شركة حسم التجارية / Hassm Trading Company

ما شاء الله مبدعين أسعار ممتازه وخدمه عملاء ايضاً ممتازين واشيد بالأخ المصري المنشاوي مسؤول التركيبات جدا لطيف ومتعاون

أسعار ممتازة، وألعاب متنوعة ومتجددة، الله يبارك لهم خياري الأول حسم لشراء الألعاب لأطفالي.

ما شاء الله المعرض كبير ومتوفر أصناف كثير من العاب ترفيهيه و تعليميه الخدمة جداً ممتازة والموظفين تسهل توفير الطلب لزبائن
يستحق المتابعة *****

بصراحه رغم انه بعيد
لكن
اول ماوصلنا لقينا كل اهل الرياض هناك تبارك الرحمن
الله يبارك لكم ويزيدهم
الالعاب ارخص سعر شفته
اخذنا كمية العاب
وسياكل لدرجة اخذنا عربيه
والحساب ٣٠٠ لايدرون انها قيمة لعبه وحده برا
بصراحه جوده وتوفير
والموظفين ماشاء الله
تبارك الله لطيفين وودودين
وبصراحه الموظفين مو ملحقين بس يردون على الجميع
المواقف متوفره ولكن تبارك الله من كثرة الزباين مايدرون وين يوقفون
ربي رزقهم البركة والتوفيق الي كثير فقدوها في تجارتهم
كثير اسعارهم رخيصه محد يتعنى لهم
اشكر كل الموظفين والموظفات للطافتهم وتعاملهم الراقي مع الزباين والاطفال وطولة بالهم

شريت سيكل اطفال وطاح الكفر من ركبه الصغير رجعته من بكره مع السواق وعدلو الكفر للآسف ما بدلوه مع إن السواق كانت معه الفاتوره رجعت كذا مره من يركبها تطيح ثلاث مرات واخر مره اليوم رجعت البيت وطاح الكفر

توقعت شيء لكن للأسف رد بطيء ومايساعدونك بشيء توقعت تعال افضل بصراحه اقولهم بجي استلمها يقولون لا انا عندي مناسبه ولا عندهم نيه يساعدونك وان شاءالله مارح اكرر التجربه

ماشاءالله كل شي موجود من العاب ذكاء وتفاعلية وترفيهيه. والموظفيين كلهم بيساعدوك وتعاملهم جدا ممتاز ولبق. الاسعار مقارنه بلمحلات ارخص وكمان نفس الجوده. استمرو وليه مو مطلعيين تعليقي بلجدارية اللي على المدخل

مستودع متميز لألعاب الأطفال. أسعار رخيصة. وبضاعة متنوعة. أنصح بزيارته والاستفادة من الأسعار المتميزة.

المكان رااااائع يجنن والاسعار كمان اشتريت لولدي العاب ب ٥٠٠ ريال عربيه مليانه لعينها لو رحت محل العاب تاني كان دفعت الالفين انصح فيه ويستاهل المشوار صراحه

اسعار جدا ممتازة. وبمقارنة بعض منها اجد الخصومات تصل الى 50٪ او اكثر.

وبعض الالعاب الغالية. متوفرة عندهم بسعر مناسب وبجودة اقل. لكن لا تؤثر على مستوى اللعبة.

طيب وأسعاره معقوله الموقع يحتاج تحسين اقصد الطريق المؤدي اليه بالذات الخروج من الموقع إلى الدائري متكسر لكن الأسعار مناسبة يستاهل الزياره

مستودع جميل جدا فيه كل ماتبون من ألعاب أطفال حسب الفئات العمرية ، وادوات رياضة، وكماليات البلاستيشن من كراسي و سماعات، والأفضل بعد أن اسعاره جدا جميلة.

العاب بسعر الجملة خيارات متووووووعة تنفع مشتريات للعائلة او هدايا موجودة عربات اطفال ايضاً وقسم سماعات وملحقات جوال موظفات متعاونات جدا رغم الزحمة يساعدونك بروح حلوة
وايضاً يوجد موقع الكتروني بامكان الجميع الطلب والتوصيل جميع المناطق

بسم الله الرحمن الرحيم

للامانه المحل ماشاء الله ممتاز واشياء كثيره مفيده واسعار معقوله
والشباب والبنات السعوديين متعاونيين ومايقصرون
لكن للامانه اشتريت منهم سياره وقالوا كويسه وماتتكسر واخذته ب 179 ومدحه لي الرجال وفعلا كويسه وممتعه لكن خربت كفرات ورا من اول استخدام جيتهم يوم السبت قال تعال وسط الاسبوع افضل وب 10 دقايق نخلصه لك وغير مكلفه
جيت يوم الاثنين وعطيته السياره عشان يصلحها
قال الفني مو موجود حاليا وان شاء الله يجي بعد ساعه وماتاخذ وقت وبنتصل عليك
حاليا لهم 3 ايام ولا اتصل علي احد للاسف
مع اني والله مدخل سيارتي عند محل كهربائي يسلك ويمدد كهرب لسيارتي الخاصه خلصها لي والله ب 3 ساعات
وهذي لعبه وكفر ومسمارين له 3 ايام
مدري وش يخترع الصراحه
اتمنى يكونون حريصين ع الصيانه مثل البيع
والله يعطيكم العافيه ويرزقنا وياكم.

