البترول الذهبي / Golden Petrol

نجمه وحده على المكان السيئ والصغير لدرجه ان سيارتي تضررت من حديده ف الارض ماحطو قمع او شي واتصل على خدمه العملاء مايردون حسبي الله ونعم الوكيل

مركز متميز بتغير الزيوت اسعارهم فعلا ممتازة مقارنه بمراكز غيار الزيوت وشغلهم نظيف وعندكم جميع انواع الزيوت وفي عندهم خدمة تنظيف قزاز لكن بصراحه مره وحده سووها ولا عاد كرورها لكن الحق يقال زرت كذا فرع لهم ما شفت اي ملاحظات تشكرون على اهتمامك ومزيد من التقدم

العماله عندهم سيئة جدا جدا جدا و اذا كلمت احد يسوي نفسه ما يسمعك الين ما تزعجهم وشغلهم ثقيل يروح يسولف معى خويه ويجيك شوي اخر مره اجيه ولا انصح احد مايحب وجع الراس يروح عندهم

حق العميل ضائع جهاز كمبيوتر و اطلب برنت للسيارة تغيير الزيوت يقول الكمبيوتر يخزن لمدة شهر و تواصلت مع الشركة ونفس الكلام اي خدمه هذه للأسف اسم لكن الخدمة سيئة ما انصح بالتعامل معاهم!

لا انصح احد بالتعامل معهم المكينه خبطت عندهم وعمال في قمة الاستهتار والزيت اكيد مغشوش ولا يوجد مدير للفرع وخدمة عملاء بتسحب عليك بتقلك بكلمو وتسحب رفعت شكوى في الغرفه التجاريه عليهم وحسبي الله ونعم الوكيل فيهم قلتهم ببلغ الشرطه اختفو كلهم وتركو الفرع ضل واحد بقلي دوامي انتهى ما نقدر نحل المشكله ترك الباب مفتوح وقفل الانوار ولا واحد موجود كلهم مشو لي اكتر من ساعتين جوا

والله أنا كنت ابي اغير الزيت عندكم و أكون عميل لكم

لكن تعليقات الناس لا تبشر بخير و ردود المالك ع الأغلب ما هو مقتنع بكلام الناس و مقتنع انهم يكيدون له

بعد هالتعليقات ما راح اغامر بسيارتي عندهم

سؤال للمالك. هل حليت المشاكل المذكورة ؟

تمت الآن زيارة المركز مرتين
المركز ممتاز و سأكون عميل دائم لهم إن شاء الله

مواعيد الدوام
من السبت إلى الخميس
9 صباحًا إلى 11 مساءً
الجمعة
4 مساءً إلى 11 مساءً

جيبون الزيتوت بكميات قليلة عشان تغير الزيت الخاص فيهم علماً انه سبب اصوات في محرك سيارتي انصحكم بزيت اوزرين التابع لارامكو

العمالة تعاملهم سيئ و بطيئين جدًا و الحفر واجد و اللي يشتغل ثلاث عمال، انتظار سرا و زحمه على الفاضي، جبت زيت من عندي لانه مب متوفر عندهم قال ما اغير لك الا لما تشتري من عندنا!

الأسعار لا بأس بها
أنواع الزيوت جيدة

لكن التنظيم سيئ سيئ للغاية
السيارات فيه 11 مسار للخدة و لا يتم استخدام الا 3 مسارات فقط وطابور طويل في الخارج حتى الي يخلص ويبي يطلع يعاني

وايضاً تعامل العمالة سيء

لو فيه اقل من نجمة والله لاعطيه ما انصح بالتعامل مايرفر زيت كاسترول 40 * 10 ومريت كل فروعه مايوفر الا زيوت عاديه وللاسف النوع الممتاز الي ابيه ما القاه بنرجع لبترومين غالي بس كل شي موجود عنده

هو معروف لكن بعلق بخصوص ذا الفرع وش ذا العقم جهة مليانة عمال وفاضين وجهة فيها اثنين بس ولا يعاونون بعض كأن كل واحد بشركة كل جهة لها عمال لدرجة انهم جالسين على الجوال من فضاوتهم بس مافيه معاونة وحنا الضحية تأخير يجيب المرض ومرة مافيه فريون

