Swiss Taste

الي يفكر يتوظف عندهم نصيحه لوجهه الله لاتتوظفو اسوء شركه واسوء ادارة تتعب وتشتغل ولا يفكرو فيك كرفوني كرف بالعشر الاواخر مافي الا موظفه وانا وزحمه شفت الظهر ولا ينزلو معانا احد ولا تقدر تجلس من تعب واقفين ست ساعات وعليها وفوقها ولا يعطوك فلوسك الا بعد اسابيع وشهر وناقصه كمان مو كامله ويلا انتظرو كمان شهر تاخذو الباقي عشان الحاجه ولا والله محد يتوظف عندهم لو رواتبهم ٥ آلاف لا تتوظفو سيئين جدًا جدًا الناس تاخذ رواتبها وتجي رواتب شهر تاني وانت لسا كويس اني موسميه خلص رمضان وخلص العيد وبعد ١٦ يوم اعطوني بس حق شهر رمضان بدون الاوڤر تايم والحين ٢٨ شوال ولا اخذت شي ولا احد يرد عليكم تطالب في حقك كانك تشحذ منهم ومداومه قبل رمضان اربع ايام ومكتوبه في عقدي ولا اعطوني ريال منها واكلمهم مايردو ينهبوك عيني عينك تكلمهم يقولو كلمو الموارد البشرية تكلم ذول من اسابيع مايردو رواتب ماتنزل الا الشهر التاني وممكن نهايته حسبي الله فيهم وكفى ظالمين والله ظالمين الواحد يبي حق تعبه يحتاجه وهم ولا يفرق معهم اهم شي مبيعاتهم وانت يالموظف طز فيك حسبي وكفى فيهم والله لا اسامحهم لا دنيا ولا آخره

تم طلبية تعبئة صحون ل مناسبة زواج عندي وتم تحديد الانواع اللي اخترتها وعند الاستلام لم يتم طلبي حسب رغبتي والاصناف غير متوفرة في المحل ، حيث انني من ذوي الاعاقة وتم الانتظار طويلاً في المحل لتعديل الصحون ،، حابه اشكر الاستاذه سميه لتعاونها معي.

كل حاجة متميزة بمعني الكلمة في فرع المروة اولا من الضيافة الجميله من الموظفين مذاق و جودة و سعر ما شاء الله عليكم
و اخص بالشكر و التقدير ا / عائشة هتخليني ازوركم دايما ان شاء الله جزاكم الله خيرا

تعامل راقي من موظفات المحل حقيقي محترمين بعد مارحت محل مشهور فالفيحاء وتعاملهم السيء خلاني ابطل اشتري منه لدرجة حتى فالتذوق يقولك اشتري ربع كيلو وذوقي? رجعت للمذاق السويسري وتذوقت الاصناف اللتي ارغب بشرائها واخذت ٧ كيلو حلاوة العيد من عندهم والبنات كان جداً متعاونات وبشوشات تبارك الرحمن

اول تجربة. منتجاتهم تستاهل الشراء مبلغ الشكولاته معقول جدآ 150ريال للكيلو ولديهم اكثر من 8 أصناف من الحلويات

طعم الشوكولاته جيد جيدا والحشوات متنوعه والسعر ممتاز

بس طاقم المبيعات اللي في فرع المروة يبغالهم تدريب كيفية التعامل تحت الضغط وكثرة العملاء

عجبتني صينية صغيره بي١٨٠ وطلبت اذوق الانواع االي بداخلها. خفت انها تروح عليه لو خليتها مكاني مسكتها وواقفه بذوق جاتني الموظفه بأسلوب بااايخ وكأنها بتقول لاتسرقينا! ؟؟؟؟ اسلوبها خلى الواقفين ينتبهو عليها ويطالعو علينا كان المنظر بايخ ولو كان لثواني المشكلة المحل مليان ناس وصواني وصحون الارض مافيه شبر فاضي محد شايف مين الداخل والخارج ومين حاسب ومين ماحاسب الدنيا هيصه وزحمه وغوق اني اتحملت كل الازعاجات دي

تجي الموظفه يعني عامله فيها انها لقطتني تسألني دفعتي الصينية وعيونها تبغى تطلع من النقاب ؟! ؟
قلتلها لا لسه. خايفه يروح عليه الصينيه وابغى ادوق انوعها سحبتو مني لحد ادوق واقرر. اسلوبها كان بايخ جدا مو مناسب للمكان ولا مستواه

لو انا حراميه اخد صينية وألفت انتباه الموظفات واقولها بدي اذوق النكهات؟؟؟ واوقف بجانبهم وانا بذوق! ؟!

