خرائط ودروب / Maps & ways

مريت المحل و كان صاحب المحل موجود ابركب خرايط على النافتيل اخذه صاحب المحل وركب خريطة سيئة حقيقة و فوقها طلب ٥٠ ريال طبعاً رحت لمحل ثاني ضبها لي

تجربة جميلة، كنت أبحث عن فاصل للكشافات ولا حصلته إلا عندهم، والتركيب تم باحترافية وجودة عالية من ناحية لحام الأسلاك والعزل، أيضاً نزلت الخرائط على شاشة الوكالة واشتغلت بدون مشاكل وفي أقل من 5 دقائق.

شكراً لكم وموفقين يارب العالمين

بكل صراحه ايي اتكلم:

المحل عادي جداً
الاسعار خياليه والشغل عادي جداً ولايوجد إحترافيه
الاسعار مبالغ فيها وبصراحه عندما كلمته ان ينزل من السعر لايقبل ولايتفاوض ابدا
العماله عاديه
انصح الجميع الغرابي ارخص والمحلات كثيره لكن لاتنسى الفاتوره ولدعمي ركب اناره جانبيه 100 ريال لها سنتين في الغرابي من احسن مايكون لكن هم عندهم سعرها فوق 200 ريال نصيحه من اخ صادق لكم الغرابي ارخص وافضل وبدائل اكثر

للاسف انتظرته يفتح من ساعه والموظف اللي بالمكتب طلبت كمره وطلعها لي وطنشنا وخلص اللي بعدي وقلت له خلصني وتكلم باسلوب غير المتوقع للاسف متعني اكثر من 210كم اللي يبي يجي يستخير

اكثر شي عجبني الدقة في العمل واخلاصهم في تقديم افضل جودة ممكنه يرغب فيها العميل. غير اخلاقهم وتعاملهم الراقي. وبنسبة للملاحظات السعر فقط نوعاً ما غالي

للأسف رحت لهم العاملين ماعرفو يركبون لي ليد بار كل واحد يرمي على ثاني يقول هذا يعرف انا ما اعرف

رحنا له نبي الشغل النظيف
لما اشتغل زي ابو يمن جرح اسلاك ولا عزل ولا يحزنون بالمختصر مايعنانه
وعفاشت شغل وتأخير

محل جيد جدا مختص بتركيب وتمديد لمبات السيارات الخاصة بالرحلات وكذلك يوجد لديهم تركيب فاصل مانع الانزلاق (التراكشن) ٢٢٠ ريال.
يتميز بوجود عدة أنواع وأحجام من اللمبات (الليد) الأبيض والكريمي بجودة عالية.
كذلك يوجد لديهم أشكال متعددة وأنواع مختلفة من الفواصل وبأحجام مناسبة حسب الحاجة.
أيضا يتميزون بخرائط الصحراء التي تعمل على الأقمار الصناعية دون الحاجة للإنترنت والخاصة بالأماكن والمواقع البرية ويتم تركيبها على الجوال ب ٦٥ ريال تقريبا او شاشات السيارة والسعر للسيارة ١١٥ ريال.

أشكر الأخ ابو سارة صاحب المحل رجل محترم وخلوق وخدوم حتى لو أسعاره غالية شوي لكن شغله يشفع له بصراحة ما شاء الله تبارك الله. أسأل الله لنا وله التوفيق

كل شي عندهم مميز هو النصح ولا الادب ولامن الاخلاق في ابوسارة ولا من جودة الشغل والدقة والسرعه في الانجاز الاسعار اشوف انها منطقية لجودة العمل والقطع جيت بدون حجز الساعة 4 العصر ومشيت اذان المغرب وانا مكمل شغلي كامل ونقضت شغل غيرهم الي بحجز 6 ايام

ماشاء الله تبارك الله. الرجل صاحب المحل رجل امين وناصح وصادق ويناظر المصداقيه قبل الماده يفيدك ويعلمك وينصحك بدون مقابل. بيض الله وجهك. يعطيك العافيه والله يكثر من امثالك وجزاك الله خير. وبالتوفيق لك يارب

ابوسليمان صاحب المحل رجل محترم وودود واحمد مصطفى محل كل شي جي متخصص في خرائط البر وتجهيز كهرباء السيارات

ركبنا عندهم زر قفل الابواب المركزي للراكب، غالي لكن يستاهل كل ريال لاخلاق المالك العالية والعمال

تعامل راقي من صاحب المحل تجاوب سريع مع أي استفسار او سؤال. منتجات ذات جوده من تقديري اكثر من جيده. انصح وبشده التعامل والشراء منه.

