اسواء فرع وموظف الكاونتر محمد الحسي كذاب قال بيعطيني طلب جديد وخلاني انتظر ربع ساعه وبالاخير اخذ طلب بارد ،ويقول هذا جديد! ؟ مدري شايفني اهبل والا ماعندي احساس واحس بايدي! ؟ وحتى رقمهم المجاني اللي عليه الشكاوي مايستقبل ابد مكالمات ،،، وسيتم رفع شكوى للامانه او الجهه المعنيه
الصراحة انا مصدوم من حاشي باشا رحت فرع فيه لحم غنم بس قالي يبي له نص ساعه و جيت فرع المصيف قال لي ما في لحم وقفناه طيب و قائمة الطعام اللي متكلف و حاطها للزباين وش وضعه و انا اجيك عاني من بعيد صراحة غش و هذي اخر مره ادخل فيها المطعم هذا
شكوى بخصوص كاشير فرع المصيف دخلت قبل صلاة المغرب بعشرة دقائق اطلب طلب فتم رفض طلبي من قبل الكاشير معتذرا انه وقت صلاة فخرجت من المطعم. مطاعم الرومانسيه تطلب محلي بأي وقت ما يرجعون زبون انا مش جاي اطلب ببلاش
1- يتميزوا بكبسه الحاشي المظغوط وعندهم دجاج مظغوط وعندهم نوعين من الاورز الابيض بدون بهارات وفيه البني هذا مبهر وبنسبه للطعم والذاذه اعطيهم 9 من 10 ، والدجاج تفوز على اللحم في الطعم ، الاسعار مناسبه جداً كغيرها من المطاعم المختصه بالكبسات.
2-انجاز الطلب فيه بعض الاوقات يكون مزدحم وتاخذ من 10 دقايق الى ربع ساعه لكن اطلب بالتلفون ويجهزوه لك حتى وتوصل لهم. (ملاحظه الهاتف يطولوا مايردوا كرر عليهم واتمنى من المطعم يكون للهاتف اهتمام اكبر
3- نظافه وديكوره المحل والترتيب وعامل النظافه اعطيهم 10 من 10.4 - التعامل مع الزبائن اعطيهم 9 من 10 جيد جداً. (تقييمي للفرع هذا فقط لاني جربته باقي الفروع لم اجربها)
مطعم ممتاز وجودة عالية لاكن يعيبة المواقف الخارجية اتمنى يلتفتون لها + بالنسبة للطعام اطلب من المباشرين كذا مره فلفل مع الاكل يقولون مافي. اتمنى توفيرها
كانت افضل وجبة حاشي ممكن تذوقها، وللاسف من شهرين تقريبا اكلنا فيه 4 مرات وكل مرة اللحم بكون ناشف وللاسوأ وبخبر الشغيله في المطعم ولكن لا حياة لمن تنادي.
سيء جدا اولا الرز ليس كامل الاستواء ثانيا لا يوجد طعم بهارات واضحه عليه او تكون خاصه به ثالثا والاهم هو انه لايوجد لحم على الطبق عند الطلب بل نسبه ٦٠% منه عظام لماذا هكذا يتعاملون مع العملاء طبعا حتى لا يخسرون المال وليس من المهم لديهم خساره العملاء ويشهد الله علي اني ما قلت غير الصدق وانا محاسب امام الله بهذا الكلام. وقد زرتهم المره الاولى نفس الكلام والمره الثانيه ايضا نفس الشيء. وقد تعاملت مع مطاعم اخرى مثل الرومانسيه ومطعم كبسات وقد كانوا افضل منه بكثير جدا من ناحيه الطعم والاستواء و لايوجد به نسبه عظام كثيره واتمنى اني افدت الجميع واتمنى لكم التوفيق
مطعم يقدم وجبات الرزمع لحم الحاشي والرز المبهر والدجاج المطبوخ. مطعم نظيف فيه جلسات عربية نظيفة ومرتبة. أسعاره معقولة والوجبات مشبعة وكمية اللحم في الوجبة ممتازة. الطعام ذو مزاق مختلف لما يحويه من البهارات. وبشكل عام مطعم مميز. وتجربة جديدة. لابد من تكرارها إن شاء الله.
تجربه سيئه ،، جداً جداً الخدمه بطيئة ولا يجود احد لاخذ الطلب استغفال العميل ، قدمو لي طلب ماهو طلبي بدون ما يقولون شي ،، وانا اللي سالت قال ،، والله خلص في هذا بس! طبعا مافي اي ملحقات مع الطلب لا سلطه ولا حتى بصل وليمون ولا شطه ،، مكان فخم بس عمال سيئين جدا ،، وحتى بعد ما اكتشفت الاستغفال مافي احد منهم حتى اعتذر ،، ثقافة رضا العميل معدومه ،، رميت الطلب عليهم واخذ فلوسي ومشيت ،، حتى الاكل اللي جابوه شكله يسد النفس ،،
******بعد رد المالك: ******* الحين بدال ما تعتذر تجيني بصورة المظلوم؟ يعني اكذب ؟ شوف هذا اكبر دليل انه اخر همك رضى العميل ،، ماني قطاع رزق انا لكن يجب ان يقال الحق ،، نصيحتي لك عد النظر في طريقة التعامل لان الدين معامله ،، مو حافظ آية تقولها وما تعرف مته تنقال! انا ماكذبت ،، نفس الاية موجهه لك ، احتَرم تُحترم ، ما اشره ع التعامل في المطعم دام الادارة كذا.
