خيوط مسار للخياطه الرجاليه

جيد ارخص من مشار والحوده لاباس
لكن بالشتا فصلت ثياب السحاب حقها من جنبها قوي مره كنه ناشب

للأسف افشل تجربة فصلت عندهم لمن شفت تقييم ومدح الناس وطلع التفصيل كله يجيب الصداع.
الثياب قصيرة جداً عن المتفق عليها ومقاسات ماهي المقاسات المتفق عليها.
مع العلم فلسفة كل خياط تجيه جديد (انت مين فصلك الثوب هذا ؟) وخليته ياخذ مقاسات ثوب انا ابي نفس مقاساته لكن اتضح الفشل من التجربة

خيوط مسار من افضل الثياب متوفره لديهم
صراحه لم اجد طلبي في أي محل ف وجدت طلبي في محلات خيوط مسار
من خامه حلوه وتفصيل كويس ودقه في المواعيد وتعامل كويس مع الزبون واسعارهم كويسه وهذا حسب تجربتي معهم وب التوفيق لي الجميع

احب اشكر خياط خيوط مسار (فرع انس بن مالك حي الياسمين) على هذا الاحترافية في التفصيل و احترام المواعيد و صحيح الواحد يدفع مبلغ ولكن في محله جدا جودة عاليه في الخياطة والابداع والاناقة الى الامام …

بسم لله ماشاء الله خياط ممتاز جدا جدا ولا غلطه ونا كنت حريص جدا جدا شهاده لله أنه أفضل خياط تعاملت معه جربت اكثر من خياط خيوط مسار من افضل الخياطين روح لعند واحد اسمه عمر بلمحل يسعادك في الاختيار قماش خارجي يفصلون ب ١٧٢ بس يستاهل والله حشوات ضمان سنه

اقسم بالله في كل امانه شهاده لله انهم من افضل الخياطين وفضل ثوب فصلو عندهم تعبت من الخياطين شكرا خيوط مسار ان شاء الله من نجاح الا نجاح

صلت عندهم ٤ ثياب ٢ شتوي و ٢ ابيض للتجربة ، وبصراحة كانت التجربة ناجحة والتفصيل ممتاز وعلى الطلب بالضبط ، خدمة الاخ عمر و العاملين بالمحل كانت رائعة ونادرا الصراحة تلاقي توافق في الخدمة مع منتج ممتاز وبالاخص في محلات الخياطة ، غير كذا اسعارهم معقولة والاقمشة لديهم ممتازة ناهيك عن السرعة في تسليم الثياب حيث اخذت اسبوع فقط.

بصراحة راح اكرر التجربة بإذن الله علما اني جربت ٣ محلات قبلهم وللاسف كل تجاربي معاهم كانت سيئة ونادرا ما يضبط التفصيل او يضبط لك ثوب والثاني يطلع فيه مشكلة.

اتمنى تستمرون في الاتقان بالعمل بنفس الجودة الحالية

يعتبر خيوط مسار للخياطة من افضل خياط ثياب في الرياض، حيث يقدم لعملائه أجود أنواع التفصيل، من خامات وعمل متقن، مع الجودة العالية حيث يعتبر من أشهر الأسماء في هذه المهنة يقدمون أرقى أنواع الخدمات، بكفاءات عالية

تجربة جيدة وتعامل محترم. المقاسات فعلا مضبوطة وجيدة باستثناء الأسفل طلع ضيق يحد من الخطوات في المشي. لكنهم تقبلوا ملاحظتي وكانوا على استعداد لتصليح المقاس. المحل إجمالا ممتاز ومواعيده رائعة وليس عندي أي تحفظ.

لا انصح بالتعامل معهم وذلك لعدم المصداقية وتفاوت الاسعار

اليوم اول زيارة لي للمحل وكان فيه زبون قدامي استلم ٧ ثياب وحاسبه الموظف بسعر ١٢٥ ريال للثوب الواحد
وانا اخبرته اني بفصل ١٥ ثوب وابيه يعطيني سعر مناسب. اخبرني ان السعر ١٧٢ ريال للثوب الواحد وان اخر سعر يعطيني اياه ١٥٠ ريال

وطلبت منه يحاسبني بنفس تسعيرة الزبون اللي قبلي بحكم اني اخذت دبل كمية ثيابه ولكن كان رده ان هذاك زبون سابق لدينا وانت جديد فا التسعيره تختلف واذا مو عاجبك توكل على الله

اسلوب وتعامل سوقي من الموظف اللي اسمه عمر وعدم احترام للزبائن ولسمعة المحل

والله على مااقول شهيد على كل كلمة قلتها

اتمنى من ادارة المحل النظر في الامر

من اسوأ محلات الخياطة اللي فصلت عندهم وغالين وشغل زي قلته فصلت ثوبين وكانت للعيد وليتني ما جيتهم الحشوات اندمرت والطول رجعته لهم يعدلونه واللياقات وسيعة بشكل ولما قلت له عدلها قال م عندي قماش وجبت له الثوب المقاس يسوي زيها بس العذر مافيه قماش والسحاب خرب عموما كانت اول واخر مرة