ولما غيرت رايي وقلت لوحده تانيه ابغى بالكيلو بعض الانواع اللي في صينية ماعجبتني ابغى ربع ويفر و ربع نوتيلا و ربع بكريمة اللوز. تقوم تجهز طلبي بوزن كيلو
ولما قلت لها انا ماطلبت كيلو زعلت قالت يعني تبغي ٧٥٠ غرام وبرضو اسلوبها زفت واضح انها انزعجت كيف ما اخدت اللي هي جالسه تجهزو بكيفها
للأسف جنبكم جاناش وقريب منكم شوكولاين وباتشي ياكثر فروعهم وبيت الكاكاو كلهم جربتهم ماعمري خرجت وانا مزعوجه بالعكس خدمة تشرح القلب وكمان يزودو شويه في غرامات كهدية و يكسبوكي عميله بكل الابتسامه وطولت البال والاسلوب المنمق المحترم اللطيف
ان شاء الله اول واخر تجربه

الصراحة اول مرة اجرب من عندهم الشوكولاتة واخر مرة بإذن الله من اسوء التعامل اللي مر علي مافي اي تقدير للعميل رحت لهم بتوصيه من شخص عزيز وغالي علي والمشكلة كلمت اخواني واخواتي وكلهم جو معي واخذو لبيوتهم لكن بأسلوبهم هذا راح يخسرو عملاء والكل راح يقاطعهم الصراحة انا عميل لدى باتشي اكثر من ١٥ سنة وهذي اول سنة القى زحمة عندهم قلت خليني اغير واشوف السوق واجرب الجديد لكن اتضح لي كان خيار سيئ للامانة بس ان شاء الله السنة الجاية من بدري ارجع لباتشي دار الشوكولات ودار التقدير و الاهتمام بالعملاء غلطت عمري نزلت نفسي لمستوى لوكل (عمار ياباتشي عمار)

أسواء موظفين و إدارة و خدمة عملاء
موظفين ما يعرفون أنه في تطبيق و موقع لكم
و خدمة عملاء تسألها شي تقولك خذ رقم الفرع اسالهم هههههههههههه
و موظفة الفرع ترد مرتين مرة تقول هي الموظفة و بتسال المديرة بعدين تقول هي المديرة هههههههههههه

تطلب كيلو ويجيك ٩٠٤ قرام بدل ١٠٠٠ قرام أشوفه استغفال للعميل وغش تجاري بغض النظر عن الكمية الناقصة. طعم التشوكليت لذيذ جدا ومتعامل معاهم من معرض القهوة السنة الماضية. لكن للأسف استغفال وغش العميل بهذي الطريقة غير مقبول.
وزنت التشوكليت بميزانين دقيقة جدا (أكايا وتايمور) وأقصى وزن جاني ٩٠٤ قرام. وبعدها وزنت الكرتونين اللي جات فيها الشوكلاته طلع وزن الواحد منهم ٤٩. ٥قرام، يعني حسبوا وزن الكرتون من ضمن وزن طلب التشوكليت بدون تصفير قبل الوزن!

المكان نظيف ومرتب والموظفات محترمات بالنسبه للشكولاته عاديه جدًا ومافيها اي مذاق اعتقد انها صناعه محليه او تركيه ماتستاهل السعر لن اكرر التجربه

روحت فرع المروه على الساعه ٩: ١٠ الليل و استنيت ٢٥ دقيقه المعرض مقفل ادق الباب محد يفتح ولا في احد جوا للعلم انو المعرض اللمبات حقته مفتوحه و كل شي جاهز للبيع و اتصلت على رقمهم الموحد تقولي الموظفه ممكن عندهم جرد كيف عندهم جرد و مو حاطين ورقه على الاقل انو المعرض بينجرد بالطريقه دي راح يخسرو عملاء و انا اولهم ما عاد بروح الفرع دا تجربه جدا سيئه

بصراحة ردا على الاخت حصة
انا عميل من فترة طويلة جدا وجميع الموظفات على مستوى عالي جدا من الاحترام والتقدير والتعامل الممتاز مع العملاء واتمنى كل تعامل المحلات يكون بهذا الشكل