الأسعار ممتازه ورخيص لاكن لا تنظيم ولا نضافة واغلب العمال غير محترفين الشغل المفروض يكون فيه ارقام عشان تعرف دورك ولا فيه مدير عليهم عشان تتفاهم معه

كل فرع تحصل عامل واحد شغله مضبوط والبقيه يتعلمووون في سياراتنا اذا الاداره راضيه حسبي الله عليهم انا الا في فرع الدايري الغربي مغير زيت في الصباح والعصر احصل نصه تحت السياره

اول تجربة سيئة عمال غير مبالين المفكات مو محصليننها يقعد يدور المفك ساعه تكلم معه مو معطيك وجهه كانك تغير زيت بلاش مو دافع فلوس اسوء مكان تغير زيوت شفته بحياتي ، ورحت اليوم الي بمخرج 28 10 دقايق واقف محد معطيني وجه ولا كان فيه زحمة الا 3 سيارات العماله قاعدين يناظرون فيك ولا ودهم يشتغلون ابد شغلت سيارتي وطلعت اقرب بنشري ابويمن اطلق منهم بامكان المدير او المسؤل يتاكد من الكميرات بصراحة عجيبين الوضع الي هم فيه

اسعار الزيت حلوه بس مع خدمة غيار الزيت ب11 ريال ماستفدت من السعر الزين مقارنه بالاسعار المحلات يفرق 80 هلله وفي محلات نفس السعر وفي واحد بالشرق بسعر الجمله والعماله نفسيتهم سيئه تقول يشتغل ببلاش وهذي اخر و اول مره إن شاء الله

بصراحه لا يوجد ترتيب وشغل لخبطه من يوم صار فيها عمال يمنين ونعم فيهم لكن شغالين واسطات ولا يوجد رقم تتواصل او ترفع شكوى ثاني مره اجيهم واخر مره بأذن الله

لاسف غيرت عندهم زيت حقهم وشفت ان السيارة متغيره علي وكلمت العامل يقولي معليك امش شوي ويروح ولكن يوم مشيت اقل من 100كيلو اكتشفت انه الماء انخلط مع الزيت وحاولت اتواصل معهم ماحد يرد وعمالة لاسف يوم جاء يغير الزيت قالي عليه ضمان اذا جاء السياره شي من الزيت حقنا نتكفل بسيارتك وللحين ماحد رد علي ولي اكثر من يومين اتواصل مع خدمة العملاء ويقول كلهم مشغولين لاسف

مكان اخذ من السمعه اكثر من حقه عدم الاتزام بلعمل يدل على اداره متهالكه وهاذ يدل على عدم جودة العمل يجعل انتظار الناس له دعايه لمحله كل من مر شاف التجمع وقال هاذا محل ممتاز وهو لا يعلم ما وراء الكوليس

العمالة غير مدربة وما تعرف شي ويلعبون بالسيارة لعب والمفكات سالفه ثانية ساعه يدورون عليها ولا يعرفون مقاسات السيفونات
اخر زيارة لي

اسواء تعامل من حيث نظافة المكان والعمال وتعامل العمال ولا يوجد عليهم لا رقيب ولا حسيب ساعه وعليها ويتمايلون ويتمطالو في زبائن المحل حسافه

كان من قبل ممتاز
اما الان فاشل
عمال متماكرين
اداره فاشله في الفرع
اصواط العمال إلا الشارع يتصايحو
مافيه مدير عليهم

ماقد رحت لهم لكن كل ما اشوف تقييم العملاء في جميع الفروع مايشجع اني اروح لهم سوء معاملة العمال وعدم التجاوب مع العميل واغلاق المحل قبل الموعد المحدد وطرد العميل اللي له نص ساعة ينتظر خدمة عملاء ضعيفة او سيئة جداً

الفرع هذا العاملين فيه جدا تعاملهم سيء جيتهم وفيه دينا تنزل اغراض وكلهم ينزلون قرابه 5 عاملين ماكنه فيه زبون عندهم للعلم انا لوحدي بالفرع مافيه غيري يغير الزيت ، اقلّه واحد يخدمني لكن انتظرت قرابه ٢٠ دقيقه عشان يجيني العامل ويغير لي الزيت

للاسف الاعلانات عطتهم اكبر من حجمهم وطبعاً يقولك سعر دبل اللي في الاعلان ، غير الزحمه فنصيحه لك دور غيرهم ، لا سعر زين ولا خدمة زينه

مكان غير مزحم عكس الاماكن الاخرى لفروع البترول الذهبي.
يعيبه عدم المهارة والخبرة.
ارجو متابعة الغيار والوقوف معهم على كل نقطة.

