عيادات ليلاس - Liilas Clinic

عيادة نظيفه ومرتبه وموظفات الاستقبال لطيفات خصوصاً بدور الله يسعدها تفتح النفس بلباقتها و رُقيها الدكتورة ايمان رائعة وتعطيك حقك في الاستشارة.

صراحه تجربه سيئه اتصلت اخذ موعد مع الدكتوره ايمان قالو تعالي الحين وتوقعت اجي ادخل علطول يوم جيت العياده زحمه وانا حطوني انتظار واقعد ٣ ساعات انتظر ولا دخلوني وكل مااسال يقولون الحين يجيك الدور واخرتها مشيت ولا سويت شي عندهم كرهتهم ومتاكده انها خيره لي

دكتوره ايمان علي افضل دكتوره فيلر تسلم يدها ، والبنات اللي ع الرسبشن عسولات خصوصاً بدور المطيري الله يسعدها

افشل عياده ي بنات اقرو التعليقات قبل تروحون ابر الفيلر والبوتكس تدور فيها بكيسس معليششش وشايفه نفسها وابدا شغلها مو على المدح

مافي احترام لوقت المريض عيادة د. ايمان
قالولي موعدك مؤكد الساعة ٣ جلست ساعة كاملة انتظر محد جاني!

عيادة قمة في الإحتراف️
أخترت خدمة الاكسنت جهاز حرق الدهون و نحت الجسم و النتائج فضيعة ابد ما ندمت و مستمره
و حابه اشكر موظفات الاستقبال على حسن تعاملهن و بالذات (بدور المطيري) عظييييمة في اهتمامها بالحالات و المواعيد

من اسوء العيادات في الرياض. جايه موعد مؤكد اجلس ثلاث ساعات عشان حضرت الدكتور ايمان علي تشرف. وماجات الا بعد ما انا رحت وقلت وينها ثلاث مرات وبالاخير جالسه حضرتها تسولف وتتغدى. قلة احترام مثل كذا ماشفت. وليت شغلها يسوى هالانتظار اخ بس مستفزين لابعد درجه ولو يصير الشغل مجانا ما جيتهم

عيادة فاشلة ما يحترمون المراجعين ولا وقتهم يلطعونك تنتظرين عشان وش ؟ والله لو اني داخلة وزير ودكتورة ايمان شغلها فيه مليون دكتور يسوي زينه وافضل بعد بعيادات محترمه تحترم وقت المراجعات فوضى فوضى ابد ما انصحكم تروحون لهم ابدددددددد حتى لو اني ماخذه موعد بيطلعونك

تجربه سيئه جداً جداً في حياتي ،اكثر من ٥ شهور وانا اعاني من اضرار الفيلر المُستخدم على وجهي تورمات مخيفه جداً وهجمات متكرره ،تأثرت نفسيًا واجتماعياً وعملياً ومادياً نصيحه يابنات فكروا قبل تندمون مثلي

صراحه انا من سنه تقريبا عملت عند الدكتوره ايمان شغلها مره مره مره جميل وصراحه كلمة جميل قليله عليها بس المشكله الوحيده الاسعار مره غاليه وان شاء الله برجع اعيدها مره ثانيه

للاسف استخدام كلمه انتظار فقط وهم! مافي اي عياده في العالم يكون وقت الانتظار فيها اكثر من ٦ ساعاتتعبت من دون جلسه مريحه ولا اكل بسيط ووقت طويل جدا جدا راح نهاري كله من دون فائده ثلاث صلوات من الظهر الى المغرب ، تجربه جدأ سيئه في التنسيق و الانتظار الغير مبرر ، نجمه لكي يمكنني التعليق فقط.

