العيادة مرتبه ونظيفة والموظفات متعاونات و بشوشات وتعاملهم لطيف
تجربتي كانت مع د عبدالله الخليفة بخصوص مشاكل الشعر الدكتور ماشاءالله فاهم و يشرح الحالة والاسباب و يعطي الحلول بشكل صادق وصريح وواقعي و اعطاني وقتي في الاسئلة والاستفسارات طلعت من عنده وانا فاهمه المشكلة والاسباب والعلاج اللي يناسبني واختصر علي الوقت والبحث والتجارب و برضو منسقة الدكتور اماني ودودة واخلاق وتعاملها لطيف، متعاونة و تجاوب على كل الاستفسارات و خدومة جداً وترحب بأي سؤال
كان موعدي اليوم مع الدكتور عبدالكريم الفريح، كان الموعد لعمل جلسة Sylfirm، الدكتور محترم جدا ومتعاون ويعطي المريض وقته وحقه في اجابه الاسئلة والشرح بالتفاصيل. مو اول مرة ولا اخر مرة باذن الله والمنسقة نهى ما قصرت الله يعطيها العافية لطيفة ومحترمة وتتجاوب بسرعة على الوتساب. العيادة نظيفة ومرتبة وواضح الاهتمام بادق التفاصيل
زرت الدكتور سعد آل طلحاب وكانت استشارة ممتازة وأشكره على عفويته وأريحيته والاستماع لكل استفسار وكذلك شكرًا للأخت نادية منسقة الدكتور لتعاملها الممتاز وتجاوبها السريع وكذلك انضباط العيادة بالتوقيت المحدد. شكرًا لهم
سرعة بالتعامل والدكتور عبدالله الخليفه جيد جدا ومريح ويجاوب على الأسئلة وواضح انه شاطر كذلك دكتوره العنود جدا متعاونه واسلوبها رائع مره انصح بالعيادة جداا
السلام عليكم، تجربتي في عيادة جوفا فقط مع تنظيف البشرة هايدرافيشل على يد الأخصائية السعودية الرائعة مرام.
أنا بشرتي حساسة و عندي وردية و دايما اذا سويت تنظيف بشرة بجميع أنواعها أطلع من العيادة وجهي أحمر و بعدها يلتهب و تصير تطلع لي حبوب. لكن تجربتي مع الأخصائية مرام كانت ممتازة، يدها خفيفة ما شاء الله ودقيقة تاخذ وقتها، مع ذلك أطلع من العيادة شكلي طبيعي. بشرتي تصير ناعمة و ترتاح و ما تطلع لي حبوب ولا تثير علي الوردية. جربت الهايدرافيشل مرتين و إن شاء الله أكيد لي رجعة المرات القادمة. (السعر: ٥٠٠ ريال للجلسة)
أتعامل أنا والعائلة مع العيادة من ٢٠١٥ مع الدكتور محمد العجلان ، دكتور رائع و عنده أمانة لا يوصي بأشياء غير مجدية للمراجع ، مرن بالتعامل ، والأهم أنه مستمع ممتاز مهما أثنيت عليه لا يكفيه حقه. دكتور محمد العجلان أكثر دكتور مطمئن ممكن يمر عليكم. شهادتي فيه مجروحة. ٨ سنوات معاه ولازال التقدير له في ازدياد. بالإضافة إلى جينا الممرضة الرائعة.
للاسف سويت جلسة هيدروفيشل قبل شهر ونص مع الاخصائيه مرام وبشرتي ماكانت ملتهبه ابدا ومن بعد الجلسه بشرتي التهبت والى الان مو قادره اعالجها. الثقه انعدمت في جوڤا ماادري المشكله في تعقيم الادوات ولا ايش بالضبط
والله انا جيتهم برمضان مرتين سريعين ولا في أنتظار و شغلهم نظيف ومحترمين و أخلاق صراحة كنت عاملة بوتكس مع دكتور وليد وهاذي ثاني مره اسوي عنده وراح اسوي عنده دايم وكنت ابي اتاكد من الشغل صورت وجهي قبل وبعد البوتكس الفرق واضح جداً الله يعطيهم العافية
عملت اجراء السلفيرم وقولد بلازما بعد استشارتي مع دكتور محمد العجلان كل الشكر له على نبل اخلاقه والخدمه الفوق ممتاز ،، راح اكمل معاه باقي الجلسات ب اذن الله واشكر باقي الطاقم على لطفهم وتعاملهممقدمين ضيافه و توزيعات ل رمضان? عاملين عروض ل رمضان والاسعار تعتبر غاليه شوي. ملاحظاتي لو يوفرون مواقف خاصه للسيارات. واثناء وضع البنج لو يكون ف العياده افضل من غرفة الانتظار للخصوصيه.
