مدارس الرواد الأهلية الروابي

(الحمامات كلها فيها سب وريحتها كنها ريحه زريبه غنم وش ذا والتدريس نوعاً ما كويس لاكن في مراقب غثني بحياتي مشخصنها معي مراقب فصول ثالث متوسط وثاني متوسط فوق ما انه مكحل عيونه كنه البليهي ينافخ ونفسيته زي وجهه كرهني بالدراسه الله يكرهه بنفسه كل ماشافني يقعد يقول علي قل صح ثانياً زي ماانتم شايفين المقصف الاشياء اللي فيه تعبانه وذاك اليوم اخذت فشار زبده طلع خربان واسعاره نار وشرار ويبيع شورما وفلافل على ذا الصبح ونااشففه اذا دخلت الفصل تحس انك داخل مطعم من الريحه ريحه ثوم تصرع المصروع وبس)

يعني فرع اشبيليا ارخص من الفرع ذا ليش ؟ رغم المبنى المتهالك واذا سألتهم قالو جودة المدرسين وذي السنة شالو يمكن فوق الاربعة من نخبة المدرسين ولا عوضوهم

بكتب تجربتي ، حطيت بنتي في قسم رياض الاطفال ، المبنى قديم لكن الفصول ماعليها وكانت معلمتهم رائعه.
بعدين دخلتها الابتدائي وكل سنه تزيد الرسوم.
المبنى قديييم ومتهالك والبنات يطلعون لفصولهم وينزلون على درج خارجي كنه درج طواريء ، الله يحميهم حنا الكبار بصعوبه نطلع وننزل منه. الساحه حااره ، عدد الطالبات في الفصل الواحد كأنك في مدرسه حكوميه ، بعضهم وصل الى 28 طالبه ليه ؟ افتحو فصول جيبو معلمات. المعلمات بعضهم رائعات لكن الله يعينهم من الضغط. متخيلين ان التسميع يكون في الواتس؟ الحكومي ماسووها!
من الآخر مدرسه همها مااادي جداً جداً. ملعب مدرسة البنين يجيب الهم قديم ويصلخ حر. يعني بصراحه لو يرجع الزمن ماحطيت بنتي فيها ، بنفس رسومهم القى مدرسة مبناها جديد ومهتمين اكثر.
النجمه فقط عشان المعلمات جيدات.

اولاً المبنى ليس مثالياً (بيت مستاجر)
ثانياً الابن نجح بتقدير ممتاز بنسبة١٠٠٪؜ ولم يحصل على شهادة تفوق (نفس اي مدرسه او وحده تعليميه بالعالم)
ثالثاً اجراءات النقل من المدرسة معقدة
رابعاً مستوى التعليم فيها متوسط الى ضعيف

انا بدرس فيها من صف اول من صف ثانوي و تخرجت وكان في معلمين شاطرين انا حبيت مدرس وا في مسابقات و رحلات في حفظ قران

اول شي الحمامات وصخه جدا و المعلمين مو محترمين و لازم يصيرو محترمين و اتمنى تنظيف الحمامات

السلام عليكم ورحمة الله وبركاته اما بعد
ارجو منكم الاهتمام بصديقتي لانها تدرس عندكم اتمنى درجاتها تكون كامله مع البونس أيضا ويا ليت تخففون واجبات عليها جزاكم الله خيرا وإلا قيمتكم نجمه وقد اعذر من انذر
ومع السلامه

السالفه صارت قبل سنوات وللحين الموضوع بقلبي لكل ام تبي تسجل طفلها روضه في هذي المدرسه تسمعني كويس. انا كنت مسجله طفلي في روضتهم تاخرت عن تسديد ترم بس يوم واحد! لما جيت اخذ طفلي لقيته ضايق صدره مره وقاعد لحاله ويشوف اصدقاءه يلعبون وحاطينه لحاله مايسوي شي طول اليوم متخيلين محد دق علينا ناخذه ولا شي! هذا الاسلوب فيه انعدام رحمه تدرسون تخصص رياض اطفال ٤ سنوات بالنهايه كذا تعاملكم مع طفل ؟؟؟؟؟ اذا هذا كله عشان تاخرنا يوم عن تسديد ترم فيعني انهم مايهتمون بالطفل ابدا ولا يهتمون بمشاعره حسبي الله ونعم الوكيل للي حسسته بذاك الشعور رغم ان السالفه قبل سنوات بس للحين مانسيتها من كثر ماشفت ضيقه بوجه الولد وحسيت لازم الكل يدري