للاسف الشديد المواعيد زي الزفت بدون مبالغة انا متعوده اروح عيادات اخرى وادخل بالوقت نفسو او تاخير ٤ دقايق هذيلا لي ساعه كامله لحد الان انتظار وكمان اسلوب المنسقات واللي على الكاونتر سيء جدا كلن يرمي شغله ع الثاني … تقول ماكنا ندري انك جيتي شلون ماكنت تدرين اني جيت وانا مسجله اسمي من قبل الموعد ب ساعه ؟ اول واخر تجربه باذن الله

افضل دكتورة ريهام انسانه تعلمك وش تحتاج بشرتك من عرفتها بشرتي تغير 180 درجه والله جربت كثير دكاترة جلدية مثل ريهام مالقيت الله يسعدها

اليوم كان عندي موعد مع الدكتورة ايمان و الصراحة النتيجة جدا رائعه الحمدالله و الانتظار عشان ماعندي موعد ساعه انتظرت و بالنسبالي عادي لان ادري ان اغلب دكاترة التجميل كدا بس النتيجة تستاهل و السعر مقارنة بغيرها ممتاز غير اخلاق الدكتورة و مصدقيتها من نوع المنتج لاسمه و تاريخه و مدته يختلف من جسم لجسم ، شفت الكلام هنا واترددت لكن استخرت و روحت و الحمدالله ما ندمت ابدا والله ، شكرا دكتورة ايمان

انا جربت الشغل خيااااااال بس للاسف الانتظار ثلاث ساعات تقريباً حرام تخربون على نفسكم عشان بس ما وضفتوا ناس يضبطون المواعيد او يردون للامانه افضل فيلر سويته شغل يهبل صح يدها ثقيله بس التيجه واوووووو نقصت نجمتين عشان مافيه احد يرد ودي اجيكم بس اخاف من الانتضار الطويلللللللللللل

الهجوم على دكتوره ايمان كله كذب ، جربت شغلها تسويلك ع طلبك واقسم بالله اخف يد مرت علي في مجال التجميل مرا شكرا دكتوره ايمان

تابعوهم من اجمل وأرقى وانظف عيادات التجميل اللي زرتها يكفي استقبالهم ومعاملتهم الطيبة عيادات ديرما دنت بكل صدق من افضل العيادات بالرياض مصداقيه و امانه بالعمل و ذوق بالمعامله. تحيه لكم و للوطن الغالي

كل الي معي جايين من الساعه ١٠ الصباح وانصدمت اننا كلنا انتظار. ليه الطمع حتى الدكتورة تعبانه وتدف نفسها رتبوا مواعيدكم انتم سرقتوا وقتنا وضيعتوه في الانتظار من الساعه ١٠ الصباح الى الساعه ٤ العصر وانا انتظر هل من المعقول هذا كله ياخي لو ان الناس جايه ببلاش ماخليتوهم تنتظر كل ذا الوقت هذي اهانه للمراجعين من العيادة! اتمنى تغيرون سياسكتم بالمواعيد! لان موعد او انتظار كلهم راح ينتظرون ساعات

احلس انتظار اكثر من ساعتين وتدخلون غيري ترا بدفع فلوس مثلهم بعدين قلتوا انتطاو ساعه فقط المهم اروح عياده ثانيه احسن وهي ماتدري وش تلحق وتدخل اي غرفه وش يضمن لي نتيجه كويسه مع السلامه

انا بقول تجربتي طبعا ماتختلف عن الباقين انتظار تنطقين ساعه ونص بالراحة حتى الحكومي ماتصير فيها ماكاني دفعت فلوس بلس اني ذوبت كل الفلر لان طلع جهه غير عن جهه وتشوه المنظر طلعت كني جوكر بالخدود الطايرة والشفايف مو متساويه وانتفخت جهه بزياده مره مادري وش السبب شكل الابره جت بمكان غلط واللي قهرني اني لما جيت ارجع تعدله قالو اجازة ورحت لعياده ثانيه اعدل التخبيص وراحت فلوس هباء توبه عشت ايام ضيمممم
انتبهوا بنات اي مكان فيه زحمة هجووووو والله لو مابقى الا هي لاتروح فلوسكم عالفاضي

د ايمان علي ملكة الشفايف شغلها فن يدرس بصراحة ماشاء الله عليها بس يمكن المواعيد متعبة خصوصا اذا كان انتظار

