بادن للخياطة الرجالية

صراحة جربت اول ثوب ابيض مضبوط ١٠٠٪؜
وسويت عندهم التجربه الثانيه ملون بطل
وتوصيتي على رشيد في اخذ المقاس يعطيهم العافيه وطاقم المحل

فصلت عندهم ثوبين قلاب والأقمشة من عندهم وتفصيلهم ماشاءالله تبارك الله ماعليه اي كلام ويستحق سعره

الحمد لله التجربه الأولى في التفصيل شغل رائع ومرتبه وسيتم اعتماده مستقبلاً ان شاء الله في كل الثياب القادمه دقيق ماشاءالله متعاونين مع الزبون والبشاشه حاضره ايضا

شهادة حق.
أفضل أفضل خياط تعاملت معه. الحشوات مضبوطة 100٪ ولا تطلع فقاعات والثوب عندي ياخذ سنة كنه جديد.

المدير: مشير. يستاهل 5 نجوم
الخياط: يستاهل 5 نجوم

تجربتي معهم تفصيل ٤ ثياب
أخذ المقاسات تمام التمام من الفلبيني
الاقمشه اخترت أقمشه توب عن معرفه وتجربه
لا عن تقييم الناس مدري وش اللي تغير مع التفصيل ثوبين من من أصل ٤ كانت كويسه وليست التوب أحسن السيء
ملاحظات: الاسعار مرتفعه بدون جوده قلابي كرتون ومع الغسيل يتغير تغير غير عن التغير الطبيعي للثياب انكماش + تغير لون
اذ تفصل مجموعه ثياب تتوقع تجلس معك اكثر من ٥ شهور كويسه مع الخياط هذا لاتتعب نفسك نصيحه
لايغرك الديكور والاضاءة اخترت اقمشه توب مدري وش تغير بعدها هل هو تفصيل من عندهم ولا تفصيل مجموعه خياطين المصيف اللي تروح لهم ثياب ويفصلونها الله أعلم
تجربه صراحه إن شاء الله لن تتكرر

اول تجربة عندهم وللامانة استقبال ممتاز واحترام وتقدير جميل جدا
بالنسبة للثياب اول مرة بحياتي افصل ثياب وما اعدل عليها
شغل ممتاز ويعطيهم العافية

من اسوء الخياطيين الي تعاملة معه لاجودة خياطه ولا جودة حشوات ولا سحابات
ياخذ مقاساتك و وتكتشف ان الثوب يختلف عن الثاني بالمقاس و ترجع له 10 مرات
وتعامله زفت
تجربه لن تتكرر
لايغركم الناس الي تمدح و الديكور

خياطته للامانه سئيه وما اظلمه اول مره خيطت عنده شغل مرتب
المره الثانيه وتعتبر الاخيره لعبو في الثياب مع العلم انهم اثنين فقط ودافع فيهم حلو الـ700 ريال كان التفصيل وسيع مره ورجعت وضيقوه مره السحّاب جودة سيئه
أتمنى يعدلو الملاحظات
التقييم ليس للإساءه وإنما لرفع المستوى

طلبت يعكسون طقاق القلاب عشان ماينتف شعر اللحية عندي ولا عكسوه ورجعت لهم ونفس المشكلة ماتغير شيء

خدمة الرجلين الاستقبال طيبة جدا،
لكن اللي ياخذ المقاسات (فلبيني) مقاساته سيئة وخدمته اسوء. الثياب كلها ضيقة والقلاب معدوم ولما جيت ارجعه قال بكل بساطة انت اخذته ولا علمتنا مب غلطتي ويشوفها كويسة فما يبي ياخذها ثانية! قمة في الاستفزاز والاستغفال!

فصلت عندهم أول مرة ثوبين، ما ضبطوا القياسات وخلوه ثوب وسييييع كأنه فستان، رحت عدلته مرة ثانية ثوب ضبطوا القياسات والثوب الثاني ما أتوقع سووا فيه شي، غير أن الحشوة صارت غير متناسقة ومتعرجة من عند الأزرار ، ويحتاج أرجع لهم مرة ثالثة وأضيع ٥ ايام ثانية تعديل السعر غالي وتوقعت تكون الجودة بنفس السعر، ترى أنا مو منافس وأبي أحارب هالمحل، لا أنا شخص طبيعي فصلت عندهم ولا عجبني تفصيلهم، تقهرني التعليقات ال٥ نجوم اللي بعضها وهمية ويتهمك أنك منافس وتبي تخرب سوقه

بصراحة جودة تفصيل اكثر من رائعه

فصلت عندهم قبل سنه الثوب ب 260
ولما رجعت عندهم افصل قبل شهر صار الثوب ب 320

نفس القماش طبعاً ، ماحبيت الارتفاع والتعذر بالضريبه

بس للامانه رغم انه رفع سعره الا اني فصلت عندهم

الحشوات المستخدمة لديهم ذات جودة عالية مع الدقة في التفصيل والسرعة في التسليم والاستقبال المميز من طاقم العمل رونالدينو ومشير وعبدالواحد.

