القحطاني عالم العكوس / World of Axle

انتبهوا منهم شغلهم بدون ضمان بترجع تخرب اللي صلحوا واسعارهم جداً جداً غاليه والسعر برا ارخص اي مكان اي ورشه يضمن لك شغله هذا لا يضمن والسعر برا ارخص منههم ،، كذابين و خداعين ورجعت اخسر في سيارتي كثير رغم انها جديده

انتبه ثم انتبه.
انا قالو لي عمود الدبل لسيارة بورش يحتاج تغيير ب ١٧٠٠ ورحت الصناعية القديمه وطلع يحتاج فقط تركيب قفل العمود وكلف ٥٠ ريال

من اجمل المحلات وافهمها شغلهم جبار الصراحه رحت الصناعيه القديمة مرتين ولا عرفو المشكلة هذولا طلعو المشكله بسرعه يستاهلون

وديت سيارتي اغير ارضيه كامله وفعلاً غيرتها من الف الى ياء بعدها فيه اصوات اسفل السياره اكتشفت عدم ربط الصواميل بشكل صحيح وغير الاسعار دبل اي ورشه ثانيه ، على العموم اذا انت بايع سيارتك ومشتهي تخربها اكثر من انك تصلحها رح لهم

تــنبيـه!
إذا أردت ان تخسر سيارتك وفلوسك روح لهم جميع العاملين بعالم العكوس بصناعية الشمال فاشلين ويتعلمون على مواتر الناس لا انصح بالتعامل معاهم!

رحت للعضيب قالي تحتاج تغير الرمانات اقل شي ب1200 بدون شغل يد وجيت عند الشيخ عادل هنا حل لي المشكلة بشغل يد فقط وما كلفني اي شي الله يرحم والديه

العمل اي كلام ومعامله سيئة وأسعاره أضعاف أضعاف سعر الورش واليمني والله ما يفهم شيء لا انصح التعامل معهم والله على مااقول شهيد

افضل ورشة في الصناعية اذا موب بالرياض

كان عندي صوت بسيارتي جنسس بعد ماغيرت عكس بورشة ثانية بصناعية العاصمة قال حسبي الله عليه ذاك لازم تغير قاعدة فلجنة قيمتها فوق ٣٣٠٠ بالوكالة

مريت عند عادل اللي بهذي الورشة الله يجزاه خير وفحص وقال اللي غير العكس ماشد الصواميل
وجاء عادل وشدها وضبطها وراح الصوت

انصحكم تجون عند عادل
ولاتروحون للحرامية يلعبون عليكم
هنا الصادق الامين

السلام عليكم انتبهو ياناس والله ماذكرت الا الحق جيت سويت عندهم جلد عكوس ومقصات والمقصات ركبوها واحد من المقصات بدون صاموله والصواميل متفكهه هاذا شي خطير جدا والمشكله ماعندهم ميزان! شوفي الفديو بالله ذاا شغل! ؟

للامانه شغل فنان جيتهم أفالون وزينو العكوس ١٠٠ في ١٠٠ وجيتهم مره ثانيه ب اوبتما وكذلك ممتازه شكراً للمعلم عادل

حسن تعامل وتنظيم في الاستقبال و الدفع. وخيارات في قطع الغيار وصناعة الحلول للأعطال. الشغل ممتاز والسرعة مثالية

السلام عليكم …
الشهر عليكم مبارك …
استفسر عن أوقات العمل في رمضان ؟!
ارجو الافادة وشاكر لكم

رحت لمحل القحطاني با الصناعيه القديمه قال لي عكوس با 1500 الواحد من غير التركيب ٤٠٠ والي عندك كلها خربانه رحت لعادل واستقبال ممتاز وطلع عكس واحد الي خربان والراس فقط وغيره لي وضمان ٣ شهور

المدير سليم فنان ويطلع لك المشكلة ويوصي الفنيين على اصلاحها ومحترفين وسريعين ولا فيه فلسفه

جيت لهم على توصية مهندس أثق فيه وأعجبني شغلهم جدا
المهندس عادل قمة في الأخلاق والتعامل،،
تشخيص دقيق للمشكلة بدون زيادة ولا نقصان ،، سرعة في الإنجاز وإتقان العمل ،، اسعارهم مناسبة جدا وماراح تطلع من عندهم الا راضي بإذن الله
اتمنى لهم المزيد من التوفيق والنجاح

شغلهم ما شاءالله سريع وبأحترافيه عاليه رجعولي السياره شده المصنع واشكر الاخ سليم على حسن استقباله والشي الاجمل انه يضمنلك الشغل

لو في اقل من نجمه اعطيتهم، ركبت جلود عكوس دفعني على تغييرهم ٤٠٠ ريال، اقل من ٣ اشهر خربو و طلع كل الشحم منهم، رحتلهم قال ما نكفل شغلنا ٣ اشهر، ادفع ٤٠٠ ريال نغيرلك اياهم! خير ان شالله

