المصمم الباهر للخياطه

من افضل الخياطين بالرياض ابوزياد شغله تبارك الرحمن يشهد الله اخوي يعامله من فتره خياطه تبارك الله وجرببته بثوب شتوي حلو خياطه وفصلت عنده ثوب صيفي اليوم وثقتي به اقيمه قبل مايجهز الثوب تعامل يبرد القلب يكفي تعامله مع اني اول زياره له ماقلتله جايك من طرف اخوي بشوش الوجه يعامل الزباين سواسيه كلهم تعامله معهم باحترام وتقدير على فارق السن بيني وبين اخوي الا انه يعاملني مثله واحسن بعد

معليش لكن هذا شغلك، خياط سيء جالس يتدرب علي، فيه ثنين بالمحل اللي خذا مقاساتي ابو دقن، غلطة ما تتكرر

ماشاء الله محترفين في اخذ القياسات وجودة الخياطة جدا ممتازة اول تعامل معاهم وليس الاخير ان شاء الله

والله اني فصلت عنده ٣ ثياب قبل ٣ سنوات والى الان هي الافضل من بين ثيابي لكنه بعيد عني
لكن باذن الله الاسبوع القادم عنده

شغلهم ممتاز فصلت عندهم ثوبين بينهم اسبوع الثاني على أساس إنه نفس مقاسات اللي قبله لكن للأسف طولوه حبتين لكن عموما التفصيل ممتاز واسعارهم للياباني ٣٥٠ أقل شي

الصراحة أنا دايم افصل عندة وكان شغلة ممتاز ولا غلطة بس في الفترة الماضية صار تفصيلة فيه اخطأ كثير

للامانة من افضل الخياطين على مستوى الرياض ، ونادر تلقى الخياط اللي يضمن لك الثوب من اي خلل لمدة سنة وهو على اتم الدراية انك ما راح تحتاج ضمانهم ذا لثقتهم في جودتهم وحسن التفصال

نصحني احد الشباب فيه وماتوقعت التفصيل بيكون بهالدقة والجودة للامانه.
فصل عنده ولا تتردد

توي فصلت من عنده شتوي قماش جوخ صراحة ماشاء الله استقبال وتفصيل وموعد ممتاز ولا اروع ولا فيه اغلاط توفقت فيه للأمانه

اسوء خياط جربته وتعامل المصري سيئ ، فصلت ثوب كويتي يوم رحت عند الناس قالوا هذا ثوب صعيدي
وقعدنا حول اسبوعين نعدل المقاس عجز يضبطه
حسافه كل ريال راح مقابل الثياب اللي اخذتها

بخصوص ردك انكم ماتفصلون ثياب كويتيه ، كان بإمكان الخياط يقول لي مانفصل ثياب كويتيه بكل بساطه بدال الفلسفه اللي مالها داعي
وهذا واحد من الثياب الكويتيه اللي فصلتها عندهم ماتبليت عليكم انا

ارجو منك انك ماتاخذ الموضوع بحساسيه هذي تجربتي عندكم وقاعد انقلها مثل ماهي

فصلت عندهم قبل اسبوع يشهد الله انها من افضل الثياب الي فصلتها عندهم فعلا اقمشه جودتها عاليه و تفصيل جبار وتعامل الموظفين كان جميلل
شكراً لهم

بحكم تجربتي فصلت 4 اثياب سمير ميس كوري وتايواني جميله دقه بالتفصيل
واشكر الاخ المصري محمد تعامله راقي

افضل خياط فصلت عندهم بالدقه في الخياطه واخذ المقاسات بالتمام وهاذي ثاني تجربه معاهم وراح تكررر معاهم بسبب حسن الاستقبال والدقه في الموعيد مع العملاء

الخياط جداً مميز وشغله نظيف وتعاملهم طيب واي ملاحظة يتقبلونها بصدر رحب الاخوان محمد واحمد من مصر الله يعطيهم العافية ناس فاهمه الشغل وتعامل راقي مع الزبون جيتهم رمضان الماضي قبل شهرين والان مفصل عندهم اكثر من سبع ثياب واخواني وصيتهم عليه وجدا اعجبهم الله يرزقهم

فيحان الدوسري

جيتة اكثر من مرة عشان تعديلات يا طويل يا قصير وبالاخير من ثاني لبسة حشوة ااجيب صارت صفراء مفصل عتدة ٦ ثياب ولا واحد ممتاز للاسف

