سنقة للخياطة الرجالية

للأمانة انا فصلت وجاي عن طريق سناب بندر وجودة القماش زينه لاكن دقة الخيط وشغل الخياط موب كويس تحسه يخيط الثوب ويروح على الثاني بدون ما يشيك عليه وغير كذا لو مكاني بعيد اطق مشاور عشان اجي اشيك والاقي ملاحظات ، ياخي خيط وشف وشيك على شغلك هل هو شغل صح ومرضي ، قبل لا يطق العميل مشوار ويجي يشيك بنفسه ويطلع فيه ملاحظات ، لاكن ان شاء الله بندر يفتح عينه عليهم شوي لا ان حرام قماش جوده وشغل مو زين والله يرزقكم وان شاء الله تتعدل الاغلاط ويشهد الله ما جينا إلا لجل بندر لا انه يستاهل ورجل تعبان على شغله بس يبي لهم شوية تدقيق على الشغل.

توني جايتهم فصلت لولدي والله ماشفت مثل ماتقولون بالعكس العماله سلوبهم حلو ومتعاونين وسريعين. واشوف زحمة ثياب وزبائن مو معقوله الكلام السلبي الموجود

للامانه فصلت ثوب ولا ندمت عليه جاز لي مره
القماش ممتاز الخياطه ممتازه التعامل ممتاز
عسى الله يبارك لك يابنيييدر

صراحة وكلمة حق انا اول مره افصل عنده وكنت متردد بسبب هالتعليقات السلبية ولاكن مشاءلله خامه ممتازه وتفصال ممتاز وكل الكلام السلبي كذب في كذب جرب والله تفصال خيال

‫للي ذكر خياط سنقة وهي نصيحة بقول رائي كثر ما سمعت عن خياط سنقة و رحت له و كان القماش من عندي بكل صراحه اعدم الثوب و كان تفصيله عادي يعني ليس على سعره الغالي ومن اول غسله السحاب انعدم ولا عاد يتقفل سامح الله من عمل له دعايه وهو يعلم ان تفصيله عادي لا تذهب الى خياط الا شفت شغله ‬

ماشاءالله تبارك الله من افضل الثياب اللي فصلتها من ناحية القماش والتفصال اشكر صاحب المحل على جهوده واهتمامه ب رضى العميل. وفقكم الله

يريحيل اقسم بالله خياطه زي الزفت مو قطع ارزاق الا والله هذي التجربه وتقوله عدل يخش في عينك اهربووووو يمين بالله نصيحه

فصلت ثوبين وتجربتي سيئة رغم السعر اللي دفعته متحسف الخياطة ماهي حط واحد من تحت خيط الكفله ماهو جاي حط واحد كانه متعفط

اول تجربه لي مع هذا الخياط.
بنسبه الاقمشه مممتاز يابانيه. قطن. شغلهم ممتاز وبعدين ماتاخذ الثوب الا وانت مشيك عليه في غرفه وتشوف الثوب على الشرط. هذا يعطيك ثقه المحل في نفسه وعارف شلغه. وانا جيته من الشرقيه ضارب مشوار علشان هذا الخياط شوف وين وصلت شهره هذا الخياط. الله يوفق الاستاذ بندر صاحب المحل

والله العظيم توني خذيت ثيابي منه وتفصيله سيء جداً انا ماعمري علقت على محل احد او شيء لكن كتبت هالكلام مابي احد يطيح بنفس غلطتي انا شفت مشهور يصور ويلبس منهم ويطبل لهم بشكل مو طبيعي وجيت على هالاساس وانصدمت بالنتيجه

كنت اشوف ردود الناس هنا وأقول يبالغون أكيد. لكن رحت وشفت الكلام اللي كنت أقول أنهم يبالغون فيه وللاسف طلع صحيح وطلعت ولا فصلت عندهم

هههههه مااعرف الخياط بس شسالفة نص الي يسبونه حروب وعتبان ، واضح ان فيه حمله على هذا الخياط كان الله بعونهم ووفقهم لما يحبه ويرضاه وان كان خياطتهم ممتازة ربي يوفقهم وييسر امورهم ويرزقهم من واسع فضله شي غريب صراحة

السلام عليكم ورحمه الله وبركاته اول شي حطيت نجمه عشان اعلق قريت التعليقات الصراحه وكنت ناوي اجي افصل بس حاولت اني اقتنع انه كويس والناس اذواق بس التعليقات السلبيه كثيييره ولله يرزق صاحب المحل واتمنا انه يبدل الخياطين ويجيب جدد اذا الوضع كذا لان بندر مره وصاني على خياط وفنان الى الان اخيط عنده انصدمت ان المحل ذا كثير ناس علقو عليه خياطته ماهي زينه ف تراجعت الصدق اني اخيط عنده?