اقسم بالله مدرسة فاشلة انا بالثنوي وقسم بالله حاطين لنا كراسي تمهيدي مدري ابتدائي ومرة مهي مريحة تقوم كنك متكسر و الرسوم غالية جدا والنظافة والحمامات الله يكرمكم قذرة لأبعد درجة والله ما انصح فيها و على هل المبلغ مايمشون دراجات واذا ماخذت الكتب من اول يوم تنتظر اسبوعين عشان يجيبون لك اللي ناقصك مافيها تنظيم والوكيل كل اسبوعين متغير واذا جيت بستأذن وانا تعبان مايطلعون مع اني خليت أهلي يكلمونهم يخلوني اطلع والمكيفات حاطينها على 25 درجة وكتمة اكثر من مرا كلمناهم عن المكيف يسلكون لنا والمكيف كل يومين خربان والحمامات الباب يقفل عليك معد يفتح وبخيلين بالمنظفات والصوابين اقسم بالله الصابون يحطون كم قطرة ولاستاذ حسام بدران الله لايوفقه هو اللي صعب علي الرياضيات

المدرسه زي الزق مرااا خايسه والمبنى قديممم والمدرسات ينرفزون واستاذه اروى اذا تشوفين تعليقي كلي زق نجمه وحده كثيره عليكم

والله العظيم وربي علي شاهد انها اسوأ مدرسة وحسافة كل ريال دخل عليهم بنين ابتدائي تحفيظ. سيئه تربوياً وتعزيزياً وادارية فاشله ، ولكن بعض المدرسين بذكر الاسماء رووووعه لهم جزيل الشكر وخالص الدعاء ولكن مكانهم غلط بهذه المدرسة للاسف ، طلعت ولدي متاخر للاسف ياليت طلعته على طول

المتوسط كله سب والحمامات وصخه الجدار كله سب وصخ ما فيه حمام الى به سب والمراقب اذا حطا عينه عليك ما تستانس طوال السنه والوكيل كل شوي يتغير ويجي اسوء منه ذيك المره صارت سالفه بالمصلى و وقفونا و ودونا لم الوكيل وقال روحو صلو يوم رحنا نصلي قال المدرس وقفو ولا خلانا نصلي يوم خلصو صلى قال يله صلو وبعض المدرسين عندهم اسلحه يقعدون يجلدونا فيها والسعر غالي وانصح بالحكومي احسن و حسام بدران يوم درسنا رياضيات صارت الرياضيات صعبه وبس

قسم البنات: تخرجت منها من الثانوي من 4 سنين ️، تأسيس صح ويجهزونك للجامعة من ناحية كرف ومن ناحية مشاريع وغيره ، على انهم كرفوني الا اني احمد ربي الف مرة اني درست فيها️ الانقليزي دخلتها أولى ثانوي ماافهم فيه شي وطلعت الحمدلله مستواي جيد الى جيد جدًا.
مدرسة رااائعة️
بس للامانة ماادري الحين كيف مستواهم.

مدارس ممتازة من حيث التعليم وجودته ونظافة البيئة التعليمية فشكرا للقائمين عليه ويستحقون أكثر من خمسة نجوم ولا عزاء للمغرضين الذين يحاولون تشويه هذه المدارس لأغراض شخصية.

مدارس رائعة تعليميا ومبنى بقيادة مدراء مميزين على رأسهم أ. خالد الغنام والأستاذ -مهنا العنزي وفقه الله مدير قسم الابتدائي تحفيظ وأولادي يدرسون فيها

مدارس مميزة إدارة ومعلمين ومبنى متوفر فيه بيئة جاذبة فشكرا للجميع بلا استثناء وأنصح بالتسجيل فيها وأنتم مطمئنين

