جوخ البرنس للخياطة الرجالية

احقاقاً للحق افضل خياط فصلت عنده المقاسات ياخذها بالملي. معتمده من رمضان ٢٠٢٢ والى الان وان شاء الله انهم يستمرون على نفس المستوى.
الموظف السعودي مايحضرني اسمه على قدر عالي من الاخلاق
جودة القماش عاليه واعتقد انها صناعية يابانيه واستخدمت نفس الثوب قريب السنه وماتغير بالقماش شي

فصلت عندهم للاسف خربو ثوبي اللي شريته من الجديعي للاسف تفصيلهم فاشل ويعلم الله اني صادق في كلامي … الاخ السعودي المتين اللي على الاستقبال استقباله ممتاز ويبين لك انه مهتم (لكن البلا في الخياطة) للاسف

فصلت ثوب والقماش من عندي مع السحاب ب١٦٠ ، الصراحة شغلهم جاامد والتفصال بالمملي

**تعديل ، تم رفع السعر الى ١٨٠!
بالبداية تم بناء قاعدة عملاء ثم ارفع السعر حبه حبه! ، امر غير منطقي
كان التقييم ٥ والأن اصبح ٤ وراح يتم البحث عن خياط ممتاز بسعر منطقي

جيت المحل صدفة اقمشتهم رويلتي فخامه عاليه فصلت عندهم ثلاث اثياب الصراحة قمة في الفخامه يستاهل كل ريال انا من عملاء الثوب الابيض ولكن خربو ثيابي الاخيره وكرهتم ولكن جوخ البرنس الفخامه والاناقه عنده خياطين من الجنسية الهنديه يستاهل كل ريال

يستحق الرجال هذا كلمة ونعم واقف على شغله بنفسه وانا شفت هالشي ويدقق في ادق التفاصيل عشان يطلع الثوب بشكل ممتاز اخوك فايز العتيبي

شكراً جزيلاً لجميع العاملين في جوخ البرنس يشهد الله والله على ما أقول شهيد
أن شغلهم فوق فوق الممتاز مشاء الله تبارك الله ولا غلطه وتم اعتماده من قبل العائلة
واخص بالشكر المشرف (ابو محمد) على الاستقبال الطيّب والتعامل الراقي والمصداقية في العمل والاخلاق العاليه
فصلت عندهم 4 ثياب بتاريخ 2022/03/18 صار لي سنة وزود من تفصيلي وراجع افصل عندهم لزواجي وتقييمي لهم من حيث:
1- جودة الاقمشة 5/5
2- المقاسات 5/5
3- التفصيل 5/5
4- الحشوات 5/5
5- المواعيد 5/5

اتمنى أكون اوفيتهم حقهم لانهم يستحقون الخمسة نجوم
وفقهم الله والى الامام.

أول ماتعاملت معهم كانت أسعارهم معقولة ، لكن بدأ يرفع أسعاره ، التعديل عنده متجاوبين بشكل جيد ، يعيبه ارتفاع الأسعار

السعودي المشرف او صاحب المحل،،،، يخليك ترجع للمحل وتعيد تفصيل يقدم اقتراحات ونصائح اثناء اخذ المقاسات

شغلهم ممتاز بس عيبهم الجوال مايردون

سابقا كنت عميل مشار ، فصلت ٥ ثياب ماشاء الله مقاسات مضبوطة ، تعامل ممتاز ، اسعار مناسبة ، تعامل صاحب المحل ولا اروع. الله يوفقهم

خياط ممتاز جداً شوي السعر عالي انا اجيب القماش معي للامانة لكن خياطة تستاهل صراحة و تعاملهم اكثر من راقي و خاصة السعودي الموجود محترم جداً و اخلاقه عالية هذه ثالث مره اتعامل معهم و الجاي اكثر بإذن الله

السلام عليكم
اقسم بالله اني ماضلمتهم انهم من اسوا الخياطيين الي فصلت عندهم مرتين يتم التعديل علئ الثوب وللاسف المره الثالثه طلع شكله جدا جدا سيئ والقماش جايبه من الجديعي حسافة القماش عليهم والله مايستاهلون ريال واحد

جودة عالية ومميزة ، وصاحب المحل
قمة في التعاون والرقي والاخلاق
فصلت ٣ اثياب عندهم
وجميلة جدا جودة القماش
بالتوفيق لهم

تعاملت معه قبل فتره وفصل لي ثوب ممتاز جداً.
اتفقت معاه على ثوب استلمه بوقت معين وماقدر اتأخر وشرحت هالشي للخياط وايضاً بالواتس اب، للأسف لم يتم الالتزام بالموعد كما كان متفق عليه.
بالاخير دقة المواعيد مهمه لنا كزبائن وليس فقط التفصيل.