ماشاءالله كنت متوقع صناعية الشمال شغلهم مو كويس والاسعار غاليه لكن جيت هاذي الورشه وتغيرت نظرتي ماشاءالله شغل احترافي والاسعار رخيصه عندهم والاهم يوجد جلسة مكيفة نظيفه

اللي مب خبير بالقطع واسعارها لازم يعرف الاسعار قبل مايروح لهم. صلحت العكس عندهم. شغلهم جيد لولا ان العامل حاول رفع سعر شغل اليد بحجة اني بجيب قطعه من برا ويوم ماحصلتها حاول رفع ضعف سعر القطعه عشانها عنده لاني مالقيت نفسها برا وكانو يقولون لي ان الجلده اللي عندهم اصليه مع انها ماتنباع اصلي برا وكل شوي له كلام مره اصلي مره ياباني مره تايلندي لكني عارف انها ماهي اصليه من الاساس

عالعموم توني مصلح العكس بجربه وبعطيهم باقي التجربه لكن نقول إن شاء الله انها تكون جيده

جبت لهم لاندكروزر تركيب مساعدات وجلب وطلعت السيارة مايله ويقول مافيها شي وطلعو لاعبين في مسمار عمود التوازن وحايسين الوزنية وحاس الهيدروليك وكلفني تصليحها قيمة التركيب

زحلقني الهندي طلع يفحص سيارتي يسوقها ويقول مافيها شي.
عرفت انه مايبي يشتغل سيارتي بحكم انها جيب دودج 2007.
في فني يمني التعامل لاباس به الإتقان بالشغل جيد.
انصح بزيارته للعكوس لأنهم خبره جيده

مريتهم قبل فترة أصلح عكس بالنسبة لشغلهم وأسعارهم عادية
أما العمالة فتقريبا كلهم جدد ومايعرفون يشتغلون صح لازم تاقف على رؤوسهم وتوجههم

لكن اللي فقع كبدي تعامل المدير الهندي مع العمال شي جدا محزن وفيه من قلة الأدب الشي الكثير كل شوي ينادي عامل ويصرخ بوجهه قدام الزباين و العمال ضعوف ما بيديهم شي

تحديث:
اشتغلت عندهم قبل أسبوع وللأمانة والذمة حصلت تغير كبير لا من ناحية العمالة وشغلهم واحترافيتهم ولا من تعامل الهندي مدير الورشة مع العمال كأني داخل محل ثاني رغم ان العمالة هي نفسها لكن الحق يقال يعطيهم الف عافية على التحسن اللي صار.

زيارتي لهم كانت في ٢٠٢١ وهي كالتالي ؛
سيارتي عمرها ١٠ سنوات من العطاء وماعمري فكرت اشحم او اشيك على العكس الى يوم حالت الحاجه الى ذلك، استقبلني الاخ عادل بكل احترام وتقدير وحدد المشكله بسرعه واقترح علي حل وفعلا ، قدر انه يصلح لي العكس و يرجعها بمستوى الجديد واختفت الهزه (الرجه) بالسياره اثناء السرعه واللي كنت اعاني منها سنين (بسبب اهمال شخصي)
حرفية عالية ونظافه. قد يعيبهم ارتفاع السعر بحكم ان ال standers عالي شوي عندهم في تلك المنطقة لكن التجربة العامة ممتازة جداً.
قاله فهد بن عبدالله

القحطاني عالم العكوس فرع صناعيه الشمال حي القيروان افضل مركز عالم العكوس متخصين عكوس وجلد مقصات لجميع انواع اسيارات اصراحه شغل مرتب مراه

الصراحة الورشة ومن فيها متعه من حيث تحديد العطل باقل تكلفه وسرعة تحديد العطل وتأكيده والتخفيض على شغل اليد اضافة الى حسن الاخلاق والتعامل الطيب من الموجودين وخصوصاً المهندس عادل شكراً للمسؤل عن الورشة والى مزيد من التقدم والنجاح اوصي الجميع بالتوجه الى هذه الورشة قبل جميع الورش ومن ثم الذهاب للورش الاخرى وستعود اليها سريعاً

السلام عليكم ورحمة الله وبركاته
بعد تجربة الورشة مرتين
الصراحة شغلهم جبار واسعارهم مناسبة جداً
ودقيقين بالشغل ومايخلونك تطلع من الورشة الا وانت راضي ومقتنع بالشغل
شكراً للتيم كامل

مركز فاشل رحت لهم وشريت عكس من عندهم مستخدم حق srt وركبوه لي وبعد فتره طلع جلده العكس الداخلي مختفله مركبين لي جلده ثانيه ورجعت لهم بعد ٥ ايام وغيروها لي واحسب ان خلاص ضبطوها لي وقفت السياره ست شهور وسافرت ورجعت شغلت السياره وطلعت فيها ورحت اغير الزيت واتفاجئ نفس الجلده جالسه تهرب ورحت لهم اليوم ونفس الكلام مركبين لي جلده مو حقت العكس وفوق هذا كله يقولي خلاص جب جلده عكس وادفع حق التركيب اللي هو ٢٥٠ ريال او ٣٠٠ وانا اصلا دافع قبل ١٤٠٠ ١٢٠٠ عكس و ٢٠٠ ريال جلد كامله الله لايوفقهم

