البترول الذهبي

تجربة سيئة جدا، غيرت زيت عندهم 5w40 شيل هيليكس اغيره لي ٥ سنوات واموري تمام بعد ما غيرته عندهم اليوم الثاني الصباح شغلت السيارة طلع انواع الاصوات في المكينة شوي واختفت قلت تمام ممكن طبيعي نفس اليوم في الليل طلع مره ثانيه اليوم الي بعده طلع بعد قلت شكله من الزيت رحت شريت زيت نفسه من موزع ثاني وراحت المشكلة، شكل الزيت الي واصلهم كان مغشوش او مدري عنه كان بيخربون علي السياره اول واخر مره اجيهم، والعامل رايح يعبي موية المساحات بدون يقول لي او يسألني انا اعبيها مقطره بس عشان الاملاح يعبيها اهو مويه مدري عنها وش مصدرها!

اذا دخلت سيارتك خدمتهم سريعه ماشاءالله والاسعار ممتازه جدًا
ولكن المشكله بالانتظار زحمه السرى

مزدحم وصغير ولايوجد اي تنظيم فروعة قليلة لن ازورة فقط الوحيدة شمال الرياض
افتحو على عثمان وعلى الملك عبدالعزيز على الاقل ٣ فروع علشان الناس ما تتزاحم على فرع غير زيت تنتظر فوق ساعة بالشارع

تجربة سيئة جداً من خلال زيارتي لفرع الورود وخصوصاً موظف كاونتر 5 بعد العصر مستفز ومعاملته سيئة جداً وتكلم معي بأسلوب سيء ومستفز وتصرفاته كانت منفره جدا. بعد انتظار جاني الدور عنده لما جلست صار يتكلم تلفون لفتره بعدين تركني وراح سألت عنه زميله في كاونتر 8 رد علي بعصبية وقالي انتظر. وبعد شوي ظهر وهو يحمل معه كوب شاي زعلان وقالي روح كاونتر 7 حيث انهيت اموري وتشاهدت لما طلعت. حسبي الله ونعم الوكيل بكده ناس وكده معاملة.

من افضل محلات زيوت السياره وارخصهم في الرياض نقصته نجمه عشان الزحمه امس جيتهم قعدت ساعه ونص ماسك طابور نصيحه اذا تبي تغير زيت عندهم ارسل السواق يغيره

سعرهم يعد الاقل من بين منافسيهم بالسوق الخدمة ممتازة والعمال متعاونين وفاهمين شغلهم - للمعلومية تراهم يغيرون زيت مكينة فقط وفلاتر مكيف ومكينه فقط -

اسعارهم تعتبر الافضل بنسبه لرياض والغلا الي فيه اذا اذا سيارتك تغيير زيتها معقد يعني ماهو سهل زي مازدا وتايوتا لاتروح لهم فيه لععب في الاسعار علبت زيت 5 الاف تايتان سوبر GT قالي 16 الي بعدها قالي 14 طلع ب15 السفون قالي ب16 طلع في الكبيوتر ب25 يعني لخبططه وماينلام لايوجد مدير ينظم الفرع والدور سرا مافيه ارقام تنتظر

للأسف الشركة هذي بدأت بداية قوية واستبشرنا فيها خير.
لكن مع مرور الوقت بدأت الادارة تفقد السيطرة على الفروع وأصبح الوضع فوضى بالمعنى الحرفي للكلمة الشغل صار بطيئ والتنظيم أكثر من سيئ.
أتمنى يرجعون مثل أول

رائع ومنافس قوي في السوق. ملاحظه مهمه لصاحبها. الزحام الشديد وضيق المكان وعدم الترتيب مشكله كبيره جداً اتمنى وضع ارقام لتفادي مصادمات الزبائن مع بعضهم

المحل كبير بس مافيه غير عامل واحد فقط وماتدخل الا سيارتين جوا المحل وللاسف قعدت انتظر ساعه ونص لين وصل دوري

ماحد قالكم تصدقون الاعلانات:) والحمدلله من التجارب والنعليقات السيئه مستحيل اغير زيت سيارتي عندهم

بيت الشاورما كان جيد وكان طعم الاكل لذيذ
الان اصبح شاورما وفوال وبخاري وكل شي
والحقيقة
جربت العربي آخر مرة ماكان بالمستوى المطلوب ولا بطعمة الاول

ما يقبل الزيت من برا ، طريقة الدخول له والإنتظار مُمِلَه ومُتعبه. ضيّق وزحمه ولا يوجد تنظيم في الدخول والخروج

اهم مايميز البترول الذهبي السعر المنخفض مع ضمان المنتج الاصلي يحتاج المزيد من الترتيب نظراً لكثرة الزبائن، يجب على بقية المنافسين الاهتمام بالسعر اكثر

