تودو لاحتياجات المنزل

تجربة سيئة
عروض الاستقرام غير واضحة بالنسبة للطوالات
لما تروح الفرع يقولك بدون تركيب لما تحسب التركيب يطلع سعر الطاولة
وين العرض هذا استغفال للعملاء
و

فصلت عندهم طاولات باربع الاف على شرط الشغل نظيف وجاني فيه مخوش وطاولتين خدمه مقاس وطاولتين ثانيه مقاس نصيحة لاتسوون عندهم ولا جو عدلو حتى مجرد دعايات كذابه

اشتريت من عندهم طاوله وعلى اساس التوصيل ٣ ايام الان لي ٧ ايام ونتصل عليهم مايردون ورحنا لهم بالمحل عطونا موعد بنفس اليوم ولا وصلو الطاوله نصيحة لا تشتري شي من عندهم فيه توصيل لانه راح تتعب معهم اداره التوصيل فاشله

مشكلته بعيد جدا ونصيحه لمن يقراء تأكد من المنتج وسعره في أكثر من مكان قبل الشراء. لا تنخدع بالاعلانات

طاولاتهم ممخشه الي موجوده بالعرض وحوسه مافيه ترتيب صراحه انقلب راسي عةس فرع البديعه الي شالوه كان حلو ومكانه حلو

نصيحه لاتشتررن منهم شي فيه توصيل قسم بالله يماطلونكم مماطله اللي ماسكينها اداره يمنه ملاعين

طلبت منتج طاولات وجاني فيه عيوب ولما طلبت استبدال او استرجاع قالوا بنستبدل لك وطلبوا مني اني اغلف الطاولات على انها مو مسؤوليتي ورحت شريت البلاستيك اللي فيه فقاعات واكياس وكرتون وغلفت كل طاولة من اولها لاخرها وبالنهاية بالاستبدال بعد ماراحت وتأخرت اسبوعين ثانية جتني نفس طاولاتي اللي انا مغلفتها ؟؟؟؟؟؟؟؟؟ يعني اكثر من كذا استغفال وتلاعب بحياتي ماشفت والان لي اسبوعين اطلب فلوسي ونفس الشي قالولي غلفيها لين تجينا بعدين نعطيك فلوسك حتى ماعوضوني على الشهرين هذي اللي ضاعت كذا تأخير ومماطلة
وغير كذا ماعندهم لا ادارة وولا احد مسؤول يتواصل مع المستهلك المتضرر ابدااا
والله من اسوء المتاجر اللي تعاملت معها
انا طالبة من عروض اليوم الوطني والى اليوم ما انحلت المشكلة

القداحات يبيعونها فاضيه انتبهوا وجربوا الاشياء قبل الشراء ، مستواه ضعيف في الاكسسوارات المنزليه والاغلب اصبح اثاث

اسوءء تعامل لي شهر انتظرهم يرجعون فلوسي وكل يوم يقولون بكرا مافي اي مصداقيه ولا اسلوب للحين ما رجعوها فوق الالف ريال حتى المنتج الي اخذته كله خدوش و عيوب و التوصيل كان متأخر بعد!

مكان جميل لشراء ماتحتاجه من مواد استهلاكية للمنزل وأسعارهم معقوله. مع تمنياتي لهم بمزيد من الابداع

جيتهم الحين الساعة ٣ لقيته مغلق! ومكتوب بقوقل ماب انه مفتوح
حسافة الطلعة بدري من الدوام

التواصل معهم سيئ اطلب استرجاع المنتج مايردون علي يقولون انتظري انتظري ماادري الظاهر يتحرون يروح وقت الاسترجاع

وقفت في المحل فترة من الزمن واسال عن سعر الالة المعروضة والمحل لا يوجد به ضغط ولكن لا احد من العمال يجيب اكرر السوال وكل واحد يقول ماجاك احد حتى خرجت من الباب ولا احد اجابني الحمد لله ان هزاز قريب ومتعاون

مقفلين قبل الصلاه بنص ساعه وانا جوا المحل واضطريت اقعد ساعه كامله عشان يفتحون
للاسف صار استغلال وقت الصلاه

كل شيء عندهم اثاث وتحف مواعين العاب ادوات مدرسه بس شوي رافعين الاسعار يعني تلاقين ارخص منهم باماكن ثانيه بس الحلو فيهم كل شي فيه تقريبا وعندهم توصيل ب٥٠

مكان حلو فيه منتجات كثير ومتنوعة ، الاكواب عندهم شكلها جمييل ، اطقم البيالات والفناجيل حبيتها ، فيه انواع ترامس وصينيات ، حتى الادوات المدرسية موجودة ، وفي الدور الثاني يوجد جلسات خارجية ، الاسعار معقولة