لا تغرك المظاهر. للأسف أخذت بالتعليقات وفصلت من عندهم ٥ ثياب قبل شهرين، واتضح ان الجودة ردييييئة جدا بعد أقل من ٣ شهور استعمال. الياقات تنفخت وتعفطت، الأزرار تتكسر بالرغم من ارتفاع السعر، (اكثر من ٣٥٠ الثوب مع القماش) والقماش رديء ولا ينكوي

ممتاز واستغرب من بعض التعليقات السلبية!

واتوقع حركات منافسين مالها داعي. كل واحد بياخذ رزقه اللي كتبه الله له.

جودة التفصيل سيئه، وخصوصا بالحشوه اول مره اشوفها متعرجه من مكان الأزرار. وعند ابلاغ اليمني بالعيوب لاصلاحها يكابر يقول هاكذا طريقتنا. تحذير من جودتهم السيئه.

الاخ بشير من افضل الخياطين في اخذ المقاسات.

جوده عاليه في التفصيل
فصلت ثياب لعيد الفطر قبل العيد ب ١٠ ايام وخلصت قبل العيد يعطيهم العافيه

للاسف تجربة سيئة، التفصيل لا يستحق تقييم خمس نجوم… فصلت ٦ ثياب كل حشوات الثياب تم تفصيلها بشكل غير متناسق والمشكلة هذه ايضا بالاكمام. وبعد ما شاف الشخص المسؤول عن المحل هذه المشكلة قال هذا موديل! وبعدين يقول هذه طريقة الخياط حسسني اني ٣٥ سنة الي راحت ما كنت البس ثياب… على العموم الله يرزقهم لكن تجربتي لن تتكرر عن هذا المحل

خدمة راقية جداً. مواعيد دقيقة. الخياطة ممتازة لحد الآن استخدام اسبوع ماظهر معي فقاعات في الياقة او عند الازارير ، اتمنى الاستمرار.

أقمشة راقية من الآخر وجودة في الخياطة جيدة جدا لاحظتها في الحشوات المستخدمة انها ماتتغير بعد الغسيل يطلع الثوب كأنه جديد ماشاء الله. بالتوفيق وأتمنى يحافظون على مستواهم.

كم لي ادور خياط ومحترف في التفصيل والاقمشة ويفهم الزبون كل الشكر والتقدير الي الاخ مشير والله ثم والله فاهم ومرتب جدا في شغله وسريع واشكره كل الشكر ثوب جميل جدا وحشوات اصليه ودقه في التفصيل والقياس ومبدع واستقباله للزبون جدا جميل كل الشكر له ولمحل بادن والحمدالله انه جنب بيت

أنا تعاملت مع أفضل الخياطين في الرياض، بلان والأناقة وأردان ومشار، والله إنه في رأيي أفضل منهم.
وأسعاره معقولة جدًّا.
الله يبارك له.

ممتاز التعامل والخدمه وكذلك نوع الاقمشه المتوفره وان شاء الله خلاص راح اعتمدهم يفصلون لي على طول

انا كنت من عملاء الكثير من محلات الخياطة المشهورة حتى الآن لم أجد افضل من هذا الخياط، انصح به بشده⁦⁩

انتظرت كم يوم عشان البسه واشوف اذا فيه اي مشاكل
فصلت ثوبين شتويات من اقمشتهم. القماش والتفصيل جدا ممتاز وما عليه اي ملاحظات
ياخذون كل ملاحظاتك وقت التفصيل بحرص ويطبقونها وقياساتهم مضبوطة وحشوات الياقة ممتازة
جيتهم هالوقت فما اتوقع فيه زحمة خلص ثوبي خلال اربع ايام

جودة الاقمشة ماعليها كلام والخياطة ممتازة وانصح تسوي ثوب بروڤا بالبداية عشان تضمن ثيابك تطلع بالضبط زي ماتبي

سيئ جداً في التعامل وفي الخياطه الصراحه انا استغرب من التعليقات الموجود مديح وشكر الرجاء المن الجميع الي يعلق يعلق بصدق وشكرا
تحياتي

تعامل ممتاز وحتى مابعد الخياطة لو فيه اي مشكله يضبطها لك صحيح ان الاسعار مرتفعه شوي لكن تستاهل كل ريال تدفعه اقمشه ممتازه وتفصيل ممتاز

يعجبني في خياطتهم الإعتناء بالتفاصيل والدقه وقصة الكتف تعبت حتى لقيت خياط مثله. بالإضافة إلى نوعية الأقمشة الراقية. أسعارهم مناسبة مقارنة بمحلات خياطة أقل مستوى عن تجربة. أهم شي لايرفعون اسعارهم زيادة مع كثرة الزباين