مريتهم بعد العشاء مباشرة ومالقيت الا اثنين ، طبعا كنت ابي شخص يتاكد لي اني ملبق صح فوق الحفره ومالقيت ، المهم اشتغل شغل الشوارع لعدم الاحترام والمشكله انهم يناظرون الموظفين وماهمهم احد ، البترول الذهبي اجيه عشان سعره وخدمته ، وفقدنا الخدمه ، جاري البحث عن بديل

اول تجربه لي واخر تجربه
حرام والله هل الامكانيات كلها ووجود عماله مبتدئه
ياصاحب الحلال نصيحه
حلالك ان بقى على هل الوضع صدقني راح تخسر
عماله جديده وماتعرف تشتغل وفوضى عمال من جميع الجنسيات وكلهم مبتدئين
للأسف الشديد لن اكرر زيارتي له وزيارتي لهم كانت بسبب الحصول على فاتوره عشان ضمان الوكاله
غيار الزيوت الي في المحطات افضل منهم
نصيحه اخ ياصاحب الحلال حلالك راح يضيع ان بقى على هل الوضع وشكرا

العماله غير محترفين + اهمال يسحب عيار الزيت يمسحه بيده ويرجع يرجعه مره ثانيه ويده فيها غبار ويرد العيار للمحرك علمن ان فيه فوط مخصص لعيار الزيت ارجو الانتباه من العاملين …

عماله غير مدربه بدون ترتيب وبدون اشراف …. محلات اخواننا اليمنين حتى لو سعرهم اغلى بس احترافيه اكثر …. انحش خاصه الفرع حق الدائري الي في لبن افضل بمراحل
Cc لادارة البترول الذهبي … الحقو مشروعكم
نجمتين علشان السعر فقط
وبالتوفيق

سيء جداً الان من يوم تغيرو العمالة وهو سيء الزيت مغشوش والسيفون يقول اصلي وكالة وهو سيفون هندي وتايواني وخدمة سيئة لأبعد درجة ورقم الشركة مغلقة وحاطين اعلان انهم هم الافضل ورب البيت ما شفت أسوء منهم حتى الاسعار تغيرت لدرجة اني اخذت الزيت من برا ارخص من عندهم بالعربي كذابين وخدمتهم وعملهم سيء والعمالة اسوء منهم كل واحد يهرب ما يبي يشتغل! ؟

أنا أول مرة اغير عندهم ، العامل تحس أنه يشتغل من غير نفس
وفيه عامل إخر حاط وشم عقرب في يده وقرط في أذنه بصراحة كرهني أني اتعامل معهم مرة ثانية

انا غيرت زيت وفلتر عندةفرع الدائري الغربي وبعد اسبوع لاحظت بتهريب زيت وراجعت ورشة سيارات وافادني بأن المشكلة من تركيب وطريقة تركيب الفلتر وأنصح بعد الذهاب لهم خدمة سيئة وعماله سيئة (ردآ على المالك. لو العمالة مدربة وتثق في عملهم كان ماخليت الضمان يوم واحد بس بس حسبنا الله ونعم الوكيل كانت مكينة سيارتي بتروح فيها بسببكم

خدمه سيئه جدا جيت عندهم وسحبوا علي كانهم مايشوفوني ابغا اتكلم مع الموظفين كلا ينطلني على الثاني للاسف اتمنا تحسين الخدمه بشكل افضل

نجمه وحده وتخب عليه جيتهم تعامل سيئه ما فيه زيوت متوفره يحدونك على نوع واحد جيتهم قبل لا يفتحون وجو ناس بعدي وقدموهم وانا سحبو علي شركه تعبانه عماله رخيصه