اشكر اخصائية البشره نصره فعلا شغل روعه ومتقن واخصائيه روحها حلوه ونفسيتها جميله ويدها خفيفه وبإذن الله راح تتكرر زيارتي لها ️اشكرها جدا

ياساتر مو طبيعي كيف تعامل الرسبشن كأني جايه على حسابهم! و تعامل اللي يسمونها دكتور ايمان اول مرة ادخل و دخلت بعد انتظار ساعة و نص و انا جايه على الوقت و زين ما سويت عندهم شي الرسبشن بكبره ينفرك من العيادة يبي لهم كورسات التعامل مع الناس و المنسقه المصرية همجيه بشكل تجربة ماراح تنعاد! لو في اقل من نجمة اعطيت

الموظفه اللي في الاستقبال اسمها اثير الله يسعدها دنيا واخره قمة بالادب والذوق والاخلاق وبشوشه تجنن ️️

الاستاذه نصره شغل قوي وجبار الهيدراافيشل مبسوطه مره من النتيجه يعطيها الف عافيه ️️ وراح اعتمدها شهريا

الالتزام بالمواعيد سئ جدا ممكن تعدي عليك ساعه بعد ما يوصل دورك وانت تنتظر والانتظار مو واضح كم المده

انا موعدي مع د ايمان جمعه وانتظرت كثيير وكثير مثلي
يعني لو رحتي احسبي انك بتقعدين اكثر من ساعتين

تقييمي نجمة وياليت فيه اقل من نجمة! رحت لدكتوره ايمان علي وليتني مارحت الاسعار ناررر والشغل سيء جداً والفيلر يروح بعد شهر ، كانت تحترمني وتسمع لي لين دفعت المبلغ كامل وبعدين سحبت علي انلطعت اكثر من ساعة ونص ، بالاخير رحت للمنسقة حقتها قلت انا عندي شغل خلصوني ، وبرضه انلطعت واخر شي جت ست الحسن والدلال ايمان وتنافخ وتقول انتي ليه مامشيتي خلاص! قلت لسه ماضبطتي الشغل يعني اهم شي عندهم الفلوس وبس الزبون طز فيه ، وفيه حاجه ثانيه ، لاتغترون بالصور للزباين اللي تصورهم في حساباتها ترا هم بس اللي تضبطهم عشان التصوير اما احنا ياعيني علينا ندفع والشغل دون المستوى بكثير ، اخر مره اروح للعياده هذي وللدكتوره بعد ، غير الزحمه اللي انتظار ساعتين وانا اخذت موعد مؤكد! نصيحة روحوا لاطباء وطبيبات سعوديين ممتازين وتعاملهم جميل واهلنا ومنا وفينا.

يممممه فتحت على العيادة باخذ رقمهم عشان احجز عند ايمان لكن بعد التعليقات اعوووذ بالله والي لاحظته برضو العيادة ماترد على التعليقات السيئة وتعتذر منهم! او تعطيهم رقم تواصل للشكاوي لا تطنيييش! استفزوني وانا ماقد رحتلهم

لو فيه أقل من النجمة حطيت، عيادة غير إحترافية إطلاقًا! تأخير غيييير مقبول بالمواعيد ومدة الانتظار "للحجز المسبق" ما تقل عن ساعتين هذا بس للإستشارة وبعدها انتظار ساعات إضافية عشان يبدون بالإجراء! استهتار بأوقات المراجعين والتزاماتهم لكن غير مستغرب على الادارة اللي عايشه نظرية المؤامرة إذا حتى ردودهم على شكاوى المراجعين تهديد وكشف مخططات
إذا دكتورة إيمان تهمها سمعتها للآن مفروض انها ما تكمل في هالعيادة.

