داي إن داي - ظهرة لبن / Day N Day

You'll find all the necessary home appliances and items u need for ur apartment. And that too at a reasonable price. Good store

محل كماليات متفاوت الاسعار. كل الاقسام المنزلية والاستهلاكية. وايضا يوجد قسم علوي ملابس لجميع الفئات الاسعار متفاوته

محل كماليات منزلية، ألعاب اطفال، شنط واحذية وملابس، أدوات مطبخ، ادوات مكتبية، أدوات رحلات، وغيره.
الأسعار من جميلة في الغالب.

محل جميل فيه بضاعه متنوعه الاسعار من خمسه ريال وفوق الدور الثانيه فيه ملابس اغلبها صناعه هنديه اغلب اسعارهم ماتعدا ٢٩ ريال

اذا دخلت هذا المحل اصير كاني ماتقضيت في حياتي اصير ابغى اخذ كل شي علمآ انه يوجد محلات تنافسه بس انا احب هذا المحل

مركز متكامل فيه كل الاقسام الخاصة بالاسرة من مستلزمات شخصية وادوات المنزل وكل مايخص العائلة وملابس رجالية ونسائية واطفال وكذالك مواليد باسعار مخفضة

عبارة عن مكز تسوق جيد في تقريبا كل ماتحتاج للبيت من مواد تنظيف وملابس في الدور العلوي واكسسوارات

مجمع تتوفر فيه جميع الاحتياجيات الاساسية وكمليات وباسعار معقول افضل من هزاز وغيره من المحلات المشابه وقريب من محلات ابو خمسه منتاز لذوي الدخل المحدود

زفت زفت والمعامله زفت ايش هاد مو اسلوب في تعامل والعمال مو مظبوطين تجربه سئ حرام مكان زي كده في مجتمعنا

للأسف تم التوجه للمحل في تمام الساعه التاسعه والنصف حسب ساعات العمل الموجوده في خرائط قوقل
و وجدته مغلق

عنده تخفيضات تعتبر جيدو نوعا ما
لكن لا انصح بقسم الملابس
يعيبه المواقف قليلة
ويحتاج الى موظفين وتنظيم افضل

متجر متكامل وشامل من ملابس و أحذية و تحف صغيرة و أدوات مكتبية و بلاستيكية.
اسعار مناسبة في وقت العروض.

مكان كل المنتجات سييه الصنع اشتريت جزمه أقسم بالله العظيم ثاني يوم اتمزقت ٣٤ريال شالها الريح كمان صناعه هنديه

مركز متنوع بين ملابس ومفروشات وكماليات وألعاب المركز واسع وحتى تسأل عن حاجتك ماتلقى احد الا بعد بحث عنه أواني المطبخ تعتبر قليلة مقارنة بالمراكز المشابهة.

المكان فيه اواني تحف العاب أدوات مدرسه وملابس وأغلب الاشياء اللي يحتاجها البيت
الاسعار في اشياء سعرها حلو واشياء متوسطه

يوجد به كماليات منزليه جيده جدا والعاب ولكن في قسم الالعاب مكتوب ع اللعبتين اللي اخذت سعر وعند الكاشير سعر ولكن لاني مستعجله اضطريت اخذهم وكذلك المحل حوسه ومليان كراتين مانقدر نمر بين الارفف ولا نمرر العربيه اللي معنا وفيه الموظفه اللي عند الباب تكلم بالجوال طول وقتها بصوت عالي جدا واوقات تدور في المحل وتحكي كذلك في الجوال بصوت عالي مما ازعجني صراحه خصوصا انه صباح والمحل مافيه ناس كثير

المكان جميل متوفر فيه كل الاحتياجات لكن الكاشيرة اللي موجودة بجانب باب الدخول معاملتها جدا سيئة وبلا احترام نرجوا اعادة تأهيل العمالة للتعامل مع الزبائن بشكل افضل

المحل ذاا بطل بعض المنتجات جودة ممتازة وسعرها فرق كبير عن المحلات الثانيه الله يجزاه خير صاحب المحل ويزيده من فضله مو زي بعض التجار يحب المال اكثر من كسب الزبون وميزانيتنا مره ماتساعد وع حاجات حلوه غالية بالنسبه للباقي لاءء خير لازم نرفع سعرها ماجبناها بسهوله؛ جايبها من المريخ مسوي التجارة ربح وشطارة

بدأ بشكل كويس جدا و اسعار جيده
ولكنه استمر بالتراجع فرع ظهرة لبن بالذات
الاسعار اصبحت اغلى بكثيييير من اللي هم محددينه من ١ ريال الى ٢٩ ريال
يوجد لديهم قسم ملابس مره ممتاز قسم الاطفال جميعها اوت لت ماركات مثل زارا و اتش اند ام و اوكايدي وغيرها الكثير ذات الجوده الممتازه و السعر الرخيص
و ايضا قسم احذيه و شنط خاص فيهم ماركتهم الخاص
و ايضا اجمل البجامات النسائيه بأقل الاسعار و الجوده العاليه
اما قسم الأواني فالأسعار اغلى من المتواجد بالسوق و الجوده ليست بتلك الجوده العاليه
اما قسم المنظفات فهو فقير جدا بالمنتجات منتجات محدوووده جدا
و قسم الالعاب كبير و متنوع و اسعارها لابأس بها

المكان ممتاز ويستحق التجربة وكل شي مرتب ما راح تحتاج تسأل أحد
الدور الأرضي جميل جميل خاصة قسم الألعاب والصحون والبلاستيك عندهم خيارات جميله جدًا وقسم للمنظفات
وعندهم قسم القرطاسية رائع جدًا خيارات محدودة لكن جميله ومميزة
الدور العلوي تعجبني فيه الحقائب والسليبرز
تقريباً كل شي موجود فيه
لكن لاحظت من فترة الأسعار بدأت ترتفع عن أول بكثير