لا انصح به
قد تسببو في اعطال اكثر من سيارة
قله في الاحترافيه
والمكان مهمل جدا

ياناس من أسوا الفروع دايم ياماعندهم سيفون ياماعندهم زيت
والعمال متحطمين ومالهم نفس يشتغلون وسوء تنظيم وركبو لي مره زيت ماهو بحجم الكثاقه ومره ماعرفوا يركبون الصاجه نصيحه لااحد يزورهم

اسعاره ممتازه وعميل عندهم لي اكثر من سنه بس مافي فرع تعامل عمالته سيئ كثر هذا الفرع وتوقعت اني اتحسس لكن شفت التعليقات كلها تشتكي منهم اتمنى انهم يحلوّن هذي المشكلة ولا راح يخسرون سمعتهم في هذا الفرع خصوصاً

اسعارك مميزه وعملك جبار من تجربه اكثر من فرع ولكن:

العماله في هذا الفرع سيئين وليسو على اعلا مستوى كما تذكر ما عدا واحد القصير اضنه هندي ممتاز اما البقيه يتعلمون ولا يوجد اهتمام

يفك الفلتر ويخليه فاتح ويفك غطاء المكينه برضو ويخليه فاتح وينضف فلتر الهواء من الغبار مما يتسبب اوساخ على فوهة الفلتر والمكينه
ايضاً فك الصاجه اللي تحت للجيوب لايفقهون فكها
تحسه يمشي شغل.

للأمانه عمل هذه الشركه عظيم وممتاز لنا كا مستهلكين فكونا من جشع التجار الاخرين ولكن احرصو على العماله داخل الفرووووووووع وبذات هذا الفرع.

للاسف هذي اول تجربه لي واتوقع الاخيره،، العامل في الفرع اللي حول مخرج 28 اسمه ابراهيم غشني كنت ابي زيت شل هيلكس قالي مافيه، مافيه الا هذا وانا مضطر وبعد التأكد والسؤال قال هذا موجود بس! فخليته يغير ثم لمحت في المستودع الزيت اللي ابي قلت موجود شل هيلكس هناك. قال لا لا هذا مهوب اللي تبي!
عقب ماكمل وجيت احاسب دخلت المستودع ورحت شفته ووريته اياه قلت هذا هو كيف تقول مافيه. وبكل برود يرد علي ويقول كلو سيم سيم مافي فرق! اتمنى تحاسبونه وتنتبهون لعمالتكم. هذي ذمه.

حطيت نجمتين لرخص السعر،، لكن الرخص ليس مبرر للتلاعب

الاسعار جمليه
لكن راح اذكر بعض العيوب التي واجهتها ولاحظتها اتمنى صاحب المحل متابعتها وحلها.
اولاً/ وهو الاهم راحه الزبون (لا يوجد استراحه)
وكأنهم فقط يبحثون عن المال باي وسيله جميع المداخل مجهز للسيارات.
ثانياً/ كتمه ولا يوجد تهويه كافيه وغير مكيفه.
ثالثاً/ المكان يفتقد لمستوى النظافه غبار بكل مكان ووصاخه يفترض وضع عامل خاص يتم تنظيف المكان بشكل مستمر.
رابعاً/ شغل العمال بارد في استقبالك ويتسحب ولا كأن فيه زبون.
رابعاً/ عدم التدقيق بالشغل فلتر الهواء لم يتم تركيبه بشكل صحيح واكتشفت الشي هذا بعد مالاحظت اختلاف بصوت بالسياره اذا دعست بنزين وكان المكينه فيها شي وعند الوقوف لاحظ فتلر الهواء غير ثابت ولم يتم تغطيته وكان يطلع صوت عند اي دعسه.
خامساً موجهه للزبائن / اصحاب السيارات والعامل يشتغل حاول تنتبه وتراجع الشغل معه لازم وضروري تدقق.