للاسف لا منسقاتك يردون ولا تلفون يردون / مادري هل هي حيله انه شوفوا اننا مطلوبين! الاحترافية بالرد مو تجاهل زباين عندهم ولاء لكم /

تحديث / دقوا علي كله عشان اشيل الي كتبته بس لا ماراح اشيل شيء

جيت عند الدكتوره الرائعه الي يدها تتلف بالحرير الدكتوره ايمان
اول تجربه لي معها وحبيت كثير تعاملها كوني اول مرا اجيها تعاملها جدا جميل انسانه متقنه عملها تعلمك انتي وش تحتاجين بدون اي مبالغه وتعرف تبرز جمالك الحمدلله ربي وفقني يوم جيتها الله يسعدها، ومن ناحية المواعيد مشالله مضبووووطه وفي الوقت والمنسقه ياقلبي هي حبيبه وطيوبه مشالله ومتفاعله وماقصرت معي

ياليت قريت التعليقات قبل اجي. ٣ ساعات حتى الان انتضار ولسا ماجت الدكتوره كميه استهتار باوقات الناس مستفزه

كنت أتمنى المكتوب يطلع فعلاً غلط وأنكم تتعرضون لحملة تشوية سمعة بس طلع صحيح الكلام الموجود موعدي ٢ عند الدكتورة ايمان دخلت علي ٥ المغرب وفوقها لا اعتذار ولا شي وكأنهم هم اللي يدفعون مو احنا ، غير بنات الأستقبال رايحين عرس مو عيادة ايشي ميك اب ايشي شعر غير الضحك العالي ولا كأنها عيادة راقيه
عموماً انتو اللي شوهتو سمعتكم بفعل يمينكم لا تتعرضون لحملة ولا شي عدلو الاخطاء والمواعيد وقت الناس مو لعبه

تجربتي بالليزر الحواجب ل 3مرات نصره رائعه شغل بروفشينال واخلاق وذوق الله يسلم يدها يا رب رائعه رائعه انصح الكل فيها

تجربة سيئة مع د ايمان علي رغم انه كنا نجيها يوم كنت في عيادة مود كانت افضل تسمع لك وتحقن كويس لكن في هاذي العيادة للاسف شغلها فاشل ومستعجله ماتدري مين تلحق وتستعجل في شغل الناس لكن تسولف بالاسياب ولا همها الناس الي تنتظر والشفايف صارت زي بوز البطة من بعد الاعلانات لها فشلت ولا فيه تنظيم حتى للمواعيد اذا جيتي الظهر توقعي انك تطلعين المغرب تجربة لاتعاد.

خدمة منظمه ومميزة عكس الكلام بالتعليقات وصلت الساعه ١٠ الصباح بدون موعد ودخلت انتظار عند د. ايمان ووضحوا لي وقت الانتظار ودخلت ١٢ وعطتني الدكتوره وقتي وماقصرت ولا كانت مستعجله ابد، للمستعجلين مايحتاج موعد روحوا انتظار

اشكر الدكتوره ايمان واقولهاااا تسلم ايدك يا مبدعه شغل فن وابداع. رائعه جدا سويت عندها فيلر شفايف ولاول مرا اسوي هالشي وجدا راضيه عن النتيجة طبيعيه وايدها خفيفه وقبل تسوي الشي لك تصارحك باللي تحتاجينه يعني دكتوره بعيده ع الاستغلال وابدا مو ماديه شكرا دكتوره للامانه ظالمينها الناس ب التعليقات السلبيه ، فعلا الواحد مايحكم ع كلام الناس لازم يجرب ويشوف بعينه ،