للاسف اذا سعر رخيص وحدمة سيئة لن يقبل بها اي شخص موقفي ان جيت انتظرت من بعد الظهر على شان اغير زيت اخر شي باقي 4 سيارات على الساعه 5 بعد انتظار حوالي ساعه يقولي بيسكر المحل طيب على الاقل تعطي الناس خبر تحدد لك عدد معين استقبال سيارات ولا فيه اي مدير ولا اي مسوؤل ينظم المكان الفكرة بس سحب فلوس ولا خدمة اقل من نجمه

خدمة سيئة لكن يميزه السعر جيت الصباح احسب القاه فاضي جلست ساعة ونص في عز الشمس اتمنى ان يلفتون النظر وزيادة اليد العمالة

اول شي الموقع صغير جدا جدا مع زحمة سيارات
ثانيا العمال يتكلمون من غير نفس ومثل اللي يقولك اذا مو عاجبك امش.
انتظرت ساعه ونص ودخل قبلي ناس وفوضى وانا صايم وما ودي فمشاكل لان عارف نهايتها بنسجن اذا ضربت احد منهم

لا يوجد ارقام انتظار ولا اي شي فوضى رسمية

في الختام ما عندي مشكلة ادفع الدبل واغير زيت في مكان محترم يحترم الزباين

تجربة سيئة ولن تتكرر

جيت الساعة ١٢: ٣٠ الظهر يوم الخميس 10 رمضان وكان قبلي سيارة بعد ما خلصت قفلوا المحل ولا كأن أحد كان ينتظرهم! اللهم اني صائم

اقل سعر ممكن تحصله عندهم
غيرت زيت 10 كم لكيا اوبتيما مكينة 2000 مع السيفون والفلتر حق الهواء ب 155 ريال وسريعين جداً لكن تحتاج تنتظر في الدور لوجود زحمة زباين

زحمه بس شغلتهم ممتاز
ما فيه ترتيب في الدور يعني انا مدري متى بيجي دوري
ولا عندهم نظام ارقام نظامهم بدائي
وحصلت كذا مره مشكله بين الزباين على موضوع الدور

فرع طريق ابو بكر. لا يوجد ارقام لكي يعرف الجميع دورهم بل عشوائي مما تسبب في خناقه بين زبونين هناك كل واحد يقول انا جاي الاول.
والعامل الي في محطة البنزين متضايق من السيارات الي توقف عنده وصاير يطردهم.
الاسعار جميله ومنافسه بقوه. لكن مكان و طريقة الانتظار لازم يشوفون لها حل. لانها مخربه الجو. تخيل تجي عشان تطاق مع الناس!

خدمة سيئة

عدم احترام العملاء
الموظف يقولك لعد ترجع تغير عندنا مره ثانيه
المشكله الي واجهتني رفض يعطيني علبه الزيت الباقيه وهي من حق العميل

لن تتكرر التجربه

Waiting for to long, bad reception I prefere Petromine for the hospitality they show for the customer

انا مره غيرت عندهم زيت مادري وش نوعه بعدها ماكملت شهر الا والزيت ناقص اول مره تصير معي
السعر رخيص العماله تعمالهم سيئ
التنظيم سئ جداً كنت ناوي اروح اليوم اغير بس شفت التعليقات السلبيه زادت. اهربووووو

افضل مكان تغير في زيت السيارة من السعر والجودة بس من حيث التنظيم سئ جدا تكون واقف في الصف حق غيار الزيت تحصل ناس يساقطون عليك

حصلت معي مشكلة وكنت محتاج نسخة من فاتورة تغيير زيت سابق عندهم. جيت للفرع العامل رفض يطبع فاتورتي وبعدها تواصلت مع خدمة العملاء مرتين وفي كل مرة يقولون راح نتواصل معك لكن لم تحل مشكلتي وتضررت جدا. قريت كذا تعليق على البترول الذهبي بأن السعر مو كل شي و الآن اقتنعت بهالكلام وراح ارجع لبترومين.

الصراحة من ازببل شركات تغيير الزيت السعودي شاف الشعبية الي جته وسلم الشغل للعمال وكل ماله يصير اسوء واسوء

ونصيحة لك ياصاحب البترول الذهبي مريت الفرع ذا وفرع اشبيليا كل واحد اردى من الثاني وترا في محلات دخلت السوق الان تبيع زيوت اصلية بسعر الجمله نفسك يعني ركز على رزقتك لان لو ظلت كذا وتعامل العمال كذا مع الزباين وتصريفهم للزباين ماراح احد يجيك وبتهش ذبان انت وعمالك