عندما يحالفك التوفيق يهديك الله الى من يعلم أبنائك بكل أمانة وإخلاص ولله الحمد وفقني الله لتسجيل إبني الوحيد في مدارس الرواد لتحفيظ القرآن الكريم كانت تجربة رائعه شكرت الله عليها وسوف يستمر إبني في تلقي الدراسة هناك بإذن الله خاصة في تواجد مديرها الاستاذ الرائع مهنا محمد العنزي الذي تجتمع فيه جميع الخصال الحميده التي تجعلك مطمئن بأن إبنك في أيادي أمينه يساعده الاستاذ الرائع أحمد السعدني وجميع المعلمين الرائعين في هذه المدرسة التي أجزم بأن مثيلاتها نادرة اليوم فلهم كل حب وتقدير وإحترام كثر الله من امثالهم وجزاهم الله خير الجزاء بما يتحملون من التعب والمشقه من أجل إخراج جيل من أبنائنا نفاخر بهم الأمم

مدرسة التحفيظ الابتدائي ماشاء الله لاقوة الا بالله. بيئة ممتازة للتعلم والتحفيز والتشجيع

لاعجب فقائد المدرسة فضيلة الشيخ مهنا العنزي وفقه الله وكذلك الوكيل الشيخ السعدني متميز جدا

سيئه جداااا انا دارسه فيها من التمهيدي الين ثالث متوسط لما جيت انقل بس عشان علي مبلغ مادفعته وجبت لهم ورقه ان عندي عجز وراح ادفع لهم خلال وقت معين لاكن رفضوا ينقلوني وقفلوا علي الدروس يعني لاهم الي خلوني ادرس ولا الي خلوني انقل جلست ثلاث اسابيع لين مازقت معي ورحت طلعت الي بداخلي والحمدلله نقلوني حاليا بالثانوي بس حبيت اقول قبل لاتدخل بنتك انتبه منهم البنات الي فيها يستقون علينا ولما نشتكي يسكتون ولايقولون شي القوانين تتطبق على الضعيفات غير انه نشتكي على المدرسات بس مايتحركون ولا يتكلمون اذا اخرت الدفع يمنعون الطالبه تدخل الدروس! الحمامات مااحكيلكم عن وصاختها ولا حتى ريحتها ما كأننا ندفع فلوس ماكلفوا على نفسهم يشترون ديتول وينظفونها!

اول شي سيئه مره منزمان و انا ادرس فيها الحمامات وصخه و فيهم بخل مو طبيعي يعني الشخص الواحد يدفع لكم مبلغ و قدره باخلين علينا ب شويه معقمات و تنظيف ؟؟ و الاداره مهب فاهمه اي شي اطلبهم باسووردي بنظام نور يصرفوني ايش الفايده طيب ؟؟

اول شي الحمامات وصخه جدا و المعلمين مو محترمين و لازم يصيرو محترمين و اتمنى تنظيف الحمامات الطالب منصور التركي

مدرسه حيل جميله درست فيها تحسونها صدق بيتكم الثاني و راحه و بنات عسل و معلمات كمان بس التدريس مره مو حلو بس فيه استاذه جداً تدريسها جميل و شخصيتها تدرس تفسير و قران و مواد دين اسمها سارا الهزاع اشكر جهودها استاذه الكل يتمنها و ما في احد يكرهها و كل الي راح يروحون هناك راح ينبسطون عندهم المكيفات و الطاولات حلوه و عندهم الصبوره الذكيه صح المدرسه تحسوها قديمه بس حتى و هي شوي قديمه تضل جميله و زي ما قلت كانها بيتكم الثاني

ممتازة ك اشراف بالنادي الصيفي لكن الدراسة ما درست ابدا فيها ولكن البرنامج بالصيفي لا بأس بها بالاستراحة فيه سوني ٣ وسباحة وبعض الاحيان فيه كرتية وبعض الاحيان مافيه ، مهتمين جدا جدا بالصلاة وبعض الاحيان يتكلمون عن الصلاة والمسبح حاطين حديد بحيث انه محد يقرب للمسبح وهو مب سابح وله باب يسكر ويفتح والمصريين الموجودين كويسين مع الكويسين (بنين)

مشكلتها حنا بالفصل ٢٥ طالب بالابتدائي
والحمامات وسخه مررره والعمال قاعدين مايسوون
شي والمبنى قدييم والمكيفات تهف هف علينا نموت من الحر والسعر بالسنة ١٤ الف ريال والله حررام