للاسف ثيابهم سيئه جدا فصلت من عندهم ٣ ثياب وكلمت سنه معي واسوء محل قد فصلت من عنده اللياقه حقت الثوب لازم تشوفون حل لها والي ياخذ المقاسات

التقييم انصف الاخ عمر على الإبداع ودقة العمل ويستاهل كل خير وصراحه من افضل الخياطين اللي مرو علي من ناحية التعامل والثقه والاقمشه والتفصيل وسرعة التسليم (٤ ايام) وراح يتم التعامل معه دائماً

أجمل من الخياطة الرائعة كانت الخياط نفسه، الأخ الحبيب عمر. كان صبور على طلباتي وأتقن العمل. بشوش وحبيب. تم اعتماده كخيّاطي في الرياض. بالتوفيق يا عمر وأنصح اللي مو بس يبي ثوب، بس تعامل واحترام، لا يروح بعيد

(أسعار المحل جيدة مقارنة بمثيلاته)

ماشاء الله تبارك الرحمن - اضافة مميزة لحي الياسمين ، خياط متميز و شغلهم جدا احترافي و راقي ، دقة في التفصيل و تنوع في الأقمشة ، جربتهم أكثر من مرة (صيفي / شتوي) … تعامل جدا راقي و محترم ، خصوصا الأخ عمر. وفقهم الله لكل خير ، و اتمنى لهم الانتشار بأكثر من فرع بصراحة شغل جدا مميز. و شكراً

والله افضل خياط وافضل محل قماشات خرافيه
وافضل شخص الخياط عمر اخلاق ومصداقه والله ونعم الرجل

صراحه تجربه قويه اول مرة افصل عندهم لكن جد والله فخااااااامه من ناحيه القماش ممتاز اجدا وإما الخياط عمر أحلى وأحلى

على كثر ما جربت خياطين الا ان شغلهم مميز ولقيت عندهم الجودة مقابل السعر ممتازه بدرجة كبيرة ، الاقمشة جميعها يابانية ومتعددة الخيارات والخياط عمر يقوم بالتعديل على مقاساتك السابقة بما يتوافق مع جسمك الحالي وفعلا تعديلات في مكانها

بكل صدق وأمانة أنا تعاملت معهم لأول مرة وكان تعاملهم جدا راقي وبالنسبة للخياطة أقسم بالله العظيم إني كنت زائر لمنطقة الرياض عندما تعاملت معهم والآن تعاملي معاهم على الواتس اب وتوصلني ثيابي بكل دقة وتميز في القماش والخياطة لمدينة أبها عبر أسرع شركات النقل.

اول الشكر للأخ عمر شكرأ لك جزال الشكر شخص لطيف وستقباله لزباين جميل جدأ والاقمشه عندهم جميله وتفصل ثيابك وانت مرتاح وفوق هاذي كلها عليها ضمانات

انا فصلت ٨ ثياب (نوعين قماش) ماشاءالله التفصيل ممتاز // السعر مناسب // الاقمشه جيده جدا.

عندهم عرض كان في العيد اذا فصلت ٣ ثياب يجيك خصم وثوب هديه. الاقمشه لابأس.
الشكر للاخ عمر رجل محترم وخدوم وشاطر في اقناع الزبون

دقة في المقاسات ، سريع في التفصيل ٥ ايام فقط والثوب جاهز ، اسعار معقولة واقمشه حلوه جدا ،اول مره فصلت واحد كتجربه ، لما استلمته طلبت يفصل لي واحد ثاني حقيقه شغل ممتاز للامانه.

والله صراحه ابهروني بشغلهم نظيف ودقيق ونفس اللي طلبته والخياط عمر شاب محترم وخلوق ومتعاون. السعر والجوده ممتازين

التفصيل ممتاز جدا وسريع والاخ عمر على قمه من الاخلاق والأدب وحسن التعامل
انصح بالتفصيل لديهم

بصراحه أفضل خياط فصلت عنده ثوب كتجربه طلع ممتاز فصلت عنده عشره ثياب عند المعلم عمر قلي اذا مازن التدفع ريال لامانه ممتاز

الصراحه من افضل الخياطين الي جربتهم بحياتي

ولديه من أفضل اقمشه مميزه من وجهة نظري افضل القماش

الصراحه تعاملهم ممتاز والموظف اسمه عمر اختصر لي كل شي وقال اذا ماعجبك التفصيل لاتدفع ولا ريال والحمدلله طلع الثوب ممتاز

الصراحة ببدا اتعامل مع الاخ عمر خصيصاً جميل من ناحية الخياطة والسعر وحتى ريحة الثياب اذا استلمتها جميلة

ماشاء الله عليكم عمل ولا اروع
بس لو عاد تفتحون فرع قريب من هنا لانو نضطر نجيكم والمسافه بعيده