والله العظيم تفصيل ولا اروح و تحسن بالتفصيل بشكل رائع

كذلك نوع الاقمشة جميله جدا الله يرزقهم و يوفقهم

ما شاء الله فصلت توبين ولا اروع الله يعطيهم العافيه تعامل اكثر من اروع واحترام من ا/احمد. وا/محمد تحياتي ل اهل مصر الكرام

افضل خياط جربته جوده بالتفصيل وجوده بالاقمشه ثوب لايتغير عليك خياط رائع لكن اكثر مايميز الخياط التعامل والأخلاق وصاحب المحل دائماً موجود من حرصه على العملاء والموظفين قمه بالادب وقمه بالأتقان بالعمل (اكتب الكلام بعد التجربه الثالثه)

خياط ممتاز انصح فيه التفصيل ممتاز السعر ممتاز الجوده ممتازة اشكر المصمم احمد يساعدك ويستمع لك جيداً سرعة الانجاز التزام في الوقت اشكر صاحب الحلال للاهتمام

شكر موصول لطاقم الفريق الأكثر من رائع وشكر خاص للأخ العزيز ابو فيصل على حسن الترحيب وفن الراقي في التعامل من افضل الخياطين على مستوى المملكة

السعر بالنسبة لدقة الخياطة = غالي.
مافيه مصداقية في موعد استلام الثياب ، اعطاني وعد بانه يجهز بعد ٤ ايام وما وصلت رسالة الجاهزية الا من بعد المدة المتفق عليها = صفر مكعب.

—————-
حسبي الله ونعم الوكيل.

بكل صراحه خامه مميزه وجوده عالية جدا ، خدمه المستعجل جودته عالمية كان له اسبوع عندهم ، جهود تشكر استمروا.

الحقيقه ما ادري من وين ابدأ من حسن التعامل من زين التفصيل من رحابة وحبابة ولطافة صاحب المحل ولا حسن خلق الاخ المصري قصتيمعهم اني جاي من المدينه المنوره للعمل ومريتهم يوم الثلاثاء ورحلتي يوم الجمعهالساعه 3 العصر وفأعتذر الاخ المصري لضيق الوقت واتصلت بصاحب ادمحل اللي قدر جيتي وقالي ابشر بنجاول نطلعها يوم الجمعه واذا ما امدى بنرسلها لين باب بيتك فالمدينه وتواصلت مع الاخ المصري يوم الخميس بالليل تقريبا الساعه 9 وقالي تعال بكره العصر خذها ان شاء الله قلتله رحلتي الساعه 3 اقلاع ولجمال خلقه ولطفه هو وصاحب المحل سمحولي اخذه ثيابي بعد صلاة الجمعه رغم انهم ما يفتحون اسأل الله انه يباركلهم في مالهم وحلالهم وان يرزقهم من واسع فضله والله لو ما حصلت منهم خير طيب الخلق والنفس الزينه لكفاني شكرا جزيلاً

من يتعود على الخياطين مثل مشار والاناقه لا يفكر يجي هنا ابداً. شغلهم على قدهم ومش بطال يعني يمشي.

انتقلت للرياض مؤخراً وكنت ادور على محل يفصل ثياب ممتارة ، رحت المحل بناءً على التقييمات اللي شفتها في قوقل وبكل أمانة والله يشهد علي في كلامي. تعامل راقي من صاحب المحل. خياطة ممتازة جداً بعد تجربة اسبوعين. الحشوات ممتااااازة وهذا اهم شي في الثوب. والاسعار برضه معقولة فصلت ٣ ثياب ب ٦٠٠. انصحكم بقماش سميراميس رهيب في اللبس وبارد على الجسم. الله يرزقكم من واسع فضله

اول تجربه لي عندهم لقيت السعودي انسان يسمع منك تجاوبه طيب ماشاء الله عليه. غير كذا المصري اللي ياخذ المقاس فنان ، قله انت وش تبي وهم يضبطونك يعني فصل عنده وانت مرتاح غير كذا يعدل لك لو صار اي شي عموما تجربه جميله جدا الله يوفقهم وانا ان شاء الله زبون عندهم

محل اكثر من رائع فن في الخياطة ، والاكثر من رائع تعامل صاحب المحل علماً باني لم اقابله فقط اتصلت به حيث احرجني في تعامله الراقي.
الله يوفقة ويررزقه

فصلت عنده ثوبين ايام الشتاء ،،، اتمنى انها عندي اصورها عشان تعرفون كيف الشغل التعبان والقماش الزفت ،، نشط في النت لكن الشغل جدا سيء

افضل خياط تعاملت معاه بحياتي ، جودة و أسعار معقولة جداً ، من الاستقبال الى اخذ المقاس الى استلام الثوب تعامل رااااقي

محل خياطة رجالية متميز ونادر تحصل مثله
فصل وعدل وضبط الين ترضى وماتطلع من عندهم الا وانت راض
والاخ المصري مايحضرني اسمه صاحب خُلق رفيع
الله يبارك لصاحبه

للأسف توقعت الخياط مبدع من التعليقات ظهر لي العكس. ٢٠ يوم عشان يخلص ثياب شتوية، المقاسات لك عليها ثوب ‏عن ثوب يفرق،الحشو مع اول غسيل ظهر ان جودة سيئة

الايجابية الوحيدة سعره شبه معقول.

