احب اشكر الإنسان الراقي والمبدع مجد فن الخيال البديعه على مجهوده معاي وحسن التعامل وشغل راقي من أفضل وارقى الأشخاص اللي اتعامل معه ف الدقه ومساعدتي ف الاختيار دايم يسعدني الله يسعده دنيا وآخره
تعامل الحرمه سيء جبت ورد طلبت تغليفه زادت السعر دبلت ثلثين السعر بسبب ان الورد من برا و تبريرها اسوء تقول اذا جبتي وش فايده ليش فاتحه! مدري تحسب نفسها زهرة الربيع انت محل تغليف هدايا ولو جبت بوكس مثلا كيكه بتقولين ما اغلف بوكس محل وزياده عليه طريقه تغليفهم للورد فيهم بخل في الورق نفسه يقصص الورق اقسام صغيره ويلصقها وبعد ماخلص من بين الورق تشوفين بينهم فراغات
مايستحقون نجمة حتى بس عشان أكتب تقييمي ما أنصح بالتعامل معهم سيئين خدمة وجودة وأسعارهم مرتفعة بشكل غير متناسب مع التجربة كاملة ****تحديث للتقييم*****
صاحب المحل هددني اذا ماحذفت تعليقي اللي فوق يرفع "قضية تشهير"
رغم أني سجلت رأيي الخاص تجاه الخدمة والجودة المقدمة وعندي صور تثبت جودة الهيليوم وسبق تواصلت معه وشاركته كيف أن الهيليوم سيء للبلونات اللي طاحت منسمة بالأرض خلال ساعات وأني دفعت عليه سعر مرتفع جدًا مقابل بس تعبئة الغاز!
لكنه ماتجاوب وأنكر فما أدري وش مزعله اذا واثق من جودة عمله من حق كل عميل يبدي رأيه أزعجني بالتهديد باتصالات من أرقام غريبة وواتس اب لحذف التقييم وهو يعبر عن ١٪ من تجارب عملاء آخرين هنا الا اذا كان هو شاك بخدمته وبجودته السيئة فهذا شيء ثاني.
اخيرًا "بدال السعي وراء التقييمات الإيجابية والله اعلم اذا كانت حقيقية حسّن خدماتك وجودة التعامل ليتم كتابة تقييم تجربة عميل فعلية ولا تهدد الناس بشيء مايحق لك فيه"
صراحة اسم على مسمى صدق فن الخيال تم زيارة المحل 3 مرات وبإذن الله راح اكون زبونة دائمة وبكل مرا اخذ بوكيه يطلع احلى من الثاني برضوا تعامل الموظفة جداً جميل وراقي وخدومه وتعطي من قلب ️ وذويقة لأبعد حد
بطيئين جدا ومافيه حسن تقدير لوقت الزبون اللي بيطلب بوكيه واحد وقبله زبون بيسوي ٣٠ بوكيه انتظرت في المحل ساعتين كاملات وانا طلبي ما اخذ ١٠ دقايق العمل متقن والاسعار نفس غيرهم
المحل مرتب وحلو بالرغم من انه صغير. طلبت نوع من الورد وماحصلته وخذت غيره وسوا لي الهدية بشكل سريع وكويس لكن اللي ماعجبني السعر صراحة مبالغ فيه ونفسية الفلبيني اللي يشتغل يكره الواحد يجي مرة ثانية
اخترت المحل لان التقييمات كثييره واغلبها ايجابي لكن شغل الرجالين والبنت اللي معاهم ما كان مرتب … وللأمانه واحد من الرجال ايده خفيفه وعنده خبره اكثر من الثاني. بس بالنهاية البوكسات جانتي معرفطه وورق التغليف عليها ماهو مستوي تحسها تحتاج كوي بالبخار رغم ان البوكسات مربعه يعني ماهو شكل صعب يتغلف … والله شكلها كأني انا غلفتها بنفسي او عطيت السواق