الثوب الأبيض فرع اليرموك

للأسف جودتهم في نزول أنا أفصل من سنوات
وصار لي ٥ سنوات عند فرع اليرموك
للأسف الشديد مقاساتهم خطا
واذا كلمته قال تعال نعدله
أنا ما ابي كل شوي اعدل او اضيع وقتي وقتكم
إبي إذا جيت ثاني مره وعلي ثوبكم القديم
تعدلو عليه
مو كل مره يطلع شي خطا

أنا بنسبه لي خلاص توبه
السوق فيه اختيارات اكثر ومنافس بنسبه لسعر والجوده

لي 4 سنوات متعامل معاهم التفصيل ولا غلطه والثوب ماشاءالله نفس المقاس وماقد واجهت اي مشاكل من ناحيه التفصيل لكن فيه عيب الا وهو الاسعار غاليه شوي لاكن على شي يستاهل الصراحه

فصلت عندهم ثوبين شتويه صراحه الأقمشه حلوه والتفصيل على المقاسات اللي طلبت وبأذن الله ثيابي الجايه كله من عندهم

لي اربع سنين افصل منهم ولكن ما فيه اي مراعاة للعميل تفصيل ثوب بـ ٢٢٠! اخر مره افصل من عندهم.

رجاء اقرأ التعليق وفعله
جزاكم الله خيرا
بالله عليكم اذا كنتم الاكثر يشتكي من مقاسات،، هل فقط تخرج وتخلي فلوسك،، لو خسروا مرتين وعطوك نفس قماشك وتفصيل بلاش كان صلح خياطتهم،، خير بأي بلد ومنطق يخربون ثوبك وعادي تعال نعدله،، قل لي ايش تعدله، الواجب ياناس تعرف حقك وتضمنه،، خرب ثوب،
يعوضك،، مع اعتذار لأنه ضيع وقتك وفلوسك،، لو عرفنا حقوقنا ما انضحك علينا كذا،، يا أخي خذ ضمان قبل التفصيل،، واذا خربه اشتكي لوزراة التجارة،، لو مرة اتحدوا وطالب بحقك،، مو كل واحد يطلع ويزعل وبس، مثل هؤلاء ببلادنا ما اقصد اي جنسية اقصد التاجر اللي علي الله رزقه ثم عليك،، َلايقدر العميل حتى لو يعطيك 1000 ريال لاتروح له،،
يا اخي انتم تطلعون بلاد الغرب شوفوا كيف يهتمون بالعميل ويعوضوه،،
الجوال اذا استريته وهو خربان من جرير او امازون
يرجعون لك مالك علي الأقل
إذن ليش الثوب تخسر فيه 500 ريال
وبس يخرب وتطلع وتخليه
طبعا ماراح يهتمون لكن لو اشتكيت وطالبت بحقك راح يعرف قيمة العميل
ايش فرق تشتري جوال خربان
او تفصل ثوب خربان
ودي كيف يفكرون الخياطين،، مشكلتنا طيبتنا وعدم معرفتنا بحقوقنا
والعامل نفسه عنده عادي انت كسعودي تخسر لأنك تاجر طبعا بتصوره الغبي،، لكن هو مسكين ومتغرب،، طيب ايش اسوي فيك
تحمل نتيجة خطأك حتى لايتكرر صدقني لو جرب يدفع العامل مرة وحدة لو نص القيمة،، راح ينتبه مرة
قولوا ليش الهندي أو العربي بالغرب،، اذا أخطأ يدفع ثمن الخطأ سواء كاشير أو خياط أو الخ
ليش ببلادنا العربية لا
يا أخي عندك الإمارات لانروح بعيد صراحة عندهم مرة اعرف حقك وتقدر بسهولة تشتكي وفعلا يتم حل مشكلتك.
واحنا عندنا وزراة التجارة،، يا أخي اشتكي،، مو لأجل الإنتقام أو العقاب للعامل او التاجر،، لا لأجل نكون فعلا بلد متقدم
إذا كنا مسؤولين تتحسن الخدمات وماتكون مجرد كلام وزراة التجارة.
أرجو كلامي يلقى صدي وتعرف إنك ماتكون اناني لأجل ترى مصلحتك،، لأجل تحسن الخدمات.

