سنبل للملابس

جميل صراحه دايم اذا احترت مايجي ببالي الا هالمحل صراحه فساتينه تجنن ودايم مميزه ونفس ذوقي وسعرهم معقول والموظفات يجننون الله يسعدهم يساعدوني بالتنسيق بااحترافيه الله يوفقكم وشكرا لكم ياسنبل

الملابس محدودة والاسعار لا تناسب الجودة، لا يوجد لديهم ملابس داخلية أو بيجامات.
يوجد لديهم كثير من الأصناف المخفضة وبعد بحث طويل ممكن تجدين شيء مناسب

أتمنى يرجع سنبل مثل بداياته تشكيلات واسعه ومتنوعه واسعار حلوه جداً وعمال يخدمونك
الان غير

مكان جميل ومرتب فساتينه وملابسه نسائيه فقط مع اكسسوارات خامتها وجودتها حلوه وراقيه اسعاره مرتفعه لكن وقت التخفيض مناسبه

افضل فرع زرته البضاعه خيال والموظفات قمة التعامل والاسلوب والخدمه واللباقه الله يسعدهن جميعا ومتوفر غرف قياس صراحه مرة سعيده بزيارتي لهم

المحل كبير وفيه تشكيله واسعه تناسب جميع الأذواق مناسب للي يحبون البلايز الكم الطويل للدوامات

فاضي وكبير ويفك أزمة الصراحة فساتين ناعمه وبلايز دوامات وتنانير فخمة ومتنوعة الأسعار عادية

مايستاهل حتى نجمه اسعار مبالغ فيها عباله انه زارا سلامات ونفس الملابس بسانيه والهرم بربع السعر ماعدا سوء الترتيب والموظفات مالها خلق

يقولون مفتوح الساعة 2 واروح والقى مغلق ايش الكذب هذا الناس وراها التزامات يا اما تصدقون وتكتبون الوقت المحدد لفتح المحل اولا تكتبون شي

اسعاره مبالغه فيه ينافس زارا ليت الاقمشه ع سنع ،،، اروح زارا افضل وجوده،،،، سنبل من بعد ماطلعوه المشاهير انهبل ف الاسعار

فرعهم سيء والبنات اللي فيه اسوء همهم جوالاتهم وغرف القياس يزبنون فيها وياكلون فيها واذا جت الزبونه تبي تقيس يقولون مانعين الاداره ايش الفوضى ذي اضطريت اقيس الملابس بزاوية من المحل. مديره الفرع اسمها مها بس تكلم جوال مو فاضيه تشوف الزباين وش يبون واغلب وقتها بغرف القياس واللي ع الكاشير تقولها مها لاتطولين تاكلين تعالي بطلع. وربي فوضى اربع زباين مدري خمس تضاربو معهم بنفس الوقت

بضاعه المحل متراكمه وغير مرتبه مع وجود ٤موظفات وللاسف كلهم عند الكاشير مع ان الي تحاسب وحده فقط ولمانسألها عن مقاسات سواء مخفض اوجديد ردها من غير نفس هذا الموجود مافيه استغرب هالتعامل من موظفه سعوديه ليه ولاحظت بطاقات الاسماء غير واضحه ابد معلقينها منظر بس

تعامل الموظفات سيئ جداً جداً ومو متعاونات ابد دايم ردهم (هذا الموجود) يعني تبينه ولا بكيفك وليته باسلوب زين بعد حتى ما يكلفون على انفسهم يساعدونك بالبحث ، وهذي ثاني مرة اروح لهم ترجيع ويصير ماعندهم صرف ويرفضون الترجيع! شركة وش كبرها دايم ماعندهم صرف! يحتاجون دورات بالتعامل مع العملاء باذن الله ما ارجع لهم مرة ثانية وخاصة هالفرع

ممتاز وبضاعتهم جميلة وراقية جدا أعجبني لكن الأسعار غالية شوي
وقت التخفيضات بعضها يكون معقول

البضاعه متنوعه فيه اشياء حلوه وجوده وأشياء يعني مو مررره الخامه وسعره مرتفع شوي مو على جودتها بس تلقطين قطع حلوه وخامات حلوه واسعاره بالتخفيض ماعليها