صار شغلهم تسلييييييييييك يبي يخلصك بسرعة عشان الي بعدك لدرجة أقول له انتظر حتى يوقف تنقيط الزيت يقول لي والناس الي وراك هذي كلها تنتظر! جلطني بسؤاله لعنت الشيطان وقلت له أنا مسؤول عن نفسي وسيارتي بس مالي بالناس. ميزتهم الوحيدة أن فاتورتهم الكترونية وسعرهم رخيص. ولا أنسى سالفتي صارت في فرع طريق الملك عبدالله

من أسوأ اماكن تغير الزيت خدمه سيئه الي يميزهم الاسعار بس اما اسلوب العمال و خدمتهم و التزامهم بالمواعيد سيئه و حطيت نجمه عشان بس الاسعار

‏الأسعار مذهلة ولكن يجب مراعاة النظافة والترتيب بين الزبائن والمحافظة على عمل اهم شي لا يفقده أتمنى من إدارة كل الفرح لهذه الشركة أن تقوم بتنظيم جميع فروعها

عمال بلا اخلاق تعامل زفت
جيتهم قبل نهاية الدوام تقريبا ب١٩ دقيقة ورفض يغير لي زيت وانا جيت متعني من بعيد

فوضى وسوء تنظيم وازدحام على الشارع اتمنى من الاداره النظر في هذا الموضوع ووضع ارقام او ايجاد حلول

عمالة سيئة ماترد على الاستفسار
الزيوت اللي عليها الكلام غير متوفرة
فلاتر الهواء لهيواندي غير متوفره
الزيت الموجود فرست ون وتويوتا فقط
ماخذين سمعة على الفاضي

الخدمه زباله و ليس عندهم ترتيب و فقط عاملين يشتغلون اسوى تجربه الله لا يعيدها وانا جيت على الساعه 9 بلظبط و طولو على مافتحو انا مستغرب من المالك ماشاف الانتقدات

قسم بالله توبه اجيكم عمال مافي اي احترام ولعابين اذا شاف عميل نفس جنسيته خلاه يدخل بدري. وفوق هذا كله يوم دخلت سيارتي وقلت له ابي فوكس 10w30 قال موجود يوم نزل الزيت تحت قال مو موجود ، يقول وش اسوي انا تبي تغير نوع ثاني ولا شل سيارتك سطحة. قسم بالله توبه امشي ورى اعلانات

الفرع صغير محطة ضيقه خدمة سيئة وزحمه مره بس يغيرون زيت ويطلعونك م ينفخون المكينة ويشيكون على الكفرات ،سعرهم رخيص

التعامل للاسف سيء جدا
الخدمه بطيئه جدا جدا جدا
يبدو ان خدمة العملاء لا يهمهم سمعة محلاتهم التي تتميز برخص الاسعار مما جذب الزبائن اليهم.
المركبه الواحده تستغرق اكثر من ٤٥ دقيقه لغيار الزيت!
اتمنى ان يتم تدارك ملاحظتي و ملاحظات الكثير من العملاء

للأسف وصلت الساعه ١٠: ٣٩ مساءاً و طلبت تغيير الزيت ولكن العامل رفض يغير لي الزيت بحجة ان العمل انتهى مع العلم انه متبقي فوق ٢٠ دقيقه على انتهاء وقت العمل الرسمي! هذا تعامل سيء و غير مقبول

تجربتي للمره الثانيه الاسعار ارخص من غيرهم بس الخدمه بطئيه جدا يعني من الساعه ٥ العصر تقريبا ما خلصنا الا الساعه ٧. ٣٠ او ٨ تقريبا وهذا بسبب الزحمه يعني لو يشوفون لهم اليه تقلل مده الانتظار ساعتين تقويبا انتظر

الاسعار ارخص من غيرهم لكن يعيبهم تعامل العاملين في هذا المركز ولا يوجد مدير او مسؤول طوال الوقت لحل المشكلات

العاملين تعاملهم سيء وجيتهم قبل كم يوم الساعه ٩: ٤٠ قالوا لا تعال بكرى نسكر ١٠: ٣٠ والمحل مكتوب عليه ١١ مساءً يسكرون مع العلم انه فيه ٥ مسارات وقدامي ٣ سيارات لكن مايبون يشتغلون. الان جيتهم الوقت هذا نتمنى مايقولون لي تعال بعد صلاة العشاء مع العلم ان لهم ١٥ دقيقة مخلصين صلاة ولا فتحوا!

تعامل سيء جدا من قبل العاملين في الفرع واصل عندهم الساعة 10: 10 ويقولون مانخدمك علما أن الفرع يسكر 11: 00 ولا فيه أي سيارات أمامي

ارخص محل غيار زيت. نفس الزيوت المستخدمة في جميع محلات غيار الزيوت.
عنده جميه الانواع.
الفلاتر بكل أنواعها.