غاليه في رسومها لكن مستواها ممتاز, مدرسة في قمة العطاء التعليمي والتربوي, درست فيها ابنتي وتفوقت والحمد لله على مدى 6 سنوات, يستاهلون كل خير

مباني متهالكه
التدريس لا بأس فيه
النظافه صفرر
المكيفات سيئه جداً
الفصول مزحمه او المدرسه كامله مزحمه الفصل يوجد فيه ٢٥ طالب مكيفات خربانه الفصول مكتومه
الاداره كلمانهم لكن لن يستجيبوا لنا للاسف
المختصر بالكلام المدرسه غير مهيأه
عموماً المدرسه البيت الثاني للطلاب لكن بهذا الشكل والتعامل سيخسرون الطلاب والسمعه.

القسم الثانوي

مدرسة مبناها جدا سيئ وخصوصا الثانويه والحمامات غير نظيفة والبيبان مكسرة والطاولات والكراسي سيئه والمكيفات خربانه لها اشهر جدا وغير مناسبة للطلاب والله نجمه كثيرة عليهم بس المعلمين ممتازين ماشاء الله ام الباقي زباله وانتم بكرامة يعني مدري وين يودون رسوم المدرسه لاصيانه ولا اهتمام

الكاشير واحد والشبكه مره تسحب وعشره لا
تمسك سرا ساعه كامله عشان تسدد!
غالين عالفاضي

مدرسه اعلى من العاديه ب شوي الاداره زباله تشتكي على مدرس يوقفون معه ويحطون الغلط عليك كلهم مصاريه الرسوم غاليه

سيئه مره من مدرس الى مدير لا احترام ولا تقدير ولا سبورات تشتغل زي الناس والمراقبين اذا حقدو يكذبون يقولون هذا مخرب الكمبيوتر

أنا أدرس فيها والحين بالثنوي و المعلمين مره ممتازين بس الرسوم مبالغ فيها و كمان المقصف غالي فطيره ب ٣ ريال سلامات ما اشتري من المقصف ابدًا و الحمامات ما ادخلها الا للوضوء فقط لان الحمامات سيئه جدًا و الباب لازم يصلحوه علقت اكثر من مرتين بالحمام بالنسبه للفصون نظيفه بس عندهم دورة التحصيلي ١٠٠٠ ريال مره مبالغ في غير الرسوم المدرسه و الباص فيه كمان تقويه ٣٠٠ ريال للمواد مره مبالغ فيه بسبب المقصف و الحمامات و الرسوم نقصت ٣ نجمات اما التعليم حلو ويشرون بكل جهد وتعامل المدرسين على حسب التعامل الطلاب معهم وبس اتمنى يساعد تعلقي الكل لانه من تجربتي المعلمين شرحهم كويس بس الطلاب ما يهتمون للشرح و اغلبهم يغيبون كل خميس ليه؟؟؟ مدري وبس هذا كل شي و اخيرًا اخر ترم لي و اتخرج منها ️"

مدرسة مستواها جدًا هابط والمعلمات مستشرفات وعصبيات ولايساعدون بالدرجات ولا حتى شوي حتى المبنى قديم ومرقع وادفع ٢٤ الف على ايش ؟ لامبنى زي العالم والناس ولا يساعدون بالدرجات كاني بحكوميه اروح حكوميه واوفر على نفسي احسن لي انا انصحكم ماتدخلونها وتضيعون فلوسكم تبون مدرسه اهليه شيلو الرواد من راسكم التدريس جيد لكن مافي مساعده بالدرجات وحتى لما نطلع من البوابه يدققون علينا بالعبايه كاننا يهوديات يعلمونا كيف نتحجب ونتغطى الاهل هم اللي عليهم هالشي مو انتم ف بليز لاتتدخلون بعباياتنا ولا حجابنا لانه هذا شي راجع لي وعباده بيني وبين ربي وشكرا.
وايضا اضافه: مدرسات العربي (ثانوي) اخيس شي مايعرفون يفهمون لما اخذ درس لازم ارجع البيت افتح اليوتيوب عشان افهم واذا اشتكينا عليهم يطنشون وبالعكس يستانسون على اللي تجيها شكاوي يحسبونها تعرف تتصرف مع البنات وهي ياخالفن لك الله.