يااستاذي الكريم رحت فرع نجم الدين وحصلت الزيت بترومين A1 خلص
وطلعت الفرع اللي على الدائري الغربي ودخلت وحصلت سيارات منتظره ونزلت سألت العامل فيه نوع الزيت قال لي فيه بس السيفون مافي
وانتظر نص ساعه والناس صايمه ولما جاء دوري يقول لي خلص
اتمنى الاهتمام بتوفير جميع انواع الزيوت

لابأس فيهم
ينقصهم قليل من الخبره
أسعارهم جيده
وجدت الزيوت غالبيتها مخلصه لم اجد الا نوعين من الزيوت لديهم

خدمة مخيسسه ولا فيه احترام حاطين 10 حفر مافيه الى 4 شغالين فيها وبطيئين جاي اعير زيت ولا اغير فحمات انا ساعة عشان اغير زيت

بخصوص السيفون لي اسبوع ادور عليه في الفرعين نجم الدين و الديري الغربي غير متوفر هوندا اكورد ارجوا من الاداره عدم بيع السيفون بدون تغيير لأن أكثر من واحد يجي ويأخذ ٥ أو أكثر وتجي تبغى تغيير سيفون وزيت ولا يوجد سيفون وتضطر إلى عدم التغيير وشكرا لكم

الأسعار جدا مغرية سيفون جيب هيونداي ب ١٠ ﷼ سوبر جي تي الأبيض ب ١٢ ﷼
المحل نظيف و شغلهم سريع يعطيك فاتورة
العامل الفلبيني اللي اشتغل سيارتي كانت نفسيته تعبانه مدري وش بلاه لكن اهم شئ عندي السعر والجودة ينقص المحل غرفة انتظار للعملاء الصيف مقبل

خدمه جدا ممتازه باداره المصري والله انه ذو اخلاق هذا اخر تغير من شهر تقريبا
لكن للاسف امس غيرت زيت والوضع تغير ولا يوجد تنظيم يعني من سبق لبج دخل اربع سيارات قبلي وانا انتظر والزيت علي الارض بكل مكان ولا يوجد نظافه والعمال كل واحد يصرفك للتاني ارجو التعديل
بالنسبه للاسعار جدا ممتازه باقل من سعر الجمله الله يوفقكم فرع نجم الدين

اسعار الزيت ممتازه لاكن العمال يحتاجون مراقبه واداره. وانت ياصاحب الشركه اشوف ردودك على التعليقات حاط كل اللي يعلقون غلط وانت الصح
وجميع التعليقات ضد العماله اما الاسعار فتشكر عليها خياليه. لاكن ماهوب معنا انك حطيت سعر ممتاز ومناسب تخلي العماله بدون ولي. ياخي انا زبونكم قبل الاعلانات وكان شغلكم تمام وخاصه فرع نجم الدين لاكن من عقب ما اشتهرتو الحق ينقال العمال سيئة رضيت ولاقعدت. الزبده الله يوسع لك في حلالك لاكن خذ اراء الناس ولاتتجاهل وتغرك ثقتك في العمال وحتى تمسيح الزجاج مايسونه

حط اداره وجلسات للزبائن وربط بيانات فواتير سيارات الزبائن بجميع الفروع

وشكرا

سيارتي جمس غمارتين. مافيه ولا حفرة اقدر اوقف فيها. كلها موتري يصير نازل من ورا!
بعد ماطلعت من فرع الدائري الغربي ورحت على حسب كلام العامل لنجم الدين. أيضا مافيه حفرة مناسبة. الصورة بنجم الدين

يا اخوان الحذر الحذر لايغركم السعر
للاسف الشديد العماله هنا يتعلمون في سياراتنا
اولا: فلتر الزيت كان العامل بيركب فلتر غير حق السياره

ثانيا: فلتر الهواء العامل يتعلم التركيب
مو معقول انه يجيبون عماله يتعلمون بالشكل ذا
.

يا عزيزي الفلتر اللي كان بيركبه العامل يسبب مشكله للسياره ومتاكد من كلامي

ثاني شي العامل مو بس غلط بفلتر الزيت حتى فلتر الهواء كان بيركب فلتر اخر وانا مستعد اجيك للمحل ونراجع الكاميرات لذلك تاكد من عمالتك قبل ما توعينا بالتثقيف طال عمرك
وقبل لا انسى ترى غطى الفلتر حق الهواء جيت اساعد العامل في تركيبه
الموضوع مو اني اعذرب في محلك بالعكس
لكن التنبيه واجب واتمنى منك يا استاذي الفاضل المثقف ان يكون تعاملك راقي مع ملاحظات العملاء
وشكرا