السلام عليكم ورحمة الله انا من جده وتفصيلي والخياطه لي بجده لكن بعد ان جربت تفصيلكم فلن افصل الا عندكم
شكرا محل متميز وجوده عاليه واسعار ممتازه
والى الامام

بمحض الصدفه. يقول الشاعر رب صدفةٍ خيرٌ من ألف ميعاد
كنت ماشي بالشارع وكلي يأس في العثور على الخياط الأمثل الذي يهتم بالتفاصيل والإستماع إلى العميل وتلبية رغباته دون تردد مع بعض النصائح من أهل الخبره "الخياط الفنااان".
في الآونه الأخيره تكون عندي تصور بأن الحلاق والخياط يقوم بعمل الشيئ الذي يفضله لنفسه ويقول لك بأن هذي الموضه الدارجه دون مراعاة رغبتك الشخصيه! بمعني الحلاق يحلق راسك كأنه راسه والخياط يفصل الثوب كأنه هو اللي راح يلبسه وهذا شيء واقع وغير مرضي لأصحاب الذوق الرفيع.

نرجع لمحل " المصمم الباهر " للخياطه الرجاليه بصراحه الإستقبال راقي من صاحب الحلال " أبو فيصل " فز ووقف يرحب أوجه تحيه لك و للخياط الخلوق " أحمد " مصري الجنسيه على طولة البال. رجال 6 أكتوبر.

صاحب الحلال في قمة التواضع وحسن الخلق هو من يقوم بعرض الأقمشه للعميل بجميع أنواعها ويشير عليك بعض الأنواع المناسبه للتفصيل السعودي. الكويتي. القطري. الإماراتي. الغزاوي. وفي النهايه لك الحريه المطلقه كعميل في إختيار ما يناسبك. وهذا إن دل على شيء فإنما يدل على حرص واهتمام صاحب الحلال أن يكون الشغل على أكمل وجه وتصحيح الأخطاء في وقتها وكسب إرضاء العميل وتكوين سمعه حسنه عن المحل مع مرور الوقت بين جميع فئات المجتمع.

تم استلام الثياب بعد 3 أيام عمل وكانت المفاجأة. صراحه ماشاء الله تبارك الله دقه التفصيل وحبكة الخياطه واستقامة الخيط في جميع تفاصيل الثوب. بصرااحه رايتكم بيضاء وتستاهلون 5 نجوم وأشوفها قليله في حقكم.

والتجربه خير برهان والله لا دعايه ولا إعلان لكن الشيء الطيب والزين لاتبخل به على أخوك المسلم.

الأسعار مررره مناسبه مقارنه بالشغل الإحترافي مع إمكانية المفاوضه على تنزيل السعر. بصراحه أحيانا السعر مايهمني بكثر أهمية إن الشغل يكون على الوجه المطلوب و الإستلام في الوقت المتفق عليه مسبقا.

تجربة أولى مميزه ، السعودي واقف على شغله والخياط المصري مميز ، وبأذن الله بأعتمده رسمي يعطيهم العافيه

استقبال جميل جداً من صاحب المحل متواجد بشكل مستمر في الفتره المسائية وهذا يدل على الحرص على الجودة.
خيارات التفصيل متنوعه.
المقاسات ماشاء الله مضبووووطه يعطيه العافيه أبو أحمد المصري

لديهم عرض حالياً بمناسبة اليوم الوطني.

ماشاء الله تبارك الله. شغل عالي الجودة والأسعار مناسبة جدًا
فصلت شتوي وصيفي. بصراحة مافيه أي تعديل ،،

المعلم احمد ماشاء الله اخذه للمقاس ملفت وجميل
كذلك التفصيل
من افضل الخياطين الذين تعاملت معهم
ليست الخياطة الاولى ولن تكون الاخيره ان شاء الله
موفقين

يستاهل الدعم لجوده الخياطه والاقمشه والاسعار معقوله جدا
والاهم سعودي وقايم على حلاله بنفسه الله يبارك فيه وله