مطعم فيه مصري حط في بالك اكل بايت مطعم فيه يماني انتبه من الوسخ ويمكن مستشفى مطعم فيه تركي او سوري يمكن تاكل حمار ميت متبل مافيه مثل اكل البيت انتبهو ياناس
غالي جدا والجلسات مفتوحه على بعض كانك في مطعم على خط سريع ولحم الحاشي قليل جدا مايوازي السعر المدفوع ٤٩ ريال يعني ٥٠ ناقص ريال على اربع قطع لاتسمن ولاتغني من جوع تبا للدعايات
الطبخ جميل ولكن الرز ناشف ولو يكون يكون ناضج اكثر لكان ألذ ، وأيضا هناك تفاوت في طعم الكبسة وجودة لحم الحاشي بين الفروع ولكن وجدت ان فرع طريق الجامعه أفضلها
زرت حاشي باشا بعد توصيات كثيرة ، بعض الأصدقاء اخبروني ان المحل من أفضل محلات الكبسة في السعودية. طبعًا هؤلاء الأصدقاء مدحوا فروعه في مكة المكرمة. وجدت هذا الفرع ورغبت في تجربته.
طلبت منهم كبسة حاشي باشا لحم وكبسة دجاج نفر ، أخذته سفري. التغليف ممتاز بعلب قصدير. الغريب بالرز انه يميل الى اللون البني تقريبًا. لا اعلم هل هو نوعية الرز او ان البهارات كثيرة معه. نوعية الرز المقدم "رز مزة" وليس "بشاور" لان حبة الأرز منتفخة وليست طويلة.
بالنسبة للطعم ، فهو لذيذ وأعطيه ثمانية من عشرة ، وفي رأيي كبسة الدجاج اطعم من كبسة اللحم.
في فرعهم هذا لا يوجد قسم عوائل واعتقد في جميع فروعهم في المملكة. يوجد قسم كبير للأفراد في الدور العلوي ، مقسم الى عدة أقسام ، على شكل مربعات معلقة بجلسات ارضية. ويوجد جلسة كبيرة جدًا لو كان عدد الأشخاص كبير. أيضًا في القسم الأرضي يوجد مكان للجلوس والأكل ولكن بدون حواجز.
يوفر المطعم انواع من السلطات لمن يرغب ، تستطيع اختيارها اثناء الطلب ، وكذلك يقدم مع الطلب "الدقوس". أيضًا يوجد لديهم عند الطلب بسبوسة تستطيع طلبها بعد او قبل الأكل.
ختامًا المطعم انصح يتجربته وأخذ فكره عنه. واعتقد ان الشريحة الكبيرة من مجتمعنا السعودي المحب للكبسة راح يعجبه طعم الأكل عندهم. فقط ملاحظتي الوحيدة هي على لون الارز المائل للبني هل هو من البهارات ام ان نوعية الأرز هي السبب.
The food was great, loved it. However, the service wasn't that great, especially during meal where you might need to scream or get up to find someone who can help you.
المضغوط لذيذ لكن كمية الرز قليلة المفترض يبيعون ربع دجاجة مع رز اقل وسعر اقل او يزيدون الرز مع ربع دجاجة بنفس السعر مشكلة يكون عندك ناس ماياكلون الدجاج والصحن نصه دجاج
مطعم ممتاز ونظيف يقدم وجبات الكبسه دجاج ولحم الحاشي الأسعار بالنسبة للحاشي مبالغ فيها لأنهم يحطون نفر قطع صغيرة من الحم لا تستحق السعر المطلوب و ياليت يكون فيه أعاده نظرا في السعر اوفيما يوضع في النفر من الحم.
المطعم بشكل عام نظيف ومرتب والاكل جيد جدا ، جربت لحم الحاشي جيد جدا ولكن يحتاجون الى الانتباه للرز حيث لاحظت ان كمية الزيوت فيه عاليه نوعا ما. كمية اللحوم قليلة مقارنة مع السعر.
المطعم كويس بس فيه عندي ملاحظة ، جودة اللحم مرررة سيئة ،، اخذ نفر حاشي وكان اللحم سيئ واسود ، فروع حاشي باشا الاخرى يكون اللحم جدا طري وجميل. Meat quality was very bad, I would suggested to get chicken instead of the meat.
المكان هادئ و نظيف. الجلسات واسعه الطلبات غير متطابقة في عدة زيارات التجربه مضغوط حاشي تقريبا 5زيارات مرة واحده كانت الكميه جيدة والطعم لذيذ مرات مختلفة الكميات أقل واختلاف في مستوى النضج. الزيت كثير. أنصح به مع شرط التوصيه على الكاشير في حالة أي ملاحظة يتكنسل الطلب