انا محمل برنامج خرائط النفيتيل من عندهم من قبل وجيت احدث وطلب سعر ٧٠ ريال وقيمة تنزله جديد ١١٥ ريال الفرق ٤٥ ريال هل يعقل أكثر من نص سعره
لو ب ٢٠ او ٣٠ ممكن

الله يبارك له ، رجال واقف على شغله وعماله مؤدبين جداً ، ونصيحة عطهم مجال يشتغلون لا توقف على راسهم ، وابو ساره شاوره واسمع منه بيعلمك من واقع تجارب الزباين عنده.

أسعار مبالغ فيها ورد بالأيام والأسعار تتعب معه ولايعلمك الين تاخذ طلبك كامل ثمن يكتب فاتورة وشوف الاسعار
خذ قرض لبعض القطع

زرت خرائط ودروب وتم تحميل خرائط الصحراء للايفون وكذلك تحميله على شاشة السياره وتركيب لمبات لد مخفيه للماكينه والجوانب والباب الخلفي فعلا موقع مميز وعمل ممتاز

اشكر الاخ ابو سارة على حسن التعامل والشغل النظيف

واستغرب من بعض الردود ما ادري حسد او غيره

الشغل النظيف سعره فيه

ودرب الغرابي كلن يدله

فاصل ليد بار سعره عنده ب50
والمواقع ب15 واقل والشحن يجي مجانا! ؟ ؟؟؟؟؟
اسعار فلكيه الله يحفظه

أول مرة أتعامل معهم. وبكل صدق الشغل نظيييييف والتعامل ممتاز جداً وراعي المحل رجل خلوق وبشوش. أنا ركبت عندهم سنتر لوك للراكب ولمبات سهاري. وجدً ممتازة الي يشوفه يحسب انه جاي وكاله. شاكر لكم خرائط ودروب

ما شاء الله تبارك الله اوهني صاحب المحل ابوسارة على أخلاقية الفاضلة و حسن تعاملة مع الزباين مع اني لم أجد حاجتي عندة لكن ساعدني في ارشادي لمحل آخر و قام بالاتصال فيهم و التوصية جزاه الله خيرا و بارك له في ماله

مخصص لتحميل برنامج الخرائط في الجوال و على شاشات السيارات وتجهيز السياره من لمبات لد و افياش أنصح بزيارته

ركبت عنده خرائط على جوال جالكسي وكذلك لمبه للعفش ابو ساره يكفي انه واقف على المحل بنفسه ويوجه العمال الله يرزقه من واسع فضله

جالس من العصر مابداء في شغل الا المغرب وكان ابوسارة طالع والعمال الي في المحل تعبانين مرهـ يوم وصل ابوسارة للمحل فك كل الي ركبة انسان مايتفاهم ابد عصبي وبضاعته غاليه مرهـ مرهـ اخر مرهـ اجي للمحل في محل في المرسلات افضل منه بكثير

كنا نتمنى تحديد اوقات العمل بدقه في قوقل ماب اسوةً بغيره من المحلات ، الحضور للمحل من اماكن بعيده وتتفاجأ بأنه مغلق وتنتظر بحدود الساعه على امل ان يفتح واخيراً يكون عناء الطريق والانتظار هباءاً منثوراً

المحل ممتاز ومتخصص بتركيب الشاشات وببرمجة الخرائط وبالأخص البرية.
صاحب المحل عمله ممتاز ومتقن.
بس في شيء واحد لو ينزل اسعاره شوي بيكون محل مثالي.

ماش سعره غالي بالحيل رحت له 3 مرات مره مبالغ بالأسعار دبل ، قياساً بالمحلات المشابهه لمحله مره غالي الله يهديه ابو ساره صح شغله جيد وخلوق صاحب المحل بس عيبه السعر دبل ، لو زياده بسيطه ماعليش بس انه عالي مره وهذي في ذمتي من تجربة اكثر من مره

Went there twice with a friend. My friend wasn't happy with services (map app installation) that the owner provided him. The reason was that the application installed was already in there in my friend's device, but the owner still had charged my friend extra; which doesn't make any sense