بضاعه المحل متراكمه وغير مرتبه مع وجود ٤موظفات وللاسف كلهم عند الكاشير مع ان الي تحاسب وحده فقط ولمانسألها عن مقاسات سواء مخفض اوجديد ردها من غير نفس هذا الموجود مافيه استغرب هالتعامل من موظفه سعوديه ليه ولاحظت بطاقات الاسماء غير واضحه ابد معلقينها منظر بس
تعامل الموظفات سيئ جداً جداً ومو متعاونات ابد دايم ردهم (هذا الموجود) يعني تبينه ولا بكيفك وليته باسلوب زين بعد حتى ما يكلفون على انفسهم يساعدونك بالبحث ، وهذي ثاني مرة اروح لهم ترجيع ويصير ماعندهم صرف ويرفضون الترجيع! شركة وش كبرها دايم ماعندهم صرف! يحتاجون دورات بالتعامل مع العملاء باذن الله ما ارجع لهم مرة ثانية وخاصة هالفرع
الخدمه من الموظفين ممتازه الكاشير ثقيل في الخدمه بشكل فظيع الاسعار مرتفعه ومبالغ فيها جدا للاسف الخامات والموديلات ممتازه لكن تحتاج مراجعه للاسعار للا يفقدو عملاهم
المحل انظلم في التقييمات مفروض ٥ نجوم لانه ما فيه ولا عيب كله ميزاته ما شاء الله: 1_خياطتهم متقنه 2_مقاساتهم حلوه 3_قطعهم نظيفه 4_لبس يواجه ولا يعرفونه حقين شي ان و زارا يعني تضمنين انه ما تلقين كل الناس زيك لابسين محد يعرف من وين حتى 5_ستايل ملابسهم أنثوي كلاسك محتشم ما عندهم لبس رخيص 6_ الخامات سميكه و ناعمه و فخمه على الواقع احلى و على البس أحلى و احلى من الصور 7_و احلى ميزه أنه برا المولات يعني تفتكين من ازعاج السوق و تشترين من محل واحد و رأسك مرتاح
للاسف ما صارت البضاعة مثل اول. زمان كنت احتار بين ٥ او ٦ قطع ايش اشتري وايش اخلي. الان اتمنى اطلع بقطعة وحدة عدله وعليها الكلام صح. في النهاية الناس اذواق يمكن غيري كثير عاجبهم المحل. بالتوفيق.
اشتريت من فرع قرطبه وقالت لي الترجيع ثلاث ايام ولما جيت ارجع رحت لفرع الحمراء رفضت وقالت (سياستي) ماراجع الا بعده بيوم وبعده تبديل سالتها سياسة الشركه ماتشملكم قالت انا هذا فرعي سياستي كذا مادري عن الفروع الثانيه وتم الارجع في فرع النسيم مشكورات ️️️ ورفضو كلامها لان الشركه وحده والسياسه وحده
يوم بتلقى قطعه حلوه صدفه وباقي الايام تلقى ملابس كنك راجع عشر سنين ورى وياليته يوفر مبالغ الاعلانات للمشاهير بتحسين البضاعه وديكورات المحل لأن حتى لو جا العميل عن طريق إعلان مدفوع وانصدم بالمعروض ماراح يرجع.
قد تجد فيه بعض. بعض المناسب! وعموما بضاعتهم مو مثل اول. اول كانت اجمل ومنوعة باناقة. مو ترقيع لون على لون. او موديلات مدري كيف. هذا رايي الشخصي. وقد يعجب بالمكان اخرين غيري. فاعذروني.
للاسف وبغض النظر عن بضاعة المحل الموظفات سيئات جدا بالتعامل والاجانب سواء رجال او موظفات فلبينيات افضل منهم بكثير. لاتنزلون حريم لسوق العمل وهم غير مدربات