جبت قطعتين قماش غاليه من برا و خيطت عندهم لأول مره ، وجايب لهم ثوب يفصلون على مقاساته يعني ماتعبتهم بالمقاسات بس الخياط
خرب الثياب وتعامله سئ لا مبالاه
انصحكم تراه مضيعه للوقت والفلوس
ملاحظه: تعامل الاستقبال جدا راقي

دخلت عندهم ما عجبوني اليمني والهندي يشاورون بعض بالسعر بعدها يقررون سعر بعدها يقولون هذا السعر طبعا من راسهم وفي واحد قاعد على مكتب ما ينظرك ولا يرد عليك محسسك انه مدير ارامكوا

وجدت عندهم أفخم وأحدث الأقمشة العملية الباردة المناسبة للعمل وللإستخدام اليومي،اما التفصيل واخذ القياس عندهم فلا مثيل لهم.
التعامل الراقي والأخلاق العالية عند مسئول المحل صدام ربنا يعطيه العافية

فصلت ثلاث ثياب اقمشه اقل من عاديه وطبعًا ياباني مثل ما قال لي … والحشوه سيئة جدًا هذا من غير التعديلات في الثوب
والله على ما اقول شهيد

وجدت عندهم أفخم وأحدث الأقمشة العملية الباردة المناسبة للعمل وللإستخدام اليومي،اما التفصيل واخذ القياس عندهم فلا مثيل لهم.
التعامل الراقي والأخلاق العالية عند مسئول المحل صدام

ممتاز جداً الى حد الان مقاساته مضبوطة بس سعره غالي التفصيل من برا ب220 والقماش من عنده ب350 ابتدائاً

يستاهل المدح اخوي صدام ما شاء لله عليه وعلى جودة الخياطه والتفصيل والتعامل الراقي و الاحترافيه

اختلفت جودة تفصيله ، وصار شرط عشان تفصل عنده لازم تجي المحل وانت لابس ثوب مستعمل وللاسف فصلت وكانت اقل من الجودة المطلوبه مقارنة بالسعر.

ما شاء الله تبارك الله … تفصيل بالمقاس وجودة عالية وسرعة بالانجاز خلال ٤ ايام فقط وجتني رسالة بالواتس ان الثياب جاهزه. داومت فيها وكلن يسالني من وين فصلت ثيابك. استقبال وتعامل طيب انصح الجميع بالتعامل معهم.

بلا مبالغة ، لا أستطيع أن ألبس ثوب من غير الثوب الأبيض

أكثر من ١٠ سنوات معهم ، ونفس الجودة والتميز لا زالوا عليه في نوعية الأقمشة وشياكة التفصيل ️

والذي يميز هذا الفرع عن غيره من الفروع وجود الأستاذ القدير والكريم الأخ صدام ، الذي أعتبره من أسباب نجاح هذا الفرع بحسن استقباله وجميل تعامله وصدقه وأمانته مع العملاء ، ويعتبر أفضل مرغب للعميل بالاستمرار في التفصيل في هذا الفرع عن غيره.

وكذلك لا أنسى الأستاذ القدير نور ، متميز في أخذ التفصيل بالدقة المناسبة ، وقد غاب فترة للإجازة ، وصار فيه مشكلة بالمقاسات بعده

آمل من المسؤولين في الشركة -زادهم الله من فضله- تكريم الأستاذين على جهودهم في جذب العملاء وثباتهم في المحل.

اسعار خياليه واشكاله واجد ماوقفت عليه مسوي نفسه انه الخياط الوحيد بالكره الارضيه لااستقبال ولااسعار.