ما يغث الواحد الا ام زنيفر جايه تعلق وتمدح خياط رجالي انتي وش دخلك لاحول ولاقوة بالله ، مو عشانك خاقه عليه تمدحين شغله خليك على عبايتك وفكينا

انا بنت ماراح افصل عنده عبايه مثلاً. لكن اشوف اللي يشتم حساب جديد ولا قبيله معينه معناته حملة غير موفقه باذن الله. وللامانه صاحبة بندر المطيري مشهور وراعي ذمه يعني باذن الله بينجح. وسبكم ماراح يأثر

استغرب من التعليقات السلبيه والله المحل كويس والاقمشه والتفصيل تهبل كل اهلي مفصلين عنده ويمدحوووونه مرا من يوم فصلوا عندهم وثيابهم تلفت النظر من جمالها وجمال التفصيل والخياطه ولو طلع مرا من المرات غلط بالتفصيل ترا عليهم زحمه وضغط ولابد من ذا الاشياء التمسوا العذر الرجال ما شاء الله تبارك الله تعبان على شغله و كل شيء بذمه وضمير كأن الثياب اللي تفصلونها حقته من كثر ماهو حريص على انها تطلع بأفضل شيء
غير الاخلاق ما شاء الله رجل مكافح الله يبارك لك اخوي ابو الجوهره تستاهل كل خير

كيف تحطون الإغلاق الساعة ١٢! و انتو تقفلون ١١
انا جايكم من شمال الرياض و وصلت الساعة ١١ و بالأخير مغلق!
عيب والله

اتمنى من ادارة المحل تعديل اوقات العمل
جيته الساعه 11 الليل مقفل والمره الثانيه يوم الجمعه الساعه 1: 30 ومقفل على انه مكتوب انه مفتوح

الاقمشه حلوه لاكن التفصيل سيئ سيئ بما تعني الكلمه ولا انصح فيه نهائياً ، فصلت عنده ثلاثه ثياب وبعد انتظار شهر يقول من الزحمه طلعت وياليتني مافصلت

خياط عادي. ماهو عشان الديكور كشخة يحق لك تمغطنا بالسعر أو بخياطة عادية! جربت 3 خياطين في الحي وأفضلهم خياط صرخة الخليج تحديدًا عند الخياط جميل اليمني

السلام عليكم اول تجربه لي عند بندر فصلت ثوب واحد وجدا جدا راضي من ناحيه القماش او من ناحيه التفصيل مافي اي ملاحظات وكل الاقمشه حلوه وتحتار فيها وبذن الله راجع افصل عنده والاسعار جدا حلوه ومعقوله على الاقمشه والتفصال جدا حلوه في متناول الجميع ربي يرزقك

السلام عليكم ورحمه الله وبركاته

انا للامانه جربت الخياطه عندهم والحمدلله انه ثوب واحد وان شاءالله الاول والاخير للاسف الخياطه غير جيده التعامل كان جيد والقمشه جيده الخياطه للاسف غير جيده مايستحق هذا المدح والعلام الي نشوفه مع الاحترام لصاحبه فصلت الثوب ورجع يعدل فيه وللاسف بعد مازبط مش الحال الشغل لذالك نصيحه للاخوان الي بيفصل ومسكت الا يفصل عندهم مثلي يجرب ثوب واحد ونا متاكد مراح يعجبه اذا نفس الشغل الي حصل معي الله يوفقهم ويرزقهم لكن ذي كلمه حق وتجربه فاشل الخياط اتمنى يكون افضل من كذا اذا استمر كذا مراح يكون العلان موفق وشكرا

صراحه يابندر انت نصاب وتضحك على الناس وسحبت الزبائن من عندي انا صاحب خياط رهف وخياط باسمه اللي تصور وتنسبها لك وتقول خلاص بعت المحلات يا كذاب والله لا يوفقك في رزقك يوم خربت شغلي وسحبت عمالي واذا انت على ما تقول انك شريك او صاحب المحلات تبعي اثبت ذلك ياللي ما تخاف الله يعني على كثر المشاريع ما حطيت عينك الا على خياطي وزبائني الله لا يوفقك
حسبي الله ونعم الوكيل

سيئ جدا مانصحكم بثيابهم غسلتين والقماش يبي يطلع له ريحه ويتغير واشوف اغلب التعليقات بنات ايش السالفه ؟

اخلاق العمال سيئه جداً والتعامل سيئ جداً ورائحه المحل كريهه والاقمشه ماتوفرت على كلام العامل السيئ باخلاقه وتعامله الرجاء النظر في وضع المحل لعدم تشويه السمعه يابندر

النجمه بس عشان التعليق
للامانه مافصلت عنده بس شدني ان اغلب التعليقات بنات يمدحون خياطته واقمشته!

يـاخي كل ما اتصل عند سماع النغمة اترك الرسالة وكل فترة على ذا الحال ما تبغون الواحد يفصل ابو الجوهره شوف لنا حل

خياط جميل ويستحق التجربه مره ومرتين والى ماله نهايه ،، والله يوسع رزقك ويبارك لك في مالك وحلالك يا صاحبه

اقدر اشتري قماش من عندكم وافصل عند خياط ثاني عندي طفلي عمره 4 سنين ابي قماش حلو له مابي تفصيل عندكم. ينفع اشتري بس ️

خدمه ولا اروع والخياطه مو واضحه الدكه فيها مثل باقي المحلات العاده يعدل ويغير ويرجع هالمره لبسه اخوي من المحل وطلع بس واللي يعافيك كيف نطلب ويوصلنا لجده؟؟؟؟ لان سعرك بطل وبمتناول الجميع مو فلكي مثل بعض المحلات وجوده افضل من اي مكان ثاني

الصراحه الخياط كبدايه حلوو جدآ بس والخامات حلوه والاسعار مناسبه والعمال اخلاقهم حلو والخياط سكبته حلوه بس انا ثوبي ٣ مرات اعدله وانلطع عندهم الطول والوسع كل شوي يعدل يمكن عشان في البدايه باذن الله المرات الجايه يقول ادق الله يوفق صاحبه

عسى الله يرزقك من واسع فضله انسان يحب الخير كا شخص وبالنسبه للمكان اقمشته أصليه وجوده عاليه لي 7 سنين افصل عنده في محله القديم والتفصيل ولا غلطه ولا اوصيكم على قماش سميرا ميس وكل التوفيق يابو الجوهره ️️.