انا غير راضيه عن خدمتكم لي مطلقاً
د. إيمان شاطره ولا يختلف عليه اثنين و هذي ثاني مره اجي عندها ، الي ظايقني ان موعدي ١٢م وجيت ١١: ٤٥د و جلست انتظر الى ١: ٣٠م اخر شي تجيني المنسقه وتقول انتي موعدك ١١! وتصر على كلامها الى ان وريتها صورة المحادثه هي بنفسها كاتبه موعدك الساعه ١٢ م ولا حتى اعتذرت على تغليطي! بعدها خلوني انتظر الى الساعه ٣ م ويوم دخلت الدكتوره وكانت مستعجله وتقاطعني كثير كثير تعبت عشان اتكلم وافهمها وش ابي المهم قلتلها احتاج بوتوكس وقالت خذي علبه وداخل العلبه يجي علبتين عشان اسويلك وجهك والرقبه قلت تمام! ورجعو خلوني انتظر البنج وقت مبالغ فيه وبعدها رجعت الدكتوره كان احد يلحقها شغل سريع سريع سريع وطلعت اول ما طلعت التفت على مساعدتها وقلت باقي رقبتي! وخشمي نزف من فيلر حولين الانف غريب جداً! ورقبتي ما سوتها وبيدها علبه جديده حقتي ما انفتحت قالت اصبري لين ترجعلك يمكن تطول او تعالي وقت ثاني ونزيف الخشم عادي طبيعي:) كيف عادي! المهم رجعت للمنسقه قالت زحمه ارجعي بكره تسويها قلت ما اقدر انا من برا الرياض وطلعت وظليت اتواصل معاهم واتس اب ولا رد ولا شي سفهوني حرفياً. دافعه مبلغ وقدره حول ٧٠٠٠ والحين ما كملت شهر ونص راح البوتوكس.
صراحه اروح لدكتوره شاطره ثانيه وازيد ٥٠٠ والا ١٠٠٠ ريال بس تعطيني وقتي وتسمعني وتعرف وش ابي وادخل على موعدي بدون ربشه وتوتر وهذي اخر مرا اجي عندهم ، لو ظليتو على نفس المستوى صدقوني محد بيجيكم.
ماكان ودي اعلق بس عشان الي يجيكم ما يصير فيه زيي وبس

تجربة جدا سيئة اخذت موعد عند الدكتورة ايمان للعلم انها مو هي اللي تعطي الاستشاره ،،الممرضه هي اللي تسوي الاستشاره و الدكتورة بس تحقن،، اخذت موعد مؤكد من شهرين و لمى جيت انتظرت ساعتين و طلعت و الدكتوره لسى ما دخلت …و منسقة الدكتوره اسلوبها غير جيد مع الاسف

فعلاً نفس ما قالو فالتعليقات ماعندهم اهتمام للمواعيد يعني لو كان عندك شي ضروري ماينفع تعتمدي عليهم بمواعيدهم لي نص ساعه انتظر الدكتوره

يسعد مساكم حابه أشكر الأخصائيه نصره شغلها جبار أنا جايه من مدينه أبها عشانها وتستاهل أجي عشانها شغل مرتب بأمانه وضمير الله يوفقها ويسعدها وإن شاء الله مو أخر زياره لها أشكرها من كل قلبي

ماشاءالله عندهم الاخصائيه نصره للبشره سويت عندها تشقير وتنظيف بشره روعه شغلها مخلصه و طيبه وخدومه

اقسم بالله كل التعليقات كذب رحت وانا خايفة بسبب تعليقاتكم لكن ربي يسعد دكتورة ايمان ومنسقتها تنظيم وحسن تعامل وشغل يجنن جيت من جدة عندها الحمدلله ربي ماضيع تعبي من زمان محد ضبط شفايفي الا هي

كلمة حق أقولها لمن يستحق.

عيادات ليلاس راقيه بمعنى الكلمه. تعامل وجديه وسرعه في الخدمات.

دكتوره إيمان تستحق كل الإحترام والتقدير دكتوره بطله فنانه وكأنها ترسم لوحه فنيه.

عرفتها عن طريق سيدات الأعمال. بشهادة الجميع تفوز كأفضل دكتوره.

بحثت عن العيادة علشان امشي على اللوكيشن واجيب اهلي وشفت التعليقات وخفت لكن للامانه طلعو اهلي مستانسين من الشغل ومن التعامل وكل كلامهم إيجابي عكس هالتعليقات السلبية لتشوية السمعة وششكراً من قلب لعيادات ليلاس