الخدمه من الموظفين ممتازه الكاشير ثقيل في الخدمه بشكل فظيع الاسعار مرتفعه ومبالغ فيها جدا للاسف الخامات والموديلات ممتازه لكن تحتاج مراجعه للاسعار للا يفقدو عملاهم

المحل انظلم في التقييمات مفروض ٥ نجوم لانه ما فيه ولا عيب كله
ميزاته ما شاء الله:
1_خياطتهم متقنه
2_مقاساتهم حلوه
3_قطعهم نظيفه
4_لبس يواجه ولا يعرفونه حقين شي ان و زارا يعني تضمنين انه ما تلقين كل الناس زيك لابسين محد يعرف من وين حتى
5_ستايل ملابسهم أنثوي كلاسك محتشم ما عندهم لبس رخيص
6_ الخامات سميكه و ناعمه و فخمه على الواقع احلى و على البس أحلى و احلى من الصور
7_و احلى ميزه أنه برا المولات يعني تفتكين من ازعاج السوق و تشترين من محل واحد و رأسك مرتاح

للاسف ما صارت البضاعة مثل اول. زمان كنت احتار بين ٥ او ٦ قطع ايش اشتري وايش اخلي. الان اتمنى اطلع بقطعة وحدة عدله وعليها الكلام صح. في النهاية الناس اذواق يمكن غيري كثير عاجبهم المحل. بالتوفيق.

اشتريت من فرع قرطبه وقالت لي الترجيع ثلاث ايام ولما جيت ارجع رحت لفرع الحمراء رفضت وقالت (سياستي) ماراجع الا بعده بيوم وبعده تبديل سالتها سياسة الشركه ماتشملكم قالت انا هذا فرعي سياستي كذا مادري عن الفروع الثانيه وتم الارجع في فرع النسيم مشكورات ️️️ ورفضو كلامها لان الشركه وحده والسياسه وحده

يوم بتلقى قطعه حلوه صدفه وباقي الايام تلقى ملابس كنك راجع عشر سنين ورى وياليته يوفر مبالغ الاعلانات للمشاهير بتحسين البضاعه وديكورات المحل لأن حتى لو جا العميل عن طريق إعلان مدفوع وانصدم بالمعروض ماراح يرجع.

قد تجد فيه بعض. بعض المناسب!
وعموما بضاعتهم مو مثل اول.
اول كانت اجمل ومنوعة باناقة. مو ترقيع لون على لون. او موديلات مدري كيف. هذا رايي الشخصي.
وقد يعجب بالمكان اخرين غيري. فاعذروني.

محل ملابس نسائية يحتوي على قطع جميلة لكن الاسعار غالية نوعا ما الموظفة كانت بشوشة و تعاملها ممتاز.

البضاعة مرات تكون حلوة ومرات تكون سيئة جدا. الاسعار جدا مرتفعة مقارنة بنوع الخام والموديل واذا جاء وقت التخفيضات يبخس سعر البضاعة بشكل مبالغ فيه

محل ملابس نسائي جميل فيه ملابس ساتره وفساتين انيقه وبأسعار مناسبه جدا وفيه تنانير وبلايز متنوعه. المحل جميل ومرتب والموظفات عسل ماشاءالله عليهم مزيدا من التوفيق.

الملابس جميلة لكن تعتبر الاسعار مرتفعه نوعاً بالنسبة لخامات الملابس بالاضافه للبائعات تعاملهم جداً سيء واسلوبهم رديء

للاسف وبغض النظر عن بضاعة المحل الموظفات سيئات جدا بالتعامل والاجانب سواء رجال او موظفات فلبينيات افضل منهم بكثير. لاتنزلون حريم لسوق العمل وهم غير مدربات

صحيح انه اسم معروف لكن الملابس لا تعجبني رغم ان نوع الاقمشه فاخره
هناك اكسسوارات جميله
الموظفات لطيفات

المحل جميل ومعروف وبضاعته جميلة

لكن الموظفة شايفة نفسها وماعندها اسلوب. وترد ع العميلة. ارجو النظر في امرها

والله حرام ادفع فلوس علي جوده سيئه من اول لبسه تطلع العيوب وتبداء الخيوط من الجوانب والاباط تتفكك نصابين واسعارهم غاليه علي ايش مدري