شغلهم وجيد والقطع موجود عندهم مستعمل ولكن اخر مرة ركبو لي ذراع داخلي ملحم وهذا خطير جدا المشكله كم مرة اصلح عندهم بس الظاهر شاف السواق اللي جايه ومشى القطعه عليه

تعاملهم طيب مرة جيتهم الصباح وكان عندي عكس يوكن وفلنجة شغل اجور اليد كانت في متناول الجميع وقطع الغيار معقولة نوعاً ما مدير الورشة اخ من الجنسية اليمانية (عادل). فزع لي والله ماقصر ارجوا من الله ان يستمروا على مستواهم عندهم مخرطة واصلاح عكوس

ورشة لا يعلى عليها
اتعامل مع هالورشة من فرعهم اللي بالصناعية القديمة
سبق ان صلحت عكوس لسيارة عندهم قبل عامين ولله الحمد لم يطرأ عليها اي خراب
وهالمرة فتحوا فرع بالشمال وأصلحت سيارة أخرى عندهم توقعت فيه زيادة بالأسعار ولكن نفس الاسعار ونفس الفني سليم اللي صلح السيارة السابقة بالصناعية القديمة
انصح فيهم

ما شاء الله الشغل مضبوط واكتشفوا مشكلة الطقطقة عندي واللي شاغلتني من 8 اشهر وكل ورشة لها كلام صار فالاخير قاعدة الفلنجة مازدا cx-9 2014 فيها فضاوة وتعمل الطقطقة … شكراً يا معلم سليم والطاقم

انحش تقييمات وهمية والله مافي روسهم ، اخواني الورشه عبارة عن مدير الورشه اسمه سليم فاهم في الشغل لاكن مايشتغل ولايبغى يسوي شي زين اذا قابلك جالس في مكتب وجايبله عمال غشمان مدري منين جايبهم مافيهم الى واحد يماني اسمه عادل فاهم شوي الباقين الله يخلف على سيارتك ان طاحت في ايدهم عكس تايوتا مايعرفون يفكون بالمصارعه فكوه اجل السيارات المعقده والامريكي والالماني كيف بيسوون

نصيحه سيارتك غاليه ولا قطعها غاليه اشتر لك القطع من الوكاله ولا تصلح في اي مكان جيت وصلحت وطلعت اصوات غير الي كانت موجوده ورجعت لهم ولا فيه فايده

ماشاءالله الشغل ممتاز والامانه والسعرمناسب والضمان نفس الفني الي في الصناعيه القديمه
المعلم /محمدسليم

سويت عندة العكوس الداخلي بس حاسس ان سعرهم مبالغ فيه شويه المفروض الواحد كان يسال عند اكتر من واحد لكن نأمل يكون شغلهم كويس

افضل ورشة كان عندي مشكلة بالمقصات ومسحية بالكفر وتم اصلاحها واشكر الاخ اليمني الله يسعده رجل بمعنى الكلمة

صيانة وشغل وخدمة يعلم الله من افضل التعامل والسعر المعقول

وتستاهل البعد ولو اني جاي من مخرج ١٣ علشان اصلح العامود وكان عليه ضمان شهرين وانا مطوف ٤ شهور وقدر الوضع المهندس الباكستاني اسمه (سليم)
سراحه انصح بالتعامل معاهم ويستاهلون

سوف اتواصل معكم عندما ارجع من السفر، وراح ازوركم بالفرع، واتمنى ان يتم انصافي، وان لم يتم حل مشكلتي سوف اعيد كتابة الشكوى مرة اخرى

الله يعطية العافية. صراحة سرعة في الانجاز ودقه في العمل. انا ارسلت له عمود كردان جراند شروكي 2012لعمل له شيال. وبنفس اليوم سواه وارسله. رجل صراحة متجاوب والاهم من ذلك انه فاهم في الشغلة.

عندهم جميع انواع العكوس و جلب مقصات شغلهم ممتاز مره دايم اصلح عندهم وأنسى الموضوع تجلس احيان أكثر من سنتين

خدمة الفريق كانت جداً رائعة وسريعة واسلوب العمل نظيف ودقيق ايضا تم توفير قطع الغيار الاصلية.

استقبلني السيد سليم بشكل جميل وتفحص السيارة قبل البدء في اعمال الصيانة ايضا تابع اجراءات الصيانة بشكل جيد

قيمة الصيانة كانت ممتازة مقابل سرعة العمل وتوفير قطع الغيار

الورشة تستحق خمس نجمات بجدارة

السلام عليكم
صرحة الورشه ممتازه والفنين اكثر من ممتاز
وعندهم مخرطه وانفس العماله راعه وسعرهم ممتاز جدااا

حسبي الله عليك يالي حاط الموقع
لحد يجي غير صحيح
ضارب مشوار من اخر الدنيا وطلع مافيه شي