غالي بدون جوده خاصه الاثاث الحدائق الطاولات مدبولة السعر والبلاستيكات غالية عمالته كثير والراتب من جيب المستهلك

جميل ويوفر كل شيء يتمناه الواحد بتنوع بس صارت الأشياء تزيد اسعارها بزياده
والي كان بريالين صار 4 و6
وبعض التحف والاواني صارت اسعارها مبالغه

البضاعة جداً عادية ، تعامل الكاشير غير جيد
عند وصولي للكاشير و انتظاري للزبون الذي امامي جاء دوري و قال لي الكاشير شوف الي الكاشير الثاني بحجه انه انتهى دوامه

احب هالمكان بضاعته مميزة يجيب تشكيلة حلوه والعاب الاطفال رخيصه عنده مقارنة بهزاز الصحافه وعلى كيفك مررره يعجبني

للاسف انا ظلمت بسبب تلاعب في أقوال ومجريات الحادث من الطرف الاخر ورجال نجم مادري كيف قلبوها علي ١٠٠٪؜ بعد ماكانت ٥٠٪؜ ، بس مادري عندي شعور قوي جدا ان الطرف الاخر يتعمد يسوي حوادث عشان يحصل على المال ، قبل حدثنا بأيام مسوي حادث في نفس الطريق جهة اليسار كلها وحادثنا جهة اليمين ، لكن وكلت امري لله وقلت له انت تعرف كيف صار الحادث وانا مظلوم ولكن ثق تماماً انك راح تخسر في حياتك أشياء اهم من المال لانك تسببت في ظلمي والله على ما أقوله شهيد.

جميل فيه كل شيء ومتنوع لكن الأسعار يلعبون فيها على كيفهم وكل يوم سعر وزررف شريت فرادة حقت العجين ب٣٩! منتجات ايكيا يزيدون فيها اكثر من ٢٥٪ معاليف اطفال في ايكيا ب١٩ عندهم ب٢٦ ونص الأسعار نااار ولا كأنه محل كماليات الكاشيرات أغلبهم بطيئين ومو احترافيين وكثبر من المنتجات مافيها ستكر وانتظاار لين يشوفون السعر

تودو صراحة بضاعته اسعارهم مرتفعة جداً جداً ولا فيها ذاك التنوع وممل انا مع الاسف ما ارتحت له صراحه وقليلا ما اشتري منه

غالي جدا وبضاعته نفس البضائع الرديئة الموجودة في هزازي وعلى كيفك. عشان اسمه غريب وفي شمال الرياض صار غالي!

ماعندكم اغراض بفرع الصحافه انصدمنا اليوم الاغراض قديمه واغلب الاشياء مو متوفره وكل مابغا غرض يقوللي مو متوفر اللا المعروض. والمشكله المعروض فيه خدش او كسر للاسف

مرتب وواسع نجد فيه اغلب الاحتياجات المنزليه باسعار معقوله نسبيا. يمتاز بترتيب المحتويات عكس باقي محلات الكماليات الاخري

مركز ممتاز وكل شي موجود لدرجة كنت ادور على زينه لرمضان وكانت موجوده عندهم بس للاسف في بعض المنتجات اسعارها غاليه وبعضها سعرها ممتاز

المكان ممتاز يتوفر فيه كثير من السلع الاستهلاكيه ولكن يجب النظر في اسعار بعض المنتجات التي فيها مبالغة

مكان جميل جدا ومزدحم ولكن العمال الي يشتغلون في المكان محد يعرف شي ولاا احد يشتغل صح الا كم واحد ولكن مكان جميل وغالي شوي يعني مثلا هزاز على كيفك ارخص بكثير وايضا يبيع اشياء ايكياء

صراحة الاسعار غاليه بزياده بدون جوده او شيء مميز فيه، رحت دنيا الاسعار لقيت اشياء اجمل وبسعر معقول ومناسب، مافيه فكرة مختلفه عن الباقين الا انه غالي، الموظفين قليلين ومايخدمون

جيد محل ذو اسعار متوسطة يوازي او يعادل الهزاز والربيع ويحتوي على احتياجات المنزل ولكن بعض السلع قد تكون غير اصلية او مقلدة

الاسعار جدا غاليه بالنسبه لغيره + العمال الي يشتغلون ولاا احد يعرف شي تسأل عن اشياء كل احد يقول لك مدري او يرسلك لشخص ثاني ونفس الشي مدري ليه يشتغلون فيه وحده تشتغل مع الطاقم النسائي خدومه جدا ، وبالنسبه الهزاز افضل اسعار منهم وقريب لهم برضو