تعامل الموظف ممتاز
السحاب حق الثوب جودته جداً ممتازه هذا الي خلاني ارجع لهم مره ثانية مع ان سعرهم مرتفع شوي

جداً الخياط هذا ممتاز واتعامل معهم لي ٤ سنوات وخاصه الاخ صدام تعامل راقي ووفاء بالكلمه وعمل مميز موفقين وان شاء الله تستمرون كذا دايم

هذا الخياط والله صار لي اتعامل معاهم اكثر من 11 سنه تفصيل ولا اروع مقاسات بالدقه والأقمشة فاخره وجودتها عاليه أنا تعاملي مع فرع اليرموك وانصح فيه وبشدة

صراحه كان شغلهم ممتاز جدا جدا جدا لكن الفتره الاخيره فصلت 3 ثياب من عندهم وكانت جدا ضيقه ورجعت ع اساس يوسعونها وتم استقبالي واستلمت الثياب برضو فيها ضيق ولا عاد بتعامل معهم

تجربه سيئه في فرع الرياض حي اليرموك.
تم اعاده الثياب بعد تسليمها للتعديل. حتى بعد التعديل لم بظبط الثوب. الحريص ع التفاصيل لاتضيع وقتك ومالك معهم

طبعاً النجمة عشان اقدر اعلق

و يشهد الله ما ظلمتهم في التقييم

والله ما يستاهلون نص نجمة أنا ودي أعرف اللي قيموا ب 5 نجوم صدق راضين عن الخياطة او تقييمات مدفوعة
اشتريت أقمشة و رحت عندهم للخياطة بناء على التقييمات و المدح و لكن فصلوا الثياب على مقاسات اتوقع انها على كيفهم حتى وقت ما لبست الثوب شكيت للحظة اذا الثياب اللي وصلتني هي لي او لا ولما تواصلت معهم قالوا تعال نعدلها بكل برود رغم انهم يعرفون انني خارج المنطقة و الفترة فترة عيد

انصح بعدم التعامل معهم و حسبي الله عليهم

اسعار مبالغ فيها ليش يقول نظام الشركة
عموما الاقمشة خامات عادية واسعار غالية مع الغسيل تبدأ تظهر عيوبها

مقاسات مضبوطه شكرا واسعارهم مناسبه واستقبالهم ممتاز شكران الاخ خليل علا اخلاقك العاليه وتعاملك الراقي

تعامل الشخص ممتاز لاكن ما فصلت ولا شي لانهم سعر مبالغ جداً جداً ولا يستحق التفصيل الشركة مبالغه جداً سلامات عسا ما شر ثوب ٣٥٠ رفضت قال ٣٠٠ قالي فصل ٤ ثياب ١٠٠٠ قلت اذا بفصل بهاذا المبلغ بشتري قماش فاخر جداً وحتى ولو اغلى ما عندي مشكله لان بتكون الجوده افضل بكثير وكذلك خياطين غيرهـ متميزين بالتفصيل لان اهتمامي بالتفصيل فقط

حسبي الله ونعم الوكيل اخذوا فلوس مني على الفاضي ثيابي رغم اني عدلتها الا نفس الاخطاء وزادت غالي عدم الدقه في المقاسات عدم الاهتمام برغبة الزبون وعدم اخترام الوقت وما قلت عالكلام اني ابي اضرهم قلته من تجربه تعيسه مع العلم فضلت عندهم وانا كنت لابس افضل الثياب اللي عندي

اول مره اجرب التفصيل عنده وكنت متخوف لان الاقمشه غاليه والصراحة تفصيل ممتاز والموظف اخلاقه عاليه.
مع الاسعار مرتفعه نوعاً ما بس اعتمدته للثياب

اخيط عنده لي ٣ سنوات اخواني واخوياي دليتهم عليه ويوم جربوه اعتمدوا التفصيل عنده واعجبهم مره وصراحه الموظف صدام اخلاقه عاليه جداً الله يوفقه
بس انهم يتأخرون في التسليم بعض الأحيان

اطلق خياط عندي ٥ سنوات اتعامل معهم والثياب تطول معي مو مثل الخياطين الثانين شهر شهرين ويخرب انصح فيهم وبقووة