طبعا بكل امانة بقول تجربتي مع الدكتور سعد ال طلحاب دكتور ممتاز وفاهم ماشاء الله عليه شكرا دكتور سعد وشكرا للمنسقة والاستقبال ومبسوطه بالاجراءات اللي سويتها والنتيجة رائعه الحمدلله
سويت فيلر عند الدكتور سعد ال طلحاب وعجبتني النتيجة علطوول من اول جلسة النتيجة مررة طبيعيية محد لاحظ اني مسوية وبنفس الوقت ماشاءالله على الدكتور دقيق ويفهم بالشكل اللي يكون متناسق مع ملامح الوجه الحمدلله ان سويت عنده لان كنت مرة خايفة اسوي بس ماندمت
ماكان بخاطري ارجع اجرب عيادات في تنظيف البشره بعد الاسعار المرتفعه والشغل البسيط جداً بالعيادات بالمجمل ، لكن جوفا صدموني! عندهم تنظيف بشره النوع العادي كانه خطوات تنظيف البشره العميق في عيادات ثانيه ️️️مشالله على يد الاخصائيه مرام سعوديه محترفه حبيبتي الله يحفظها. لما جيتهم كان عندهم عرض ٣٥٠ ريال لين اخر ديسمبر لايفوتكم والله?
كلمتهم اخذ موعد و مبسوطة لقيت عيادة سمعتها طيبة سدت نفسي موظفة المواعيد. بقول لها ابي استفسر عن اشياء لاني اول مرة ناوية اجيكم. سألتها اول سؤال و جاوبتني جيت اسأل السؤال الثاني قفلت الخط بوجهي. ترى موظفات السنترال و المواعيد واجهة العيادة. اختاروا موظفاتكم بعناية …
أفضل عيادات جلدية في الرياض عن تجربة، تجربتي كانت مع الدكتور عبدالله السويّد، إنسان تجد فيه الرحابة قبل الطِبابة، أنصح جدًا كل شخص يرغب بعيادات جلدية بعيادات جوفا وبالدكتور عبدالله بالتحديد.
العيادة مظلومة جدا بالتعليقات! و لأول مرة اجرب عندكم و جربت عدة اجراءات مع دكتور محمد العجلان وكانت تجربة أكثر من رائعة وراح اكرر زيارتي لهم و بالنسبة للمواعيد كان هناك تاخيرات جداً بسيطة ما تتعدى نص ساعة وباقي الايام ادخل على نفس الموعد صراحة يستاهلو ال٥ نجوم وصح الاسعار مرتفعة شويا ولكن المنتجات اللي يستخدموها كلها اصلية ومعروفة و اسلوبهم رائع وراقي
العياده تعاملهم مره زين حتى منسقة مواعيده لطيفه جداً ، أنا سويت مع الدكتور محمد القحطاني بلازما ماجلان لشعر و فيلر لتحت العين يده خفيفه مره مره ممتاز لا كدمات ولا تكتل ولا شيء وارجع له ثالثه ورابعه
أسعارهم مبالغ فيها جداً حجزت موعد كشف فقط عند الدكتور عبدالله الخليفة قيمة الكشف 350 ريال والشيء الثاني كان الدكتور جداً مستعجل ويعطي المعلومات بسرعه ما يمديك تستوعب بعدها يطلع ويسلمك للمنسقه حقته تكمل باقي التفاصيل معها طيب 350 ريال على ايش؟؟؟
تحديث بعد ماجربت البوتكس مع د مرفت علوش دكتورة لطيفة جداً وتسمعك للاخر وتعطيك النصيحة المناسبة ومن افضل اللي يسوون بوتكس ال gummy smile. ومرنة جداً في مواعيدها
البوتكس الماني يحتاج رتوش و يختفي مفعوله تقريباً بعد ٣ شهور
و جربت عندهم الليزر. جهاز جنتل برو. مؤخراً عند شيري (سريعة ودقيقة وصامته) وبصراحة جهازهم يفرق معاي عن العيادات الثانية في فترة ظهور الشعر وتحسن الجلد. ومميزين في النظافة والمواعيد والاستقبال مشكلتهم الوحيدة الزحمة وتداخل المواعيد في المساء وأنا حليت هالموضوع بأن مواعيدي دائماً تكون بعد الظهر او العصر. ودائماً تكون العيادة فاضية الاّ عدد بسيط.
عملت Subcision وليزر الفراكشنال عند د. سعد ال طلحاب. كلمه شكراً ماتوفيه حقه والله. ف البدايه: يسمع منك للأخر. وبعد الكشف يشرح لك الحاله والعلاج بأسلوب جميل وابتسامه تطمنك? اما بخصوص. ليزر و Subcision يد دكتور خفيفه جداً - ما شاء الله والله كنت متخوف لكن الحمد لله اني اجريتها عنده.