تحديث تاريخ ١١ ديسمبر ٢٠٢١.

الطلبات اون لاين جدًا فاااشله. اخذوا مني ١٩ ريال للتوصيل ومكتوب انه نوصل من يوم الى ٣ ايام داخل الرياض لكن للاسف مر على طلبيتي ٥ ايام وهم كل يوم يتصلون من بعد الساعه ١١ بالليل! معليش الناس دوامات واتصل استفسر محد يرد علي واتواصل بالواتس برضوه محد يرد والله ياليت على الحوسه هذي وفرت على نفسي ورحت للمحل ولا هالحوسه اللي صارت لي.

مايو ٢٠٢١

المكان كبير و الاسعار جميلة جدًا كل شي اقل سعره من اي مكان الموظفين بشوشين و مستعدين لاي استفسار والخيارات جدًا متنوعه. انبسطنا انا واطفالي وبنكرر الزياره.

رهييييييب عنده العاب البنات
والدراجات والاسكوترات
العاب تعليميه مناسبه للمواليد لين ال١٥ سنه
الاسعار مناااااسبه جدا
انصح بزيارته وراح اكرر الروحه لهم.

المكان كبير و خيارات كثيرة شامل من مواليد إلى كبار و أسعار جداً مناسبة بجودة تنافس جودة كبار محلات الألعاب

المحل ممتاز وواسع واسعارهم مقارنة بمحلات الالعاب افضل
يتوفر العاب تعليميه وذكاء ومرح لجميع الاعمار

مستودع جميل جداً
واسعار ممتازة مرره واشكر الموظفين على تعاملهم الطيب و ب الأخص موظف الإتصالات احمد عبدالله

مستودع العاب كبير بأسعار منافسه للسوق وتناسب الجميع عندهم العاب لمختلف الاعمار وسياكل لجميع الاعمار والعاب تعليميه المحل مره جميل والاجمل اسعارهم وتنوع الالعاب عندهم

للامانة تجربه جميلة وبنفس الوقت ليست جميلة لاني اشتريت مطبخ للاطفال ولكن ما قدرت اركبه ولا فيه وسيلة مساعدة مفترضا يوجد مناديب بفلوس لتركيب لانه صعب اتمنى التجاوب مع الرسالة وشكراً

مكان مميز ورائع وأصحابه يهمهم الجوده والعميل هو المكسب والأسعار تفرق عن السوق وزادهم الله من فضله

المحل جميل بما تعنيه الكلمه والاسعار فارقه عن السوق بشكل كبير وتعامل صاحب المحل تعامل راقي بما تعنيه الكلمة وحريص على ان يخرجون زبائنة راضين عن خدمتهم
الله يوفقهم ويرزقهم من واسع فضله

ماشاءالله كل شي موجود من العاب ذكاء وتفاعلية وترفيهيه. والموظفيين كلهم بيساعدوك وتعاملهم جدا ممتاز ولبق. الاسعار مقارنه بلمحلات ارخص وكمان نفس الجوده. استمرو بس مشكله المكان بعيد شوي

مكان جميييل جداً اسعار رخيصة محل شامل للالعاب "الموظفين السعوديين اخلاقهم وتعاملهم راقي جداً متعاونين و يساعدونك للحصول على طلبك بسرعه"
مكان يستحق التجربه ان شاء الله اكرر الزياره لهم

المحل ممتاز
فيه ملاحظه اليوم شريت ب940 وطلع الحساب اقل بس الحمدلله شيكت على الفاتوره وعلى الأغراض في نفس الوقت لقيت فيه قطعه متكرره ورجعت لهم وماقصرو الاخوان رجعو الباقي لي.
يصير الغلط بس لازم ينتبهون يطلع زود على المشتري او نقص على المحل وشكرا

بصراحه اسعاره رخيصه جداً وافضل من بعض المحلات اللي اسعارهم غاليه وانا والله اجي من الخرج علشان اخذ منه مجموعه من العاب للاطفال

اشكر القائمين والمؤسسين لهذا المشروع المميز. بضاعه مميزه وجوده عاليه و اسعار ممتازه جدا و لا انسى الموظفين و الموظفات السعوديبن و المصريين بمنتهى الادب و التساعد مع الجميع.

