تجربة سيئة جداً جداً جداً يشهد الله ماظلمتهم ولكن والله ماتستاهل ربع المبلغ اللي دفعته حشرات وقرف ونامس يقطع جلدك ماتعرف تجلس دقيقة وقسم بيت الشعر خايس وفرش متهالك واثاث يسد النفس
يوم دخلت الطائف إتصلت على المصري على الإتفاق ١٠إتصالات كلها مشغول ثم وصلت قبل الفجر بساعة المكتب مافيه موظف والمصري ما يرد دورت العماله نايمين دخلت عليهم وقومتهم يفتحون لي خدمة سيئة للغايه وانا وعائلتي واقفين برا ومعي أطفال دخلت الخدمة سيئة الهندي الي فتح لي يكلمني من طرف خشمه والسعر ١٣٠٠ غرفتين وصاله ومسبح غالي جدا مقابل الخدمة السيئة ومكان مو فخم أشوف أنه المفروض مايتعدا ٤٥٠.
شكرا منتجع الوسام حقيقة وامانه من أفضل المنتجعات اللي نزلتها في الطايف مخطط الوساط خدمه فندقيه ومسبح نظيف جدا جدا وساخن يشعرك بالاسترخاء والراحه مكان يستحق الزياره
جميل واثاثه فندقي وخدمات فندقية مميزة فيه غرف نوم نظيفة والمسبح فيه فلاتر ونظيف وصاله فخمه ودورات المياه الله يكرم الجميع نظيفة جداً حلوه لعائلة واحدة او جمعة بنات.
الشاليه نظيف ومخدوم ومرتب يعيب عليه وجود سماعات ضخمه في كل شاليه. فإذا انت تبي تروق وتنام بدري بهدوء وبدون إزعاج فلا أنصح تسكن فيه. قمت من النوم أكثر من مره بعد منتصف الليل بسبب إزعاج اللي ساكنين في الشاليه اللي خلفنا
مكان جميل ونظيف أكثر الفنادق ماتحصله بالمستوى هذا وكل ما تحتاجه موجود ومجهز النظافه ممتازه الغرف نظيفه دورات المياه مجهزه بمناشف وصابون وشامبو وفرشاة أسنان يعني أعتبره مكان VIP وموظف الاستقبال من الجنسيه السودانيه قمه في الأخلاق
السعر ٦ الموقع ٨ النظافة ٧ دورات المياه ٦ التكييف ٥ مزعج في الشاليه اللي اخذته الهدوء ٨ الانترنت ١٠ المسبح ١٠ الخدمه ٨ لايوجد فرش إضافي الا بالطلب لايمكن تغيير أماكن الأسرة
غالي جدآ وين السياحه عنهم اسافر الخارج ارخص من اقامه يومين عندهم ردكم اكبر دليل على ثقافة العاملين لديكم الحمد لله ربي منعم علي ولكن اضطريت وسكنت لديكم وكانت تجربه سيئه بكل المقاييس يكفي الناس تشوف ردكم لانه اكبر دليل على صحة كلامي المشكله ماتستحقون ولا نجمه وتتكلمون في الاحباط وانتم محبطين سبحان الله
المكان نظيف تماما وكل شي يعمل به وصيانة جيدة المسبح والتدفئه الخاصه من ابدع مايكون الغرف والصاله والمطبخ بملاحقاته غساله مكرويف ثلاجة والتكييف بجميع الادوات السوبر ماركت بجانب المكان متوفر به كل شي وقسم لبيع القهوه والمكسرات ومواد النظافه وجميع المنتجات ومغسله ملابس قريبه ايضا اتمني اعادة الزيارة بصدق انصح بزياره دون ندم واقيم المكان الافضل بمنطقة الشفاء ٩ من ١٠ واشكرك صاحب المكان والعاملين على الابداع في المكان وتوفير جميع الخدمات والتماس حاجة البعض في الفخامه والجمال لقضاء افضل الاوقات لديهم بهذا المكان.
المنتجع راقي من حيث المكان و النظافة وكحجم مناسب جدًا لعائلة صغيره من اربع افراد و حوض السباحة البرايڤت نظيف مجهز بجهاز تدفئة وجميع خدمات متوفره ومجهزة و موظف الاستقبال متعاون يستاهل ارجع احجز فيه مره ثانيه
جميل ونظيف ومرتب المسبح ٦*٤ يعتر صغير والعمق من متر ل متر ونص يمتاز بقرب، المحلات التجاريه حوله تروحها مشي ع رجولك يعيبه مافيه دفع عبر الشبكه ولو اضافو مشب في الحوش الصغير كان أجمل واكمل والكامل الله
مريح وممتاز ونظيف وفيه غسالة ومايكرويف وادوات المطبخ والمسبح ماء دافئ ومناسب للاطفال فوق 5 سنوات او تشريلهم عوامات من نفس ادارة الشاليه. او من البقالة. بجواره سوبرماركت ومغسلة والمسجد قريب جداً يعني ان شاء الله ما تندم. وسط الاسبوع 800 الشقة الغرفتين ، تامين 500 هات كاش لان ما عندهم شبكة.