قمة الظلم لتقييم الناس للعيادة كنجمة! أنا أتعامل معهم من اكثر من ١٥ سنة سواء ليزر أو تجميل ومررت على جميع الأطباء سواء الدكتور الثنيان أو العجروش وأخيرا الدكتور محمد العجلان معاه من اكثر من ٧ سنوات قمة فالرقي والمهنية في العمل ،،، بالنسبة للمواعيد على مدى سنوات تعاملي معهم لم يتم إلغاء موعدي الا مره أو مرتين بسبب ظروف خاصة بالأطباء ويتم اخطار المريض من قبل ،،، الملاحظة الوحيدة هي ارتفاع الأسعار فقط وأجد لها مبرر لانهم يستخدمون أفضل الأجهزة والمواد الخاصة سواء بالحقن أو التقشير. أحترم هذي العيادة وأحترم أطبائها وموظفين الاستقبال في غاية البشاشة وثقتي فيهم عاليه جدا
ابخث عن عيادة جلديه واهم ما اركز عليه التقيم في قوقل وبعد استعراض التقييم خلصت الى ان التعليقات التي تشيد وتمدح تعليقات غير حقيقيه لعدم وجود تعليقات اخرى فهي حسابات مؤقته والتعليقات الجديه والحقيقيه تكتب معانات فقررت عدم التعامل الوقايه خيرا من العلاج
زوجتي فازت بجائزة في عيادات جوفا خيوط شد الوجه وفي يوم اللقاء على إذاعة UFM وطلبت منهم أن يتم تغيير الجائزة بخدمة ثانية وماقصرت المذيع محمد المقبل كلم الاستقبال وقالوا له ابشر وعلى أن كل شي تمام اتصلوا وحددوا الموعد وفي يوم الموعد تفاجأت ان الجائزة لاتتغير وهذه الخدمة لاتناسب زوجتي
هذي العياده من عام ٢٠٠٧ وانا اتعامل معهم مع دكتورتي الجميله غاده السيف ، ماتسوي لك الا اللي فعلا تحتاجينه. اثق فيها خاصه بعلاج البشره واثار الحبوب ، البوتوكس بعد ممتازه فيه يدها خفيفه وتخلي شكلك طبيعي
العيادات راقيه والتعامل بروفيشنال جدا من أجمل الاشياء الي أشكر ربي عليها إني تعرفت على الملاك اللطيف الدكتوره ميرڤت إنسانه خلوقه الي أبعد الحدود تتعامل بكل مصداقيه نصوحه ولا ابالغ أن قلت انها تتعامل مع الجميع بشفافية ومصداقية ، حقيقة كل الي قلت لهم عنها كانت لهم نفس النظره ، صحه ورضى المراجعين هو الأهم عندها غير انه لها نظره جميله اقرب الي الطبيعه بعيده عن المبالغات الي غالبا ما نشوفها والله يدها تتلف بحرير فعلاً وابتسامتها وصبرها وطوله بالها ما يميزها عن غيرها
والله انا نفخت شفايفي قبل سنتين عندهم وحطو لي ماده غريبه ثقيله وسوت كل فمي كور نافخين لهاتي مدري دكتور ولا جزار رحت لهم بعد اسبوعين اقول طلعو الماده مني كني اطرهم شالو لي شوي وباقي كور اقسم بالله ترددت عليهم ٣ مرات يشيلونه لي كني اطرهم تشوهت اقول وين الدكتور اللي سوا لي اجازه مع الاسف الان شفايفي فيها تشوه كور مازالت واتحسب عليهم ليل ونهار شوهوني الله يشوهم ولا يربحهم حتى اني رحت عياده ثانيه يشيلونه وماراح اخذت اسم الماده يقولون ماتصلح لشفايف ثقيله والله اني كنت احس بثقل حسبي الله عليهم ونعم الوكيل حسبي الله كانت شفايفي مره حلوه صراحه ولا نجمه حطيتها عشان محد يصير له مثلي
للاسف الكول سنتر يعطونك دعاية حلوه وكلام راقي واذا توهقت الموظفة في شي تحولك على موظفة ثانية ثاني شي الدكتوره حقت الفحص تحدد لك جهاز وتتفق معهم عليه ووقت الموعد يقولو لك المفاجأة الجهاز اللي تقول عليه خاص بالنساء فقط والدكتوره مو عارفه انه ممنوع للرجال على اساس انها تشغل لحالها الدكتوره ويجبروك تاخذ جهاز غالي شي ثاني اذا قلت عشانكم غلطتو عطوني طيب سعر البكج على الاقساط يقولو طيب عشانهم غلطانين ويخلوك تدفع ووقت الموعد الثاني يقولو لا انت مو بكج يعني ادفع اكثر. خافو الله اسوء تجربة في حياتي
Dr. Waleed is excellent but their appointments are very bad according to my experience, every time I get to see the doctor later that my appointment, the last time I had to wait 1 hour
انا ماجربت عندهم الا الليزر. جهاز جنتل برو. مؤخراً عند شيري (سريعة ودقيقة وصامته) وبصراحة جهازهم يفرق معاي عن العيادات الثانية في فترة ظهور الشعر وتحسن الجلد. ومميزين في النظافة والمواعيد والاستقبال مشكلتهم الوحيدة الزحمة وتداخل المواعيد في المساء وأنا حليت هالموضوع بأن مواعيدي دائماً تكون بعد الظهر او العصر. ودائماً تكون العيادة فاضية الاّ عدد بسيط.
Hi I am a recruiter for healthcare professionals I have a good female dermatologist and 2 good female dentists for local hiring Is there any vacant available for these?