من افضل واجمل واحلا المحلات للاطفال سعر وجوده وربي ماشفتها عند غيرهم للعلم انا اجيه من برا الرياض لاني عارف المحلات واسعارهم خاصه بالعاب الاطفال دايم نار الله وكيلك لكن هذا اشتري وانت مرتاح لاني عارف السعر حقهم مره قليل

ممتاز اسعار معقوله في بعض الاصناف وبعض الاصناف مبالغ فيها وشكرا لكم موفقين يارب ويرزقكم من واسع فضله

على مسؤوليتي هنا أرخص ألعاب في المملكة وفوق هذا عندهم خصم خاص لهدايا المدارس الحكومية ولذوي الاحتياجات الخاصة.

لو أقدر احط لهم 10 نجوم ماترددت ولا لحظة حقيقه. بصراحه هم خيارك الأول في الهدايا وألعاب الأطفال.

توني جاي الاسبوع الماضي من دبي وندمت قسم بالله اني شريت من السوق الصيني كل اللي اشتريته من السوق الصيني لقيته عندهم بأقل سعر والفرق مهب شوي.

جودة الألعاب عندهم ممتازه والأسعار ماراح تلقى أقل منهم لو تلف الكره الأرضية ١٠ مرات واسأل مجرب وبحكم اني معلم واشتري هدايا للطلاب بالجمله مريت كل شركات الألعاب من الحسين الى جزيرة الطفل الى شارع السويلم الى محلات ابو خمسه والله مالقيت الاسعار اللي عندهم مدري ويني من زمان عنهم.

خياراتهم كثيره ومتنوعه وتعامل الموظفين والعاملين مميز والمستودع على كثر مافيه من بضاعه الا ان ترتيبه وتنظيمه ليس بالسيء.

السلبيه الوحيده انهم ماعندهم دفع بالفيزا. يامدى او كاش او تحويل.

شريت من عندكم لعبتين وكلها خربانه ياخسارة المشوار على الفاضي شكل العابكم كلها ابو كلب
والله لو مو المشوار اني لارجعها
لحد يتعنى ياجماعه

رخيص، بس اذا وصلت البيت راح تلقى ثلاثة ارباع الألعاب ما تشتغل أو فيها مشكلة. لا تتعب نفسك

Inexpensive, but trashy toys. Once you get home, three quarters of your toys wouldn't work. Safe your time and money.

المكان عامه جيد ولكن يوجد بعض الملاحظات وهي
@
عدم وجود لوحات إرشادية لكل قسم
@
قسم المحاسبه يحتاج لتنظيم اكثر
@
يجب ارتداء العاملين في المحل زي موحد ومميز حتى يتعرف عليهم الزبون بكل سهوله
@
قسم الصيانه يحتاج لتنظيم اكثر وتوفير اماكن لاستقبال طالب الصيانه.

زرته اليوم اغلب الاشياء مخلصه للاسف ويحتاج شوي ترتيب وياليت صاحب الشركه يكتب السناب حق المحل نتابعهم اذا نزلو بضاعه جديده

الله يبارك لكم في محلكم ورزقكم
المستودع منظم والاسعار ممتازه والالعاب متنوعه لمختلف الاعمار

والجميل متوفر العاب اطفال بعمر الاشهر باسعار رائعه

جيتهم اليوم الظهر بصراحه اسعارهم رااائعه واشيائهم حلووه
لكن حدثلي موقف غرييب لقيت واحد توقعت انه موظف سالته عن شغله قال مو موجوده وسالته اختي عن شي ثاني قال انا مو موظف! طيب شلون مو موظف ويرد علينا ويمكن رد على ناس ثانيه يعني شي مو معقووول طبعاً رديت عليه وقلتله على اي اساس تجاوب اذا انت مو موظف لكن سحب نفسه وراح

اشترينا من موقع حسم وطلعت السماعه خربانه
واذا تبي ترجع مافيه احد يرد عليك
نصيحتي للناس اشترو من محل معروف لان حسم غير مهتمه نهائيا في خدمة مابعد البيع

الاسعار حلوه. لكن الكاشير المصري اسلوب غير جيد ويكذب. قلت له الالعاب فيها حجار قال ايه. طلبت منه يطلع الحجار الي في لعبة صيد السمك قال لا هذي لازم تشريها. قلت ليش تقول ايه موجود من اول. قام يتفلسف. وهذا ابشي عيب.

- الخيارات منوعه وفريده حرفيا بمستودع حسم.
- الاسعار رائعه جدا جدا.
- العاب الاطفال جوده وتميز وسعر.
- مكان صغير مخصص للعب الاطفال.
- جميع موظفينه خدومين ورائعين.