درز للخياطة الرجالية

اشكر الاخ يحيى على حسن تعامله محل والله العظيم ولا غلطه في التفصيل والمقاس جرب من دون مبالغه في اشهر خياطين الرياض بس زي مقاساتهم وشغلهم ماشفت اشكر الجميع

مقاساتهم وشغلهم ممتاز للأمانه بس تعال بدري في المناسبات والاعياد. عشان ما تنتظر شهر لقدام. مشكلتهم
الوحيده غالين.

كنت افصل عندهم فتره طويله لك شهر يزيدون عشرين ريال حتى اصبحت اسعارهم مبالغ فيها جدأ الثوب با 400
نصحني قريب لي بخياط بالروضه اسمه شباب العرب ب 100 والقماش علي وخياطته ممتازه

مبدعين وان كان يعيبهم غلاء الاسعار ، وخصوصا لتفصيل الثوب والقملش عليك ب ٢٣٠ ريال
اشكر الموظف يحيي في فرع المصيف ، على اسلوبه وادبه واخلاقه العالية.

كلمة الحق تنقال كنت افصل عند هذا المحل قبل ٢٠ سنة يوم كان فاتح في الشميسي وكان عنده فلبيني اسمه عبدالله وكان التفصيل ب٦٠ ريال ولما زادت الزحمة عليه رفع ل٨٠ وبعدها ١٠٠ وبعدها فتح فروع وطار بالسعر فقلت له هذا فراق بيني وبينك.
لكن افضل محل يفصل ثياب والقلاب عندهم ممتاز جدا والخيط لا يمكن تلقى فيه تعرجات يعني تلبس الثوب يبين عليك الفخامة.
لكن الاسعار تعجيزية وزاد الصعوبة انهم كانوا يرفضوا الاقمشة من بره في رمضان.

من 6 سنوات اخيط عندهم
دقه في التفصيل و موعد التسليم
و المشرف ابو محمد شخصيه طيبه و محبوب
و الله عمل و جودة يشكرون عليه
و الله على ما اقوله شهيد ولو فيه اكثر من 5 نجوم لا اقيم اكثر
كل التوفيق لهم

جيتهم اخر شعبان بفصل ثوبين واسأله عن الاسعار قال تبدا من ٣٦٠ اذا القماش من عندنا المشكلة القماش اللي عنده مايستاهل ان سعر التفصيل يكون غالي!
انا اتفهم ان الاسعار ماتكون ثابته لكن خلال ٤ سنين تقريبا يصير قيمة تفصل الثوب دبل هذي مصيبه شغلهم جيد لكن بهذي القيمة فيه محلات افضل بكثير وعندهم خامات افضل

خياطته للامانه جداً ممتازة واتعامل معه من مدة طوية لكن لي مدة عنه ويوم جيته حصلت سعره مرتفع كثيييير كثير وسابقا كان اضعاف غيره ،، خيطت عند خياط من نفس الشارع ب اقل من نص سعره بكثير واخذت شغل اقل منه بحاجة بسيطة مقارنه بفرق السعر الهائل ،، واشوف من التعليقات ان كل زباينه تركوه بسبب السعر

درز معامله من سنوات طويلة ولكن يعيبه المالك كل سنة يرفع الأسعار بشكل مبالغ فيه أتمنى ينظر للشيء هذا ولا يطير الزبائن منه

خياطه كويسه. سعر غالي صراحه لو محدث على الخياطه مكائن الجديده والياقات الجديده ممكن اقول لاكن نفس المكينه ونفس الياقه من عشرين سنه ثوبك بتلبسه كنكن مخيطه عام 80. المواعيد شوي لك عليها. التعامل كويس من الموضفين لاكن اكرر سعر الخياطه جداً عالي مقارنه بالمحل وامكانياته

تجربة فاشلة
ياخذ على التفصيل ١٥٠ وفوق اذا كنت جايب القماش معك ،تجربتي معهم قبل سنتين تقريبا

ممتاز أفضل خياط على وجه الأرض. بس الأسعار غاليه
إذا القماش من عندك ياخذ 210 على شغل يده
لكن شغل من الآخر

دقيق جدا في المقاسات احيانا من زود الدقة يضيقون الثياب، اذا جيت تفصل عندهم نصيحة وسّع مقاسات شوي، جودتهم رائعة، اخلاقهم حلوة جميعا.
ينقصهم او ودي يطورون من زيادة الاقمشة تطوير المحل ايضا وقت التفصيل طويل نوعا ما عشرة أيام تزيد او تنقص وأهم اهم اهم شي السعر بدؤا بالغلا نوعا ما
بدت اسعارهم ترتفع، خصوصا الخياطة لحالها فقط دون القماش، ودي بس لو ينقصون شوي يصير تمام المحل.
بوجه عام محل خياطة اوصي فيه ووجودتهم حلوة وشكري لهم.

هذا احسن فرع من ناحية تعامل الموظفين كنت اروح للي فالشرق لكن تعامل الموظف سيء وصرت اروح للمصيف افضل

للامانة شغلهم معجبني ولا اشتكيت منهم ابد بس بصراحة سعره مبالغ فيه ودك ان القائمين عليه يراجعون الاسعار.

اقسم بالله العلي العظيم ان فصلت سبعه ثياب عند درز وانصدمت بظهور انتفاخات باللياقه ووجود شعر وخيوط داخل طبقه الثوب جهه الجيب الجانبي ولااستطيع إخراجها الا اذا أعدت خياطتها والسعر يعتبر غالي جدا جدا جدا نصيحة لوجة الله لأاحد يتورط مثلي شاري قماش غالي من ابو صافي وحاسبين على 210 ريال قيمه الخياط للثوب الواحد فقط حسبي الله ونعم بالله

مركز تفصيل للثياب السعودية يعتبر جيد جدا، سعره فوق المتوسط، بالنسبة لي اتعامل معه كخيار أول في المنطقة التي اعيش فيها، ولكن يوجد افضل في مناطق بعيد عني، سعر الثوب للرجال فوق ٣٠٠ ريال

٢٠ سنة وانا ما افصل الا عندهم حتى بعد رفع الأسعار بشكل مبالغ فيه ثوب ب ٣٧٠ ريال ويجيني فيه مشكله واضحه ومرتين يرسلونه للمعمل ويرجع بنفس المشكلة البدائل كثيررررررر

خياطته ممتازة و الأقمشة عنده نوعيات حلوة لكن سعرة مرتفع قيمة التفصيل بدون قماش ٢١٠ ريال و مع القماش إلى ٣٥٠ ريال تقريباً للثوب الواحد

ثيابي فصلتها وطلع فيها خطأ وجالس يسحبون فيني عشان يسلموني الثياب ، موظفهم بأحد الفروع اسلوب بارد بالرد مع العملاء ، المشرف على الشكاوى وعدني بحل المشكلة لكن وعوده ما شفتها على ارض الواقع. اذا لم يتم انجاز ثيابك بالوقت المحدد مباشرة ارفع بلاغ لوزارة التجارة.

الصراحه فرع المصيف ممتاز تفصيله لكن صاحب المحل زاد سعر التفصيل من 150 بدون قماش الى فوق 200 ريال سلااامات، ما راح أرجع له إلا اذا عدل السعر