدارس

جربت ساندويتش التونه لذذيذة الصراحة والحشوة راهيية
الحلومي ناششفه ينقصها صوص بتطلع افضل
جربت البيض عادي مااخذه مرا ثانيه
خدمتهم جيدة واسعارهم حلوة

طلبت شاي بالحليب و شكشوكة الحليب الشاي جاني مقطع و طعمه طعم طحين مو حليب و شكله منتهي صلاحيته و طلبت شكشوكه عبارة عن بيض و بصل اتوقع شكشوكة يعني كشنه طمام مخلوطه مع بيض بس اللي جاني بيض و بصل و بسعره 9 ريال على ايش بالضبط لا اكل زين الله يكرم النعمه و غالي بالنسبه لاسعار البوفية.

طلبت كبدة وشكشوكة بس مافيه إبتكار او تميز في الحشوات او نوع الساندوتش مقارنة بالاسعار ٨ ريال للساندوتش الواحد مبالغ فيه جداً كأنك في بوفية مفخمة لكن المميز فيهم السرعة وكذلك نوع التغليف والنظافة

ونصيحة إلى صاحب الحلال إذا بغيت أن الله يبارك لك في حلالك ورزقك راجع أسعارك لأن مو معقولة افطر ساندوشتين ومشروب غازي بـ ٢٣ ريال

اسوء مطعم بصراحه
الاكل سيئ
الخبز سيئ
الطعم غير جيد
الاكل غير مرتب
السعر مبالغ فيه جداً
افضل شي عندهم كتابه نوعيه الاكل بحيث تعرفه بدون فتح التغليف

طلبي كان عن طريق جاهز. واحد ساندوتش شكشوكة وجاء بيض عادي وحاطين في طرف الساندوتش قطعتين بصل من بقايا شكشوكة!
والطلب الثاني كان بيض وجبن كويس والأخير كان شاي بالحليب سيء جدا
كمية الحليب كثيرة جدا على الكوب وتشرق وجاي بكيسة الشاي في الكوب يعني مافيه أي فكرة. والوزنية سيئة.

المطعم نظيف ولكن تعيبه أسعاره المبالغ فيها جداً
الطلبات:
كبدة
بيض بالجبن
حلوم

للأسف السندويتشات أقل من عادية خبز صامولي وحشوات مافيها نكهة ولا ابداع وسعر مرتفع لابد من منافسة السوق وتقديم خدمة أفضل

جيتهم على صلاة الظهر بالوقت اللي يقفلون فيه وسألته مقفلين؟ قالي لا تفضل خذا طلبي وقالي طلبك علينا لانك زبون متكرر، ما رفض وقال اعتذر منك قفلت السستم، عرف يكسبني كـزبون دائم، شكرًا على التصرف الذكي

الشكشوكه مقبوله
الكبده يعني مو ذاك الزود
الحلوم ماااااااااااااااااالح بقوه ولا في اي احترافيه
ياليت يطورون من حشواتهم صراحه

مطعم يقدم ساندوتشات للفطور
الجودة ممتازة
المكونات نظيفة

الاسعار مرتفعة قليلا
الخدمة كويسة لكن يحتاج الطاقم مزيد من التنسيق

يستحق التجربة

جربت من عندهم بيض ترفل والتونه لذيذه نقصت التقييم عشان الاسعار مبالغ فيها شويتين
وشكرااا

أول تجربة كانت جيدة حبيت ساندويتش حلوم رغم انه مالح شوي ،بيض لا ماعجبني ،حبيت الطلبات تتجهز حسب الطلب عادي أكرر ساندويتش الحلوم️

جربت بيض ترافل وتونة مررره لذيذة اعجبتني والحشوة راهية ماشاءالله?
بس لو يخفضون الاسعار شوي لأن حجم الصامولي صغير

بكل صراحه الاكل لذيذ وطريقة التقديم رهيبه جداً
عجبني ان الطلب يتحضر طازج قدامك والمكونات جودتها ممتازه. كانت تجربه جميله وبحكم السعر ماراح يصير فطوري يوميا ولكن اكيد راح ارجع له اكثر من مره. بالتوفيق واتمنى لك النجاح

المحل نظيف والجوده ممتازه جدا والاسعار ممتازه لكن يخرب هذا كله وزنية السندوتشات. الحشوات مره كثيره خصوصا البيض المقلي. والتونا اخذتها على اساس حمسة تونا مثل كل البوفيهات. ولكن طلعت سلطة تونا - ياليت وضحوا هالنقطه بالمنيو. والشاي بالحليب طلبته سكر مضبوط، وجابه لي بسكر خارجي وكيس الشاي موجود بالكوب وحاسني بالسياره.
بالنسبة للحلوم ممتاز ومايحتاج تعديلات.
اللي متذمرين بالتعليقات على الاسعار، قارن احجام السندوتشات والجودة مع البوفيهات الارخص وبتشوف الفرق.
كنت اتمنى اعتمد المحل للفطور لميزة الموقع ولكن رح ارجع لبوفية الموائد.

جميل ومرتب واسعار حلوه ، وخيار رائع للفطور بدون فلسفه، بالتوفيق الشهر هذا جيتهم اكثر من ٤ مرات، طلباتي كانك تويستي بيض ، وبيض جبنه، لبنه وزعتر

اقسم بلله ماحصلت اكثر من كذا استغلال ماودي اغلط. كيس صامولي بريال وطبق البيض ١٩ ريال وتجي تبيع لي صامولي وحده بيض بتسعه ليه ٩. بذمتكم. هذا عدل. حنا دارين الاجار غالي والعماله غاليه بس اذا تبي الناس تنكب عليك كلمنا بالمعقول. الصوره الأولى هذا بيض ترافل. انا ماادري وش معناها. اصبرو. الصوره الثانيه تويستي خليني افتحها واوريكم. حطيتها. نفس ترافل اف سان لوران دول شي.
مجرد اسامي.
ياعمي وحد ساندويتشات وحطها بسعر ماودي اقولك رمزي. اقول حطها بالسعر المعقول

بغض النظر عن السعر
الكبدة لذيذة جدا
الفول السوداني خرافي
الحلوم لذيذ جدا

طريقة التقديم والطعم والبكج ممتازه

دخلت وطلعت ما أحب الأستغفال. اجل ساندوتش صامولي بيض ما قد بيعت بأكثر من 3 ريال تبيعها انت 5 ريال ليييه ياطماع وبيض جبن 7 ريال! عموماً شفت الاسعار وطلعت وعندي تحدي اذا استمر بهذي الاسعار لن ينجح (انت بوفيه) واتوقع ارخص ايجار في الشارع انت.
متأكد انه تاجر جديد ويرغب بالثراء بأسرع وقت لالا اخي التجارة ليست هكذا راجع نفسك نصيحه