أديب للخياطة الرجالية

أول تجربة لي ولن تكون الأخيرة، ومعروف البدايات يكون فيها أخطاء؛ لكن مع "اديب " الثوب يتحدث عن نفسه ما شاء الله تبارك الله، الثوب رسمة من جميع النواحي، ويهمني كثير المخايط لا توجد فيها تعرجات
خدمة واستقبال رائع شكر للأخ هشام على تجاوبه واهتمامه، والشكر لمعاذ اللي خذ مقاساتي ما شاء الله دقيق جدا
يعطيهم العافية

من افضل الخياطين بالرياض خياطة نظيفة والتزام بالوقت وعندهم تمارا وتابي
الله يبارك لهم

ياجماعة الخير بعد التجربة سئ جدا جدا تطلب شي ماينفذونه تطلب ازرار يسووون سحاب تطلب تضييق يعرضون الثوب نصيحة لوجه الله تعالى انحش عنهم حتى النجمة حرام فيهم اللهم اني قد بلغت اللهم فاشهد

فصلت عندهم ثوب وفي أقل من سنة خربت حشوات الجيب والسحاب
ورحت لهم قال بأصلحها وسوا لها كبس ورجع الثوب نفس ما هو

اسعارهم ممتازه بعروض او بدون عروض ومتوفر عندهم تشكيلة متنوعه من الاقمشه خيارات ما بين ياباني وكوري. وايضاً متوفر عندهم خامات خاصة من ريتشي والتميمي وفينيتو ، والخياطه عندهم جيده ويعطونك ضمان ع الياقات والسحاب وهذي رابعه تجربه عندهم وانشالله تكون بنفس اللي سبق وافضل. تحية خاصة للموظف معاذ ،، موظف مثالي. رحابة صدر واهتمام بالعميل واحترام كبير ويتقبل الملاحظات وطلبات العملاء بكل مرونه وتقدير الله يوفقه ويرزقه ،،

التعامل من قبل موظفين الاستقبال الاستاذ فارس الرشيد و الاستاذ عبدالمحسن السكيبي و نظافه الغرف و سرعه التعامل و سرعه الرد شكراً للجميع

الخياط سعره حلو والتفصيل كان حلو بس الاقمشة لاباس كويسه
بس العيب كان اغلب الاقمشة الحلوه خالصه او مرتفع سعره شوي
عندهم عروض دايم وعندهم خصم بطاقة ولاء

كان فيه عرض من احد سنابات قبل العيد وقت كبير وعند الذهاب إليهم قال لايوجد تفصيل قبل العيد بسبب الزحمة وهذا نوع من التلاعب

انا بتكلم بالحقيقه
فصلت عندهم ثوبين قبل العيد وبعد العيد ثوبين بعد نفس المقاسات طلبت!
اولا المقاسات تختلف ؟
ثانياً القماش تغير لونه ماكمل شهرين ؟
الخياطه شمرت ؟
يعني والله تجربه اسواء من السيء ومستعد ع اتم قدامكم اذا كلامي غلط والله لاعتذر قدام الجميع هنا!
بس بنتظر رد الاداره

يعني اربع ثياب مفصل عندهم نفس المقاسات طالب يختلفون عن بعض القماش تغير لونه ماكمل شهرين والخياطه شمرت … ورونا ردكم يالاداره وبررو ع جودتكم واذا طلع كلامي غلط والله لاعتذر هنا قدام التاس ، واذا كلامكم غلط ماراح يتغير التعليق

تعامل راقي
أسعار جدا ممتازة
الثياب بالمقاس وتجربتي معهم جدا رائعه و الثوب الجاي عندهم بإذن الله.

للاسف اعلان غير جيد الاعلان خصم للقماش الياباني ب169بالاخير يقول ترى الاستلام بعد العيد بشهر ومدة العرض خمس ايام فقط هل يعقل عرض واستلام تفصيل بعد شهر ياليت يكون هناك مصداقيه بالاعلان ويكون صريح يكتب بنفس الاعلان الاستلام بعد العيد بشهر المفروض يكون صريح ليش تخلي الشخص يضرب مشوار عشان يفصل للعيد وبالاخير يخسر
خسارة النجمه اصلاً من التعليقات عرفت انه مو زين

جيت ماشفت التعليقات لكن على اساس فيه عروض اليوم التاريخ ٣٠/١١ وقال لي تخلص بعد العيد بشهر يعني اقعد لين يجيك الربيع

مع الاسف التفصيل كان سئ واخص بالذكر الاخ معاذ بشهادة اصحابه بالمحل سالوني قالو اللي اخذ مقاسك معاذ قلت اي نعم قال اي مايعرف ياخذ المقاس تمام
راحت خسارة الاقمشة والله اللي جبتها من برا

للأسف العيد الماضي جاءتهم قبل شهر
وقال لي الثوب ما ياخذ اسبوع وجاءتهم هذا العيد قبل ١٠ ايام يقول مافي الا بعد العيد
خياط غير ملتزم بالمواعيد

انا اتعامل معهم من 4 سنوات و تفصيلهم ممتاز لاكن انقطعت فتره ما فصلت عندهم و فصلت الحين و راح يطلع في 28 رمضان و راح احكم عليهم.