ابتسامة هدية لتغليف الهدايا

المحل كمساحة مو كبير لكن مليااان
ورد طبيعي او مجفف أو دروع أو علب وأكياس هدايا وفازات وكروت للاهداءات
فيها 2 فلبينيين شغلهم سريع وعندهم خيارات جيدة وأسعار مقبولة
وممكن يصمم لك باقات الورد حسب ميزانيتك واختيارك
سبق اشتريت منهم 5 باقات ورد خلصوها في ربع ساعة ماشاء الله

الصراحه كانت زيارة مميزه للمحل من جميع النواحي من حفاوة الاستقبال
من الموظفه / الجوهره اسم على مسمى ومن لباقة الكلام الله يعطيها الف عافيه وغير كذا أسعار في متناول الجميع ومحل يستحق الزياره مره ومرتين وثلاث شكراً لكم

العامل البنجالي أو الهندي ليس مهذباً إطلاقاً والله لو المحل لي ما أخليه يقعد ساعة أخلاقه صفر مدري ليش مخلينه رغم التعليقات السابقه ضده بس الضاهر إن المحل تبعه! ؟

تجربة سيئة مع هذا المحل اول واخر مرة اتعامل معهم طلبت باقة ورد طبيعي من الموقع وصلتني باقة تفشل متواجهه ابد والمشكلة سعرها غالي وهي متستاهل الا ٢٥ ريال الورد ذابل قديم والورق اخضر صناعي وحاطين قطن مجمع مثبت باعواد شوي بين الورد الذابل الموجود مدري ايش الفكرة هل هو توفير للورد الذابل ولا استهتار بالعملاء جد بحياتي كلها مشفت مثل هالباقة الغريبة اللي صدمتني وتفشل ولو فيه أقل من نجمة كان حطيتها على الجودة السيئة لكن مضطرة لذا النجمة عشان اقدر اقيم

معليش الورد اللي وصلني ورب البيت ذابل ولونه متغير لانه قديم ماهي اول مرة اشوف واعرف الورد انا اللي شفته بالواقع بعيني مستحيل الورد جديد وثانيا بالنسبة للمكس بين الورق الصناعي والقطن اللي باعواد الشوي المفروض يوضح ان المكس معناه الباقة بيكون فيها ورد طبيعي وقطن وورق اخضر صناعي (مغبر) عشان يكون الموضوع فيه مصداقية لان كلمة (مكس) تفهم ان الوان الورد مختلفة فقط حتى الباقة شكلها بالصورة كبيرة شوي والواقع اللي وصلني اصغر كنها باقة ورد مسوية دايت معليش الملاحظات كثيرة ماهي ملاحظة وحدة. اتواصل ليش بتعوضوني عن قيمة الباقة الغالية اللي متستحق سعرها؟

(العامل البنجلاديشي) غير محترم وتعامله سى جدا جدا مع ان المحل جميل لكن وجود هذا العامل سيفسد سمعة المحل لقلة احترامه للزبائن

اللي يشتغل في المحل عامل بنغالي اسمه حسين نفسيه ما يبي يرضي الزبون ويحط اي خرابيط وغصب ترضى فيها واذا مارضيت يغلي السعر عليك، قلت له ابي كذا لون وطلع التغليف خايس على العلبه ولما قلت له غيره قام يصارخ قليل الادب رغم اني دايم اتعامل معاهم بس بعد هذي لا انا ولا اللي اعرفهم راح اتعامل معاه وصاحب المحل حاط جواله زي الزينه

بعيد عن كل المجاملات.
للامانه اثناء زيارتي لهم وجدت ان الاسعار مناسبه جداً
وفي متناول الايدي.
التعامل جداً راقي.
لديهم روح التعاون من جانب الاسعار.
اعطاء الزبون فرصه للاختيار والانتقاء.
النماذج عندهم كثيره الهدايا الافكار.
التغليف عندهم حلو وافكار متعدده.
انصح بزيارتهم.

تحياتي لكم.

ودمتم بود.

الاسعار مبالغ فيها جداً. لا انصح بالتعامل معهم. المحل (روعة كواليس) اللي قبله افضل من ناحية البضاعه الجديدة والاسعار

شغلهم يفتح النفس واسلوبهم وتعاملهم يعكس على شغلهم الاكثر من رائع افكارهم جدا مميزه واسعارهم تفرررق عن اغلب المحلات تناسب جميع الاذواق بالتوفيق لكم ونتمنى نشوف فروعكم بكل المملكه