الغرزة للخياطة الرجالية

خياط سيء للغايه والمعلم ضايع ومايفتح الا العصر وسعره غالي على غير سنع ، والله ان ثوبي طلع من اسوء الثياب الي فصلتها ، الله لا يعيدها من تجربه

الحمد لله اني دخلت التقييمات قبل ما اتورط مثل غيري ، حتى اسلوب الشخص اللي يرد هنا سيء وهجومي

اسواء خياط ممكن تتعامل معه تعامل سيئ وموعد تسليم غير صحيح مفصل عنده بداية رمضان وبسعر غالي وكان موعد التسليم 9/22 وجيت 9/23 ويقول باقي طيب انا بسافر!

رجعت اليوم الثاني الثوب وسخ والمقاس مهب مضبوط كلمت اليمني قال جب حسابك نحولك الفلوس،،طيب انا لي 20يوم انتظر والعيد مابقى شي ولا واح تلقى احد يفصلك ووراك سفر فحرام مثل هذا يسمى محل خياطه اروح اشتري ثوب جاهز والله انه ابرك من شغلكم

لازم ترجع له لتعديل المقاسات وكل ثوب يختلف عن الثاني في المقاس والتعامل غير جيد مع الزبون القديم للأسف خسروا زبون

التفصيل لا بأس به ولكن العمال تعاملهم سيء خصوصًا اليماني أسلوبه خطأ و ما يهمهم رضى العميل نهائيًا، واذا كان المالك يعلم بهذه الطريقة فهنا تكمن المشكلة

فصلت ثوبين استلمتها فيها بقع سودا صغيره مثل القار وواحد من الثياب مخبا الصدر مايل والثاني خرب زره

اسواء خياط واسوا تعامل ولا فيه ادارة تشكتي الارقام محد يرد عليها والعمال اخذو راحتهم ولو فيه اقل من النجمة قيمتهم

اليماني اسلوبه سيء بسبب اني عدلت الثوب مرتين ومحمد القحطاني يقول انه صاحب الحلال والله اعلم كلمته بالتليفون قال خذ ثوبك والله يستر عليك بس في الاخير انا ما فصلت الا ثوب واحد صحيح بس ب ٢٠٠ هذي حرام فيهم اخذلي ثوب جاهز اشرف لي من اني ادفع واسمع كلام يعرف ضغطي وما كتبت هذا الكلام عشان اقطع رزق احد ولكن عشان ماينغش غيري.

‏بصراحة فصلت عندهم أنا وصديقي أنا مقاساتي طلعت مضبوطة وصاحبي للأسف ما ضبطت معه لكن الحشوات كانت من أرده الحشوات ‏التي قد فصلتها أنا وصاحبي

افضل خياط قد فصلت ثيابي عنده
اول خياط على مستوى الحي و يقدم خدمات كثيرة يجونك للبيت وياخذون مقاسك والكاتولوجات الخ. اشياء تفك ازمة و الاقمشة عندهم كلها يابانية الله يوفقهم شغلهم ممتاز و كل الشكر لهم اتمنى يحافظون على ذا المستوى

للاسف ماقريت التعليقات قبل افصل عندهم معقولة ثوبي توه له شهر وتقدر تتاكد من فاتورتي وحشواته مدمورة والله لو افصل عند اطرف هندي ب٨٠ ريال ماخرب بذا السرعة

والله لست من سكان المهدية ولاكن هذا الفرع متميز عن الفروع الاخرى وخياطته وتفصيله وسعره يجبرني اجي افصل عندهم وعميل لهم من اول فرع افتتحوه بالقرب من قاعة السفارات وشكر موصول لصاحب المحل الشاب السعودي المتميز باستقباله وذوقه الراقي وبإدراته ومتابعته الدقيقه لشغله وفاله التوفيق

التفصيل زين عجبني

وتعامل زين من قبل اليماني محمد ابو سعيد
والموعد كان 4 ايام واخذته بنفس الموعد

يعطيكم العافيه

ما جربتهم لكن الاسعار مرتفعة نسبة للحي، والله يبارك لهم، وتقييمي على معايير مجهولة فعلا ً، فلست خبير في القماش والخامات، فقط مقارنة بينكم كمحل في غرب الرياض وغيركم من المحلات بشكل عام (المعايير مجهولة)

قوله تعالى: مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ [ق: 18]

س: معنى هذا أن المَلَك يكتب كل شيء؟
الشيخ: نعم يُكتب كل شيء، لكن يُؤاخذ على ما فيه الخير والشر، إما حسنةٌ يُؤجر، وإما سيئةٌ يأثم، وما سوى ذلك يُلقى.

اعاننا الله واياكم