يغلفها ️ … وكنت احسب انهم راح يعطوني خيارات فيونكات حلوه بالشرايط بما ان هذا اختصاصهم لكن ما يعرفوا غير الفيونكه العاديه اللي كلنا نعرفها من كنا صغار … وخفت اتفلسف واطلب شكل فيونكه ما عندهم خبره فيها ويخرب شكل الهديه زياااده واتحسف … صراحة مره ضاق صدري ع شكلها لانها هديه تخرج اختيي وتعبت ب اختيارها … طبعا بخصوص تنسيقات الورود واضح المحل شغله ممتاز والدليل تقييمات الزباين لكن تجربتي في تغليف هديه اختي كانت مو حلوه
بالنسبة لتغليف الهدايا محل فاشل والعاملين الفلبينيين استغربت أن خبرتهم ضعيفة ومحدودة بتغليف الهدايا ويحاولون إتمام الشغل بسرعة وبدون دقة وتأني. شيء مؤسف لما الهدية تكون ثمينة والتغليف يوحي بأنها رخيصة
اشكر الاخ عبدالله على تنسيقه شبكة زواجي وبيض الله وجهه مثل ما بيض وجهي والله يبارك له شغل نظيف ويستاهل التقييم والمحل نظيف ويفتح النفس ويمثل شبابنا السعوديين
بدايةً أشكر محل فن الخيال و فريقه المتميز على صناعة هدية مناسبتنا الغالية بشكل فاق التوقعات تبارك الرحمن. و نخص بالشكر الأستاذ عبدالله على اهتمامه و حرصه و اشرافه الشخصي على تفاصيل علبة الشبكة و ديكورها و جميع محتوياتها. سيكون المحل الوحيد الذي سأقصده مباشرة بمشيئة الله في جميع مناسباتي الصغيرة و الكبيرة. بارك الله لكم في رزقكم و عملكم و ابداعكم و تميزكم ووفقكم دوماً للخير و النجاح
استغلالي درجة أولى وتعامل أسوء من السيء للأسف ان هذي التصرفات تطلع من صاحب المحل اول واخر تجربة
(تعديل ردا على كلامك بأنك تطالب حقك ٦ ايام غير صحيح ولو عندك شبكة كان دفعت الوالدة من اول زيارة وقبل ان تستلم اي شيء منك ولكن كبيرة بالسن وعندها مشاكل بالمشي وعادي تدق عليها وتضايقها بالجوال والواتس عشان مبلغ تافه ولو عندك شبكه كان ماصار اللي صار بس كل هذا عشان توفر على نفسك كم قرش وهو مطلوب منك من الحكومة انك توفر شبكة وعليها مخالفة والإستغلال انك تعرف طلب الزبون وتعرف انه محتاجه خلال ٣ ايام تقوم تزيد السعر ومع ذلك وافقنا) نصيحه لحد يتعامل معك بالواتس تراه بيغثكم
محل راقي وفخم ودائمًا يجيبون كل المنتجات الرائجه وتغليفهم وباقاتهم مميزة وأنيقه وتشرف هذا غير تعامل صاحب المحل المتعاون والمحترم جدًا. يستاهل مليون نجمة
جايه لهذا المحل من مكان بعيد بسبب التقييمات وشفت بالمحل العكس! تقريبا انا اللي غلفت هديتي بدون اي افكار من العامل الفلبيني اساسا يفتقد للمسات الانيقة وشغله الصراحة ما اعجبني ابدا حسافة البانزين على هالمشوار بس
الجوري للهدايا والتغليف مميزة ورائعة من حيث الديكورات الجميلة وطرق التغليف الكثيرة بإمكانك اختيار ما تحب من الديكورات الجميلة للهدايا مهما كانت الهدية لها طريقة خاصة فيها ومن حيث السعر ارخص من كثير من محلات الورود المجاورة.