الموظفين ثقيلين طينة ولا فية احترام للزبون والتكييس على الزبون حتى لو يشتري المحل كله
الأسعار غاليه مقاربة بقبل

محل ممتاز للمستلزمات المنزليه والشخصيه ودايم احرص على انك تاخذ صناعه
اوروبيه ولا تاخذ اي شي عليه صنع بالامارات واتمنى تفتحون بالشمال ولا الشرق

مركز شامل ومتنوع لمستلزمات المنزل
من عيوبه ليس به دورات مياه للرجال والنساء ولايوجد به مسجد

زرته بعد تغطية سناب لي احد المؤثرين
زيارتي لي فرعهم في حى لبن في الرياض
١- معرض بسيط جدا جدا
٢- لايوجد اي اهتمام باالعميل وعادي تنتظر ربع او نصف ساعه عندالمحاسبه لي اجل تفيدك بسعرالمنتج.
٣- لايوجد غير عامل واحد فقط هو الملم باالاسعار واماكنها.
٤-صندوق المحاسبه لايوجد غير موظفه واحده فقط تعمل والاخرى (مشغوله بااللعب بجوالها)!
تجربه لن تتكرر ولا انصح بزيارته

مكان جدا رائع، تشكيلات مختلفه من الاحذيه الرياضيه والرسميه، والمفاجأة ب 29. ﷼ فقط، وخامتها جدا ممتازه

جاي جاي يقع في لبن واضن له فرع في شرق الرياض على ما اعتقد انا زرت المكان ماشاء الله تبارك الله بداية من المواقف متوفرة لكن ممتلئة بسبب الرواد لكن في برحة بجوارة تقدر توقف فيها ومساحة المكان ماشاء الله كبيرة وفيها منتجات متنوعه وخيارات كثيرة بداية من ادوات مطبخ وادوات منزلية ومنضفات وتحف وخردوات وألعاب أطفال إلى الملابس بجميع مقاساتها ولادي وبناتي ورجالي واسعارهم للامانه جدا تنافسية الله يرزقهم من واسع فضله دورين والدور الثاني الاحذية أكرمكم الله والملابس.

المحل بشكل عام جيد تتوفر فيه جميع ما تحتاجه الأسرة من ملابس وأداوت منزلية وألعاب أطفال وعناية شخصية لكن يعاب عليه سلوكيات بعض المتسوقين وتعامل المحاسبين والعاملين ببرود وعدم إدارة المحل

متنوع بإسعار تصل إلى ٢٩ ريال
يحوي كماليات اواني ملابس عطور منظفات وغيرها من العاب الاطفال ومستلزمات المدرسة

اليوم جيت وجبت معي طفلي عشان اخليه يختار الالعاب اللي يبيها

عبيت العربيه العاب بقيمة 300 ريال

ولما جيت احاسب العمال يادوب ساعدوني
يعني انا معي طفل كيف تبوني احط اغراضي عالكاشير و احطها بالاكياس واوديها السياره ؟؟
ترا اقل شي يسوونه عمالكم هو انهم يشيلون لي اغراضي و يغلفونها باكياس و يوصلونها للسياره!

كثيره مره الاغراض كيف اشيلها ومعي طفل يراكض وخايفه عليه يفلت ويروح لطريق السيارات

العامل اللي ناديته يساعدني قال لي (وانتي مافي ودي للسيارة)

ياليت تدربونهم انو لازم يشيلون الاغراض للسياره لو كانت كثيره حتى لو مامعي اطفال ، مثل المحلات الراقيه اللي تحترم الزبون

من اجمل الاماكن التي زرتها ويستحق ان اعود له اسعار رائعه لطبقه الوسطى والاقل ايضآ مع ارتفاع الاسعار وغلاء المعيشه في ناس ماتقدر تمشي أمورها من الرتفاع الاسعار. لاكن ذا حلو ومناسب للكل اتمنى تبقى اسعارهم كذا والله يرزق كل مسلم يراعي ضروف الناس الي ماتقدر على مجابهت الحياة ومتطلبات الاسرة يستحق الزيارة كل شئ متوفر. والله مو اعلان لاكن فعلآ في ناس تحتاج كذ اسعار عشان تقدر تصرف وتلبس عيالها من غير مايكون في كسر للخواطر ويتحسر على شئ حصله ولا قدر يشتريه لعياله عشان سعره غالي مو على قد ميزانيته. ترا مو كل الناس تقدر ماديآ

مرتب وجميل ويوجد اغلب المستلزمات الضرورية. للمنزل والمدرسة وانصح به. ولكن العمال يحتاجون تدريب على حسن التعامل مع الزبائين.

متوفر فيه اغلب الاحتياجات وأسعاره جدا ممتازة. بس للأسف العمالة عندهم جدا سيئة وسبب كافي بأن الواحد يراجع نفسه قبل يكرر الزيارة. زرته اول مافتح وزرته مرة اخرى اليوم وللاسف نفس مشكلة العمالة بعدم احترام الزبائن. حتى وضع الاغراض في الاكياس احنا الزباين نقوم فيها. اتمنى فقط تطوير العمالة او استبدالهم بعمالة مؤهلة ان ارادوا الاستمرارية

احبه لكن ينقصه الكثير من التنوع اسعار معقوله ارخص من الربيع مول مع ان الربيع تنوع اكثر لكن حبيته اكثر لمعقولية الأسعار

أسعارهم جميله، ومنتجات متنوعه من أدوات مطبخ و أدوات تنظيف و شوية اثاث و ملابس رجالي أو نسائي أيضا شفت عندهم إكسسوارات ساعات ومدري بعد. الزبده منوع واتمنى يستمرون