الاخت حصة كانت متشنجة ومنفعلة بشكل غير مبرر ابدا واساءت التعامل والاخلاق

الملاحظة الوحيدة هي نقص بعض الاصناف الغير متوفرة لدي مناسبة واغلب الاشياء غير موجودة

وشكرا

المحل جيد لكن للاسف فيه موظفة سيئة جداً ما تعرف تتعامل مع الزباين تخلي الواحد يكره المحل مافي ذوق ابداً

كانت الشوكلاتة حقهم كويسة بس في عيد الفطر ٢٠٢٢ اخدت منهم كانت جدااا سيئة وطعمها مخزن فيه طعم الكيس والله كنت استحي اقدمها للضيوف

الأسعار معقولة و الشوكولاتة لذيذة.
لكن.
أنا زبون من فترة. وحالياً أصبح تغليف الشوكولاتة أي كلام و بعضها مفتوحة من الأطراف و الاستيكرات على بعضها مفتوحة ولا تلصق أطراف المغلف.
الموظفات تطلب منهم أصناف معينة و تأكد عليهم و تسأل عند الحساب و مع الأسف إذا وصلت من سفرك تجد أصناف أخرى من الشوكولاتة لم تطلبها و لا تجد الأصناف التي طلبتها!

الشوكلاته جيدة ومنوعه النكهات واسعارهم حلوة في صحون مختلفه مابين 180 و 200 و 260 والكميه جيده الخدمه الموظفات اكثر من رائعات

مرتبين تقديماتهم حلوه ولذيذه عندهم حفر على نفس الشوكلاته نفس طريقه بستاني والكيلو عندهم ارخصص ب 100 اقل فرق عن بستاني

لمحبي الشكولاته. الطعم الغريب ونادر ورهيب ومختلف ولذيذ جربو ما راح تندمون بالنسبة للنكهات شي مو طبيعي ومتعدده والاسعار جداً في متناول الجميع. اذا عندكم حفلة او مناسبة عندهم اشياء تبيض الوجه اما من ناحية النظافة فالمحل جداً جداً جداً يفتح النفس ونظيف واما التعامل من قبل القائمين على المحل جداً ادب واحترام وذوق وحسن ضيافه ومافي تعالي وتكبر وتغطرس مثل بعض العاملين في بعض المنافسين. شكراً لكم المذاق السويسري واتمنى لكم الانتشار والازدهار والتقدم والتطوير وشكراً للعاملين بالمحل

تعامل راقي. الشوكلاته عندهم جداً لذيذه وتواجه تنفع للضيوف للعيد وكمان هديه جربت عندهم اكثر من نوع وكلها بصراحه لذيذه

الشوكلت لذيذ وفخم والأسعار مناسبة جدا مقارنة ببقية المحلات والموظفة (عيشه) الله يسعدها و يبارك لها قمة في الذووووق والرقي ومتعاونة و لطيفة جدآ. وفعلا والله خدمة العملاء هم سبب في نجاح المحلات بعد الله

One of the best chocolate places in KSA and I truly loved every taste and shape of their chocolates.
لذيذ جدا ماشاءاللله تبارك الله أنصحكم تجربوهم يستاهلو

انا عميلة دائمة للمحل وزرت لاول مره فرع المروة وانبهرت بالنظافة والترتيب وريحة البخور والضيافة وشكر للموظفة سحر على تعاملها الراقي.

الموظفات جدا تعاملهم راقي. والمذاق السويسري لذيييييذ
لنا عوده مره اخرى يستحق التجربه لكل المناسبات

طعم ولااروع خاصه الي بالرمان والتشيز كيك تناقس محلات عالمية مثل باتشي وجوديفا وغيرها انصح بها وجدا

الشوكلاته لزييزه ، وتعامل الموظفات جيد وحلو. خاصتا الموظفة سحر كانت رائعه وبشوشه وتعاملها حلو ورحب اتمنى يكون مستوى الخدمه والموظفات كدا وافضل.

أول تجربة في العيد شوكولاتة لذيذة وفخمة ، تعامل راقي من الموظفات وخصوصاً بدور انسانه رائعه ، يستحق تكرار الزيارة️

يجننن ذوقهم واحترامهم صدق افخم وارقا تعامل البنات الي بالمروه ربي يسعدهم والشوكليت لذيذه مره وشكلها يواجهه. وشكرااا من قلب

الخدمه روعه والشوكلت لزيزه والاسعار حلوه
والموظفات في قمة الاخلاق صراحه
ان شاءالله يستمر المحل ب طعم الشوكلت والاسعار