شغله نظيف والتطريز صراحة محترم بس عيبه ان اللي ياخذ القياسات مايبيك تخلي الثوب طويل مع اني محرص عليه بالطول وانجبرت اطول الثياب مرتين بعد ما استلمتها

جربتهم أكثر من مرة بصراحة يتميز بجودة الأقمشة والخياطة والدقة في المواعيد، وصاحب المحل دايم متواجد ويشرف على كل صغيرة وكبيرة

والله تركت مشار لأسعاره الفلكيه ودلوني على جوخ. قماش ممتاز وتفصيل بالملي ، الله ييارك له وهذا خياطي من اليوم ورايح

للاسف فصلت عندهم ثوبين تفصالهم سيء سيء جداً
ولا انصح احد يجي عندهم ابد
ياخسارت فلوسي اللي دفعتها
للامانه اخلاقهم حلوه وكلامهم عسل لكن فعلهم مرعب
طبعا القماش من عندي وتعبت ع اختياره وضيعت وقتي
ونصيحة لهم يغيرون المحل الى ورشة حداده
والله على ما اقول شهيد.

تجربة كانت جميله بجميع تفاصيلها خدمه اجمل من رائعه وتعاملهم مع العميل جداً جميل ومهتمين بأدق التفاصيل وما زلت اكرر ذهابي لهم

بصراحه اقمشة فاخرة وتعامل جدا راقي من صاحب المحل واللي طمني اكثر في المحل. ان صاحب المحل واقف على شغله وصاحب خبرة واسعة في الاقمشة. صاحبي عنده زواج وفصل ثوب عنده واهداه صاحب المحل قلم. زود على كذا بعد ماتستلم الثوب لك سحاب خاص بالثوب لحفظه. مأقول الا الله يعطيك العافية ويزيد برزقك. انت نموذج طيب لمحلات الخياطة ان يقتدون فيك. لأن الكثير يفتقد للتوجيه خصوصا بالاقمشة. شكرا لك

الدقة في اخذ المقاسات، والحبكة في التفصيل والخياطة
قد تكون الاسعار اعلى من غيره؛ لكن الجودة عالية جداً

كان من افضل محلات الخياطة الرجالية على مستوى شرق الرياض ،،، بسس للأسف تغير العامل حق المقاسات وبعدها مستوى الخياطه والمقاسات متدني فصلت ثوب عندهم ورجعته عشان تعديل للمره الثالثه يسوي شي ويخرب شي ثاني.

تفصيل غير جيد المقاسات غير جيده
اماكن من الثوب بدأت تتفك خياطتها بالرغم ان الثوب ماكمل شهر مستحيل ارجع افصل عندهم

فصلت 3 ثياب عندهم بتاريخ 10 ميلادي والحين حنا بشهر 12 وجيت عشان امدح شغلهم شيء جبار من الاخر فصلت ثوب الزواج والثياب الثانيه كلها الناس تسأل من وين فصلتها صراحة شكرا لهم

فصلت عندهم ، كان عرض اليوم الوطني
والامور تمام والقياس ممتاز وكذلك القماش
انا اثق بان الي يوقف على شغله بيعرف جميع الاحتياجات
اشكر صاحب المحل ترحيب واحترام واخلاق
سيكون لي عودة للمحل

مكان نظيف،شغل ممتاز ونظيف،استقبال ممتاز،يحرصون على كسب رضا العميل،بصراحة ما راح أفصل ثياب إلا عندهم،وموظف الاستقبال الأجنبي ممتاز وموظف الاستقبال السعودي العقيدي ممتاز جدا.

كنت مستغرب من المدح في التعليقات الين جربت وفصلت عندهم ثياب صرحتا لا يوجد مثيل لهم في السوق السعودي من يوم تدخل الين تستلم ثوبك وهم في قمة الاحترافية انصح اي احد يشوف تعليقي لا يتردد يدخل ويفصل واتمني يشارك تعليقه من جد يستاهلون
اتمنى منهم الاستمرارية والتطوير

محترمين وخصوصا ابو محمد الله يوفقه تعامل ولا اروع الله يعطيه العافيه
بالنسبه للخياطه هذا الي كنت ابحث عنه وحصلته مشاءالله ولا غلطته وليله العيد بعد

بعد تجارب عديدة مع الخياطين في الرياض وللأسف لم أجد الخياط الممتاز واقدر اقول إني الآن لقيت الخياط الي كنت ادور عليه تفصيل في غاية الروعة، وحسن استقبال وتعامل وأحيي فيهم دقتهم في المواعيد

اسعد الله مساكم ومساء الجميعً
اشكركم على التعاون
والخياطه. ممتاز
والتعامل ممتاز
وشكر صاحب المحل. جزيل الشكر
وتمنياتي لهم التوفيق والنجاح